CHACHA AYAW ISUKO NG KAMARA

0

(NI BERNARD TAGUINOD)

AYAW isuko ng Mababang Kapulungan ng Kongreso ang Charter Change (ChaCha) kaya umapela ang mga ito sa mga senador na “buksan ang kanilang isip” sa isinusulong na pagbabago sa Saligang Batas.

Sa panayam ng mga mamamahayag kay Cagayan de Oro City Rep. Rufus Rodriguez, chair ng House committee on constitutional amendments, hindi aniya isara agad ng mga senador ang kanilang pintuan sa ChaCha.

“I really appeal to our good senators. Instead of brushing aside our proposals for them to really study because there are four proposals which I believe should be discussed in the Senate,” ani Rodriguez matapos aprubahan sa kanyang komite ang ChaCha.

Kabilang sa mga nais amyendahan ng Kamara sa 1987 Constitution ay ang mga economic provisions para magkaroon umano ng mas maraming investment sa bansa at pagboto ng isahan sa presidential at vice presidential candidate.

Nais din ng mga Kamara na mahalal ang mga senador sa bawat rehiyon at pagdagdag na taon sa termino ng mga halal na opisyal mula sa local government hanggang sa Senado.

“I hope that senators instead of just saying that it is doomed, it’s not a priority should go into each and every proposal are they good for the country or not. That is the main issue there e,” ani Rodriguez.

“That is what I am going to appeal to our senators. Keep an open mind, accept our proposals once the plenary and constitutional assembly is constituted,” dagdag pa ng kongresista.

Magugunita na agad na sinopla ng mga senador ang ChaCha ng Kamara lalo na’t nais ng mga kongresista na palawigin ang termino ng mga halal na opisyal at gagawing 5 taon na ang pamumuno ng mga ito taliwas sa kasalukuyan na tatlong taon lamang.

Unang tinangkang amyendahan ang 1987 Constitution noong panahon ni dating Pangulong Fidel Ramos subalit hanggang sa panahon ni dating Pangulong Gloria Macapagal Arroyo subalit pawang nabigo ang mga pagtatangka.

 

Read More

SOTTO: CHACHA PAG-UUSAPAN SA SENADO

chacha33
0

(NI NOEL ABUEL)

“WALANG mangyayaring bastusan.”

Ito ang siniguro ni Senate President Vicente Sotto III kaugnay ng isinusulong na Charter Change resolution sa pamamagitan ng Constitutional Assembly ng mga kongresista.

Ayon kay Sotto, hindi mapipigilan ng Senado ang mga kongresista sa nais ng mga itong ConAss sa oras na ibigay ito ng Kamara.

“Dadalhin nila sa amin eh, di pag-uusapan namin kung ano ‘yung dadalhin nila sa amin, dadalhin namin sa committee, pag-uusapan du’n. Ganu’n lang. Ibig sabihin hindi namin siguro naman babastusin ‘yun or sasabihin ‘pag dinala dito ‘ayaw namin”. Gagawin naman namin ‘yung procedure na tama,” paliwanag nito.

Una nang sinabi ni Sotto na wala sa prayoridad ng 18th Congress ang Cha-Cha kung kaya’t malabo itong maipasa.

“Ngayong 18th Congress madaming nakasalang sa aming priorities eh. Wala ‘yan. Hindi napapag-usapan. Narinig lang namin na gusto raw ng House mag-Constituent Assembly,” sabi pa nito.

Pero, sinabi ni Sotto na maaaring pansinin ng mga senador ang Cha-cha kung ang economic provision lamang ang babaguhin.

Isa sa idinadahilan ng mga kongresista na nagsusulong sa pagbabago ng Konstitusyon at dahil sa nagpag-iiwanan na ang bansa ng mga kapitbahay natin sa Asya at sa buong mundo.

