PRIVATE SHIPPING COMPANY HAHAKOT NG BASURA NG CANADA

canada basura12

(NI BETH JULIAN)

BUNSOD ng matinding galit dahil sa mabagal na pag-aksyon ng Canada sa paghahakot ng kanilang basura, ipinag-utos na ni Pangulong Rodrigo Duterte sa mga kaukulang ahensya ng gobyerno na kumuha ng private shipping companies na magbabalik ng basura sa naturang bansa.

Sa press briefing nitong Miyerkoles ng hapon sa Malacanang, nagbaba na ang Pangulo direktiba para mismong ang gobyerno na ng Pilipinas ang mismong hahakot ng basura ng Canada para dalhin sa baybaying dagat na sakop ng nasabing bansa.

Ayon kay Presidential spokesperson Atty. Salvador Panelo, lubhang na-disappoint ang Pangulo sa tila pagbabalewala ng Canadian government at pagpapakitang hindi ito seryoso sa pangakong hahakutin nila pabalik ng kanilang bansa ang tone-toneladang basura na itinambak sa Pilipinas noon pang 2013.

Sinabi ni Panelo na galit na galit na ang Pangulo dahil ipinakikita lamang ng Canada na itinuturing nilang basurahan ang Pilipinas kaya’t nagpasya na ang Punong Ehekutibo na ang mismong gobyerno na ng Pilipinas ang gagastos para sa kukuning shipping companies na maghahakot at magbabalik ng mga basura sa Canada.

Dagdag ni Panelo, sinabi pa ng Pangulo na kapag hindi tinanggap ng Canada ang nasabing mga basura ay itatambak ang mga ito sa 12 tropical miles ng saan mang shoreline ng Canada.

Ayon pa kay Panelo, ang mensahe ng Pangulo ay dapat na maging aral din sa iba pang mga bansa na nagbabalak gawing dump site ang Pilipinas.

Matigas na pahayag ng Pangulo na hindi na ito aasa pa sa anumang negosasyon sa pagitan ng Canada.

Kautusan pa ng Pangulo, ayon kay Panelo, kung hindi talaga kukunin ng Canada sa oras na iyon hanggang matapos ang araw ay agad na talagang kukuha ng shipping companies ngayong umaga ng Huwebes para dalhin ang mga basura sa baybaying dagat ng Canada.

Please follow and like us:
Read More

PAGPAPAUWI NG LABOR ATTACHéS SA CANADA PINAG-AARALAN

canada philippines12

(NI MINA DIAZ)

DAHIL sa hidwaan kaugnay sa tone-toneladang basura, ikinokonsidera ni Labor Secretary Silvestre Bello III ang pagpapabalik na rin sa labor attachés sa Canada.

Nauna nang pinabalik ni Foreign Affairs Secretary Teddyboy Locsin ang ambassador at consul ng Pilipinas sa Canada matapos mabigo ang pamahalaan ng Canada na tuparin ang May 15 deadline ni Pangulong Rodrigo Duterte para hakutin ang kanilang mga basura.

Ayon kay Bello, kung hindi umano magiging maayos ang  sitwasyon sa pagitan ng dalawang bansa, ikokonsidera na rin nito ang pagpapauwi sa labor attaché na siyang namamahala sa POLO [Philippine Overseas Labor Office] office sa Vancouver at Toronto.

Aniya, sa ngayon ay hindi pa apektado sa isyu ang mga overseas Filipino workers (OFWs) na pupunta o nasa Canada na.

Nabatid na nasa mahigit 800,000 Pinoy ang naninirahan at nagtatrabaho sa Canada.

Please follow and like us:
Read More

ISYU SA BASURA SA CANADA WALANG EPEKTO SA KALAKALAN — DTI

dti12

(NI BETH JULIAN)

KUMPIYANSA ang Department of Trade and Industry (DTI) na hindi makaaapekto sa trade relations ang naudlot na pagkuha ng kanilang basura na nakaimbak sa Pilipinas ilang taon na ang nakalilipas.

Ayon kay DTI Secretary Ramon Lopez, walang isyu ang pag-antala ng pagkuha ng tone-toneladang basura ng Canada mula sa bansa dahil hindi naman ito sa isyu ng kalakalan ng dalawang  bansa.

