MAG-INGAT SA PAGBEBENTA NG PAGKAIN – SEN. GATCHALIAN

SCHOOL-1

(Ni DANG SAMSON-GARCIA)

PINAG-IINGAT ni Senador Win Gatchalian ang lahat ng mga paaralan sa bansa dahil posibleng lingid sa kanil-ang kaalaman ay nagbebenta na sila ng mga produktong positibo sa African Swine Fever o ASF.

Kamakailan lang ay kinumpirma ng Bureau of Animal Industry o BAI sa ilalim ng Department of Agriculture o DA na positibo sa ASF ang mga produktong hotdog at skinless longganisa mula sa Mekeni.

“Mahalagang mag-doble ingat ang mga paaralan lalo na’t mahilig ang mga bata sa ganitong  klase ng mga produktong positibo sa ASF. Sa mga feeding program na isinasagawa ng DepEd, halimbawa, dapat siguruhin ng ating mga guro na gumagamit sila ng mga malinis at mapagkakatiwalaang mga produktong ipakakain sa mga bata,” saad ni Gatchalian.

Nanawagan din ang senador sa Department of Education o DepEd na manguna na sa kampanya at gawing bahagi ang mga magulang sa hangaring ito.

Ayon kay Gatchalian, na siyang may hawak ng Committee on Education, Arts and Culture sa Senado, kina-kailangan ang lubos na pag-iingat matapos matuklasang positibo sa ASF ang ilang processed pork mula sa bansang China.

Una nang sinabi ni Agriculture Secretary William Dar na may 13 ASF outbreaks na nakumpirma sa apat na probinsya: Pangasinan, Pampanga, Bulacan and Rizal.

Dahil dito, mahigit 20,000 na mga baboy ang ibinukod upang maiwasan ang pagkalat pa ng ASF virus kung saan 6,600 ang nagpositibo.

Bagama’t hindi naman nakakaapekto ang ASF sa kalusugan ng mga tao, binigyang diin ni Gatchalian na dapat gawin ng mga paaralan ang lahat ng mga posibleng hakbang upang hindi makompromiso ang kaligtasan ng mga mag-aaral.

“Etong mga hakbang na maaari nating gawin, nagsisimula ito sa responsableng pamimili at lubos na pagluluto ng karne sa mga paaralan. Ito ay upang maiwasan natin ang pagkakasakit ng mga mag-aaral pati na rin ang pagkalat pa ng ASF,” pahayag ng senador.

Nauna nang sinabi ng Department of Health o DOH na maaaring pagmulan ng ASF ang mga hilaw at kontaminadong karne ng baboy at kung makakain ang mga baboy ng hilaw at kontaminadong karne.

Maaari namang kumalat ang virus kung ang mga malulusog na baboy ay nagkaroon ng ugnayan sa mga baboy na positibo sa ASF. Ilan pa sa mga maaaring pagmulan ng ASF ang mga feeds, mga tirang pagkain, at basura, ayon sa DOH.

Mariing pinaalalahanan din ni Gatchalian ang lahat ng mga magulang o maybahay na maging mapanuri sa mga pagkain sa bahay.

“Kung hindi naman nababantayan sa mga bahay nila, malalagay pa rin sa panganib ang ating mga estudyante,” diin ng senador.

Please follow and like us:
Read More

2 MEKENI FOOD PRODUCTS POSITIBO SA ASF –DA

(NI ABBY MENDOZA)

KINUMPIRMA ng Bureau of Animal Industry (BAI)  na dalawang produkto ng Mekeni Food Corp ang nagpositibo sa African Swine Fever (ASF).

“Set of samples of longganisa and Picnic Hotdog tested positive for African Swine Fever based on tests conducted,”pagkumpirma ni BAI officer-in-charge Ronnie Domingo.

Ayon kay Domingo noong Oktubre 25 isinagawa ang test ng Regional Animal Disease Diagnostics Laboratory sa  Central Luzon at muli itong nai-validate ng Bureau of Animal Industry Veterinary Laboratory Division (DA-BAI-VLD) mula samples na nakuha sa produktong nakumpiska sa Calapan Port na mula sa isang pasahero noong Oktubre 6 at sa produkto na nakuha mismo sa Mekeni Processing Plant sa Pampanga.

Wala na umanong ire-recall na produkto dahil noong Oktubre 26 ay boluntaryo nang nagsagawa ng recall sa kanilang produkto  ang Mekeni Food Corp bago pa man isagawa ang test bilang bahagi na rin ng kanilang ipinangakong transparency sa isyu ng ASF contamination.

Sinabi ni Domingo na sa ngayon ay hindi pa batid kung saan nanggaling ang karne na ginamit sa longganisa at hotdog, ang Department of Agriculture (DA) at Department of Health (DOH) ay bumuo na ng composite team para magsagawa ng imbestigasyon ukol dito.

