DEPT. OF RESILIENCE ISABATAS NA — SOLON

0

(NI NOEL ABUEL)

IGINIIT ni Senador Christopher Bong Go na napapanahon nang  maisabatas ang panukalang Department of Disaster Resilience.

Ito ay kasunod ng serye ng lindol sa Mindanao at ang mapaminsalang bagyo na sumalanta sa Visayas at ilang bahagi ng Luzon noong Disyembre.

Sinabi ni Go na dapat maging proactive ang lahat  at mayroong departamento na tututok sa disaster preparedness at  pagtugon sa mga epekto nito.

Idinagdag pa nito na makatutulong aniyang mapabilis ang pagbangon ng mga biktima ng kalamidad kapag mayroon nang nakatutok na iisang ahensiya ang pamahalaan.

Dagdag pa ni Go na gusto rin ni Pangulong  Rodrigo Duterte na magkaroon ng  mandatory evacuation center sa bawat lalawigan upang maging mas maayos ang  kalagayan ng mga evacuees kapag panahon ng kalamidad.

 

Read More

MANDATORY EVACUATION CENTER SA BAWAT LUNGSOD, IGINIIT 

0

(NI DANG SAMSON-GARCIA)

ISINUSULONG ni Senador Bong Go ang paglalagay ng evacuation center sa lahat ng lungsod, lalawigan at munisipalidad sa buong bansa.

Sa kanyang Senate Bill 1228, iginiit din ni Go ang paglalaan ng pondo para sa pagtatayo ng mga evacuation center.

Ipinaliwanag ni Go sa kanyang panukala na alinsunod sa Konstitusyon, mandato ng gobyerno na protektahan ang buhay, ari-arian at kapakanan ng sambayanan kasabay ng pagpapanatili ng peace and order.

Binigyang-diin ng senador na madalas na tinatamaan ng kalamidad ang bansa dahil sa lokasyon nito sa “Pacific Ring of Fire”.

Sa panahon anya ng kalamidad tulad ng bagyo at lindol, kadalasang nabibiktima ang mga mahihirap na nawawalan ng mga tahanan.

Dahil dito, napapanahon na anyang tiyakin na may mapupuntahan ang publiko na evacuation centers sa panahon ng kalamidad.

Alinsunod sa panukala, ang bawat evacuation center ay dapat na mayroong Sleeping quarters sa evacuees; magkahiwalay na shower at toilet facilities sa babae at lalaki; mayroong emergency/exit doors; ang Food preparation areas ay dapat na may sapat na hangin; mayroong Trash and waste segregation at collection areas; dapat ding mayroong isolation and/or quarantine area para sa infectious persons;gayundin ang rainwater harvesting and collection facilities.

 

Read More

LAMBANOG POISONING PROBE PINATATAPOS SA DEC 28

0

INIUTOS ni Pangulong Rodrigo Duterte sa National Bureau of Investigation (NBI) na imbestigahan ang mga ulat ng lambanog poisoning sa Laguna at Quezon at tapusin ito hanggang Disyembre 28.

Sinabi ni Justice Secretary Menardo Guevarra na inatasan sila na imbestigahan at ipasa ang report sa Malacanang.

Nasa 14 katao na ang namatay at daan katao ang naospital sa lambanog sa iba’t ibang lugar sa Rizal, Laguna at Quezon. Sinabi ni Senador Christopher “Bong” Go na hihintayin ng Pangulo ang report sa Disyembre 28.

Sinabi ng Food and Drug Administration na lima sa pitong sample ng lambanog ang mayroong mataas na antas ng methanol.

Sinabi naman ni Health Undersecretary Eric Domingo na 399 sa nalason ang naospital habang 39 pa ang nanatiling naka-confince sa Philippine General Hospital hanggang noong Huwebes.