“If you ask me, talagang separate ‘yon. At saka, parang naso-solve na iyong particular issue na iyon ‘di ba? May mga wino-workout nang mga plan. So, sa tingin ko ay hindi iyon makaaapekto, kasi business to business naman sa mga transactions natin pagdating sa trade and investment with Canadian companies,” wika ni Lopez.

Binigyan-diin pa ni Lopez na hindi makaaapekto iyon dahil hindi naman ang mga kompanya ang mga kalaban doon o ito ay hiwalay na usapin.

Ayon kay Lopez, sa katunayan ay may nakatakdang aktibidades sina Lopez sa Canada government sa ikalawang kwarter ng 2019 na may kinalaman sa tinatawag na start-up community development, mga disruptive technologies kung saan may mga entrepreneurs na lalahok sa nasabing event sa Canada.

Kumpiyansa rin si Lopez na hindi na hahantong sa pagkasira ng magandang relasyon ng Canada at Pilipinas ang isyu ng tambak na basura.

“So, tingin ko hindi darating doon sa hantungan na iyon pero ano? If, the remote possibility nga as you say hypothetically mangyari iyon, magkakaroon na ng impact iyon pagdating sa time na iyon lalo na kung mawalan din ng confidence iyong mga Canadian companies. Again, it’s a Big If, I’m not saying na pero sa tingin ko hindi mangyayari iyon,” giit pa ni Lopez.

 

Please follow and like us:
Read More

ITINAPONG BASURA SA PINAS, BALIK-CANADA NA

BASURA NG CANADA

(Ni JOEL O. AMONGO)

Ibabalik na ngayong araw sa Canada ang 69 containers na naglalaman ng ba­sura matapos magkasundo ang Canadian government at ang Pilipinas.

Sa report ni Bureau of Customs (BOC) Commissioner Rey Leonardo Guerrero kay Finance Secretary Carlos Dominguez, sinabi nito na inayos nila ang mga kinakailangan sa parte ng Philippine government para sa reexport ng mga  basura na pagbabalik sa Canada.

Ayon kay Guerrero, ang pagbabalik ng containers  ng basura ay bunga na rin ng sunud-sunod na pag-uusap mula Abril 30 hanggang Mayo 6 sa pagitan ng Philippine Inter-Agency Committee (IAC) at kinatawan mula sa Canadian government kasama ng isinagawang inspection sa mga kinalalagyan ng mga containers sa Manila International Container Port (MICP) at sa Port of Subic.

Ang nasabing hakbang ay bilang tugon na rin umano sa kautusan ni Finance Secretary Dominguez na ilabas na sa Pilipinas ngayong araw (Mayo 15) ang natu­rang containers ng basura.

“The Philippine government, through the IAC, is now ready with the necessary documentary requirements to facilitate the reexport, while the shipping lines tasked to transport the wastes have already conducted a seaworthiness check on the containers and have made the necessary preparations to ensure that all of them will be returned to Canada. However, despite the Philippine government’s readiness to reexport the wastes, the Canadian government informed that it might take weeks for them to arrange the necessary documents from their end and that they might not meet the May 15 deadline,” ayon pa sa ulat ni Guerrero kay Dominguez.

Sinabi pa  ni Guerrero na  binayaran na ng Canada ang mga dokumentong may kinalaman sa  import permits at  bidding ng fumigation services para sa nasabing mga containers.

Ang 69 container vans ay bahagi ng 103 container vans ng basura mula sa Canada na itinapon sa  Ports of Subic at Manila noong 2013 at 2014  habang ang 34 containers ay naitapon na.

Napag-alaman na nasampahan ng kaukulang kaso ang importer, broker at iba pang katao na may kinalaman sa pagpasok sa Pilipinas ng nabanggit na containers ng mga basura.

Sa sulat na ipinadala ni Canada’s Assistant Deputy Minister for Global Affairs Donald Bobiash at Associate Assistant Deputy Minister Helen Ryan kay DENR Undersecretary Juan Miguel Cuna noong nakaraang Abril 24, kinumpirma ng pamahalaan ng Canada  ang pangakong kanilang  sasagutin ang anumang gastusin sa pagbabalik ng basura sa kanilang bansa.