Kasabay ng pagkumpirma ng ASF sa pork products ng Mekeni ay nagsasagawa na ng inspeksyon sa pasilidad ng Mekeni ang Food and Drug Administration (FDA) upang masuri kung pasok sa government standards ang pagawaan nito.

“When we went to the factory, parang kumpleto naman sila ng documents pero obviously, there’s something wrong. Kung saan kinuha ni Mekeni ‘yung raw materials, ‘yun ‘yung susunod na parte ng investigation,” pahayag ni FDA officer-in-charge Eric Domingo.

Katuwang ang National Meat Inspection Service (NMIS) ay nakatakda ding inspeksyunin ng FDA ang may 178 meat processors sa bansa, sa ngayon ay may 63 na umanong nainspeksyon kasama dito ang Mekeni.

“‘Yung 63 na pinakamalaki in the country, sila ‘yung una naming pinuntahan and we found them compliant with FDA standards. We will continue to monitor them in tandem with NMIS, so we’re going to partner with NMIS,” dagdag pa ni Domingo.

Ang mga meat processors na mapatutunayang nagbebenta ng mga may sakit na baboy ay mapapatawan umano ng multa na P1M bukod pa sa pagkakakulong ng 6 hanggang 12 taon.

 

Please follow and like us:
Read More

MEAT PRODUCTS GALING CHINA PINAGMULAN NG ASF SA PINAS

(NI ABBY MENDOZA)

INAMIN ni Agriculture Secretary William Dar na ang illegal na importation ng pork products galing China ang syang dahilan kung bakit mabilis ang naging pagkalat ng ASF virus sa bansa.

Ang smuggled meat na nakumpiska umano noong nakaraang buwan ay nagpositibo sa ASF at maaari na may mga smuggled na nakalusot na syang sanhi ng pagkalat na ng virus.

“That concludes really that this has been introduced by bringing it here, smuggling it here, introducing it here,” pahayag ni Dar.

Matatandaan na ilang refrigerated container vans na puno ng pork products mula sa China ang naharang sa Port of Manila, unang nakalista na tomato paste at vermicelli ang laman nito subalit nang suriin ay mga dimsum, dumplings, peking duck, fresh frozen duck deserts, pork meat at pork products, marinated chicken wings, minced vegetables na may karne, itlog at mga noodles.

Nilinaw naman ng DoH na patuloy ang kanilang ginagawang monitor sa mga pork products subalit walang dapat na ipangamba ang publiko dahil hindi human health concern ang ASF.

 

 

Please follow and like us:
Read More

MEAT PRODUCTS NA POSITIBO SA ASF, PINASURI SA UK

(NI ABBY MENDOZA)

NAGPADALA na ang Department of Agriculture (DA) sa United Kingdom ng samples na nakuha mula sa mga processed meat products na nagpositibo sa African Swine Fever(ASF) para isailalim sa mas masusing laboratory test.

Ayon kay Agriculture Undersecretary Ariel Cayanan, pinuno ng Crisis Management Task Force on Swine, kasama sa kanilang ipinadalang samples ay ang dalawang unbranded meat products at 1 branded na nauna nang kinakitaan ng ASF virus.

Inamin ni Cayanan na may ilang mga manufacturers din ang boluntaryong nagpadala ng kanilang samples upang masuri bilang pagtiyak na ligtas ang kanilang produkto.

Pinakakalma naman ng DA ang publiko kasunod ng pagkakaroon ng ASF ng mga paboritong almusal na longganisa, tocino at hotdog. Ani Cayanan, ligtas pa ring kainin ang mga ito basta’t tiyakin na nilutong mabuti.

Hindi rin umano maaaring i-recall agad ang mga produkto dahil kailangan pa ng laboratory test at ang ganitong kautusan ay hawak na ng Food and Drug Administration(FDA).

 

Please follow and like us:
Read More

PROCESSED PORK PRODUCTS NA KINAKITAAN NG ASF, HOMEMADE — DA

(NI ABBY MENDOZA)

MATAPOS udyukan na pangalanan ang brand ng processed meat products na nagposito sa African Swine Fever (ASF) virus, inamin ng Department of Agriculture (DA) na ito ay pawang mga homemade.

Kasabay nito, umapela ang DA sa mga backyard hog raisers na maging responsable at huwag ibenta ang kanilang mga baboy na infected ng ASF habang sa mga gumagawa ng homemade na processed meat products ay pinayuhang bumili lamang ng kanilang karne sa mga meat shop na may NMIS certification.