Read More

LUMABAG SA CEASEFIRE GUSTONG MALAMAN NI DUTERTE

DUTERTE66
0

(NI NOEL ABUEL)

KINUMPIRMA ni Senador Christopher Bong Go na interesado si Pangulong  Rodrigo Duterte na malaman  kung  kaninong kampo ang  lumabag sa idineklarang ceasefire ng pamahalaan at ng tropa ng mga rebeldeng New People’s Army.

Kasunod ito ng nangyaring ambush sa tropa ng gobyerno sa Camarines Norte kung saan mayroong namatay at nasugatan.

Sinabi ni Go na base sa pag-uusap nila ni Pangulong Duterte, hindi masisisi ang pamahalaan  kung iti-terminate ang  unilateral ceasefire  kung mapatunayang may paglabag.

Una nito, nanawagan si Go sa rebeldeng  grupo na magtiwala sa Duterte administration  dahil  ito lamang ang  administrasyon na sinsero sa pakikipag-usap sa mga makakaliwa.

Matatandaang kinondena ng Armed Forces  of  the Philippines (AFP) ang ginawang pananambang ng mga rebelde sa tropa ng pamahalaan habang nanindigan ang  NDF na dumepensa lamang sila sa tropa ng   gobyerno.

 

Read More

SOLON: MATAAS NA RATINGS NG PANGULO ‘DI NAKAGUGULAT

0

(NI NOEL ABUEL)

HINDI na ikinagulat ni Senador Christopher Bong Go ang 87% na trust rating ni Pangulong Rodrigo Duterte sa pinakahuling  latest survey ng Pulse Asia.

Ayon sa senador, inaasahan na nito ang mataas na trust rating sa Pangulo dahil  ramdam na ng marami ang  bunga ng mga reporma at programa na ipinatutupad ng administrasyon.

Inihalimbawa pa ni Go, marami na ang hindi natatakot na maglakad kahit dis-oras ng  gabi dahil sa anti-criminality at anti illegal drugs campaign ng pamahalaan.

Iginiit din ni Go na hindi lang sa mga ganitong programa ramdam ang mga nagawa ni Duterte simula nang maupo ito sa puwesto, maging sa infrastructure na walang pangalan ang mga proyekto, anti-illegal drugs  at ang anti-corruption campaign.

Binigyang diin ni Go na kahit kakampi nila noong eleksyon o maging  kaibigan kung pumasok sa korapsyon ay hindi nila sasantuhin.

 

Read More

SUPORTA SA NLRC HINILING SA SENADO

0

(NI NOEL ABUEL)

UMAPELA ang ilang senador sa mga kapwa nito mambabatas na ikonsiderang suportahan ang

pagbuo ng additional division sa National Labor Relations Commission.

Umaasa si Senador Christopher Lawrence ‘Bong’ Go na matutugunan ang kanyang inihaing Senate Bill No. 1254 na malaking tulong para mapabilis ang pagdedesisyon sa mga kasong inihahain sa (NLRC).

Kasama sa panukala ni Go ang  pagdadagdag ng bilang ng mga uupong komisyoner ng ahensya mula 14 ay gagawing 17.

Layon umano ng panukala na magkaroon ng NLRC, na attached agency ng Department of Labor and Employment (DOLE) para lamang sa program at policy coordination na bubuuin ng chairman at 17 members.

Base sa panukala, ang 6 na members ay pipiliin sa mga nominees ng mga manggagawa at employers organization habang  ang chairman at 5 members ay magmumula sa public sector at pipiliin base sa mga inirekomenda ng kalihim ng DOLE.

Nakasaad din sa panukala na puwedeng umupong en banc ang  Commission pero sa layon lang na bumuo ng rules and regulations para sa mga hearing  at  disposition ng mga kaso bago ang mga division at regional branches nito.

Nakapaloob din sa panukala na ang Chairman sa tulong ng Executive Clerk ng Commission ay mayroong administrative supervision  sa Commission at mga regional branches at personnel nito kabilang na ang  Executive Labor Arbiters at Labor Arbiters.

