BANAT NI BINOE SA ABS-CBN INTERES NG EMPLEYADO UNAHIN NI: NELSON S. BADILLA

KAKAMPI ng ABS–CBN Corporation si Robin Padilla sa kagustuhan ng kumpanya na makakuha ito ng panibagong 25 taong prangkisa, ngunit tahasang nanawagan ang “Bad Boy of Philippine Movies” sa mga may-ari at pamunuan ng nasabing kumpanya na unahin nito ang kapakanan ng kanilang mahigit 11,000 mga empleyado.

Ipinasasama din ni Padilla ang kapakanan ng mga manggagawa sa misyon at bisyon ng ABS-CBN.

Ang misyon ng ABS-CBN ay: “We exist to inform, educate, and entertain through creative content for any distribution platform. We innovate, diversify, and expand into enterprises where our expertise in content creation opens new business and service opportunities.”

Ang bisyon naman ng kumpanya ay: “Transforming lives by changing the media landscape.”
Ang kapakanan ng mga nagtatrabaho sa ABS-CBN na tinumbok ni Padilla ay ang kasunduan nina Liza Diño, pinuno ng Film Development Council of the Philippines (FDCP) at Silvestre Bello III, kalihim ng Department of Labor and Employment (DOLE) na magpapabuti sa pagtatrabaho ng lahat ng manggagawa sa showbiz industry ng bansa.

“I am for ABS-CBN renewal, pero include the agreement of Chairwoman Liza Diño and Secretary Silvestre Bello in the[ir] mission and vision,” saad ni Padilla.

Ayon sa ABS-CBN, mahigit 11,000 ang nagtatrabaho sa iba’t ibang opisina at palabas ng kanilang kumpanya, kasama na ang mga reporter, cameramen at drivers.

Hindi naman nito nilinaw kung lahat ay regular o kasama na ang mga kontraktuwal o extra sa mga teleserye nito.

Sunud-sunod na ibinandera ng ABS-CBN sa mga news program nito na nanganganib mawalan ng trabaho ang mahigit 11,000 manggagawa nito kapag tuluyang ipinasara ang binansagang “Kapamilya Network.”

Masyadong mainit na balita ang prangkisa ng ABS-CBN makaraang maghain ng petisyong “quo warranto” si Solicitor General Jose Calida sa Korte Suprema tungkol sa prangkisa ng dambuhalang media company ng pamilya Lopez at ang subsidiary nitong ABS-CBN Convergence Inc.

Sa pagsasampa ng quo warranto, hiniling ng abogado ng pamahalaan sa mataas na korte ng bansa na “ipawalang bisa” ang prangkisa ng ABS-CBN at huwag nang bigyan ng panibagong prangkisa dahil sa litanya ng paglabag umano nito sa batas upang makapagnegosyo bilang media firm.

Kabilang sa nilabag ng kumpanya, ayon kay Calida, ang pagbibigay ng “Philippine Depositary Receipts” sa mga dayuhang negosyante upang magkaroon ng parte ng pag-aari sa ABS-CBN, labag ito sa Konstitusyon ng Pilipinas, sapagkat media ang negosyo ng ABS-CBN.
Sa Marso 30 matatapos ang 25-taong prangkisa ng ABS-CBN na nakasaad sa Republic Act No. 7966.

Ayon sa R.A. 7966, nagsimula ang prangkisa noong Marso 30,1995.

Ang aksyong ito ni Calida ay mistulang posporong nagsindi upang mag-apoy ang napakainit na isyu ng prangkisa ng TV network.

Dahil dito, sunud-sunod na ang pagbabalita ng mga news program ng ABS-CBN hinggil sa umano’y ‘kahalagahan’ at ‘kawastuhan’ sa muling pagbibigay ng Kongreso ng panibagong 25-taong prangkisa sa kumpanyang pag-aari ng pamilya Lopez ng Iloilo.

Ang mga argumento ng ABS-CBN tulad ng posibleng mawalan ng trabaho ang mahigit 11,000 empleyado ng kumpanya na nagpapakain ng mahigit 11,000 ding pamilya ay ibinalita rin ng news programs ng ibang media companies.

Ang iba pang dahilan ng ABS-CBN upang tumagal ang pagnenegosyo nito ng karagdagang 25 taon ay pagsupil sa malayang pamamahayag, malaking kasiyahang ibinibigay sa mga Filipino na nagtatrabaho sa ibang bansa tulad sa Amerika, malaking tulong nito sa mga pangkaraniwang mamamayan at marami pang iba na nasalanta ng sunog, bagyo at iba pa.

