P4.1T 2020 NATIONAL BUDGET ISASABATAS NA SA LUNES — SOLON

(NI ABBY MENDOZA)

KINUMPIRMA ni House Committee on Appropriations Chairman Isidro Ungab na sa Lunes, Enero 6, lalagdaan na ni Pangulong Rodrigo Duterte ang P4.1 T national budget.

Depensa naman ng mga mambabatas, kahit pa man nagkaroon ng isang linggong delay sa pagpapatupad ng 2020 national budget ay wala itong epekto sa ekonomiya.

Giit ni 1 Pacman Partylist Rep Mikee Romero, hindi gaya ng naging delay sa 2019 budget ang nangyari sa 2020 budget.

“It’s unlike the budgetary mess we faced last year. Though the President signed the budget in April, the delay really extended to at least six months due to the tedious process of releasing and obligating funds. It really took its toll on the economy, whose growth slowed down in the first two quarters before recovering in the third quarter,” paliwanag ni Romero.

Matatandaan na una nang sinabi ni Romero, isang enonomist, na sa apat na buwan na delay sa pagpapatupad noon ng 2019 budget ay katumbas ng P464 billion economic loss subalit ngayong 2020 ay wala syang nakikitang epekto ng isang linggong delay.

Sinabi ni Davao City Rep at House Approprations Committee Chair Isidro Ungab na tiwala ang buong Kongreso sa isinumite nitong budget sa Malacanang na sumasalamin sa tunay na hangarin ng administrasyong Duterte na magkaroon ng inclusive economic growth sa buhay ng mga Filipino.

Aminado si Ungab na wala silang ideya kung mayroong probisyon sa 2020 national budget ang ive-veto ni Pangulong Duterte.

Magugunita na sa 2019 P3.7T budget ay nai-veto ni Pangulong Duterte ang may P95.3B budget kasama dito ang may P75B na insertions na ginawa ng Kamara para sa ilang proyekto sa ilalim ng Department of Public Works and Highways.

Sa advisory na ipinadala ng Malacanang sa Kamara ay inabisuhan ito na sa Enero 6, ganap na alas 4:00 ng hapon lalagdaan ng Pangulo ang national budget.

 

Read More

DELAY SA PAGPIRMA SA NAT’L BUDGET WALANG EPEKTO SA EKONOMIYA 

(NI BERNARD TAGUINOD)

KUMPIYANSA ang liderato ng Mababang Kapulungan ng Kongreso na hindi makaaapekto sa ekonomiya ang anim na araw na delay sa pagpirma ni Pangulong Rodrigo Duterte sa 2020 national budget na nagkakahalaga ng P4.1 Trillion.

Ayon kay  House committee Information and Communications Technology chair Victor Yap, ng Tarlac, wala itong nakikitang indikasyon na magkakaroon ng malaking epekto sa ekonomiya ang isang linggong delay sa pambansang pondo.

“For a week, I don’t think it will affect the economy unlike last year when it was (delayed) like half a year almost,” ani Yap na ang tinutukoy ay ang P3.757 Trillion na 2019 national budget na 5 buwang nagdelay dahil sa pork barrel issue.

Nabatid na sa Enero 6 pa umano pipirmahan ni Duterte ang national budget dahil nire-review pa umano nito ang inaprubahang pambansang pondo ng dalawang Kapulungan ng Kongreso.

“The signing on January 6 will be in time to finance the necessary expenditures especially the social services and the ‘Build, Build, Build’ projects. This will pump prime the economy,” ayon naman kay Ako Bicol party-list Rep. Alfredo Garbin

Unang itinakda ng Palasyo na pipirmahan ni Duterte ang pambansang pondo noong Disyembre 18, 2019 subalit hindi ito natuloy dahil pinag-aaralan pa niya ito.

Magugunita na naging kontrobersyal ang 2020 national budget matapos ilutang ni Sen. Panfilo Lacson na may pork barrel pa rin umano dito  sa inaprubahan  sa bicameral conference committee na umaabot sa P83 Billion.

Kabilang na rito ang flood control projects na hindi idinetalye kung saang lugar itatayo at ilang kilometro kaya hiniling ng mga militanteng mambabatas kay Duterte na i-veto ito.

Read More

PAG-VETO SA 2020 BUDGET HINILING KAY PDU30

(NI BERNARD TAGUINOD)

HINILING ng Makabayan bloc kay Pangulong Rodrigo Duterte na pag-aralan muna ang 2020 national budget na nagkakahalaga ng P4.1 Trillion matapos ibunyag ni Sen. Panfilo “Ping” Lacson na umaabot sa mahigit P90 Billion na  ‘pork barrel’  ang nailusot dito at kung kinakailangan ay dapat aniya itong i-veto.