“Kung economic provisions lang ang tatargetin nila, may pag-asang mapag-usapan sa amin ‘yun. Pero pagka pinag-usapan mo kaagad ‘yung term limits, with due respect to them, baka naman mag-aksaya tayo ng panahon kasi sa plebisito iboboto ng tao ng “no” ‘yan. Garantisado, magpa-survey ka. Tingnan mo, tanong mo sa taumbayan kung sino may gusto na baguhin ang term limits ng mga senador, congressmen. Self serving eh. Kung pag-uusapan ‘yung mga term limits, form of government, mas maganda ‘yung Constitutional Convention para hindi self-serving sa amin,” ayon pa sa lider ng Senado.

“Kung economic provisions lang ang pag-uusapan, marami sa mga senador na sasang-ayon. I’m sure. Kung ‘yan ang mga pag-uusapan kasi marami na talagang pangangailangan tungkol diyan. For example, gumawa ka ng high-speed train or modern railroad from Pagudpod to Matnog, Sorsogon,” paliwanag pa nito.

 

 

Read More

KAMARA SA CHACHA: ‘WAG MANGARAP NANG GISING — DRILON

0

(NI NOEL ABUEL)

PINAYUHAN ni Senate Minority Leader Franklin Drilon ang mga kongresista na nagpupumilit na isulong ang Charter (Chacha) na siguraduhin na mayroong return address ang mga ito.

Paliwanag ni Drilon, nangangarap lamang ng gising ang mga kongresistang nasa likod ng Chacha dahil sa hindi ito prayoridad ng Senado.

Idinagdag pa nito na mismong si Senate President Vicente Sotto III ang nagpahayag na walang oras ang Mataas na Kapulungan ng Kongreso para sa pagsusulong ng Saligang Batas.

“If the House of Representatives would insist on passing Cha-cha, make it a point to include their return address, because the Senate and the Filipino people will not accept it,” aniya.

“Our counterparts in the lower house have the fighting spirit of a Filipino athlete. I do not want to dampen their spirit, but their Chacha is doomed,” dagdag pa ni Drilon.

Paliwanag pa ni Drilon na malinaw ang naging pahayag ni Pangulong Rodrigo Duterte sa kanyang state of the nation address (SONA) na hindi prayoridad ang Chacha at federalism.

“Apparently, the message was lost on the members of the House of Representatives. I had said it before and I will say it once more, Chacha is dead,” sabi pa nito.

Sinabi ng pinuno ng minorya na isang self-service move ng mga miyembro ng Kamara na magpanukala ng isang extension ng kanilang term.

“The term extension is ill-conceived. It extinguishes all the good intentions they may have in mind in pushing for Chacha. We will oppose it,” aniya pa.

Read More

CHACHA MALAKI ANG PAG-ASANG LUMUSOT SA DUTERTE ADMIN

chacha33
0

(NI BERNARD TAGUINOD)

KUMPIYANSA ang liderato ng Mababang Kapulungan ng Kongreso na mailulusot ang Charter Change (Cha Cha) para magkaroon umano ng pagbabago sa ekonomiya at political landscape sa bansa.

Ito ang pahayag ni House committee on constitutional revision chairman Rep. Rufus Rodriguez matapos ilusot sa kanyang komite ang Resolution of Both Houses para amyendahan ang 1987 Constitution.

“Malaki ang chance dahil we are trying to push  economic and political changes. We have to have stability and more time for local official to perform,” pahayag ni Rodriguez.

Ayon sa mambabatas, tanging ang Pilipinas na lamang umano sa Southeast Asia ang may probisyon sa saligang batas na 40% lamang sa mga dayuhang negosyante na papasok sa bansa at 60% naman sa mga Filipino.

Tinawag na proteksyon sa mga Filipino businessmen ang nasabing probisyon sa Saligang Batas subalit ayon kay Rodriguez, kaya na umanong proteksyunan ng mga negosyanteng Pinoy ang kanilang sarili.

Kailangan na rin umanong baguhin ang political landscape sa Pilipinas at paliwigin na ang termino ng mga halal na opisyales ng gobyerno upang mas maraming magawa ang mga ito.