Maging ang mga sikat na artista ng ABS-CBN ay kinunan ng pahayag ng mga reporter ng nasabing kumpanya upang ipamukha sa Kongreso at maging kay Pangulong Rodrigo Duterte na maraming naghahangad na magtuluy-tuloy ang operasyon o negosyo nito.

Ngunit, si Padilla na nagtrabaho sa ABS-CBN sa maraming proyekto sa matagal na panahon ang naghamon sa kapwa niya “superstars” sa pelikulang Filipino nitong Pebrero 13.

Sabi ni Padilla, maging sa mga sikat na artista sa GMA – 7: “God is Great! Para sa mga superstar ng ABS-CBN at GMA, hinahamon ko kayo, humarap nang live at ipagtanggol n’yo ang mga network n’yo [na] ilabas natin ang mga contract natin at ikumpara natin sa mga kasama natin sa trabaho sa taping at shooting, ipakita natin sa taumbayan ang tinatamasa natin sa mga network natin at ang tinatamasa ng sinasabi ninyong ipinaglalaban ninyo na ‘wag mawalan ng trabaho.”

“Gusto n’yo pala itama ang mali, abay umpisahan natin sa una. [P]ag-usapan muna natin ang tamang suweldo, benepisyo at tamang oras ng mga trabaho ng mga kasama sa taping at shooting bago ninyo ipaglaban ang karapatan ng kumpanya, unahin n’yo ‘yun taong kumpanya na kasama n’yo sa bawat araw sa location at ‘wag n’yo proteksyonan lang ang regular employees. [P]aano ‘yun mga hindi regular?,” patuloy ng aktor.

Isa si Padilla sa mga aktor na malaki ang bayad sa bawat palabas o pelikulang siya ang bida.

Read More

ROBIN PADILLA HINAMON ANG STARS NG ABS-CBN AT GMA-7

EARLY this year, nagtataka ako bakit tila kampante ang kampo ng ABS-CBN, considering na sa March 31, 2020 na mag-e-expire ang franchise nila o ang paggamit nila ng frequency na gamit nila ngayon para mag-broadcast.

Just this week, nag-file sa Supreme Court si Solicitor General Jose Calida ng quo warrato petition para ipawalang-bisa ang franchise ng ABS-CBN bago ito mag-lapse sa March 31. Kung wala nga namang franchise, walang ire-renew na contract!

Itong move na ito ang hindi inaasahan ng Dos. Kaya ngayon lang sila nag-panic. Without this quo warranto case kasi, hindi naman titigil ang operation ng Dos hangga’t hindi inaaksyunan ng Congress ang renewal ng franchise. At sigurado namang papasa ito – both sa Lower House at sa Senado. At kung i-veto man ito ni Pangulong  Duterte, babalik lang ito sa Kongreso at pwede nilang baligtarin ang veto ng pangulo.

But this quo warranto case is a different animal, ‘ika nga.

ABS-CBN STARS AND POLITICIANS

At ito rin ang dahilan kung bakit ngayon lang – sa home stretch kumbaga – naglabasan ang apela ng Kapamilya stars para sa mabilis na pagdinig ng franchise renewal ng damuhalang network.

Ang iba ay apela, ang iba naman ay patutsada ang pinost sa socmed accounts nila. Kasama na rito sina Maja Salvador, Joshua Garcia, Kaye Abad, Karla Estrada, Ogie Alcasid, at Regine Velasquez.

Marami ring politiko ang suportado ang renewal ng franchise ng Dos, kasama na sina Rep. Lito Atienza na ang anak na si Kim ay talent ng Dos, at si Rep. Sol Aragones na dati ring Kapamilya talent.

KAPUSO AND OTHER NETWORKS

Pero hindi lang Kapamilya stars ang nag-iingay ngayon. Pati ang mga Kapuso o taga-GMA 7, ang “mortal enemy” ng Dos pagdating sa ratings war, sumusuporta rin sa renewal ng franchise ng Dos.

Pinaka-vocal dito ay si Kapuso Dingdong Dantes. Sabi niya sa isang post: “Magkaiba man ng bakod, we are one in the media industry. We have one love for the many talents and crafts under this Network, the products and output of which, directly or indirectly, benefit the lives of millions of Filipinos.” Sinabi rin niya na dapat isantabi ng mga politiko ang politika at pairalin ang batas. “In the end, I pray that the true interests of the people, under the rule of law, will prevail over any other political agenda conveniently veiled as a counter-measure against alleged abuses,” sabi niya.

