OLYMPICS-BOUND JAYSON VALDEZ, ATBP. SA TOPS

ANO ang tsansa ng Pilipinas sa Tokyo Olympics at Paralympics?

Ito ang tatalakayin ng mga bisita sa “Usapang Sports on Air” ng Tabloids Organization in Philippine Sports (TOPS) via Zoom ngayong umaga.

Ibibida ni Tokyo Olympics-bound shooting champion Jayson Valdez ang kanyang mga ginagawang paghahanda para sa quadrennial Games.

Ibabahagi naman ni 2021 Asian Taekwondo poomsae bronze medalist Rodolfo Reyes Jr. ang kanyang journey sa sinalihang torneo sa Lebanon.

Habang ihahayag ni Tokyo ­Paralympics Commissioner Arnold G. Agustin ang mga pinakabagong kaganapan sa limang Pinoy Para qualifiers at kanilang preparasyon sa international multi-sports event for athletes with disabilities sa ­Agosto 24 hanggang Setyembre 5.

Si veteran sportscaster Ernest Leo Hernandez ang moderator ng “Usapang Sports on Air” na livestream sa Facebook at YouTube.

Inaanyayahan ni TOPS president Ed Andaya ng People’s Tonight ang lahat ng officers, members at mga kasama sa sports community na makibahagi sa weekly public service program na suportado ng Philippine Sports Commission (PSC), Philippine Amusement and Gaming Corporation (PAGCOR) at Games and Amusements Board (GAB).

Ang TOPS ay binubuo ng editors, columnists, reporters at photographers sa mga pangunahing national tabloids at iba’t ibang social media groups.

189

Related posts

Leave a Comment