SERBISYO NG BOC PAGAGANDAHIN PA

BOC-11

(Ni BOY ANACTA)

Sa layuning pagandahin pa ang paghahatid serbisyo sa publiko ng Bureau of Customs (BOC), nag-enroll ang ahensya sa Performance Governance System (PGS).

Bahagi nito ay ang pakikipag-ugnayan ng BOC sa Institute for Solidarity in Asia (ISA) para sa ‘strategic planning facilitation services’ .

Layunin nito na ma­ging moderno na ang BOC para magkaroon ng mataas na kalidad ng serbisyo sa stakeholders  partikular pagdating sa designing, execu­ting, monitoring at sustaining strategy na siyang pangunahing plataporma ng PGS.

Dahil dito, sumailalim ang BOC sa 3-araw na ‘Strategic Positioning and Roadmapping Session’ na ginanap sa Diamond Hotel noong nakaraang Agosto 1, 2019 na kasama sa isinusulong na 10-point priority program ng ahensya  para sa taong 2019.

Ang tatlong araw na aktibidad ay dinaluhan ng Customs Commissioner, Deputy Commissioners, Service Directors at mga BOC Port Collectors.

Nagsilbing resource speakers/facilitator ay si  Mr. Chris Zaen, ISA Executive Director

Ayon kay Customs Commissioner Rey Leonardo Guerrero, ang enrollment ng bureau sa PGS ay bahagi ng  programa ng ahensya para sa good governance at anti-graft and corruption.

Pursigido ang kasalukuyang pamunuan ng BOC at mga tauhan nito na isusulong ang pagbabago at reporma sa ahensya partikular ang pagsugpo sa lahat ng uri ng korapsyon.

Bukod pa sa pagsusulong ng mga hakbangin upang maitaas ang moral standards ng kawanihan at palakasin na maging produktibo ang kapaligiran nito.

Kamakailan  ay  nagpatupad  na ng iba’t ibang reporma ang  pamununan para mapaganda at ma­ging epektibo  ang serbisyo  gayundin ang pagpapairal ng transparency at pag-iwas mula sa mga katiwalian.

Please follow and like us:
Read More

$12,000 NAKUMPISKA NG BOC SA NAIA

ciustoms44

(NI FROILAN MORALLOS)

NASABAT ng mga tauhan ng Bureau of Customs (BoC) sa Ninoy Aquino International Airport (NAIA) ang bagong modus o style ng smuggling ng sindikato, hindi smuggling ng illegal drugs o endangered species kundi smuggling ng pera galing sa ibang bansa.

Nabatid mula kay BOC-NAIA district collector Mimel Talusan, nadiskubre ang naturang foreign currencies ng kanyang mga tauhan pagdaan sa x-ray machines na aabot sa $12, 000 (tig $100 dollar bills) katumbas ng kalahating milyong piso.

Sa nakalap na impormasyon, ang naturang foreign currences ay ipinadala via air cargo galing pa sa Arkansas, at ibinalot ito sa aluminum foil, at inilagay sa loob ng cellular phone box.

Dumating ito ng Miyerkoles, July 31, sa Ninoy Aquino International Airport  sa pamamagitan ng FedEx.

Ayon pa kay Talusan ang nasabing foreign currencies ay kukumpiskahin dahil sa paglabag ng Section 1400 in relation to Section 113 ng Customs Modernization and Tariff Act (CMTA).

Kaugnay nito, magsasagawa ang BoC ng masusing imbestigasyon partikular na ang mga  consignee, sender at Customs broker bago sampahan ng kasong kriminal dahil sa paglabag ng Customs rules and regulation.

 

Please follow and like us:
Read More

MAMAHALING SASAKYAN, MAKINA SA PAGGAWA NG SIGARILYO SINIRA NG BOC

MAMAHALING SASAKYAN

Tuluyan nang sinira ng Bureau of Customs (BOC) ang 1 unit ng mamaha­ling sasakyan, 12 makina sa paggawa ng pekeng sigarilyo at 1,000 master cases ng iba’t bang brand ng sigarilyo na isinagawa sa PUC Parking Bureau ng Customs Compound, Port Area,  Manila noong nakaraang Hulyo 23, 2019.

Pinangunahan ito ni Undersecretary Jesus Melchor V. Quitain, OIC  ng Office of the Special Assistant to the President.