Ginawa ni Bayan Muna party-list Rep. Carlos Zarate ang nasabing hamon matapos ratipikahan ng dalawang Kapulungan ng Kongreso ang 2020 national budget at nakatakdang dalhin na ito sa Office of the President para lagdaan ng Pangulo.

“Ang hamon namin sa Malacanang mismo ito, kung totoo man ito (alegasyon ni Lacson) ay iveto ito,” ani Zarate dahil posibleng may mga serbisyo publiko ang naapektuhan o nabawasan ang pondo para pondohan ang mga pet project umano ng ilang mambabatas.

Sa alegasyon ni Lacson, kabilang sa mahigit P90 Billion ang P83 Billion na inilaan sa flood control projects na hindi umano nakadetalye sa inaprubahang national budget kaya itinuturing ito ng senador na “pork barrel”.

Magugunita na nai-veto ni Duterte ang 2019 national budget matapos mabunyag na umaabot sa P95 Billion ang isiningit na pork barrel ng mga Kongreso noong panahon ni dating House speaker Gloria Macapagal Arroyo.

Inamin ng mambabatas na wala silang panahon na mabusisi ang bicameral conference committee report sa national budget bago ito niratipikahan noong Miyerkoles ng hapon dahil ibinigay umano sa kanila ang kopya 10 minuto bago ito isinalang sa ratipikasyon.

“Naku, siguro 10 minutes lang bago naratipikahan,” ani Zarate nang tanungin kung ilang oras nilang pinag-aralan ang kopya ng bicameral conference committee report sa pambansang pondo.

 

Read More

NATIONAL BUDGET RATIPIKADO NA

(NI BERNARD TAGUINOD)

NIRATIPIKAHAN na sa Mababang Kapulungan ng Kongreso ang bicameral conference committee report sa 2020 national budget na nagkakahalaga ng P4.1 Trillion at nakatakda umano umano itong lagdaan ni Pangulong Rodrigo Duterte sa susunod na 10 araw.

Sa pamamagitan ng  viva voce voting , idineklarang panalo ang ayes (yes) kontra nyes (no) at ihinahahanda na kopya ng 2020 General Appropriations Bill (GAB) upang maipadala na sa Office of the President para mapirmahan na ng Pangulo.

Unang inaprubahan at pinirmahan ng mga contingent ng Kamara at Senado  sa Bicameral conference ang 2020 GAB nitong Miyerkules ng umaga at agad itong isinalang sa ratipikasyon sa plenaryo ng Kamara pagdating ng hapon.

“Very smooth,” ang paglalarawan ni House majority leader Ferdinand Martin Romualdez sa Bicameral conference meeting na hindi dinaluhan nina Senate minority leader Franklin Drilon at Sen. Panfilo “Ping” Lacson.

“We passed a budget with no pork, no parked funds, and no delays with full tranparency. While there is no perfect budget, both the Senate and the House of Representatives have identified areas where funds have been underutilized for various reasons,” ani House Speaker Alan Peter Cayetano.

Ito ay sa kabila ng alegasyon ni Lacson na nagkaroon ng last minute insertions ang mga kongresista sa 2020 national budget na umaabot sa P83.2 Billion.

Sinabi ni Cayetano na nakatutok sa sektor ng kalusugan, agrikultura at build-build-build program ang  2020 national budget na magpapaangat umano sa kalidad ng pamumuhay ng mga Filipino.

“2020 is a very symbolic year as it represents a perfect vision – a vision we share with President Duterte to provide a safe and comfortable life for all Filipinos. Now more than ever is the best time to push for reforms to see this goal through,” ayon pa kay Cayetano.

Sinabi ni Romualdez na inaasahang pipirmahan ni Duterte ang national budget sa susunod na 10 araw.

Read More

2019 BUDGET GAGAMITIN HANGGANG 2020

(NI DANG SAMSON-GARCIA)

LUSOT na sa Senado ang panukala na palawigin ang paggamit ng 2019 national budget hanggang sa pagtatapos ng 2020 makaraang maantala ang approval nito sa loob ng kalahating taon.

Sa botong 19-0, inaprubahan ng Senado ang pag-adopt sa House Bill 5437 nang walang anumang pagbabago upang mas maging mabilis ang pag-transmit nito sa Malakanyang.

Sa sandaling malagdaan ni Pangulong Rodrigo Duterte ang panukala, mangangahulugan ito na maaari nang hindi muna ibalik sa National Treasury ang nalalabi pang budget upang magamit sa mga proyekto.

Ayon kay Senate Committee on Finance, hanggang September 30 ngayong taon, nasa P261 billion pa ang hindi pa nailalabas mula sa 2019 budget.