ROBIN TO THE GOVERNMENT’S RESCUE

Sa kanyang socmed post noong February 11, sinabi ni Robin Padilla – na maituturing na Kapamilya dahil ang huling proyekto niya ay sa Dos – ang batas ay dapat patas para sa lahat.

“Mayaman o Mahirap may kapangyarihan o wala sikat man o hindi ang lahat dapat ay pantay-pantay sa harap ng Batas dahil ang hustisya ay walang tinitingnan o tinititigan, ANG MALI ay MALI at ang TAMA ay TAMA, walang maybe o exempted, ang lahat ay mananagot kapag lumabag sa batas.

“Panay na nga ang labag natin sa batas ng Diyos napakapambihira naman kung pati batas ng tao lalabag pa rin tayo. Anong klase na tayong tao at lahi…”

FEBRUARY 12 POST

Ito ang post ni Robin noong Miyerkoles, February 12 (as is). Reaction ito sa kanyang naunang deleted post kung saan binanatan siya ng haters.

“God is great!!! Sabi daw ng netizens Nilaglag ko daw ang network ko, Wow! Mga kababayan, kahit na sino, kahit kaibigan ko, kapatid ko, kapamilya ko at kamag anak ko kapag lumabag ka sa batas dapat kang magbayad sa batas dahil ako nagbayad ako ng tatlong taon sa loob ng Kulungan/Piitan/Bilibid dahil nagbayad ako sa kasalanan ko. Ano bang kinakatakot natin para sa ABSCBN?”

Sinabi pa niyang may tiwala siya batas at “no one is above the law”. Wala raw dapat ikatakot ang walang kasalanan.

FEBRUARY 13 POST: ANG HAMON

Ang post ni Robin noong February 13 (as is): “God is great!! para sa mga superstar ng ABS-CBN at GMA, hinahamon ko kayo, humarap nang live at ipagtanggol nyo ang mga network niyo ilabas natin ang mga contract natin at ikumpara natin sa mga kasama natin sa trabaho sa taping at shooting, ipakita natin sa taongbayan ang tinatamasa natin sa mga network natin at ang tinatamasa ng sinasabi ninyong ipinaglalaban niyo na ‘wag mawalan ng trabaho.

“Gusto niyo pala itama ang mali, abay umpisahan natin sa una pag usapan muna natin ang tamang suweldo benepisyo at tamang oras ng trabaho ng mga kasama natin sa taping at shooting bago niyo ipaglaban ang karapatan ng kumpanya unahin niyo yun tao ng kumpanya na kasama niyo sa bawat araw sa location at wag niyo proteksyonan lang ang regular employees paano yun mga hindi regular?”

Nilinaw rin niya na: “I am for ABS-CBN renewal pero include the agreement of Chairwoman Liza DIño and Secretary Silvestre Bello in there mission and vision una muna tayong magserbisyo sa mga tao natin sa loob natin! sa bakuran natin! bago tayo mangapitbahay.”

Ang tinutukoy niya ay ang napagkasunduan ng FDCP at DOLE na mga patakaran para mapabuti ang kondisyon ng pagtatrabaho sa showbiz industry.

Sa pagtatapos, sinabi ni Robin na: “Hindi lahat sa mundo ay Showbiz at Politics one way or the other the revolution of the people has to be realized!”

O, di ba?

Saan hahantong ito? Kung ako ang tatanungin, mahaba man ang prosesyon, sa simbahan din ng renewal ang patutunguhan ng paradang ito. Pustahan?

 

 

Read More

Atake sa ABS -CBN BAHAGI NG SHAKEDOWN VS OLIGARKO – PM

NANINIWALA ang Partido Manggagawa (PM) na ang pagpapasara sa ABS-CBN Corporation ay “bahagi ng political shakedown” ng administrasyon laban sa mga “orligarkong pinaniniwalaang kalaban ni Pangulong Rodrigo Duterte.”

Sabi ni Wilson Fortaleza, tagapagsalita ng PM, hindi solong kaso ng pag-atake ni Duterte sa mga oligarko ang nangyayari ngayon sa ABS-CBN.

