12 TAON KULONG SA WASTE IMPORT VIOLATORS INIHAIN

drilon4

(NI NOEL ABUEL)

MAHAHARAP sa pagkakakulong ng 12 taon ang sinumang indibiduwal na mapapatunayang sangkot sa importasyon  ng basura papasok sa bansa.

Ito ang nais ni Senate Minority Leader Franklin Drilon base sa inihain nitong Senate Bill No. 18 kung saan maliban sa pagkakakulong ay mahaharap din sa multa na P15 milyon ang mag-aangkat ng basura mula sa ibang bansa.

Kasabay nito ay nanawagan din ito na tuluyang ipatupad ang total ban sa lahat ng waste imports kabilang ang recyclables materials.

Tugon ito ni Drilon sa gitna ng mga ulat na nagiging tapunan ng basura ang Pilipinas mula sa ibang bansa tulad ng galing sa Canada, Australia, South Korea, Hong Kong at Japan.

“These incidents indicate that we have become a dumping ground for waste generated by other nations. We must fix our laws that allowed that to happen,” ani Drilon.

Please follow and like us:
Read More

BASURANG GALING HONG KONG NAIBALIK NA

BASURA-HONG KONG

(Ni Joel O. Amongo)

Kung ang itinapong basura ng Canada sa Pilipinas  ay naibalik na sa kanila,  ganundin naman ang basurang ipinasok sa bansa ng Hong Kong.

Ngayong araw  ay ina­asahang darating na sa Hong Kong ang ibinalik na basura sa kanila matapos na  maipasok ito sa bansa.

Noong Hunyo 3, umalis  sa Mindanao Terminal Sub-Port, Tagoloan, Misa­mis O­­riental ang MV SITC Negoya dala ang basura na nakalagay sa 22 sling bags at nasa loob ng 1×40 container.

Ang gastusin ng re-exportation ng shipment ay ipinasagot sa Hong Kong government.

Matatandaang ang nasabing shipment ay naka-consign sa Crowd Win Industrial Limited Corporation na dumating sa Min­danao Container Terminal Sub-Port sa Tagoloan, Mi­samis Oriental noong Ene­ro 2, 2019.

Gayunpaman, noong Pebrero 18, 2019 ay nag-isyu ng alert order si District Collector Atty. Floro Calixihan ng Port of Cagayan laban sa naturang  shipment dahil sa paglabag nito sa Section 1400 (misdeclaration) ng Republic Act No. 10863 o mas kilala sa Customs Modernization and Ta­riff Act (CMTA).

Matapos ang eksaminasyon, natuklasan ang  22 sling bags ng iba’t ibang plastic na basura ang nasa loob ng 1×40 container na deklaradong assorted electronic accessories.

Ang seizure at reexportation ay isinagawa ng BOC sa pakikipagtulungan ng Department of Environment and Natural Resources (DENR), Mindanao International Container Terminal Services, Inc. at PHIVIDEC Industrial Authority of the Philippines, opisyal  at mi­yembro ng Ecowaste Coalition.

Katuwang din  ang Environment Protection Department of the Hong Kong Special Administrative Region.

Please follow and like us:
Read More

69 CONTAINERS NG BASURA BALIK-CANADA NA

BASURA NG CANADA-2

(NI JOEL O. AMONGO)

Balik-Canada na ang  69 containers na naglalaman ng mga basura na dumating sa Pilipinas kamakailan.

Ayon kay Port of Subic District Collector Maritess Martin, dakong alas-3:20 ng madaling araw noong Mayo 31 ng taong kasalukuyan nang makumpletong ikarga ang lahat ng 69 containers  kung kaya’t pagsapit ng alas-7:18 ng umaga umalis sa Port of Subic ang Vessel Bavaria (MCC) dala ang  naturang containers ng Canadian waste.

