TWINKILL TARGET NG PINAY RIDER

ariana12

(NI JOSEPH BONIFACIO)

TWINKILL ang hangarin ng bike sensation na si Ariana Dormitorio ngayong taon.

Una, ang makasiguro ng ouright berth sa 2020 Tokyo Olympics sa pamamagitan ng Asian Bike Continental Championships sa Lebanon at pangalawa, manalo ng gintong medalya sa 2019 Southeast Asian Games na gaganapin dito sa bansa sa Nobyembre.

“This will be a very crucial year because all of the things that we’ve really worked hard for, eto na yun,” ani Dormitorio sa ginanap na Philippine Sportswriters Association (PSA) Forum kamakalawa sa Amelie Hotel sa Maynila.

Unang sasalang ang 22-anyos na si Dormitorio sa Asian championships sa Lebanon na nakatakda mula Hunyo 25 hanggang 28 kung saan nakataya ang tsansa niyang makaabante sa 2020 Summer Games sa Tokyo, Japan.

Kampeon ng Asian Mountainbike Series, paborito si Dormitorio sa Asian  championships kung saan nakalaban niya rin ang mga karibal sa ginanap na Asian Games noong 2018 sa Indonesia.

Subalit hindi pa rin magiging madali ang karera ayon kay Dormitorio lalo’t makakalaban niya ang mga pinakamagagaling na riders sa Asya mula sa China, Japan, Iran at Kazakhstan.

“I’m confident naman din that somehow I really have a fighting chance to win the gold in the upcoming Asian Continental Championship,” dagdag pa niya.

Bilang paghahanda sa naturang mga karera, sasali rin si Dormitorio sa sa UCI-sanctioned mountainbike race sa Japan sa susunod na buwan.

Kasama rin sa paghahandang iyon ang pagsalang niya sa SEAG kung saan tangka niyang sungkitin ang ginto sa harap ng mga kababayan.

“My goal in the SEA Games is to win the gold, and I’m happy that somehow, I am regularly competing against those riders from Southeast Asia, so more or less, I am already very familiar with them,” ani Dormitirio sa mountain race na unang event ng SEAG sa Tagaytay City.

“I’m really looking forward talaga sa SEA Games kasi it’s homecourt siya and I’ll really take advantage of it.”

Sisiklab biennial regional tournament sa mula Nobyembre 30 hanggang Disyembre 11.

124

Related posts

Leave a Comment