Bukod sa mga Lopez na siyang may-ari ng ABS-CBN, binanatan din ng Pangulo ang mga Ayala dahil sa Manila Water Company Inc., si Manny V. Pangilinan para sa Maynilad Water Services Inc. at pamilya Prieto ng Philippine Daily Inquirer (PDI).

Ang mga Ayala, Pangilinan at Prieto ay itinuturing ni Duterte na kanyang mga kaaway dahil sila ay umabuso sa mga nakalipas na panahon.

Walang nagawa ang mga naturang oligarko, maging ang mga Prieto, laban kay Duterte.

Matatandaang ilang ulit na iwinawasiwas ni Duterte sa media na haharangin niya ang “renewal” ng prangkisa ng ABS-CBN.

Matatapos ang prangkisa ng kumpanya sa Marso 30 ng kasalukuyang taon.

Ang pahayag ni Duterte ang dahilan kung bakit hanggang ngayon ay hindi pa kumikilos ang dalawang kapulungan ng Kongreso upang ipasa ang mga inihaing panukalang batas para ma-renew ang prangkisa ng ABS-CBN.

Ang pinakabagong aksyon ng administrasyong Duterte ay ang paghahain ni Solicitor General Jose Calida ng quo warranto sa Korte Suprema na nagtatanggal ng prangkisa sa ABS-CBN dahil daw sa paglabag nito sa ilang batas ng bansa.

Binigyan ng mataas na korte ang ABS-CBN ng sampung araw para sagutin ang mga akusasyon ni Calida laban sa Kapamilya Network.

“Ang quo warranto ay mas threatening kaysa iasa sa mga kongresman ang kagustuhan ni Duterte [na magwakas na ang ABS – CBN],” pahayag ni Fortaleza.

Hinihintay ng mga kongresista ang basbas ni Speaker Alan Peter Cayetano upang simulan ng komite sa prangkisa ang talakayan sa mga inihaing panukalang batas para bigyan ng panibagong prangkisa ang ABS-CBN. NELSON S. BADILLA

Read More

KMJS TINALO ANG 2 SHOW NG ABS-CBN 2

GORGY GULA -SWAK-SEESWAK: Binago ng ABS-CBN 2 ang programming nila noong Linggo ng gabi para meron lang makatapat na malakas sa ‘Kapuso Mo Jessica Soho’.

Nagsimula na kasi ang ‘The Voice Teens’, kaya inilagay nila ito sa 8:15 na timeslot na kung saan papasok na ang KMJS ng mag-alas-nuwebe ng gabi.

Kaya sa last part ng The Voice Teens, ang programa ni Jessica Soho na ang makakatapat at sinundan na ito ng ‘Gandang Gabi Vice’.

Kaya bale itong ‘The Voice Teens’ at ‘GGV’ ni Vice Ganda ang nakatapat ng ‘KMJS’.

Pero tinalo pa rin sila nung nakaraang Linggo dahil  naka-16.5 percent ang ‘KMJS’, ayon sa AGB-NUTAM laban sa 11.8 percent ang ‘The Voice Teens’, at 5.9 percent lang ang ‘GGV’.

Pero hanggang end of February na lang ang ‘GGV’ ni Vice Ganda at papalitan na ito ng ‘Everybody’ Sing na siya pa rin ang host.

SUOT NG 3 NEWSCASTERS NG GMA 7 PINAGLARUAN NG NETIZENS

SEE: Pinaglaruan ng netizens ang suot ng tatlong newscaster ng GMA 7 na sina Vicky Morales, Pia Arcangel at Atom Araullo na kakulay ng logo ng ABS-CBN 2.

Ang duda nila, expression of solidarity ang ginawa nila na naka-red dress si Pia, naka-green naman si Vicky at blue suit naman si Atom.

Si Lea Salonga nga ang unang nag-react na tingin daw niya GMA anchors showed their solidarity sa pinagdaanang issue ngayon ng Kapamilya network.

Totoo kayang may ilang stars ng ilang TV network na pinagbabawalang mag-post ng suporta sa ABS-CBN 2?

Maaring nagpaka-safe na lang daw sila para hindi na madamay pa sa mainit na isyung pinag-usapan.

CHRISTOPHER DE LEON NAG-AALALA SA PRODUCTION STAFF NG ABS-CBN PROGRAMS

SWAK: Naikuwento naman sa amin ni Christopher de Leon na normal lang naman daw ang takbo ng taping nila sa ‘Love Thy Woman’ kahit medyo nakaka-pressure na raw itong isyu ng renewal ng franchise ng ABS-CBN 2.