Kabilang sa mga sinira ay ang Ferrari, na idineklarang gamit na auto spare parts, na dumating sa Port of Manila (POM) noong Mayo 13, 2019  at deklaradong abandonado  at kinumpiska batay  na rin sa Section 1129 ng Customs Modernization and Tariff Act (CMTA).

Sa isinagawang physical examination ng Customs examiner nakita na ang nasabing shipment ay naglalaman ng Ferrari na pawang may pintuan na nakakalas mula sa katawan ng sasakyan.

Samantala, ang fake cigarettes at imported cigarette-making machines naman ay nasabat noong nakaraang Pebrero 2019 ng elemento ng BOC-Enforcement and Security Service (ESS) mula sa warehouse na matatagpuan sa Barangay Bagacay, Tacloban City, matapos hindi makapagpresinta ng katibayan  na nagbayad ito ng duties and taxes.

Ang nasabing makina ay inisyuhan ng Warrants of Seizure and Detention (WSD) kung kaya’t kinum­piska ito ng gobyerno kaa­linsunod sa isinasaad sa ilalim ng Sections 1401 at 1113 ng CMTA.

Samantala ang iba’t ibang master cases ng counterfeit cigarettes ay nasabat batay  na rin sa kautusan na nakapaloob sa nasabing  probisyon ng CMTA at RA 8293,  o mas kilala sa tawag na Intellectual Property Code of the Philippines.

Ang pagkumpiska at pagsira ng nasabing goods ay magsisilbing babala sa mga smuggler at gumagawa ng mga pekeng sigarilyo.

Kaugnay na rin ito sa direktiba ni Secretary of Finance Carlos Dominguez sa   ahensya na higpitan pa ang  pag-monitor sa importasyon at gumagawa  ng ilegal na sigarilyo.  (Jo Calim)

Please follow and like us:
Read More

KORAPSIYON SA BoC IIMBESTIGAHAN NG NBI

nbi200

(NI HARVEY PEREZ)

PINAIIMBESTIGAHAN ni  Justice Secretary Menardo I. Guevarra sa  National Bureau of Investigation(NBI) ang nagaganap na korapsiyon sa  Bureau of Customs (BoC).

Nabatid na sa inisyu nitong Department Order 383, inatasan ni Guevarra si NBI Director Dante Gierran na magsagawa ng masusing imbestigasyon at case build-up sa mga opisyal at kawani ng BOC sangkot sa katiwalian.

Kaagad rin pinakakasuhan ni Gievarra sa DoJ, ang mga opisyal ng BoC, mapapatunayan sangkot sa katiwalian.

Sinabi ni Guevarra, ang mga paiimbestigahan ay iyong   tinukoy ni Pangulong Rodrigo Duterte sa kanyang State of the Nation Address (SONA).

Magugunita na pinagsabihan ni Duterte ang mga opisyal na magsipagbitiw na  sa kanilang tungkulin kung hindi ay iimbestigahan sila at kakasuhan.

 

Please follow and like us:
Read More

NON-BROKERS MAKAPAGREREHISTRO NA BILANG DECLARANTS NG BOC

CMO-34

(Ni Jomar Operario)

Maaari nang magparehistro  bilang declarants ng Bureau of Customs (BOC) ang mga non-brokers.

Ito’y matapos na pahintulutan ng BOC ang lahat ng importers ang kanilang mga tao na tumayong ahente o Attorney-in-Fact na magdesisyon kung saan ilalagak at ipoproseso ang kanilang declaration of goods sa  ahensya sa pagsumite ng aplikasyon para makakuha ng Certificate of Accreditation bilang declarant mula sa ahensya.

Kaalinsunod na rin ito sa inilabas  na Customs Memorandum Order (CMO) No. 34-2019  na kung saan  nakasaad na ang  declarant ay responsable para sa tamang  declaration of goods  at para sa pagbabayad ng duties, taxes at iba pang bayarin ng mga imported goods.

Ang sinumang lalabag nito ay papatawan ng naaa­yon sa paglabag sa Customs Modernization and Tariff Act (CMTA) at iba pang may kaugnayan sa batas partikular ang Sections 106 at 107 ng CMTA na nakasasakop sa accreditation at registration.

Kaugnay nito, lahat ng mga nagnanais maging accredited bilang declarant ay kinakailangang mag-apply para sa rehistrasyon sa ilalim ng Client Profile Registration System (CPRS).

Ang rehistrasyon ay magkakaroon ng validity sa loob ng isang taon mula sa petsang inilabas maliban lang kung hindi ito suspendido o pinawalang bisa.