“To do so, we will work with the Philippine government to arrange for the necessary transfer of ownership of the materials in the 69 containers to Canada, so that arrangements can be made for their return to Ca­nada,” dagdag pa sa sulat.

SUMBUNGANSinabi pa ni Guerrero, matapos ang sunud-sunod na inspection ng Philippines at Canadian officials ng nasabing containers ng basura noong nakaraang Abril 30 na pinangunahan ni DENR Secretary Roy Cimatu ay agad  na natugunan  ang mabilisang pagbabalik ng mga basura sa Canada.

Napagkasunduan din  na ang  pagbabalik ng containers ng mga basura sa Canada ay sa pamamagitan ng batches dahil na rin sa pahirapan ng shipping na magdadala nito.

Please follow and like us:
Read More

VENDORS, TAMBAY, WINALIS SA MANILA BAY

manila

(NI MITZI YU)

ISA-ISANG pinakiusapan, ginising mga tauhan  ng pinagsanib na puwersa Manila City hall at Manila Police District ang vendors at tambay na namamalagi sa kahabaan ng Manila Bay .

Sanib-puwersa ang  Manila Department of Social Welfare, Department of Public Services, Manila Action and Special Assignment at City Security Force sa operasyon at clean up drive sa   Manila Bay kahapon ng umaga.

Ayon kay Manila Mayor Joseph Estrada ang pagsasagawa ng Clean Up Drive sa kahabaan ng Roxas Blvd.sa Manila Bay alinsunod na rin sa kautusan ni pangulong Duterte na buhayin ang Manila Bay.

Pinayuhan din ni Estrada ang mga awtoridad na pairalin ang maximun tolerance sa mga sisitahin at paaalising vendors at tambay.

Sangkaterbang basura rin ang nahakot na sa Manila Bay na agad namang hinakot ng DPS.

Nabatid sa DPS na regular na nila umanong ginagawa ang paglilinis sa kahabaan ng Roxas Blvd at wala anilang katutuhanan ang paratang ng ilang mga kritiko na ginagawa lamang ni Estrada ang paglilinis dahil malapit na naman ang eleksyon.

Matatandaan na umani ng mga batikos ang ginagawang paglilinis ni Estrada sa mga Estero, Divisoria maging kahabaan ng Roxas Blvd papogi lamang umano ang ginagawa ng alkalde dahil anila  nalalapit na ang halalan at nais umanong makahakot ng boto si Estrada kaya niya ginagawa umano ang paglilinis sa Manila Bay.

Please follow and like us:
Read More

43 TRUCK NG BASURA NAHAKOT SA TRASLACION

BASURA by KIER CRUZ

(NI ROSE PULGAR/PHOTO BY KIER CRUZ)

NASA 43 trucks ang nahakot  na mga basura  Huwebes ng hapon ng mga tauhan ng Metropolitan  Manila Development Authority (MMDA) na iniwan ng mga deboto mula sa ruta ng prusisyon ng emahe ng Itim na Nazareno kamakalawa.

Ayon kay spokesperson MMDA Assistant Secretary Celene Pialago, pinagtulungan aniya ng mga street sweepers  ng ahensiya, ilang kawani ng Manila City Hall, Department of Public Works ang Highways (DPWH), volunteers ng civic at religious group ang pangongolekta ng mga basura.

Aniya, karamihan sa mga basurang nakolekta ay plastic bags, food wrappers, cartons at  water plastic bottles.

Sinabi ni Pialago  nasa pitong trucks ang nakolektang basura mula sa Quirino Grandstand, na siyang sinimulan ng prusisyon.

Bukod sa Quirino Grandstand, nakakolekta rin ng mga basura sa mga ruta na dinaanan ng prusisyon at sa kabuuan ay nasa 43 trucks ang nahakot.

Tumaas aniya ang nakolektang basura ngayong taon sa ginanap na kapistahan kumpara noong nakaraang taon, na nasa 15 truckloads lamang na katumbas ng 385 na tonelada.