Ang mas inaalala raw nila kasing mga artista ay ang production staff na mga programa lang sa ABS-CBN ang kanilang inaasahan.

“Actually, when I talked to regular workers sa ABS, sila ang worried talaga.

“In short, napa-praning sila kung papano…parang cliffhanger ‘tong dadating na March for them. Kasi kami naman mga entertainers are not under contract with ABS. We can do shows abroad… here and there.

“Workers ang scary for them itong tungkol sa franchise,” pahayag niya nang nakatsikahan namin sa contract-signing niya bilang bagong brand ambassador ng Beautederm.

NORA AUNOR ‘DI NAGPAPATALO SA ASTHMA

SEE: Nilinaw naman ni Nora Aunor na hindi naman naapektuhan ang taping niya sa ‘Bilangan ang Bituin sa Langit’ kapag sinusumpong siya ng kanyang Asthma.

“Kahit na masama ang pakiramdam ko, talagang nagti-taping ako. Hindi ako nali-late,” depensa ni Nora sa sarili.

Pinuri nga siya ni Direk Laurice Guillen na kahit daw nakikita niyang masama ang pakiramdam nito, hindi raw niya ito ipinapakita sa mga eksenang gingagawa niya.

Hindi raw kina-cut ni Ate Guy ang sarili kahit nakikita niyang nahihirapan siya minsan sa eksenang pinagagawa sa kanya.

Okay naman daw ngayon ang kalusugan ng original Superstar. Hindi nga lang daw talaga maalis ang Asthma niya.

“Medyo okay na,” pakli niya nang kinumusta namin ang kalusugan niya.

Tinitiyak naman daw niyang hindi nakaka-apekto sa taping niya sa ‘Bilangin’ kapag nagkakasakit siya.

“Hindi naman. Pag sinumpong lang ako.

“Kasi nagmana ako sa Mama ko may Asthma eh,” napangiti niyang sagot sa amin.

 

 

 

Read More

KATOTOHANAN SA PARATANG SA ABS-CBN

PRO HAC VICE

NAHAHARAP ngayon sa isang  malaking isyu ang number one television station sa bansa – ang kapamilya network/ABS-CBN.

Totoo ba ang ang tinuran ng office of the solicitor general na mayroong mga paglabag ang ABS-CBN sa ipinagkaloob sa kanilang pribilehiyo ng estado nang maglunsad ito ng pay per view channel sa ABS-CBN TV Plus at  KBO Channel nang walang pahintulot o permiso mula sa National Telecommunications Commission (NTC)?

Malalaman po natin yan mga ka-SAKSI dahil sa Supreme Court  En Banc session kahapon ay inaktuhan na ng Korte Suprema  ang “Very Urgent Motion for Reconsideration” ni Solicitor General Jose Calida na humihirit na mapawalang-bisa ang prangkisa ng ABS-CBN dahil sa umano’y ilang paglabag.

Sa ginanap na en banc session ng mga mahistrado ng KS, nagdesisyon ang mga ito na bigyan na ng pagkakaton ang ­respondent o ang ABS-CBN na maghain ng komento sa loob ng 10 araw.

Kasama sa pinagkokomento ng Supreme Court (SC) si Calida quo warranto petition ang subsi­diary ng Kapamilya network na ABS-CBN Convergence Inc.

Nakasaad sa petisyon na inihain ni SolGen. Ca­lida noong Lunes na inabuso umano ng ABS-CBN ang pribileyo na ipinagkaloob ng pamahalaan sa kanila nang maglunsad ito ng pay per view channel sa sa kanilang mga produktong ABS CBN TV Plus at  KBO Channel nang walang pahintulot  ng NTC.

Subalit ayon naman sa ABS-CBN management, pinayagan sila o inawtorisa sila ng NTC kaugnay sa paggamit ng ABS-CBN ng conditional access system software na ginagamit nito sa pay-per-view. Wala ring sinasabi ang prangkisa ng ABS-CBN na bawal itong mag pay per view. Mayroon ding certificate of good standing ang ABS-CBN TV Plus sa NTC noong 2019.

Inaasahang magkakaroon ng maagang desisyon ang Mataas na Hukuman sa isyu dahil paso na o tapos na ang takdang araw na ibinigay ng gobyerno sa ABS-CBN upang gamitin ang kanilang prangkisa. Sa darating na ­buwan ng Marso ang takdang pagkapaso ng permit nito.