Ang pag-isyu ng CMO ay bahagi  na rin ng  hangarin ng ahensya para sa maayos na   implementas­yon ng CMTA at pagsunod sa mandatory standards ng Revised Kyoto Convention tungo na rin sa  isinusulong na makabagong pamamaraang reporma ng ahensya  at makasabay sa international standards.

Please follow and like us:
Read More

REGULASYON SA ‘THIRD PARTY ACCREDITATION’ HINIGPITAN NG BOC

BOC

(Ni Boy Anacta)

Bilang bahagi pa rin ng  inisyatibo para ma­sugpo ang korapsyon at smuggling sa Bureau of Customs (BOC), hinigpitan na ang pagbabantay laban sa mga hindi awtori­sadong transaksyon sa Aduana.

Kaalinsunod na rin ito sa  inilabas na Customs Administrative Order (CAO) No. 06-2019 na naglalayong bantayan  at higpitan pa ang mga transaksyon ng  ahensya.

Partikular na hinigpitan  ay ang  ipinatupad nitong regulasyon kaugnay sa  accreditation ng  ‘third parties’  na awtorisadong  makipagtransaksyon sa ahensya.

Ayon sa BOC, magtatakda ng karagdagang requirements ang ahensya para sa  ‘third parties’ na siyang  awtorisadong maki­pagtransaksyon sa  ahensya para sa  katauhan ng  isang indibidwal  o entity.

Sa ilalim ng CAO, sinabi ng  BOC  na ang  ‘third parties’ ay kailangang la­ging  may  maipiprisinta at ipakikitang records of transaction  na ginawa sa katauhan o bilang kinatawan ng importer, consignee, o exporter.

“Third parties who may be authorized to transact with the Bureau on behalf of another person or entity in compliance with the CMTA shall be treated equally as legitimate importers or consignees,” ayon sa  BOC.

Ang mga interesado ay kailangang  mag-apply for registration sa Account Management Office (AMO), na kung saan kanilang ipiprisinta ang ilang mga dokumento for accreditation.

Kabilang sa  mga requirements ay ang Proof of Membership in Good Standing, Bureau of Internal Revenue (BIR) Certificate of Registration, at Mayor’s Permit.

Kailangan din nilang magbayad ng P1,000 annual registration fee, at iba pang  requirements na  espesipikong itatakda sa  ilalabas na Customs Memorandum Order (CMO).

“Once application is approved, a Certificate of Registration will be issued by the Bureau which will be valid for one year from date of approval,” dagdag ng  BOC.

Please follow and like us:
Read More

OPERASYON NG BOC-CIIS, ESS AT PNP-CIDG: 2 HULI SA PAGBEBENTA NG KONTRABANDO

ARRESTED-10

Naaresto ng pinagsanib na operasyon ng Bureau of Customs-Customs Intelligence and Investigation Service (BOC-CIIS), BOC-Enforcement and Security Service (ESS) at ng Philippine National Police-Criminal Investigation and Detection Group (PNP-CIDG) ang dalawang lalaki dahil sa ilegal na pagbebenta ng items na nasabat ng BOC kamakailan.

Nakilala ang mga naaresto na sina Primo Baldon at Richard Lagrolia.

Ayon sa report, noong Hulyo 12, 2019, ang mga elemento ng CIIS at ESS ay nakipag-ugnayan kina  PLtCol Cesar G. Paday-os, chief ng CIDG Anti-Transnational Crime Unit (ATCU) kaugnay sa ulat ukol sa iregularidad ng  isang grupo na nagpakilalang mga empleyado ng BOC.

Base sa inisyal na ulat ng BOC Intelligence Group (IG), ang modus ng grupo ay magpo-post ng  vehicle for sale sa social media sa napakababang halaga at makikipagkasundo sa bibili ng sasakyan na sila’y makikipagkita.

Ang kasunduan ng magkabilang panig ay magkikita ang mga ito malapit sa office ng BOC at magpapakita ng  identification cards ang suspek para makumbinsi ang biktima na mga empleyado ng BOC ang kanyang kausap.

Noong Hulyo 16, 2019 plinano ang entrapment operation ng pinagsanib na elemento ng  CIDG, ESS, at CIIS.

Sa nasabi ring araw, ay nagkasundo ang mga operatiba at ang mga suspek na magkita sila sa Gate 1, Port Area, Manila na nagresulta ng pagkakaaresto nina Baldon at  Lagrolia.