 

Read More

MODERNISASYON NG BFP TINIYAK

0

(NI NOEL ABUEL0

TINIYAK ni Senador Christopher Lawrence Go na susuportahan nito ang pagsasailalim sa modernisasyon ng Bureau of Fire Protection (BFP).

Ayon sa senador, malaki ang ginagampanan ng BFP sa pangangalaga sa taumbayan kung kaya’t dapat tulungan maisaayos ang naturang ahensya sa buong bansa.

Sa kanyang talumpati sa 46th Fire Service Recognition Day bilang  guest of honor, sinabi ni Go na tinaasan ang budget ng  BFP  para lalong mapabuti ang kapasidad nito  sa pagtulong sa mga kababayang  nangangailangan ng kanilang serbisyo.

Ayon kay Go, sa mahigit P2 bilyon budget ng BFP sa 2020 ay nagdagdag ang Senado ng mahigit P32 milyon  para makabili  ang ahensiya ng dagdag na fire trucks.

Pinasalamatan naman ni Go ang  mga bumbero sa patuloy na suporta ng mga ito sa kanya at higit kay Pangulong Rodrigo Duterte.

Binigyang diin ni Go ang kanyang paghanga sa mga bumbero sa hindi pag-alintana sa peligrong sinusuong makatulong lang sa mga nasusunugan.

 

 

Read More

OLIGARCHS SAGABAL SA PANGULO – GO

0

(NI NOEL ABUEL)

IGINIIT ni Senador Christopher Bong Go na sa simula pa lamang ng  termino ni Pangulong Rodrigo Duterte ay puspusan na ang papatupad nito ng mga reporma at pagbabago sa gobyerno at sa buong bansa.

Aminado ang senador na bagama’t marami na ang nagawa ng  Pangulo ay marami rin ang hindi nito maisakatuparan dahil  mayroong puwersa na humahadlang sa kanya.

Giit ni Go, mistula aniyang  ayaw ng mga ito na magtagumpay  ang mga programa ni Pangulong  Duterte kabilang na ang mga mayayamang  negosyante sa bansa.

Inihalimbawa nito ang kaso ng mga water concessionaires na ginigipit ang mamamayan sa pamamagitan ng  suplay ng  tubig na importanteng  kailangan ng  tao para mabuhay.

Iginiit nito na ayos lang naman sanang magpatupad ng kung anu-anong bayarin ang mga water concessionaires kung naibabalik nang maayos  ang serbisyo ng mga ito sa sambayanan.

Ginagamit aniya ng mga mapagsamantalang  negosyante ang tubig dahil walang  magawa ang taumbayan kundi ang sumunod sa dikta ng mga water companies.

Hindi rin naiwasang kuwestiyunin ni Go ang mga kritiko ng Pangulo na mas pinili ngayong  manahimik kaysa sa tulungan ang pamahalaan sa pagkuwestiyon sa mga hindi makatarungang kasunduan na napasok ng mga nakalipas na gobyerno sa mga water concessionaires.

Read More

DAGDAG-ALLOWANCE SA PINOY ATHLETES IGINIIT

bong go55
0

(NI NOEL ABUEL)

TINIYAK ni Senador Christopher Bong  Go na pag-aaralan nito ang posibilidad na mataasan ang  tinatanggap na allowance ng mga atletang  Pilipino.

Sinabi ito ng senador kasabay ng pagsasabing inuna lamang nitong ihain ang pagkakaroon ng  Philippine High School for Sports.

Layon umano nito na magkaroon ng sariling high school  para sa mga atletang may potensyal at gustong mag-aral kasabay ng kanilang training sa sports.

Ipinaliwanag ni Go na hindi na kailangang lumayo ang mga kabataan sa eskuwela habang nagsasanay sa kanilang  sports at hindi na mapapabayaan ang pag-aaral.

Inihayag ni Go na ilalagay sa  loob ng New Clark City ang  Philippine High School for Sports  kung saan inaasahang maisakatuparan ito sa 2021.

Tiwala itong matutupad ang nais nito dahil sa pumayag na aniya ang BCDA, DepEd at  PSC.

 

Read More