CAYETANO, KAMARA UMEEPAL

Netizens pumalag sa labis na pamumulitika

HINDI nagustuhan ng netizens ang special session na isinagawa ng liderato ni House Speaker Alan Peter Cayetano sa Batangas City dahil hindi umano ito makatutulong sa mga biktima ng pagsabog ng Taal Volcano.

Maging si Senador Francis ‘Kiko’ Pangilinan ay nagpahayag ng agam-agam sa totoong dahilan ng mga mambabatas sa pagtungo sa nasabing probinsya para doon mag-sesyon.

Hindi man direktang tinuran ng mambabatas, duda niya ay papogi lamang ang layunin ng pagpunta ng Kamara sa Batangas.

Sa opinyon ng viber community, wala umanong maitutulong sa evacuees ang pagdayo ng Kamara sa Batangas City para doon mag-session kundi isang uri lamang umano ng pag-‘epal’.

“Imagine this, hundreds glittering, gas guzzling & brand new SUVs wd their escorts/security detail  convoys will descend on Batangas to deliver their VIPs for an out of town session of Congress while in many evacuation areas near it, the occupants are pondering on a bleak future wd their livelihood disrupted and homes destroyed,” anang isang viber user.

“Haha cgurado marami na namn mga EPAL at mga sipsip dun..at cgurado marami din mag seselfie na mga congs/congw dun🤣🤣…at yun isa dun para may drama kabayo sa taal vista ang sasakyan papunta dun hehe,” dagdag ng isa pa.

“It’s just a bogus display of compassion and sympathy,” komento naman ng isa pang viber user dahil hindi umano nito maisip kung ano ang magagawa ng special session para maiahon sa kanilang paghihirap ang mga biktima.

“What these people needs is food, compassion and love for those who are in dire need. Ano ang magagawa ng isang SPECIAL SESSION sa isang taong kumakalam ang sikmura. Mas kahanga hanga pa kung sa pagpunta nila may dala silang pagkain, mga damit at pagpapakita ng labis na pag-ibig sa isang taong nakalugmok sa ganoong sitwasyon,” dagdag pa ng isang nagkomento.

Maging sa Twitter ay binanatan din ang naturang hakbang ng Kamara at pinagdudahan ang totoong layunin ng mga kongresista.

MILYONES NA GASTOS

Tinataya naman ng isang mambabatas sa Kamara na hindi na nagpabanggit ng pangalan na milyones ang gastos sa special session sa Batangas City na puwedeng ginamit na lamang umano sana para maitulong sa evacuees.

“Milyon yan,” anang mambabatas dahil sa pagkain pa lamang aniya ay halos isang milyon na ang aabutin kung may 250 congressmen ang dadalo sa nasabing special session.

Sinabi ng source na mambabatas na kung sang isang congressman ay magdadala ng 5 staff sa nasabing special session ay 1,500 na ang mga ito at itinakda nito sa P500  bawat isa ang pagkain kaya aabutin na ito ng P750,000.

“Mga congressmen at staff pa lamang nila yan. Hindi pa kasama secretariats na kailangang sumama at yung mga support staff,” anang mambabatas kaya tinataya nito na aabot ng P1 milyon ang pagkain pa lamang.

Bukod dito ang transportation at logistic kaya malaki-laki umano ang gagastusin sa nasabing special session. BERNARD TAGUINOD

Read More

TRUST, APPROVAL RATING NI DU30 TUMAAS NGAYONG DISYEMBRE

pulse asia du3044

NAKABAWI at nakabangon si Pangulong Rodrigo Duterte sa trust and approval ratings ngayong Disyembre matapos sumadsad noong Setyembre, ayon sa latest survey na inilabas ng private pollster na Pulse Asia.

Tumaas ng siyam na porsyento ang approval rating ni Duterte  sa 87 mula sa 78 porsiyento noong Setyembre kung saan mas maraming indibidwal mula sa Luzon, hindi kasama ang Metro Manila, at class ABC, ang nagpahayag ng pag-sang-ayon sa Pangulo.

Tumaas din ang trust rating ni Duterte mula 74 porsiyento sa 83

Mas marami rin sa Luzon sa labas ng Metro Manila at sa class ABC ang tiwala sa Pangulo.

Tanging limang porsiyento ang hindi sang-ayon sa Pangulo at anim na porsiyento lamang ang walang tiwala.

Mataas din ang trust at approval rating nina Senate President Vicente “Tito” Sotto III at House Speaker Alan Peter Cayetano.

Tumaas naman sa 16 porsiyento ang approval ni Cayetano, pinakamataas sa hanay ng mga opisyal ng gobyerno.

Read More

IMBESTIGASYON SA SEA GAMES, TULOY! — PING

(NI NOEL ABUEL)

NGAYONG pormal nang natapos ang 30th Southeast Games ay maaari nang ituloy ang imbestigasyon kung nagkaroon ng korapsyon sa paghahanda sa palaro.

Sinabi ni Senador Panfilo Lacson na dapat matuloy ang imbestigasyon ng Senado upang tuluyang matapos ang usapin at mawala ang agam-agam na nahaluan ng anomalya ang biennial meet.

Kasabay nito, agad na nilinaw ni Lacson na walang kinalaman at hindi dapat na masangkot ang mga atleta.

“Dapat lang. Magkaiba ang mga atleta at ang organizing committee, ang PHISGOC. Kung ano man ang honors na ibinigay ng mga atleta, 149 golds, 287 lahat-lahat, walang kinalaman ang organizing committee doon,” ayon pa sa senador.

“Huwag nating ipaghalo na ang success ng mga atleta natin, utang na loob sa PHISGOC. Organizing council ang PHISGOC, sila ang nangasiwa sa pag-coordinate. Ngayon, kung ano ang kapalpakan ng PHISGOC kung totoo o hindi, dapat tingnan sa pamamagitan ng oversight na mandate ng Senate at HOR. Huwag natin paghaluin kung may corruption halimbawa man sa PHISGOC walang kinalaman ang atleta roon at walang kinalaman ‘yan kung bakit tayo napakarami gold medal,” paliwanag pa ni Lacson.

Kahit aniya nagsasagawa na ng sariling imbestigasyon ang Office of the Ombudsman ay tutuloy ang Senado sa imbestigasyon.

“Dati namin natin ginagawa. For all we know makatulong ang investigation ng Senado sa fact-finding investigation na ginagawa ng Ombudsman. Kasi may nangyari in the past na ‘yung proceeds o result ng investigation ng Senate nagamit ng Ombudsman o Sandiganbayan,” sabi pa nito.

Magugunitang kinuwestyon ng ilang senador ang paglilipat ng pondo ng Philippine Sports Commission (PSC) sa PHISGOC na isang pribadong foundation at ang kontrobersyal na ginastos sa cauldron.

Read More

P1-B SA TURISMO KINITA SA SEA GAMES

SEA GAMES

(NI ABBY MENDOZA)

IPINAGMALAKI ni House Speaker at Philippine Sea Games Organizing Committee Chair Alan Peter Cayetano na nakatulong nang malaki sa ekonomiya ang katatapos na 2019 South East Asian Games, isa na rito ang pagpasok ng mga turista na kumita ang bansa ng mahigit sa P1 bilyon.

Ayon kay Cayetano ang inisyal na pumasok na revenue ay P1B, kanilang inaasahan na madaragdagan pa ang datos sa mga susunod na araw.

Sinabi ni Cayetano na hindi natatapos sa hosting ng bansa ang nakalilipas na Sea Games dahil nangako ang Pilipinas na tutulong sa Vietnam para naman sa pagdaraos ng 2021 games.

Ang alok na tulong ng Pilipinas sa Vietnam ay matapos na rin ang naging pahayag ng susunod na host country na 36 hanggang 40 sports events  lamang ang kaya nitong i-host.

Ang Pilipinas ay naghost ng kabuuang 530 sports events para sa 56 na laro.

“We will help them, they are our brothers, bawat game ay unique, may uniqueness din tayo dahil Filipino tayo, so it doesn’t mean na kung hindi sing laki, they won’t have a better SEA Games,” paliwanag ni Cayetano.

Ikinatuwa naman ni Cayetano ang naging kabuuan ng 2019 Sea Games, bagamat nagkaroon ng aberya sa mga unang araw ay agad naresolba at naging best Sea Games hosting ever.

“We’re happy that this is the best SEA Games ever but we’ll support the next, and the next, and the next na host to have an even better SEA Games,” pagtatapos pa ni Cayetano.

 

Read More

NAGPAKALAT NG FAKE NEWS SA SEA GAMES PINATAWAD NA PERO …

SEA GAMES

(NI BERNARD TAGUINOD)

PINATAWAD na ni House Speaker Alan Peter Cayetano ang mga nasa likod ng paninira sa hosting sa Southeast Asian Games (SEAG) subalit para umano sa interes ng bansa, kailangang panagutin ang mga ito.

Ginawa ni Cayetano  ang pahayag kasunod ng anunsyo ng Office of the Ombudsman na iimbestigahan ang mga reklamo sa paghohost ng bansa sa 30th SEAG, ang pangunahing organizer ay ang Philippine Southeast Asian Games Organizing Committee (Phisgoc), kung saan siya ang chair.

“As we are ready to meet all these accusations, I am also issuing fair warning to all those who plotted against the SEA Games and put politics over country; those who espoused and spread fake news and malicious lies,” ani Cayetano.

“Personally I forgive you, but for the national interest there will be accountability and reckoning,” dagdag pa ni Cayetano.

Unang inihayag ni Kabayan party-list Rep. Ron Salo na dapat imbestigahan ang tangkang paninira sa SEA Games nang ipakalat umano ang mga fake news sa social media bago simulan ang kumpetisyon noong Nobyembre 30.

Sinuportahan naman ito ni Anakalusugan party-list Rep. Mike Defensor na nagmungkahi na dapat kasuhan ng libel ang mga nasa likod ng mga fake news na tanging layon ay siraan ang bansa sa mata ng international community.

Magugunitang sinabi ni Cayetano na 4 hanggang 5 grupo umano ang nasa likod ng paninira sa SEA Games bagay na hindi umano nila mapapalagpas dahil karangalan ng bansa ang kanilang sinisira .

Dahil sa mga isyung lumutang sa social media, magsasagawa ng moto propio investigation ang Office of the Ombudsman na pangungunahan ng 7-man panel na binuo ni Ombudsman Samuel Martirez.

Read More

CAYETANO GAME SA OMBUDSMAN INVESTIGATION

(NI BERNARD TAGUINOD)

GAME si  Philippine Southeast Asian Games Organizing Commission (Phisgoc) chairman House Speaker Alan Peter Cayetano sa ikinakasang imbestigasyon ng Office of the Ombudsman sa hosting ng Phisgoc sa SEA Games.

“Two weeks ago, when the SEA Games was under attack by groups out to discredit the government with fake news reports of unpreparedness and corruption, I already announced that we not only welcome, but are ourselves calling for an investigation by the proper agencies at the right time to clear the air about these unfounded allegations,” ani Cayetano.

Ginawa ng House leader ang nasabing pahayag matapos bumuo si Ombudman Samuel Martirez ng 7-man panel na mag-iimbestiga sa Phisgoc lalo na sa paggamit ng pondo, tatlong araw bago matapos ang SEA Games.

“We welcome this as an opportunity to put to rest all the questions so that we may move forward in celebrating the success of our athletes and honoring the sacrifices of our workforce and volunteers,” ayon pa kay Cayetano.

Tiniyak nito na ibibigay nito at ng Phisgoc ang buong suporta sa imbestigasyon ng Office of the Ombudsman at handa umano ang mga ito na ipabulatlat ang kanilang libro.

Ngayon pa lamang ay tiniyak ni Cayetano na walang anomalya sa paggamit ng pondo subalit handa umano ang mga na makipagtulungan sa Office of the Ombudsman upang magkalinawan umano.

Inamin ni Cayetano na binalaan na siya noong una nang hingin ang kanyang tulong para sa pag-organisa sa SEAG bagay na kanyang binalewala kahit hanggang ngayon, ang mga organizer ng 2005 SEA Games ay nakikipaglaban pa sa kasong isinampa laban sa kanila.

“But I did not hesitate simply because I knew this is not about me. This is about representing the country, and I have never shied away from that. I took on the challenge just as every single volunteer took on theirs, and for the same reason – because we believe that it is about time we show the world what a unified Filipino nation is capable of doing,” ani Cayetano.

“I accepted this challenge because He called me to take it up. Not for myself, but for our athletes and for our country. And now, it is in Him that I place my trust,” dagdag pa nito.

 

Read More

TANGKANG PANANABOTAHE SA SEAG IIMBESTIGAHAN

(NI BERNARD TAGUINOD)

BUKAS ang Mababang Kapulungan ng Kongreso na imbestigahan ang tangkang pananabotahe sa 30th Southeast Asian Games (SEAG) na  kasalukuyang iniho-host ng Pilipinas.

Ito ang nabatid kay House committee on information and Communications Technology Committee chair Victor Yap, ng Tarlac, sa panayam ng mga mamamahayag  dahil sa hinala ni House Speaker at PHIGSOG chair Alan Peter Cayetano  na may sumasabotahe sa SEAG dahil sa mga pekeng impormasyon na naglabasan bago ang opening ceremony.

“I’m open to it (na mag-imbestiga),” ani Yap na inaasahang sa kanyang komite babagsak ang imbestigasyon dahil idinaan sa social media ang tangkang pagsabotahe sa SEAG.

Sa ngayon ay wala pang naihahaing resolusyon subalit ilang mambabatas na ang nagtutulak na imbestigahan ito tulad nina Kabayan party-list Rep. Ron Salo at Anakalusugan party-list Rep. Mike Defensor.

Nais ni Defensor na kasuhan ng libel ang mga nasa likod ng mga paninira sa PHISGOC na siyang organizer sa SEAG.

“Will wait of that’s what the Rules (Committee) would want,” ayon pa kay Yap.

Magugunita na sinabi ni Cayetano na may apat hanggang limang grupo ang nagpakalat umano ng mga fake news sa paghohost ng Pilipina sa SEAG.

“We’re digging deeper. May digital footprint eh. So kitang-kita na sila nagkalat at nag-imbento,” pahayag noon ni Cayetano.

Read More

CAYETANO HAPPY SA MEDAL STANDING NG PINOY ATHLETES

(NI BERNARD TAGUINOD)

HAPPY si House Speaker at Philippine Sea Games Organizing Committee chair Alan Peter Cayetano sa medal standing ng Pilipinas sa unang apat na araw ng 30th Southeast Asia Games.

“So I’m happy about the count and praying talaga na we will succeed not only in hosting but also, our athletes will succeed in being overall champion,” pahayag ni Cayetano sa ambush interview.

Habang isinusulat ito ay nakakuha na ang Pinoy athletes ng 103 medalya na kinabibilangan ng 51 gold, 33 silver at 19 bronze at malayo ang Vietnam sa medal tally na may 75 medalya.

“Nagpapasalamat ako sa lahat ng coach, trainers, sa lahat ng ating atleta, sa patience nila. Maaaring maging toxic minsan ang environment pero nakatutok sila. I also have to congratulate BOC at saka POC. So of course we’re praying for the success nung games and trabaho ko rin to take care the athletes of the other countries,”dagdag pa nito.