Ayon kay Agriculture Spokesperson Noel Reyes, ang homemade na tocino, longganisa at hotdog na nagpositibo sa ASF ay nakumpiska nila sa isang traveller na nanggaling sa Metro Manila at nagtungo sa Calapan, Mindoro.

“We’re able to apprehend a traveler carrying packets of processed products mostly homemade at ito’y tested positive of African swine fever. Ito po’y nangyari noong unang linggo ng October. October 6, to be exact,” paliwanag ni Reyes.

May isang pakete na nakumpiska sa traveller ang branded ngunit tumanggi si Reyes na pangalanan ito dahil kanila pang inaalam katuwang ang Food and Drugs Authority (FDA) at National Meat Inspection Service (NMIS) kung maaaring nakontamina lamang ang branded na pakete mula sa mga kasama nitong homemade na kontaminado na ng ASF.

“Test samples collected from one branded and 2 unbranded processed meat products were placed in the same container, making cross contamination possible.Kaya po hindi natin maa-attribute na ‘yung branded na sinasabi ay siya po ang source, baka po na-contaminate sa container na ‘yun,” paliwanag ng DA.

Sinabi ni Agriculture Undersecretary Ariel Cayanan na premature pa na tukuyin ang brand dahil kailangan pa din na suriing mabuti para ito ay mapatunayan at ang Food and Drug Administration (FDA) na ang syang may hurisdiksyon dito bilang processed na ang karne.

“ Before brands are named, samples must go through testing like the Polymerase Chain Reaction (PCR) and viral isolation to establish the presence of ASF and whether the virus was still alive or dead.These are processed meat at ang may mandate po dito will be the Food and Drug Administration,” paliwanag ni Cayanan.

Nilinaw ng DA na kung nakakain man ng processed meat na kontaminado ng ASF ay walang dapat na ipangamba dahil hindi nalilipat ang virus sa tao gayunpaman hindi umano nila inaadbokasiya na okay lamang na kumain ng infected.

 

Please follow and like us:
Read More

PROCESSED PORK MEAT ‘WAG IPAKAIN SA ALAGANG BABOY – DTI

(NI ROSE PULGAR)

NANAWAGAN ang Department of Trade and Industry (DTI) sa publiko na huwag ipakain sa mga alagang baboy ang mga tira-tirang karne ng baboy lalo na ang mga sumailalim sa proseso upang maiwasan ang pagkalat ng African Swine Fever (ASF) virus.

Sinabi ng DTI na posible na kontaminado ng ASF ang mga ‘processed pork meats’ tulad ng longganisa, tocino at hotdog na maipapasa sa mga buhay na baboy kung ipapakain ang mga ito.

Ito ay makaraang lumabas ang isang dokumento buhat sa Bureau of Animal Industry na nagpositibo ang mga sampol ng mga pagkaing ito ng ASF virus.

Iginiit naman ng ahensya na hindi makakukuha ng ASF ang tao sa pagkain ng mga ‘processed foods’ dahil sa ang baboy lamang ang nagkakahawahan.

Una namang nananawagan ang grupong Laban Konsyumer nc. at Philippine Association of Meat Processors Inc. sa pamahalaan na maglabas ng dagdag na impormasyon ukol sa mga nakompromisong mga produktong ‘processed pork products’.

Sinabi naman ng Department of Agriculture na sa mga produktong nakumpiska, isang pack lang ang branded habang ang iba ay pawang mga ‘homemade’.

Nagbabantay rin ngayon ang Food and Drug Administration (FDA) sa sinasabing kontaminasyon ng mga ‘processed meats’ at handang magpa-recall kung irerekomenda ng DA.

 

Please follow and like us:
Read More

DTI, DA, PINAKIKILOS SA PROCESSED FOOD NA MAY ASF

ASF-3

(NI NOEL ABUEL)

PINAKIKILOS ng isang senador ang Department of Trade and Industry (DTI) at ang Department of Agriculture (DA) para bawiin sa merkado ang mga de latang pagkain at iba pang processed food na hinihinalang kontaminado ng African Swine Fever (ASF).

Giit ni Senador Francis Pangilinan, kung may katotohanan aniya na ulat at dumaan sa beripikasyon na ilang processed foods ay positibo sa ASF ay kailangang kumilos na ang nasabing mga ahensya ng pamahalaan sa lalong madaling panahon.

“If reports are true and verified that several processed meats have tested positive for African swine fever (ASF) virus, then the Department of Trade and Industry and the Department of Agriculture should identify these brands and immediately remove them from the market,” ani Pangilinan.

“Ito ang mag-aalis sa takot ng publiko na kumalat ang mga produktong ito at sa posibilidad na makain ito,” dagdag pa ni Pangilinan na dating Presidential Assistant on Food Security and Agricultural Modernization.

