START STRONG PORT OF NAIA

BOC-NAIA-3

BAGAMAN malaki ang naging epekto ng pag-alburuto ng Bulkang Taal sa Bureau of Customs (BoC), tiniyak ng mga opisyal ng Port of Ninoy Aquino International Airport na lalo pa nilang palalakasin ang kanilang koleksyon para sa taong 2020.

Kaya naman sa kanilang pagpupulong, naging slogan ng BOC-NAIA ang “Start Strong Port of NAIA.”

Upang maging maayos ang palakad sa nasabing tanggapan, pinangunahan ni Port of NAIA District Collector Carmelita Talusan ang orientasyon ng mga bagong personnel kabilang ang tatlong abogado at 47 security guards kung saan tinalakay at binigyang diin ang kahalagahan ng mandato ng revenue collection, border protection at government service.

“I am proud of all the achievements we all did last year  and let us all look forward to an even more impressive and remarkable achievements this 2020,” ayon kay Talusan.

Bilang tugon naman sa mga usaping nilinaw sa kanila ni Talusan, nangako naman ang mga dati at bagong empleyado na mas paghuhusayin pa nila ang kanilang trabaho sa pamamagitan nang pagprotekta sa bansa laban sa mga ilegal na kargamento nan ais mapalusot sa pambansang paliparan.

Matatanadaang noong 2019, naipagmalaki ang magandang performance ng Port of NAIA kung saan nakapagtala sila ng 61 drug seizure dahil sa hardworking team, nakapagligtas ng 3, 084 wildlife species, nakakumpiska ng 42,000 kilos ng karneng hinihinalang apektado ng African Swine Flu.

Nakakumpiska rin ang nasabing puerto ng dalawang eroplano , 10 imported pistol at 97 firearms parts at smuggled  na bala. (Joel O. Amongo)

Read More

MAGANDANG UGNAYAN SA STAKEHOLDERS SUSI SA MATAAS NA KOLEKSYON

District Collector Maritess Martin

SUNOD-SUNOD ang isinagawang meeting ni Bureau of Customs (BOC) Port of Subic District Collector Maritess Martin sa mga stakeholders sa puerto sa pagpasok ng taong 2020.

Sinabi ni Martin, layon ng kanyang halos linggo-linggong pakikipagpulong sa mga negosyante ay upang mas lalong mapaganda at mapatatag ang koleksyon para sa kasalukuyang taon.

Kabilang sa mga nakausap n ani Martin ay sina  Henry Dungca ng SBITC,  Luz De Guia ng  Keihin at Resty Zapanta  ng Prime Global.

Maging ang mga kinatawan ng iba’t ibang Philippine Economic Zone Authority (PEZA) na kinabibilangan nina Primitivo Napenas (PEZA-Hermosa), Allan Datahan (PEZA-Baguio) at  Sally Carpio (PEZA-Subic)  at pawang nakapulong n ani Martin.

Ayon kay Martin, ang susi sa matagumpay na koleksyon ay ang pakikipag-ugnayan sa stakeholders upang malaman kung nasisiyahan ba sila sa serbisyong ibinibigay ng Puerto at mga kawani nito.

Kapag nagkakaintindihan, paliwanag ni Martin, tiyak na magkakaroon ng pagtutulungan sa ikagaganda ng kalakaran sa kagawaran.

Ang Port of Subic ay isa sa  may malaking mag-ambag  ng kita sa kabuuang koleksyon ng BOC. (Jo Calim)

Read More

SERBISYO, KALAKALAN  MAS PAGAGANDAHIN

BOC Port of Cebu

Stakeholders binigyang importansiya ng BOC Port of Cebu

(Ni BOY ANACTA)

Bilang bahagi nang pagpapaganda at pagsasaayos  ng kalakalan sa Bureau of Customs -Port of Cebu, nagkaroon ng pag uusap sina Acting District Collector Charlito Martin R. Mendoza  at  major port stakeholders nitong nakaraang Linggo.

Kinausap ni Mendoza ang mga kinatawan ng Therma Visayas, Mabuhay Filcement Corporation, PhilGold Processing and Refining Corporation, Chioson Development Corporation, Kepco SPC Power Corporation at Apo Cement Corporation.

Kabilang din sa mga kasama sa meeting ang mga kinatawan ng Cebu Energy Development Corporation, Taiheiyo Cement Corporation, Ecossential Foods Corporation, and Cagayan Corn Products Corporation.

Nabatid na ang iba pang port stakeholders ay naka-scheduled para sa  individual meeting sa sunod na Linggo.