Ipinaliwanag pa ni Angara na dahil sa ilang buwang reenacted budget noong 2019 at naabutan din ng election ban, maraming mga proyekto ang nabimbin.

“Wala tayong bagong budget kaya yung mga bagong proyekto, hindi naumpisahan. That’s why we want to extend yung validity nung 2019 budget,” diin pa ni Angara.

Sa gitna naman nito, iginiit ni Senate President Pro Tempore Ralph Recto ang mga ahensya ng gobyerno na iwasan na ang mga nakasanayang kaugalian hinggil sa paggatos ng budget, partikular ang mga tinatawag na pasaload at maging ang mga walang katuturang pagpapalabas ng pondo para lamang masabi na nagastos ang pondo.

Ipinaliwanag ni Recto na ang pasaload ay ang paglipat ng pondo para sa proyekto ng isang ahensya patungo sa ibang tanggapan upang hindi ito maibalik sa National Treasury.

“Hindi rin dapat basta lang masabi na magasta ang pera ay gagamitin na lang sa walang katuturan na planning, seminar, workshops, meetings sa mga hotel resort o pribadong mga restaurant. Activities like this are not excursions to see new sites but activities to learn new things,” saad ni Recto sa kanyang pagpapaliwanag ng boto para sa approval ng panukala.

Read More

DRILON, VILLANUEVA PUMALAG KAY ROMERO

(NI NOEL ABUEL)

INALMAHAN ng mga senador ang ibinabatong sisi ni 1-Pacman party list Rep. Mikee Romero na ang Senado ang dapat sisihin sa problema ng 30th SEA Games.

Giit ni Senate Minority Leader Franklin Drilon, malaking insulto sa Senado ang akusasyon ng kongresista.

Sinabi nito na walang basehan ang akusasyon ng kongresista na dahil sa paghihigpit ng Senado sa budget ng Sea Games ang sanhi ng suliraningn kinakaharap nito.

“His accusations are misplaced and baseless, to say the least. The delay in the passage of the 2019 national budget was caused by unconstitutional insertions blatantly made by the House of Representatives in the budget to the tune of P95.3 billion worth of pork barrel funds,” aniya pa.

Giit pa ni Drilon, kung pinayagan ng Senado na makalusot ang P95.3 billion pork barrel, kaya nitong punuin ang P50-million kaldero sa SEA Games.

“To refresh Mr. Romero’s memory, had it not been for the solution or compromise that I proposed, which enabled Senate President Vicente Sotto to sign and send the 2019 budget to Malacañang, we would not have resolved the 2019 budget impasse and we would have continued on a reenacted budget. Had it not been for my efforts, certain quarters in the administration would have pushed through with recommending to the President the veto of the entire 2019 budget,” dagdag pa nito.

Sa kabilang banda, sinabi naman ni Senador Joel Villanueva na maling sisihin ang Senado sa problemang kakaharapin ng mga opisyales ng Sea Games.

“Hindi nga ba at natuklasan natin na may malaking pera na hindi maipaliwanag sa panukalang budget?,” tanong nito.

Dagdag pa ni Villanueva na suportado nito ang anumang imbestigasyon matapos lamang ang Sea Games.

Read More

SOTTO: P4.1-T NAT’L BUDGET MATATAPOS SA TAKDANG PANAHON               

titosotto

(NI NOEL ABUEL)

TINITIYAK ng liderato ng Mataas na Kapulungan ng Kongreso na maipapasa sa takdang panahon ang panukalang P4.1 trillion national budget.

Sinabi ni Senate President Vicente Sotto III na nasa tamang landas na tinatahak ang mga senador sa gitna ng plenary deliberations sa General Appropriations Bill (GAB) na inaprubahan at ipinadala ng Kamara.

“It was submitted on time. We are right on track of our timetable without sacrificing important issues being raised in the different departments,” sabi ni Sotto  sa pagsasabing mahabang oras ang inilaan sa mga senador para usisain ang mga nilalaman ng budget ng pamahalaan para sa susunod na taon.

Idinagdga pa ni Sotto na ang plenary discussions sa panukalang budget kabilang ang period of interpellation, individual amendments at committee amendments ay inaasahang matatapos sa huling linggo ng kasalukuyang buwan.

Target ng mga senador na maaprubahan sa ikalawa at ikatlong pagbansa ang GAB sa susunod na linggo habang ang bicameral conference committee ay inaasahang maisasaayos sa unang linggo ng Disyembre.

“The bicameral debates will be unpredictable. We expect healthy debates among members of the bicameral panel as they thresh out and reconcile the differences in our respective versions of the measure. We hope they will remain level-headed and open-minded during the discussions,” ayon pa kay Sotto.

Kumpiyansa ang Kongreso na ang 2020 General Appropriations Act ay malalagdaan para maging batas bago mag-holiday break ang mga mambabatas sa Disyembre 20.

 

 

Read More

BUHAY NG 2019 BUDGET EXTENDED NA

congress12

(NI BERNARD TAGUINOD)

EXTENDED hanggang Disyembre 31, 2020 ang maintenance and other operating expenses (MOOE) at capital outlay (CO)  ng  2019 national budget.

Sa botong 192 at walang kumontra, lumusot na sa ikatlo at huling pagbasa ang House Bill (BH) 5438 na naglalayong puwedeng gamitin ang MOEE at CO ng pambansang pondo ngayong 2019 hanggang Disyembre 31, 2020,.

Hindi sinabi ng Kamara kung magkano ang MOEE at CO sa 2019 national budget na nagkakahalaga ng P3.757 Trillion, ang hindi pa nagagastos.

Gayunpaman, nagkaroon umano ng delay sa implementasyon ng mga infrastructure projects at social services dahil sa election ban sa katatapos ng senatorial at local election.

Dahil dito, noong Nobyembre 4, ay inihain sa Kamara ang House Joint Resolution No.19 para sa ekstensyon ng MOEE at CO ng 2019 national budget kung saan 199 Congressmen ang pumasok,

Gayunpaman, dahil sa ruling ng Korte Suprema na hindi maaaring palitan ng isang resolusyon ang isang batas, ay nagpasya sina House deputy speaker Loren Legarda at House Appropriation committee chairman Isidro Ungab na palitan ito ng House Bill.

Wala naman itong kahirap-hirap na lumusot sa plenaryo ng Kamara at bersyon na lamang ng Senado at lagda na lamang ni Pangulong Rodrigo Duterte ang kailangang para maipatupad.

Base sa kasalukuyang batas, lahat ng pondo na hindi magagastos hanggang sa katapusan ng taon ay hindi na maaaring magamit sa susunod na taon.

Read More

PONDO NG DEPED, CHED, DOH NANGUNA SA P4.1-T NAT’L BUDGET

(NI NOEL ABUEL)

MALAKING pondo ang inilaan ng Senate finance committee sa mga ahensya ng pamahalaan sa edukasyon, at kalusugan.

Ito ang sinabi ni Senador Sonny Angara, chairman ng nasabing komite kung saan kasama sa binigyan ng malaking pondo ang Commission on Higher Education (CHED) para sa Student Financial Assistance Program na nasa P8.5 bilyon.

Kahalintulad ding halaga ang idinagdag sa susunod na taon sa implementasyon ng Universal Access to Quality Tertiary Education Act.

Dinagdagan din ang pondo para sa state universities and colleges (SUCs) at sa UP System na nasa P116 milyon.

“Naglaan din tayo ng P167 million para magkaroon ng cash grants ang ating mga medical scholars sa mga SUCs,” sabi ni Angara.

Sinabi nito na nagkaroon ng ‘bi-partisan consensus’ para madagdagan ang pondo para sa pagsasaayos ng mga eskuwelahan na nasira ng nakalipas na lindol, gayundin ang  pagkakaloob ng pondo sa school vouchers, free college, school feeding, at tulong sa mga indigent patients, at ang pagpapadala ng Pinoy nurses, doctors sa malayo at mahirap na lugar sa bansa.

Nagkasundo rin sina Senador Pia Cayetano at Senador Ralph Recto, na dagdagan ang pondo ng DepEd na nasa P6.2 bilyon na naglalayong mapigilan ang pagbaba ng bilang ng mga senior high school students gamit ang government vouchers.

Naglaan din ng pondo para sa health expenditures na nasa P9.439 bilyon na magagamit ng mga mahihirap na pasyente sa pribado at pampublikong ospital sa bansa.

At upang maiwasan ang mass layoff ng mga nurses, doctors, midwives at iba pang health professionals sa malalalayong lugar ay nagkasundo ang mga senador na paglaanan ng P7 bilyon para sa suweldo ng mga ito hanggang sa taong 2020.

“We are also funding affordable but critical medical projects, like a 24-hour Mental Health Hotline to be manned by qualified health professionals,” ani Angara.

Samantalang sa panig ng Pantawid Pamilyang Pilipino Program (4Ps) ng Department of Social Welfare and Development (DSWD), paglalaanan ito ng P108.7 bilyon.

Pinasalamatan ni Angara si Senador Imee Marcos sa suporta nitong dagdagan ang pondo ng Supplementary Feeding Program  ng DPWH na mula sa P3.6 bilyon ay naging P6.6 bilyon para mapakain ng masustansyang pagkain ang mga pre-school, kindergarten at public day care centers.

 

Read More