Sinabi ni Cayetano na ito ang kanilang pangarap na maging overall champion ang Pilipinas sa Sea Games at makita ng buong mundo ang Filipino pride lalo na sobra aniya ang  pinagdaanan ng mga atleta.

Mistulang nakikinita naman si Cayetano sa alok ng Olympic Council of Asia (OCA) na ihost ng Pilipinas ang ASIAN Games sa 2030 matapos humanga ang nasabing grupo sa paghohost sa 30th Sea Games.

“I’m preparing a long memo to the President and I talk to the BOC president kagabi, kay Congressman Bambol Tolentino, he will write—and ask if we can bid and if we do win that bid, ang magho-host hindi pa nga next admin, the admin after next batch. So we will have a good ten-year period, 2020 to 2030,” ani Cayetano.

Malaking pagkakataon aniya ito sa Pilipinas kapag nangyari dahil buong Asya na ang ihohost ng Pilipinas kung saan, puwedeng gawin ang mga sport event, hindi lamang sa Luzon kundi sa Visayas at Mindanao.

“Remember in 2023, we will host the world cup ng basketball, in 2016, 2017 we hosted the world cup in volleyball. So industriya— malaking pera rin at trabaho ang papasok sa Pilipino kapag naayos ang ating sports tourism at sports-related,” ayon pa kay Cayetano.

Read More

CAYETANO NAG-SORRY KAY DUTERTE

(NI DANG SAMSON-GARCIA/NOEL ABUEL)

AMINADO si House Speaker Alan Peter Cayetano na may mga naging aberya at kapalpakan sa pagsisimula ng kanilang hosting para sa 30th Southeast Asian Games (SEA Games).

Ito, ang kinumpirma ni Senador Bong Go kaya’t humingi anya ng paumanhin si Cayetano bilang chair ng Philippine Sea Games Organizing Committee (Phisgoc) kay Pangulong Rodrigo Duterte sa mga aberya sa pagsisimula ng kanilang hosting.

“Nabanggit nga ni Speaker Cayetano kay President pagbaba pa lang humingi siya ng paumanhin siguro sa mga pagkukulang o mga konting kapalpakan at sabi nya hopefully makaraos tayo at maayos natin ito after the opening. Aminado naman po si Speaker na may mga pagkukulang at may konting aberya na nangyari,” saad ni Go.

Sa kabila nito, sinabi ni Go na maging ang Pangulo ay aminadong kailangang magkaroon ng audit sa paggamit ng pondo para sa hosting ng SEA Games upang matukoy kung walang nasayang na kahit isang sentimo sa okasyon.

“Nabanggit ng ating Pangulo na bagama’t maganda ang opening hindi ibig sabihin na wala tayong gagawing investigation kung saka-sakali. Sa preparasyon, he was satisfied pero yung after na po pag-uusapan natin ito, post na po. Nabanggit ng Pangulo kung kailangan i-audit, there will be an audit,” pahayag ni Go.

“Ako naman po as chairman ng Committee on Sports and member of Blue Ribbon Committee kung kailangan ng investigation kung nagamit nang tama ang pondo na ibinigay sa SEA Games ay mahalaga po na malaman ng sambayanang Filipino na walang nasayang ni piso, mahalaga rin po na magkaroon tayo ng assessment dun sa pagiging tagumpay natin after the games po,” diin pa ni Go.

Samantala, maging ang mga nagpakalat anya ng fake news hinggil sa hosting ng bansa ay isasama kung matutuloy ang imbestigasyon ng Senado.

“Pwedeng pag-usapan din po kung magkaroon tayo ng imbestigasyon dahil imbes na ang organizing committee maging abala sa pag-asikaso sa mga bisita ay naging abala sila sa pagsagot sa mga fake news. ‘Yun po ang napansin ko nung mga nakaraang araw, kaliwa’t kanan na fake news ang sinasagot nila,” diin ng senador.

 

Read More