Sa reexportation order na inisyu ni Martin na may petsang Mayo 10, 2019, ang Environment Management Bureau (EMB) ng Department of Environment and Natural Resources (DENR), sa isinagawa nitong Waste Analysis and Characterization Study (WACS),  nakita mula sa Municipal Solid Waste na  nakapaloob sa  “Basel Convention on the Control of Transboundary Movements of Hazardous Wastes and Their Disposal” na ang nasabing basura ay mahigpit na ipinagbabawal at kailangang ibalik ito sa pinagmulang bansa.

Una na ring  ipinag-utos ni  Pangulong Rodrigo Duterte sa team na binubuo ng mga kinatawan mula sa Port of Subic, Canadian Embassy, EMB at ang Ecology Department of the Subic Bay Metropolitan Authority (SBMA) na magsagawa ng on-site inspection sa nasabing shipment sa Subic New Container Terminal noong April 30, 2019.

Ang nasabing shipment ay pag-aari ng Canadian government na siyang mangangasiwa ng pagbabalik ng mga basura sa kanilang bansa   base na rin sa Republic Act 10863 (Customs Modernization and Tariff Act) na may kaugnayan sa Republic Act No. 6969 (Toxic Substances and Hazardous Nuclear Waste Control Act of 1990) at ang batas na may kaugnayan sa Cross Border Movement and Disposal of Wastes sa ilalim naman ng Basel Convention.

Please follow and like us:
Read More

BASURA NG HONG KONG SA PINAS IBABALIK NA

hk basura12

(NI BERNARD TAGUINOD)

BALIK-Hong Kong ngayong Lunes, Hunyo 3, ang basura ng Hong Kong na natuklasang nakaimbak sa Mindanao International Container Terminal sa Tagoloan, Misamis Oriental.

Ayon kay Misamis Oriental Rep. Juliette Uy, magkakaron ng seremonya, Lunes sa nasabing daungan para sa re-exportation ng mga Ecological Waste ng Hong Kong na dumating sa Pilipinas noong Enero, 2019.

Sinabi ng mambabatas na kailangang magdalawang-isip na ang ibang bansa na ginagagawang tambakan ng basura ang Pilipinas dahil hindi mangingimi ang gobyerno na ibalik ito sa kanila.

Una nang naghakot ang South Korea ng kanilang basura habang ang Canada at nagsimula na ring ibalik sa kanilang bansa na mga basura ng mga ito nasa Pilipinas sa nakaraang  limang taon.

Samantala, nakatakdang aprubahan naman ng House committee on good government and public accountability ang committee report hinggil sa resulta ng kanilang imbestigasyon sa pag-angkat ng basura mula sa South Korea.

Sa inisyal na finding, sinabi ni Uy na apat na batas ang nalabag sa pagdating ng basura ng South Korea sa Mindanao tulad ng Republic Act (RA) No. 6969 o  Toxic Substances and Hazardous and Nuclear Wastes Control Act of 1990 at RA No. 9003 o  Ecological Solid Waste Management Act of 2000

Nalabag din umano ang RA  No. 10863 o Customs Modernization and Tariff Act at ang Anti-Graft and Corrupt Practices Act o RA 3019.

Dahil dito, inirekomenda ng komite na  sampahan ng kaso ang mga sangkot sa pag-angkat ng basura ng South Korea at mga nagpabaya sa panig ng gobyerno tulad ng Bureau of Customs (BOCs).

Please follow and like us:
Read More

ENVOY NA PINAUWI SA PINAS, BALIK-CANADA NA

canada basura 12

(NI ROSE PULGAR)

MATAPOS maibalik  sa Canada ang kanilang  tone-toneladang basura, pinabalik na rin ng Department of Foreign Affairs (DFA) ang ambassador ng Pilipinas at mga opisyal ng konsulada, na  nakabase sa  nabanggit na bansa.

Ito ay ayon sa tweet ni Foreign Affairs Secretary Teodoro Locsin Jr., na winidraw nito ang order para sa recall ng ambassador at consuls  ng Pilipinas sa Canada.

flights back. Thanks and sorry for the trouble you went through to drive home a point,” pahayag ito ni Locsin sa kanyang official Twitter account.