Mariing nanawagan si Pialago sa mga deboto at hindi deboto ng Black Nazarene, na magdala ang mga ito ng garbage bags sa susunod ng taon ng kapistahan para aniya sa tamang pagtatapon.

Please follow and like us:
Read More

TRASLACION NAG-IWAN NG GABUNDOK NA BASURA

deboto

AABOT sa hanggang 12 truck ng basura sa mga rutang dinaanan ng Traslacion ang maghahakot sa inaasahang basura matapos ang prusisyon, ayon sa Metropolitan Manila Development Authority (MMDA), Huwebes ng umaga.

Sinabi ng MMDA na kaninang umaga ay nakakolekta na ang ahensiya ng pitong truck ng basura at iyon ay sa Quirino Grandstand pa lamang kung saan nagsimula ang Traslacion.

“‘Yung sitwasyon ng basura, hindi pa ho natin naga-gather lahat pero ‘yung sa Quirino Grandstand nakakolekta tayo ng five to seven trucks, so medyo malaki po ‘yun kasi ‘yung isang truck katumbas ng 16 cubic meters,” sabi ni MMDA spokesperson Celine Pialago.

Ipagpapatuloy naman ang clearing perations sa Quirino Granstand, Quiapo Church at mga rutang dinaanan ng prusisyon sa Maynila. Tutulungan ang MMDA ng mga ahensiya ng local government para sa ikabibilis ng paghakot ng basura. Tinataya ng pulisya na aabot sa apat na milyong deboto ang lumahok sa Traslacion na natapos matapos ang 21 oras.

Please follow and like us:
Read More

DAANG TONELADANG BASURA HINAKOT SA DIVISORIA

basura

(NI MITZI YU)

TONE-TONELADANG basura ang hinakot ng pamahalaang lungsod ng Maynila sa ginawang   clean up drive sa Divisoria kaninang umaga matapos ang selebrasyon ng Bagong Taon.

Ayon kay Task Force Clean Up chief, Che Borromeo, sinimulan ang paglilinis at paghahakot ng basura mula alas-4 ng madaling-araw hanggang tanghali.

Umaabot sa 35 truck ng basura ang nahakot na bawat trak ay naglalaman ng  tinatayang pitong tonelada o mahigit na 300 tonelada.

Ani Borromeo, hindi na pumalag ang mga vendor nang paalisin sila sa mga puwesto, at simula aniya  ngayong Enero 1, hindi na sila maaaring magtinda sa kahabaan ng Claro M. Recto at iba pang kalye sa Divisoria na maaaring makasagabal sa daloy ng mga sasakyan.

Mananatili na lamang aniya ang mga dati ng nagtitinda sa mga gilid-glid ngunit hindi sila maaaring lumagpas sa kalsada.

Nagtulong  sa paglilinis ng mga kalat na iniwan ng mga vendor  ang Department of Public Safety,  Bureau of Fire Protection kasama ang mga pulis.

Samantala,  una nang ipinag-utos ni Manila Mayor Joseph Estrada na simula sa   Enero 1, 2019 ay bawal na magtinda ang mga vendor sa Divisoria na kanyang pinagbigyan alang-alang sa Pasko  upang kumita para sa kanilang mga pamilya.

Please follow and like us:
Read More

7K TONELADANG BASURA IBABALIK SA SOKOR

SOKOR

IBABALIK na sa South Korea ang imported waste materials ng Verde Soko Philippines Industrial Corporation na nakalusot sa Misamis Oriental.

Sa Enero 9, 2019 ang napagkasunduan ng bansa at South Korea na ibalik ang halos pitong libong tonelada ng mga basura na nakaabot sa bayan ng Tagoloan, Misamis Oriental, ayon kay Mindanao International Container Terminal (MICT) collector John Simon.

Aabot umano sa P11-milyon ang gugugulin ng South Korean government para maibalik sa kanilang lugar ang mga basura na naipuslit sa bansa noong Oktubre 2018.

Sinimulan na rin ang paghahanap ng shipping lines na magkakarga sa 51 container vans na magbabalik ng mga basura sa South Korea.

Please follow and like us:
Read More