Layunin ng pakikipag-ugnayan na palakasin ang koordinasyon at patatagin ang serbisyong ipinangako sa major stakeholders ng port.

Bukod sa usapin kaugnay sa maayos na serbisyo ng port of Cebu, tinalakay ang proseso sa pag import.

Positibo ang nakuhang reaksyon sa port’s major stakeholders ng BOC sapagkat nagpahayag ang mga ito ng suporta at pakikisa sa implementasyon ng polisiya at pagpapaganda ng serbisyo upang makamit ang totoong paglago ng ekonomiya ng bansa at kalakalan.

Read More

2019 ACHIEVEMENTS NG PORT OF NAIA: RECORD BREAKING

BOC-NAIA-3

IPINAGMALAKI ng Bureau of Customs – Port of Ninoy Aquino International Airport (BOC-NAIA) ang kanilang ‘record breaking achievements’ noong 2019.

Sa data ng BOC NAIA, maituturing na ang kanilang tanggapan ang may pinakamalaking nasabat na ilegal na droga tulad ng shabu, ecstacy, cocaine at marijuana.

Maging sa mga kontrabando tulad ng kontaminadong karne, baril, bala at iba pa ay maituturing sila ang may pinakamalaking huli.

Nabatid na ang BOC-NAIA ay nakasabat ng 54.4147 kilos ng Methamphetamine hydrochloride o shabu  na may katumbas na halagang P370 milyon; 4,152 piraso ng ecstasy tablets na may halagang P8.6 milyon  at 1.47 kilos ng cocaine na may halagang P7.8 milyon.

Umaabot naman ng 42, 026.1 kilos na karneng kontaminado ng African Swine Fever (ASF) ang  nakumpiska na walang kaukulang permit ang nasabat ng BOC-NAIA.

Nakahuli rin sila ng 10 piraso ng pistols/rifles; 97 piraso ng smuggled gun parts at 358 bala ng iba’t-ibang baril.

Bukod sa mga ilegal na droga, nakasabat din ang nasabing tanggapan ng 72,589 tablets valium/mogadon na may halagang P1.572 milyon ; 5.927 kilos ng marijuana/kush weeds na may halagang P9.397 milyon; 78 cartridge liquid marijuana na may street value na P805,000.

Nakapagligtas din ng  BOC NAIA ng 2,525  live species na nanganganib nang maubos (endangered species)  na nakatakda para sa exportation at importation.  (JO CALIM)

Read More

MSGC MEMBERS NG BOC NANUMPA

boc

UPANG mas lalong ma­ging matatag Performance Governance System ng Bureau of Customs, nagkaroon ng oath taking ang mga miyembro ng Multi-Sectoral Governing Council ng nasabing tanggapan noong Disyembre 2019.

Mismong si BoC Commissioner Rey Leonardo Guerrero, tumatayong chairman, ang nag-officiate ng oath taking ceremonies sa mga miyembro ng MSGC na pinangunahan ni co-chairman Dr. Jesus Estanislao.

Ang MSGC ay binubuo ng sectoral leaders na tumatayong kinatawan para sa isang external advisory group na magbibigay ng expert advise sa BOC upang matagumpay na maisakatuparan ang strategy road map para sa full automation sa proseso ng customs nang sa gayun ay makasabay sa global standards.

Kasabay nang oath ta­king, nagpasalamat si Guerrero sa council  at tinukoy ang kahalagahang papel ng MSGC para sa hinaharap ng customs administration upang magtuloy-tuloy ang paglago ng ekonomiya ng bansa. (Joel Amongo)

Read More

KARNE, PRUTAS NASABAT SA NAIA-BOC

BOC-NAIA-3

(NI FROILAN MORALLOS)

NASABAT ng mga tauhan ng Bureau of Customs (BOC) sa Ninoy Aquino International Airport (NAIA) ang tinatayang aabot sa 21.2 kilos ng karne galing sa tatlong bansa, na kinabibilangan ng China, Malaysia at Vietnam.

Nakuha sa mga pasahero ang mga chicken feet sa loob ng kanilang mga bagahe na nadiskubreng walang mga import pernit.

Bukod sa mga karne na-intercept din ang 8.2 kilos ng prutas at mga gulay na sinasabing galing sa bansang China .

Agad naman ilinipat ang mga naturang confiscated items sa Bureau of Animal Industry  (BAI).

 

Read More

KAMPANYA LABAN SA KATIWALIAN MAS PATITINDIHIN NG BOC SA 2020

(Ni JOEL O. AMONGO)

MAS magiging mahigpit na ang Bureau of Customs (BOC) sa kanilang operasyon  pagpasok ng taong 2020 upang matigil ang ‘graft and corruption’ sa Aduana.