Nabatid na Biyernes ng umaga, mula sa Subic  Bay Freeport, lumarga na ang container ship, ang  MV Bavaria na naglalaman ng tone-toneladang basura ng Canada at balik na ito sa nabanggit na bansa.

Magugunitang mula taon 2013 hanggang 2014, isang Canadian company, Chronic Inc., ang nagpadala sa Pilipinas ng   mga container van na naglalaman ng non-recyclable plastics, household wastes at  used adult diapers.

Kung saan noong buwan ng Abril ay nagbigay ultimatum si Pangulong Rodrigo Duterter na kaagad na ibalik ang mga basura ng Canada sa kanilang bansa.

Nitong Mayo 16 ay pinauwi o ni-recall ang ambassador at mga opisyal na konsulada ng Pilipinas sa Canada dahil nabigong maibalik kaagad ang nasabing mga basura.

Please follow and like us:
Read More

MMDA SINABON SA NAGKALAT NA BASURA

mmda basura12

(NI BERNARD TAGUINOD)

SINABON ng mga mambabatas sa Mababang Kapulungan ng Kongreso ang Metro Manila Development Authority (MMDA) dahil sa kabila ng napakalaking pondo ng mga ito ay nagkalat pa rin ang mga basura sa Metro Manila.

Sa pagdinig ng House committee on Metro Manila Development na pinamumunuan ni Quezon City Rep. Winston Castelo, hindi naipatutupad ng MMDA ang Republic Act 9003 o  Ecological Solid Waste Management Act of 2000 kaya kahit saang lugar ay mayroong makikitang basura.

Sa pagtatanong ng mga mambabatas, sinabi ni Engineer Emilio Llavor ng  MMDA Planning and Design Division, na noong 2018, gumastos ang ahensya ng P1.77 Billion sa waste disposal sa sanitary landfill sa 56,052.37 cubic meters ng basura na kanilang nahahakot araw-araw.

“If the money is spent solely for the entire collection of the garbage,  it is expected that Metro Manila will be cleansed and absent from  any form of trash,” pahayag ni Castelo.

Hindi, aniya, katanggap-tanggap na sa kabila ng napalaking pera ng tax payers para malinis sa basura ang Metro Manila ay maraming basura kahit saang lumingon.

“Bakit marami pa tayong nakikita na basura sa mga waterways, riverbanks,  creeks,  at sidewalks? Hindi po ba nagkakaroon ng overpayment because the money is more than sufficient to contain the volume of trash.  Seemingly,  there is overpayment,” tanong pa ni Castelo.

Sinabi naman ni Sonia Mendoza, chairperson ng Mother Earth Foundation na dapat istriktong ipatupad ang nasabing batas partikular na sa barangay level upang maresolba ang problema ng basura sa Metro Manila.

Gayunman, hindi ito nangyayari kaya inatasan ni  Castelo ang MMDA na seryosong ipatupad ang nasabing batas dahil kung hindi ay hindi mareresolba ang problema sa basura.

 

Please follow and like us:
Read More

BASURA NG CANADA: MAY MANANAGOT — GUEVARRA

guevarra12

(NI BETH JULIAN)

TINIYAK ni Justice Secretary Menardo Guevarra, OIC ng Philippine government, na hindi makalulusot sa batas ang nasa likod ng pagkakapasok at pagtambak sa bansa ng mga basura ng Canada.

Sinabi ni Guevarra na hindi dahilan na ang pagpapabalik sa Canada ng basura  para hindi kasuhan at papanagutin ang mga importer.

Sa ngayon, sinabi ni Guevarra na isa sa mga importer ay subject na ng manhunt operation ng mga awtoridad.

Samantala, tatlong kompanya ng barko na kinontrata ng Canadian government ang naghakot ng mga basurang itinambak sa Pilipinas.

Ayon kay Guevarra, nitong Huwebes ang petsa ng simulang paghakot ng tone toneladang basura ng Canada na itinambak sa Tarlac.

Dadaan ang mga basura sa Chinese Port na nagbigay ng clearance para transhipment patungong Vancouver.

Tiniyak naman ni Guevarra na ang P10 milyong gastos sa paghakot ng basura ay sagot ng Canadian government.

