BUO na ang Team Pilipinas para sa 2020 FIBA 3×3 Olympic Qualifying Tournament.
Makakasama sa team sina top two players Joshua Munzon at Alvin Pasaol, SEA Games gold medalist CJ Perez at Mo Tautuaa. Kabilany naman sa reserve list sina karl Dehesa at San Santillan na fourth at sixth-ranked players ng bansa sa 3×3 basketball.
Ang mga nabanggit ay pinili ng Samahang Basketball ng Pilipinas (SBP) sa pamamagitan ng selection committee nito sa pamumuno ni Executive Director Sonny Barrios, kasama sina Eric Altamirano, Jong Uichico, Patrick Aquino at Ronnie Magsanoc.
Magsisilbi namang head trainer ng team sina former FIBA 3X3 World Tour Most Valuable Player Stefan Stojacic at kilalang Serbian conditioning coach Darko Krsman.
“It is an honor for the Philippines to be with the top 20 countries vying for seats at the 2020 Tokyo Olympics. We ask our countrymen to rally behind our Team in its quest to be part of the Olympiad,” lahad ni SBP president Al Panlilio sa official statement nito.
Nakatakda ang 3×3 OQT sa Marso 18-22 sa Bengaluru, India, kung saan 20 ang kumpirmado nang kalahok na koponan – 4 pools na may tig-5 team.
Ang top two teams mula sa bawat pool ang aabante sa playoffs at ang top 3 teams ang magku-qualify sa 2020 Tokyo Olympics.
Kasama ng Pilipinas sa Pool C ang Slovenia, France, Qatar at Dominican Republic. (VT ROMANO, ANN ENCARNACION)
65 
