SIN TAX LAW RATIPIKADO NA SA KAMARA

sin tax law12
0

(NI ABBY MENDOZA)

NIRATIPIKAHAN na ng Kamara ang package 2+ ng Comprehensive Tax Reform Program na magtataas ng excise tax rates sa alcohol products, heated tobacco at vapor products sa bansa.

Ang nasabing panukala ay niratipikahan na rin sa Senado kaya inaasahang isusumite na ito sa Malacanang para sa pag-apruba ni Pangulong Rodrigo Duterte.

Sa ilalim ng panukala ang mga inuming distilled spirits ay papatawan ng ad valorem tax na  22 percent ng retail price at additional specific tax na P42 per liter sa taong  2020, P47 sa 2021, P52 sa 2022, P59 sa 2023 at P66 sa 2024 habang ang specific tax ay itaas ng 6 percent kada taon.

Ang mga still wines at sparkling wines ay papatawan ng  excise tax na P50 at itaas pa ng 6% kada taon.

Ang fermented liquors ay bubuwisan ng  P35 per liter sa 2020,P37 sa 2021, P39 sa 2022, P41 sa 2023 at P43 sa 2024 at ang kanilang rates of tax ay iataas ng 7% kada taon.

Samantala ang heated tobacco products ay papatawan ng excise tax rate na P25 per pack sa 2020, P27.50 sa 2021,P30 sa 2022 at P32.50 sa 2023 habang ang tax ay itaas ng 5% kada taon.

Sa  vapor products, salt nicotine ay papatawan ng excise tax na P37 per milliliter sa 2020 at P5 pa kada taon hanggang 2023.

Ayon kay Albay Rep, Joey Salceda, Chairman ng Houe Ways and Means Committee na inaasahang makalilikom ang gobyerno ng P24.9B dahil sa bagong ipapataw na tax.

Sa kikitain ng gobyerno ay  60 percent  ay ilalaan sa  Universal Health Care Law, 20 percent sa Health Facilities Enhancement Program at 20 percent sa development projects sa health sector.

Read More

KAPOS NG P97-B; LIBRO NG MGA CASINO BUBULATLATIN

0

(NI BERNARD TAGUINOD)

BUBULATLATIN ng House committee on games and amusement ang libro ng mga casino sa bansa matapos kapusin umano ng P97 Billion ang kinita ng Philippine Amusement and Gaming Corporation (Pagcor) noong 2018.

Sa House Resolution (HR)  672 na iniakda ni House assistant majority leader Nina Taduran, ng ACT-CIS party-list, inaatasan nito ang nasabing komite na imbestigahan kung talagang P200 Billion lamang ang kinita ng Pagcor noong 2018.

Ginawa ni Taduran ang nasabing resolusyon matapos lumabas na ang tinataya ng Credit Suisse, na isang investment bank, na ang kita sa mga casino sa Pilipinas ay $6 Billion.

Katumbas ito ng P297.35 billion subalit P200 Billion lamang umano ang naireport ng Pagcor na kanilang kinita sa mga casino noong 2018 o kulang ng P97.35 Billion kung ang Credit Suisse report ang pagbabasehan.

“We want to probe the books of these casinos as there are reports of the misdeclaration of some integrated resorts and casinos of their revenues, consequently affecting the gaming tax remittances to the government,” pahayag ni Taduran.

Sa ngayon, ayon sa mambabatas,  ay mayroong 9 na private casino firms sa Pilipinas na nag-ooperate ng P1,580 table at 9, 895 electronic gaming machines, base sa datos  umano ng Pagcor.

Bukod dito, ang 470 tables at 9,679 gaming machines na iinooperate mismo ng Pagcor.

Sinabi ng mambabatas na kung talagang hindi nagbabayad ng tamang buwis ang mga casino sa bansa ay malaking epekto nito sa social service lalo na’t parami ng paraming mahihirap na Filipino ang nangangailangan ng tulong pinansyal sa Pagcor.

Read More

KOMISYON AT SURGE CHARGE NG GRAB PINABABAWASAN

0

(NI BERNARD TAGUINOD)

PINABABAWASAN ng isang mambabatas sa Mababang Kapulungan ng Kongreso sa Grab ang komisyon ng mga ito sa kanilang mga drivers at maging ang surge charge na ipinapatong ng mga ito sa kanilang mga customers.

Ayon kay PBA party-list Rep. Jericho Nograles, masyadong malaki ang kinokolektang komisyon ng Grab sa kanilang mga driver dahil umaabot ito ng 10% hanggang 20%.

Nais ng mambabatas na ibaba ito ng 5% upang kumita ang Grab drivers dahil mahirap aniya ang biyahe ngayong panahon ng Pasko dahil sa lumalalang problema ng trapiko.

“The amount of commission that you are getting from your drivers is just too much especially now that they can hardly get enough trips because of the Holiday rush traffic,” ani Nograles.

Maliban dito, umapela rin ang mambabatas na ibaba ang kanilang surge charge upang hindi mahirapan ang kanilang mga customer na nagrereklamo ngayon dahil mistulang sinasamantala umano sila.

Ang surge charges ay lumalaki kung ang destinasyon ng pasahero ay matrapiko sa lugar, may baha at iba pang obstraksyon sa kanilang daanan at lalong lumala ngayong panahon ng Pasko kaya pumapalag na ang mga pasahero.

“The price surge that Grab has been imposing is just too much and the traffic is just unbearable. Even just until the end of December, please moderate your greed. Magtira naman kayo ng kita para sa mga driver. