OLD SCHOOL NA BUILDING CODE, HILING BAGUHIN

pinglacson12
0

(NI NOEL ABUEL)

IMINUNGKAHI ni Senador Panfilo Lacson na panahon nang pag-aralan ang pag-amiyenda sa Building Safety Standards sa bansa na hindi na naaayon sa nararanasang malalakas na paglindol.

Ayon kay Lacson, kailangan nang mapaghandaan ang mga darating pang kalamidad gaya ng malalakas na lindol, mapaminsalang bagyo at baha kung kaya’t dapat nang buhayin na itaas o palakasin ang building safety standards ng bansa.

Sa inihain nitong Senate Bill 1239 layon nito na isailalim sa masinsinang pag-araal ang 1977 National Building Code of the Philippines na magpahanggang ngayon ay hindi pa nagkakaroon ng pagbabago.

“Experience tells us that there is an urgent need to strengthen the overall policy on how buildings and structures are built in the country. Not to mention the country’s geographical location along the boundary of major tectonic plates and at the center of the typhoon belt, coupled by its socially and economically vulnerable population, it becomes even more imperative to review our four-decade-old National Building Code,” paliwanag ni Lacson.

Aniya, naobserbahan nito na hindi kaya ng mga gusali at ilang establisiyemento ang mga malalakas na pagyanig at mapaminsalang bagyo at baha kaya marami ang nasirang ari-arian, kagamitan at hindi rin naiwasang may magbuwis ng buhay.

Magugunitang noong nakalipas na Disyembre 15, mistulang yinugyog ang bahagi ng Davao del Sur nang tumama ang magnitude-6.9 na lindol na ikinabagsak ng mga establisiyemento at maging ng isang water reservoir doon.

Sa kanyang panukalang batas, hinihikayat din ng mambabatas ang pagtutulungan ng lahat ng ahensiya ng pamahalaan maging ng pribadong sektor sa pangunguna ng Department of Public Works and Highways (DPWH) tungo sa mas matibay at pangmatagalang mga gusali, imprastraktura at pasilidad.

Kabilang sa mga pangunahing nilalan ng Senate Bill 1239  tungo sa Pilipinas na mas handa sa mga kalamidad ay ang pagpapabilis sa proseso ng building classification, kasama na ang permit application at pagkonsidera sa multiple hazards at iba pang aspetong pangkaligtasan sa pagtatayo ng gusali.

Gayundin ang pagbuo ng inter-agency at multi-sectoral regulatory body at regulasyon sa kakayahan at kaligtasan ng mga lumang gusali maging ang pagbibigay ng insetintibo sa mga gagamitin ng mga sustainable at ligtas sa kalikasan na mga materyales sa pagtatayo ng gusali

 

Read More

BUILDING CODE, ISASAMA SA CURRICULUM NG ENGG COURSES

0

(NI DANG SAMSON-GARCIA)

ISINUSULONG ni Senador Lito Lapid ang panukala na isama sa curriculum ng Engineering courses ang National Building Code of the Philippines at maging isa rin sa topic sa licensure examinations.

Sa Senate Bill 1154, nais ni Lapid na ituro sa Bachelor of Science Degree Programs sa Civil Engineering, Mechanical Engineering, Electrical Engineering, Sanitary Engineering, Electronics Engineering at Architecture ang Republic Act 6541.

Ipinaliwanag ni Lapid na layon ng batas na magkaroon ng framework ng minimum standards at requirements para sa lahat ng gusali at istruktura sa pamamagitan ng pagbibigay ng gabay, regulasyon at kontrol sa lokasyon, pagtatayo, disenyo, kalidad ng materyales, konstruksyon at maintenace sa mga gusali.

Kasama rito ang environment, utilities, fixtures, equipment, at mechanical electrical, at iba pang systems and installations.

Dahil dito, dapat anyang gawing major subject engineering at architecture courses ang batas upang alam na agad ng mga estudyante ang standards.

Alinsunod sa panukala, babalangkas ang Commission on Higher Education (CHED) ng curriculum para sa pag-aaral ng National Building Code of the Philippines (NBCP) habang mandato ng Professional Regulation Commission na gumawa ng mga tanong sa licensure examinations hinggil dito.

Ipinaalala sa  panukala na polisiya ng estado na pangalagaan ang buhay, kalusugan at ari-arian ng publiko at maipromote ang public welfare, alinsunod sa principles of sound environmental management.

Mandato rin anya ng estado na tiyakin na lahat ng nasa engineering at architecture professions ay may formal instructions sa mga latest know-how sa regulations at technologies na may kinalaman sa kaligtasan at integridad ng mga istruktura.

 

Read More

BUILDING CODE REREBISAHIN NG KAMARA 

0

(NI ABBY MENDOZA)

KASUNOD ng mapanirang lindol na naganap sa bansa nitong mga nakalipas na taon kung saan ang huli ay sa Mindanao, nakatakdang rebisahin ng Kamara ang National Building Code para matiyak na ang mga itatayong gusali ay nakaaayon sa mga mas malalakas na pagyanig.

Ayon kay House Speaker Alan Peter Cayetano lubhang matagal na ang pinaiiral na Building Code at hindi na ito akma sa kasalukuyang panahon.

“The House would assess whether the old construction standards are still appropriate for the risks the country is facing from natural disaster. I think it’s about time we take three drastic steps. Number one, review and update the building code; number two, make sure that the body implementing it is separate from the body monitoring compliance with it,” paliwanag ni Cayetano.

Nabatid na ang kasalukuyang building code ay nakapaloob sa Presidential Decree No. 1096 na inisyu pa ni dating Pangulong Ferdinand Marcos noong Feb. 19, 1977.

Plano din ng Kamara na gumawa ng batas na maglalagay ng urban planning department sa bawat local government units, ayon kay Cayetano, mahalaga na may ganitong tanggapan na syang mangangasiwa sa long-term development road map ng siyudad o bayan kasama na dito ang housing at mga kalsada.

“In Taguig City, we have an urban planner. We are planning section by section, aside from planning for the entire city. If a city or town mayor is voted out of office after one term or three years, there would be an “institutional memory on development plans if you have an urban planner,”paliwanag pa nito.

Maliban sa mga engineers ay dapat mayroon din na mga arkitekto na kasama sa pagpapatupad ng building code at LGU planning.

Dalawang magkahalintulad na panukala ang nakahain sa Kamara na isinumite nina  Deputy Speakers Mikee Romero at Pampanga Rep. Aurelio Gonzales Jr., layon ng panukala na bumuo ng bagong building law na magkaroon ng regulasyon mula sa planning, design, construction, occupancy at maintenance ng mga  public at private buildings gayundin ang mga bahay at government infrastructure projects.

 

Read More

DAHIL NASIRA; CLARK AIRPORT CONTRACTOR DAPAT MANAGOT

clark121
0

(NI NOEL ABUEL)

DAPAT managot ang kontratista ng Clark International Airport dahil sa madaling nasira ang ilang bahagi nito nang tumama ang magnitude 6.1 na lindol noong Lunes.

Ito ang sinabi ni Senador Sherwin Gatchalian kung saan malaking tanong kung bakit madaling nasira ang nasabing paliparan sa kabila nang isinasaad sa building code na lahat ng istrukturang itinatayo ay may kakayahang manatili kahit tumama ang magnitude 8 na lindol.

Idinagdag pa ni Gatchalian na malaki ang naging epekto ng pagsasara at pagtigil ng operasyon ng nasabing paliparan dahil sa naging danyos ng lindol kung saan libu-libong pasahero ang na-stranded kabilang ang mga overseas Filipino workers (OFWs).

“Yes, they should be liable. One, if it is 6.1 earthquake, our Building Code calls to withstand 8.0 magnitude earthquake so bakit at 6.1 ang laki ng damage? Again, airport is a vital installation. 1,000 plus flights got cancelled, almost 200,000 passengers got stranded, just imagine ‘yung mga OFWs na uuwi na sa kanilang mga trabaho ay napinsala pa lahat? So the contractor needs to be answerable to this,” paliwanag pa nito.

Idinagdag pa ng senador na dapat ituloy ang pag-iinspeksyon sa mga vital installations tulad ng Metro Rail Transit (MRT), Light Rail Transit (LRT), at power plants upang matiyak na hindi masisira agad-agad ang mga ito dahil lamang sa mahinang lindol.

“I think the PHIVOLCS has a very comprehensive checklist and process on the post-earthquake analysis. Ako ang gusto kong i-focus ay ang mga vital installations gaya ng airports, MRT/LRT, power plants-these are very important kaya dapat tumatakbo ito no matter what happens. Kagaya ng MRT, nu’ng nahinto ang service ang daming na-stranded. Buti na lang walang nakitang problema dahil kung nagkaproblema ‘yan, until now ay may problema tayo sa transportation. The facilities should be reviewed, a magnitude 8.0 earthquake is enough or maybe in the future we can raise it to a higher magnitude so that these facilities can function even with this type of magnitude,” ayon pa dito.

 

 

Read More