Kaya naman mga ka-Saksi, huwag bibitiw sa isyu na ito at kailangang mabatid at masaksihan ng karamihan ang mangyayari. Sa madaling salita kailangang “abangan ang susunod na kabanata.”

 

Read More

11K ABS-CBN WORKERS JOBLESS NA SA MARSO?

MAWAWALAN na ng trabaho sa susunod na buwan ang may 11,000 empleyado at talent  ng ABS-CBN dahil patuloy na inuupuan ng House franchise committee ang prangkisa ng nasabing TV Network.

Ito ang kinatatakutan ni Laguna Rep. Sol Aragones dahil habang hindi kumikilos ang Kamara ay inaaksyunan na ng Korte Suprema ang Quo Warranto petition na isinampa ni Solicitor General Jose Calida laban sa ABS CBN.

Hindi lamang aniya ang mga nasa Pilipinas ang maaapektuhang empleyado ng TV network kundi ang mga naka-deploy sa North America, Europe, Middle East at mga bansa sa Asia.

Itinanggi naman ni Isabela Rep. Tonypet Albano na inuupuan ng komite ang prangkisa ng ABS-CBN tulad ng alegasyon ni Buhay party-list Rep. Lito Atienza dahil may mga pulong bagaman closed door aniya ito.

Napikon naman si Atienza nang mag-close-open ang sesyon ng Kamara nitong Martes kaya duda ito na umiiwas ang liderato ng Kamara na mapag-usapan uli sa plenaryo ang prangkisa ng nasabing TV network.

HANGGANG 2022

Nagkakaisa naman ng pahayag sina Senate President Vicente Sotto III at Isabela Rep. Antonio Albano na aabot hanggang taong 2022 ang operasyon ng ABS CBN.

“They can still operate. If it’s not approved March of 2022, that’s the only time that it’s terminated. As long as may naka-file na bill, it is deemed extended. It has happened so many times with other franchises,” paliwanag ni Sotto.

Ang prangkisa ng nasabing media network ay matatapos sa Marso 30, 2020 at sa kasalukuyan ay nasa kamay na ng Kamara ang buhay nito.

Para naman kay Rep. Albano, vice chairman ng House Committee on Legislative Franchises, alinsunod sa kanilang rules ay maaaring mag-operate ang isang kumpanya na may nakabinbing franchise renewal petition.

Ayon kay Albano, kahit pa mayroong nakabinbin na quo warranto petition sa Korte Suprema ay hindi ito hadlang sa komite na magsagawa ng pagdinig.

UUSAD PA RIN

Aminado rin ang Malakanyang na uusad pa rin ang franchise renewal ng ABS-CBN sa Kongreso kahit pending ngayon ang quo warranto petition na inihain  ng Office of the Solicitor General kontra sa nabanggit na media conglomerate.

Ayon kay Presidential spokesperson Salvador Panelo, independent ang hakbang ng OSG  sa dapat namang maging galaw sa mababang kapulungan patungkol sa pagpapa-renew  ng prangkisa ng ABS-CBN.

Ipinaliwanag ni Sec. Panelo na maaaring gumalaw nang sabay ang  quo warranto petition sa Korte Suprema at ang franchise renewal sa Kamara.

Gayunpaman, depende na aniya sa mga kongresista ang magiging takbo o development sa pagpapa- renew ng prangkisa ng giant network dahil sila-sila lamang ang makapagdedesisyon hinggil sa naturang usapin bilang isang independent branch of government. BERNARD TAGUINOD, NOEL ABUEL, ABBY MENDOZA, CHRISTIAN DALE

Read More

PALASYO ‘HUGAS-KAMAY’ SA PETISYON NG OSG VS ABS-CBN

spokesperson Panelo-ABS-CBN

MISTULANG naghugas-kamay ang Malakanyang nang itangging may basbas ni Pangulong Rodrigo Roa Duterte ang nakatakdang paghahain umano ng petisyon ng Office of the Solicitor General (OSG) sa Korte Suprema na naglalayong hilingin na bawiin ang legislative franchise ng ABS-CBN media network.

Ang katwiran ni Presidential spokesperson Salvador Panelo, trabaho ng SolGen ang ganitong mga usapin.