Ito ang ginawang paniniyak ni  Customs Commissioner Rey Leonardo Guerrero sa kanyang mensahe noong Kapaskuhan kasabay nang pasasalamat sa kooperasyon at pakikiisa ng lahat sa taong 2019.

“Dahil sa pagtutulungan ng bawat isa sa kagawaran ay naipatupad ang bagong sistema at mas napadali ang pro­seso sa pagkakaroon ng ngipin sa mga hakbang para matigil ang graft and corruption,” ayon kay Guerrero.

“Nag-level up ang ating tanggapan sa usapin ng service delivery, intelligence gathering at over operations optimization,” dagdag pa ng commissioner.

Kasabay nito, inihayag ni Guerrero ang kanyang ‘10-point priority program’ sa BOC na naglalayong  mabalangkas at mabigyan ng focus ang kanilang adhikain upang maging epektibo tungo sa pagiging world-class ang serbisyo.

“Let us enjoy the rewards of our hard work by spending time with family and loved ones this season. And may our celebrations also give us more reason to face 2020 with renewed vigor and stronger drive to serve and to succeed,”  dagdag pa ni Guerrero.

Read More

BOC NAMAHAGI NG BIYAYA

relief goods-7

NAGSANIB puwersa ang dalawang tanggapan ng Bureau of Customs (BoC) sa pagbibigay ng relief goods sa mga pamilyang naapektuhan ng lindol sa Barangay Maraga-a, Kiblawan, Davao Del Sur bago ang Kapaskuhan.

Nangalap ng ‘Noche Buena’ packages ang mga opisyales at tauhan ng Port of Manila at Port of Davao para may magamit sa araw ng Pasko ang biktima ng lindol na pansamantalang tumitigil sa ilang evacuation centers.

Nais ng POM at POD na sa pamamagitan ng kanilang tulong ay pansamantalang maibsan ang dinadalang bigat sa dibdib ng mga residenteng nawalan ng tirahan dahil sa lindol.

Samantala, ang Port of Clark ay namigay ng pagkain at mga regalo sa mga batang Aeta sa Sitio Target Integrated School sa Barangay Sapangbato, Ange­les City bilang bahagi ng kanilang anniversary celebration at annual Christmas Charity Activity.

Pinangunahan ni Port of Clark District Collector Atty. Ruby Alameda ang kanyang mga tauhan sa pamimigay ng regalo sa mga batang Aeta.

Maging ang Port of Cebu ay nagkaroon ng ‘Annual Thanksgiving Party’ na dinaluhan naman ng mga empleyado nito na pinangunahan ni Acting District Collector Atty. Charlito Martin Mendoza.

Ipinaabot ni Mendoza sa mga empleyado at lahat ng stakeholders ang kanyang taos pusong pasasalamat sa kanilang malaking kontribusyon na naging dahilan kaya naabot nila ang kanilang  target collection. (Boy Anacta)

Read More

P141-M SHABU NASABAT SA NAIA

SHABU-NAIA

MULING nakaiskor ang Bureau of Customs nang masabat ang panibagong kontrabando ng ilegal na droga na nagkakahalaga ng P141 milyon noong Miyerkoles sa loob ng FeDex warehouse sa Pasay City.

Sa report na natanggap ni BOC Commissioner Rey Leonardo Guerrero mula kay Port of NAIA (Ninoy Aquino International Airport) District Collector Carmelita Talusan, nadiskubre ang mga pinaghihinalaang shabu na idineklarang speakers na galing sa United States of America matapos itong isailalim sa physical examination ng mga BOC personnel.

Tumambad sa pinagsanib na elemento ng BOC, NAIA Inter-Agency Drug Interdiction Task Group at Philippine Drug Enforcement Agency (PDEA) ang mga kontrabando na ilegal na droga o shabu na umaabot sa 20.8 kilos na may street value na P141,440,000.

Dinala sa tanggapan ng PDEA ang mga nakumpiskang droga para sa pagsusuri habang nakatakdang kasuhan ng paglabag sa Comprehensive Dangerous Drugs Act of 2002 in relation to Customs Mo­dernization Tariff Act ang importer ng nasabing kontrabando.

Ayon kay Guerrero, tuluy-tuloy ang gagawin nilang pagbabantay sa mga paliparan at daungan na kanilang mandato upang walang makalusot na mga kontrabando.   (JOEL AMONGO)

Read More