“Tayo na lang na bansa sa  buong mundo na three (3) years (ang pagsisilbi ng mga halal na opisyales), majority of them 5 years (ang termino) at walang term limit. Tayo may term limit, tatlo lang.

Sinabi ng mambabatas na halos walang nagagawa ang mga halal na opisyales ng gobyerno sa tatlong tao kaya isinama sa inaprubahang resolusyon ang panukalang gawing 5 yers ang termino ng local officials, congressmen.

Umapela rin ang mambabatas sa mga senador na ikonsidera ang Cha cha dahil makakabuti umano ito sa kanila dahil sa rehiyon na lamang sila tatakbo taliwas sa kasalukuyan na sa buong bansa.

Sa ilalim ng nasabing resolusyon na nakatakdang isalang na sa debate sa plenaryo ngayong linggo, magiging 27 ang Senado mula sa kasalukuyang 24 kung saan 3 senador ang ihahalal sa 9 na rehiyon at magiging 3 termino na ang mga ito mula sa kasalukuyang 2 termino subalit tig-5 taon na lang mula sa 6 taon na sistema ngayon.

 

Read More

BARANGAY OFFICIALS ‘DI KASAMA SA TERM EXTENSION

0

(NI  BERNARD TAGUINOD)

ETSAPUWERA o hindi kasama sa term extension ang mga barangay officials kapag nagtagumpay ang Kongreso na amyendahan ang 1987 Constitution sa pamamagitan ng lehislatura.

Sa inaprubahan ng Resolution of Both Houses sa House committee on constutional amendments sa isang Executive session kamakalawa ng gabi, tanging ang mga local official o ang mga municipal at City Mayors, vice mayors, city councils, governors, vice governors at provincial board members ang papalawigin ang termino sa ilalim ng nasabing panukala.

“The term of office of elective local officials, (except barangay officials, which shall be determined by law) shall be (three) FIVE years and no such official shall serve for more than three consecutive terms,” bahagi ng inaprubahang resolusyon.

Kasama rin sa magkakaroon ng 5 year term at 3 consecutive terms na tulad ng mga local officials ay ang mga kongresista habang ang mga senador  ay magiging 5 na taon na lamang subalit maaari silang tumakbo ng hanggang 3 beses.

Sa ngayon ay 3 taon lamang ang termino lamang ang mga local officials at mga kongresista at puwede silang tumakbo ng hanggang 3 termino habang ang mga senado ay 6 na taon sa puwesto subalit 2 beses na magkasunod lang sila puwedeng kumandidato.

Tulad ng mga local officials, tatlong taon din naninilbihan ang mga barangay officials at hanggang tatlong sunod na termino sila maaaring tumakbo.

Gayunpaman, hindi kasama ang mga ito sa makikinabang sa term extension na itinutulak ng Kongreso na ayon sa mga militanteng mambabatas ay posibleng taktika ng Kongreso upang makuha ang suporta ng mga mayors at governors sa Cha Cha.

 

 

Read More

CHINA MAKIKINABANG SA CHA CHA

0

(NI BERNARD TAGUINOD)

KUNG mayroong higit na makikinabang sa Charter Change (Cha Cha) na nakalusot na sa committee level sa Mababang Kapulungan ng Kongreso ay hindi ang mga Filipino kundi ang China na kaibigan ng administrasyon.

Ito ang paniniwala ni ACT party-list Rep. France Castro matapos aprubahan sa House committee on constitutional amendments na pinamumunuan ni Cagayan de Oro City Rep. Rufus Rodriguez ang Resolution of Both Houses para amyendahan ang 1987 Constitution.

Ginawa ni Castro ang pahayag dahil bukod sa pagpapalawig sa termino ng mga halal na opisyales ng gobyerno mula Mayor hanggang Senador ay bubuksan ang ekonomiya sa mga dayuhan.

“Nakikita na natin ang mukha nitong kasalukung administrasyon kung saan patutungo ito (Cha Cha) yung pagbubukas pa lalo (sa ekonomiya). Alam naming natin na nakikipagkabigan ang administrasyong ito sa China. Kaya pagbubukas ito sa friend daw ng ating gobyerno,” ani Castro.

Sinabi ng mambabatas na kabilang sa mga bubuksan ang ay natural resources ng bansa tulad ng langis, kagubatan at iba pa maliban sa mga lupang sakahan na posibleng pasukan ng mga Chinese nationals kapag nagkataon.

Maging ang sektor ng edukasyon, kalusugan, media at iba pa ay puwede nang pasukan ng mga dayuhan na hindi na kailangan umano ng partner na Filipino kapag naamyendahan ang Saligang Batas.

Dahil dito, sinabi ng mambabatas na kanilang lalabanan ito, hindi lamang sa loob ng Kongreso kundi sa lansangan upang maprotektahan ang interes ng mamamayang Filipino.

Ang nasabing panukala ay unang ipinasa sa isang Executive session na ipinatawag na komite kamakalawa  at nakatakda umano itong isalang sa ikalawang pagbasa sa susunod na linggo.

Read More

TAUMBAYAN MAGDEDESISYON SA CHACHA — NOGRALES

0

(NI CHRISTIAN DALE)

NANANATILING nasa mga kamay ng mga Pilipino ang kapalaran ng pag-amiyenda sa Saligang Batas na naglalayong amiyendahan ang probisyon sa pagnenegosyo at isahang boto para sa Presidente at Bise-Presidente.

Pahayag ito ni Secretary to the Cabinet  Karlo Nograles kasunod ng pagbuhay ng Kamara sa Charter Change o chacha.

Aniya, nasa committee level pa lamang ito sa House of Representatives at marami pang dadaanang debate ito sa mga mambabatas.

Hindi pa aniya tiyak kung papaboran ito o kokontrahin ng mga senador kaya aasahan ang mainit na debate sa usapin.

“Komite level lamang po yan, hindi pa yan yung desisyon ng buong kongreso. Mahaba pa yan, pag-uusapan pa yan sa House of Representatives, hindi natin alam kung sasang-ayunan  ba yan ng senado,” ayon kay CabSec Nograles.

Ang taumbayan pa rin aniya ang magpapasya sa bandang sa pamamagitan ng plebisito kung papayag ba na maamiyendahan ang ilang probisyon ng Konstitusyon.

“At the end of the day, ang taongbayan pa rin ang magdedesisyon sa pamamagitan ng plebisito,” aniya pa rin.

Sa kabilang dako, ukol naman sa  planong baguhin ang pagboto sa Pangulo at Bise-Presidente, sinabi ni Nograles na  mahabang proseso pa ang pagdadaanan nito at nasa taongbayan na kung papayag sa bagong sistema nang pagboto sa dalawang pinakamataas na puwesto sa bansa.

“Yan po ay pagdedebatehan pa sa plenaryo ng kamara at pag yan ay pumasa, ipapasa pa yan sa senado para pagpasyahan. Marami pang steps, mahabang proseso ito.Ang taongbayan pa rin ang boboto diyan kung papayagan o hindi,” sabi nito.

Samantala, sa  ilalim ng panukalang chacha, hindi na boboto ang mga tao sa Bise-Presidente at nakasalalay na lamang ito sa boto ng mananalong Presidente na ka-tandem nito.

 

Read More

CHA CHA INILUSOT NA SA KAMARA 

0

(NI BERNARD TAGUINOD)

INILUSOT na sa Mababang Kapulungan ng Kongreso ang “legislative” Charter Change (Cha Cha) sa isang Executive session na isinagawa ng House committee on constitutional amendments.

Ito ang isiniwalat ng Makabayan bloc sa Kamara sa press conference ng nasabing grupo nitong Huwebes sa Kamara kung saan bukod sa pagbubukas sa ekonomiya ng bansa sa mga dayuhan ay palalawigin ang termino ng mga halal na opisyal at isang boto na lamang ang kailangang para sa presidential at vice presidential candidate.