Base sa lumabas na ulat, ilang samples umano ang ginawa sa mga hotdog, longganisa, at tocino na inimport ng isang Manila-based company ang nagpositibo sa ASF virus.

Sinabi pa ni Pangilinan na dapat na tukuyin ng DTI kung anu-anong brands, manufacturers, ang naglalabas ng nasabing contaminated products.

“Maging aral sana ito sa mga kinauukulan na mas maging istrikto sa pag-monitor at pag-test ng mga imported na pagkain. Pagkain ito. Kailangang ligtas at mabuti sa kalusugan ang kinakain natin,” aniya pa.

“Walang saysay ang ginagawang pagpatay sa mga baboy natin kung meron namang ASF na makakapasok sa ating bayan at mapupunta sa ating mga hapag-kainan,” dagdag nito.

 

Please follow and like us:
Read More

DASMARINAS, CAVITE APEKTADO NA RIN NG ASF

(NI ROSS CORTEZ)

ISANG araw matapos kumalat ang balitang may 31 baboy na hinihinalang namatay sa african swine fever, naglatag ng hindi bababa sa walong quarantine checkpoint ang lokal na pamahalaan ng Dasmariñas, Cavite sa mga partikular na entry at exit point sa lungsod, mula alas-6 ng umaga hanggang alas- 6:00 ng gabi.

Ayon kay PSSG Efren Recare, ng Dasmariñas Component Police Station, may instruction na sitahin ang mga closed van na may kargang mga karne ng baboy.

Katuwang nila sa nasabing quarantine checkpoint ang mga kawani ng Regional Agriculture Office.

Kasabay nito, nagkaroon din ng dialogue ang City Veterinary Office at Regional Agriculture Office sa mga lokal na hog raiser at piggery owner na abot sa higit 300.

Ipinaliwanag ng mga kinauukulan ang kasalukuyang sitwasyon sa posibleng nakapasok na swine fever sa lungsod, kaya’t hiningi nila ang pakikiisa ng mga mamumuhunan sa planong pagpatay sa higit 2,000 baboy na sakop ng 1 kilometer radius, mula sa barangay na pinagmulan ng pagkamatay ng 31 baboy.

Nitong Huwebes, naaktuhan sa Barangay Luzviminda 1 ang paghila ng mga residente sa isang sako na nakuha sa creek at naglalaman ng dalawang biik na posibleng namatay sa swine flu.

Sa panayam sa residenteng si Rogelio Alama Jr, nakita umano nila ang nilalangaw at mabahong sako na iniwan sa creek ng hindi pa nakikilalang suspek. Napilitan silang buksan ang sako at tumambad ang dalawang nangingitim na biik, kaya iniahon nila ito at inilibing.

Sinubukan namang sipatin sa nakakabit na cctv ang posibleng suspek na naghulog ng mga patay na biik sa creek, ngunit nagmamalfunction ang cctv at malayo ang hagip na anggulo sa creek.

Sinadya rin ng Saksi ang nasa 25 talampakang lalim at 30 talampakang luwang ng hukay sa loob ng isang lokal na sementeryo sa lungsod na paglalagyan sa 2,000 baboy na ililibing doon.

Sa panayam sa telepono kay Congressman Pidi Barzaga, sinabi nito na ang Regional Office ang hahawak at otorisadong magsalita, maglabas ng pahayag at magkumirma sa pagpasok ng swine flu sa lungsod ng Dasmariñas Cavite
Nakahanda rin daw ang lokal na pamahalaan ng Dasmariñas para magbigay ng tulong pinansyal sa mga hog raiser at piggery owner na maapektuhan sa nasabing pangyayari

Pasado alas-4:00 ng hapon nitong Huwebes, kinumpirma na ni Cavite Governor Jonvic Remulla na african swine fever ang sanhi ng pagkamatay ng mga baboy, base sa confirmatory testing na ginawa sa tissue ng mga ito.

 

Please follow and like us:
Read More

AYUDA SA HOG RAISERS TATAASAN

ASF-3

(NI DAHLIA S. ANIN)

TATAASAN ng Department of Agriculture (DA) ang ayuda sa hog raisers sa bansa na apektado ng African Swine Fever (ASF).

Mula sa dating P3,000 ay itataas ito sa P5,000.

“Pina-approve ko sa Gabinete na itataas namin yung P3,000 to P5,000 per head,” ani DA Secretary William Dar.

Maging ang mga nakatanggap na ng unang tulong noon ay mabibigyan din ng karagdagang cash assistance.

Nananawagan naman ang kalihim sa hog raisers na huwag nilang itago kung ang mga baboy nila ay apektado ng ASF at kakailanganin ito i-cull.

Please follow and like us:
Read More