Kasalukuyang ginagawa ang joint investigation ng BOC, PNP, at CIDG para sa pagsasampa ng kaso laban sa mga suspek. (Joel O. Amongo)

Please follow and like us:
Read More

BOC PINANGUNAHAN ANG ASW 48TH MEETING

ASW

Pinangunahan ng Bureau of Customs (BOC) ang 48th meeting ng ASEAN Single Window (ASW)  na dinaluhan ng mga kinatawan mula sa iba’t ibang bansa sa Asya na isinagawa sa Rizal Park Hotel, kamakailan.

Ang ASW ay isang regional initiative, na ang layunin ay magkaroon ng maayos na cross-border electronic exchange ng Customs documents  sa pagitan ng ASEAN’s 10 member-states.

Pangunahing lumahok sa four-day meeting ay ang  Technical Working Group (TWG)  mula sa mga delegado ng ASEAN member-states, miyembro ng Philippine delegation mula sa iba’t ibang ahensya ng gobyerno at kinatawan mula sa kinatawan ng USAID-Inclusive Growth sa ASEAN, Trade and E-Commerce.

Ayon kay BOC Commissioner Rey Leonardo Guerrero,  sinimulan  na ng ahensya ang  automation processes,  gayundin ang enhancement  ng cargo clearance examination,  at pagpapalakas ng institutional and individual capabilities  na may kaugnayan sa intelligence at enforcement  bilang paghahanda sa  paglahok ng ahensya  sa ASW live operations ngayong taon.

“The enhancements required to resolve the end-to-end testing issues are about to be completed. Domestic preparations to meet the targets are also being done by BOC together with other agencies,” ayon kay Guerrero.

Ini-report din ng ahensya  na patuloy silang nakikipag-ugnayan sa Department of Agriculture (DA) at Department of Health (DOH) para sa palitan ng karagdagang cross-border electronic trade documents na gagamitin sa ASW.

Handa na rin ang  ahensya sa  kanilang action plan na kung saan ay magsisilbi bilang framework ng BOC’s commitment and priorities.

“All these we will strive to put into action and we welcome all support and assistance for us to achieve our objective to be at par with our fellow member-states who are now part of or are ready to join the ASW live operation,” dagdag pa ni Guerrero.    (Jo Calim)

Please follow and like us:
Read More

COMMAND RESPONSIBILITY SA BOC HINILING

BOC-ASF-2

(NI BERNARD TAGUINOD)

UPANG maging matagumpay ang paglilinis sa mga tiwali sa Bureau of Customs  (BOC), kailangang seryosong ipatupad ang “command responsibility” o panagutin din ang mga opisyal ng mga empleyadong nasasangkot sa korupsyon.

Ito ang iginiit nina Paranaque Rep. Joy Tambunting at Gabriela party-list Rep. Arlene Brosas kasunod ng pagsibak ni Pangulong Rodrigo Duterte sa 64 empleyado ng BOC administrative section dahil umano sa katiwalian.

“The BoC is an agency known for corruption. The government must take decisive action in rooting out corruption in this agency. Command responsibility should be observed,” ani Tambunting.

Bago ang pagsibak ni Duterte sa 64 administration section employees ng BOC, sinibak ni Commissioner Rey Leonardo Guerrero ang kanyang Chief of Staff (COS) na si Teodoro Jumamil dahil umano sa katiwalian.

Ayon kay Brosas, hindi lang umano ang mga nabanggit na empleyado ang dapat managot sa hindi matigil-tigil na katiwalian sa BOC kundi isama umano ang kanilang amo dahil sa doktrina ng command responsibility kung saan dapat managot ang mga boss sa maling ginagawa ng kanilang mga tauhan.

“Commissioner should be directly liable for this corruption), but we all know that corruption is deeply ingrained in many of the agencies in government, especially in the BoC,” ani Brosas.

Kahit hindi umano sangkot sa katiwalian ang mga amo o namumuno sa isang ahensya tulad ng BOC kung nasasangkot sa katiwalian ang mga taong pinamumunuan nito ay dapat ding managot umano ang mga ito.

“Dapat lamang accountable at naparurusahan ang mga nagkasala sa bayan lalo pa at korapsiyon ang pinag-uusapan. The problem lies in the system of corruption. Kahit pa palitan niya (President Duterte) ng mga militar lahat diyan, it will not resolve the problem. Kapag hindi kabisado ang trabaho, nakalulusot ang mga sindikato. The fight for corruption is having good credible and with integrity people in governance and a fool proof system against corruption,” ayon pa kay Brosas.

Please follow and like us:
Read More