Hindi sinabi ni Bayan Muna party-list Rep. Carlos Zarate ang resulta ng botohan subalit inamin nito na talo ang No votes sa lahat ng probisyon na nais baguhin sa 1987 Constitution.

“Ang local officials, gagawin nang 5 years ang term at puwedeng tumakbo ng tatlong term,” pahayag ni Zarate kaya mula sa 3 taon at 3 termino na katumbas ng 12 taon ay magiging 15 taon nang manatili sa puwesto ang mga local officials.

Ganito rin ang termino ng mga district congressmen kaya tuwing 5 taon na lamang ang halalan imbes na kada-3 taon tulad ng sistemang umiiral sa kasalukuyan.

Maging ang mga senador ay 5 na taon na lamang umano ang termino mula sa kasalukuyan na 6  taon subalit maaari silang tumakbo ng hanggang tatlong termino taliwas sa sistema ngayon na hanggang dalawang termino lang ang mga ito.

“Magiging 27 na rin ang Senator dahil magiging regional na ang paghahal sa kanila,” pagkumpirma naman ni ACT party-list Rep. France Castro sa nasabing pulong balitaan sa Kamara.

Sinabi din ni Castro na kapag nagtagumpay ang Cha Cha na ito ay ang boto ng isang presidential candidate ay magiging boto na rin ng kanyang runningmate o vice presidential candidate.

Sa kasalukuyan ay magkahiwalay ang boto ng presidential at vice presidential candidate kaya karaniwang hindi magkapartido ang nahahalal na pangulo at pangalawang pangulo.

Naniniwala si Zarate na ang pagpapalawig sa termino ng mga pulitiko ay bahagi ng taktika upang makuha ang suporta ng mga local officials para suportahan at ikampanya ang Cha Cha.

 

Read More

CHA CHA ‘DI PRAYORIDAD NG KAMARA

charterchange12
0

(NI BERNARD TAGUINOD)

BAGAMA’T hindi direktang sarado ang kanilang pintuan sa Charter Change (Cha Cha), hindi umano prayoridad ng liderato ng Mababang Kapulungan ng Kongreso na amyendahan ang 1987 Constitution.

Sa press conference nitong Martes, sinabi ni House Majority leader Ferdinand Martin Romualdez, na hindi umano top priority ang Cha Cha dahil hindi pa umano nila nakakausap ang kanilang counterpart o ang mga senador.

“As I said, we have not touch based with our fellow stakeholders, our senators,  so may be a priority but not a top priority at this point,” pahayag ni Romualdez kaya hindi pa ito matatalakay.

Magugunita na hindi kasama sa mga ipinakiusap ni Pangulong Rodrigo Duterte sa kanyang State of the Nation Address (SONA) noong Hulyo ang pag-amyenda sa Saligang Batas.

Gayunpaman, inihatin ni  Cagayan de Oro City Rep. Rufus Rodriguez ang House Concurrent Resolution (HCR)  No. 01 para pag-isahin ang Senado at Kamara sa ilalim ng Constituent Assembly (Con-Ass) upang amyendahan ng mga ito ang 1987 Constitution.

Subalit, ayon kay Romualdez, wala pa sa kanilang radar sa ngayon ang Cha Cha dahil uunahin ng mga ito ang mga priority bills na ipinakiusap ni Duterte sa kanyang SONA lalo na ang mga economic measures.

Pero hindi isinaisantabi ng mambabatas ang posibilidad na posibleng magkaroon ng buhay ang Cha Cha lalo na kapag nasimulan na itong talakayin sa dalawang Kapulungan.

“May sinasabi na Never say die.  But, of course, This measure or this matter has to be initiated somehow. My personal opinion is until that matter is brought up, gains the proper support and the momentum, for the time being, it is not the top priority.For this time, I would never say it is dead,” ayon pa kay Romualdez.

Read More