Sa ngayon ani Sec. Panelo ay hindi pa niya nakikita ang draft ng petisyon kung mayroon man.

Hindi naman naniniwala si Sec. Panelo na may koneksyon ang paggalaw na ito ng Solgen sa mga naunang pahayag ni Pangulong Duterte na magsasara na ang ABS-CBN.

Ang tungkulin aniya ng SolGen ay maghain ng kaukulang petisyon kapag nakita o naramdaman nito na mayroong transgression of franchises sa kahit na anong batas.

Matatandaang ipinahayag ni Pangulong Duterte noong Disyembre 3 ng nakaraang taon na hindi niya papayagan na ma-renew ang prangkisa ng Kapamilya network na nakatakdang mag-expire sa Marso 30, 2020. (CHRISTIAN  DALE)

Read More

PAGDINIG SA PRANGKISA NG ABS-CBN ITUTULOY SA KAMARA

(NI BERNARD TAGUINOD)

IBINASURA ng chair ng House committee on legislative franchise ang alegasyon na ginigipit at nais kontrolin ng administrasyong Duterte ang media sa kaso ng prangkisa ng ABS-CBN.

Sa pahayag, sinabi ni Palawan Rep. Franz Alvarez na itutuloy ng mga ito ang pagdinig sa mga panukalang batas para sa ektensyon ng prangkisa ng nasabing tv network pagbalik ng mga ito sa trabaho simula Enero 20.

“But we should all be reminded that under the law, the grant of a franchise is not a right, but a privilege. This is why we have to hear all sides, and find out if ABS-CBN violated the provisions of its franchise,” ani Alvarez.

Gayunpaman, nilinaw ng mambabatas na walang nagaganap na paggipit sa media tulad ng alegasyon ng ilan dahil sa pahayag ni Pangulong Rodrigo Duterte na ibenta na lamang ang nasabing TV network.

Hindi lingid sa kaalaman ng marami na galit si Duterte sa ABS-CBN dahil hindi umano iniere ng nasabing network ang kanyang political ads noong 2016 preidential election kahit bayad na ito.

“The issue involves the franchise renewal of ABS-CBN. There is no attempt to muzzle or control the media here so do not try to make this a press freedom issue when it is not,”  ani Alvarez.

10,955 ABS-CBN EMPLOYEES MAWAWALAN NG TRABAHO

Nababahala naman si Albay Rep. Edcel Lagman  sa magiging kalagayan ng may 10,955 regular at non-regular employees kasama na ang mga talents kapag tuluyang binawi ang prangkisa ng ABS-CBN.

Tiyak na mawawalan agad aniya ang mga ito ng trabaho na makakadagdag aniya sa tumataas na unemployment rate sa bansa kapag hindi pinalawig ang prangkisa ng nasabing TV giant.

May duda rin ang mambabatas na crony ni Pangulong Duterte ang bibili sa ABS-CBN kaya mauulit aniya ang kasaysayan

“Selling ABS-CBN to an apparent Duterte crony is not an option,” ani Lagman kaya iginiit nito sa liderato ng Kongreso na aprubahan ang prangkisa ng ABS-CBN.

 

Read More

LIBU-LIBONG TRABAHADOR, IKUNSIDERA SA ABS-CBN FRANCHISE — PACQUIAO

(NI DANG SAMSON-GARCIA)

MISTULANG hinikayat ni Senador Manny ‘Pacman’ Pacquiao ang pamahalaan na pag-aralang mabuti ang pagharang sa prangkisa ng ABS-CBN Corporation.

Sinabi ni Pacquiao na maraming dapat ikunsidera lalo na ang libu-libong manggagawa na mawawalan ng trabaho.

“Aaralin nating mabuti ‘yan kasi marami ring ikunsidera na mawawalan ng trabaho,” saad ni Pacquiao.

Kailangan aniya munang mapatunayan na may paglabag ang kumpanya bago ito ipasara pero kung hindi naman nararapat ay irerekomenda niya sa Pangulo na pag-isipang mabuti ang hakbangin.

“Pag-aralan nating mabuti kung kailangang ipasara, isara. Kung hindi naman nararapat, we can suggest to the President,” dagdag ni Pacman.

Aminado ang senador na kailangang timbangin ang lahat ng mga bagay lalo ang kapakanan ng mas nakararami.

“Kaya nga timbangin nating lahat. Ikunsidera rin na ilang libong tao ang mawawalan ng trabaho,”diin pa nito.

Read More