“I have just been informed that the Canadian trash will finally be shipped back to Canada today. The cost of reshipment from Manila to Vancouver, estimated at P10 million, will be shouldered by the Canadian government. The container vans will be loaded on vessels owned by three shipping companies,” pahayag ni Guevarra.

Pero sinabi ni Guevarra na sagot naman ng Pilipinas ang storage fee at iba pang bayarin sa prosesong dadaanan ng pabalik sa Canada ng mga basura.

Huwebes ng hapon nang ibiyahe mula sa Subic Bay papuntang Canada ang mga container na naglalaman ng mga basura.

Ang MV Bavaria ng kompanyang Maersk ang maghahatid sa 69 na container pabalik sa Canada matapos nang ilipat sa Canada ang pagmamay-ari ng naturang basura.

Una nang nagbanta si Pangulong Rodrigo Duterte na sasagutin na lamang ng pamahalaan ang gasutsin maibalik lamang agad ang mga basura sa Canada matapos na mabigo ang nasabing bansa sa pangako noong May 15 na hahakutin na ito.

Dahil din sa galit ay nagbanta rin ang Pangulo ng giyera kapag hindi pa binawi ng Canada ang mga basura nito.

Nagalit ang Pangulo dahil taong 2013 hanggang 2014 pa dumating sa bansa at itinambak ang higit 100 container van ng mga basura na idineklarang recyclable plastic materials pero nang inspeksiyunin ay natuklasang mga hospital waste, mga gamit na diaper at iba pang basurang pambahay ang laman ng mga ito.

Please follow and like us:
Read More

MAKALIPAS ANG 5-TAON: BASURA IBABALIK NA SA CANADA

basura canada12

(NI FRANCIS SORIANO)

MAKALIPAS ang mahigit limang taon ay nakatakda na rin ibalik ang 1,500 toneladang basura ng Canada na ipinadala sa Pilipinas noong 2013,  matapos kumpleto ang proseso ng pagbabalik nito anu mang  araw simula ngayon.

Ayon kay Foreign Affairs Secretary Teddy Locsin, nasa fumigation process na ang 69 container vans na nasa Subic, Zambales at nakatakdang dalhin sa Burnaby na kalapit ng Vancouver para mai-convert ito bilang electric power.

Sa kasalukuyan ay hinihintay na lamang umano ang mga kaukulang dokumento at routine permission para sa transshipment ng mga basura na nagmula sa Canada.

 

Please follow and like us:
Read More

BASURA MULA AUSTRALIA IKINAPIKON NA NG PALASYO

mindanao12

(NI BETH JULIAN)

HINDI pa man nareresolba ang problema sa basura na itinambak ng Canada sa bansa, isa na namang insidente ng pagharang sa shipment ng basura mula sa Australia sa Tagoloan, Misamis Oriental.

Bunsod nito, tahasang inihayag ng Malacanang na hindi  papayagan ng Pilipinas na manatili sa bansa ang naharang na shipment ng basura.

Sinabi ni Presidential Spokesperson Salvador Panelo, na hindi tambakan ng basura ang Pilipinas at gaya ng Canada ay hindi hahayaan ng pamahalaan na may panibagong bansa na magtangkang magtapon ng basura.

Sa ulat, sinabi ni Bureau of Customs collector John Simon, galing sa Australia ang mga basura na nakuha mula sa pitong container vans.

Naka-hold ngayon ang mga basura sa Mindanao Container Terminal.

Sinabi ni Simon na maraming katanungan na dapat sagutin ang broker ng shipment dahil maraming nakitang mali sa deklarasyon nito.

Idineklara ang naharang na shipment bilang processed engineered fuel at municipal waste at ang consignee nito ay ang Holcim Philippines Inc. na naroon habang nagsasagawa ng inspeksyon.

Ipinaliwanag ng Holcim na ang PEF, na gawa sa na-process na basura, ay nagsisilbi bilang alternatibong fuel sa pag-produce ng semento.

 

Please follow and like us:
Read More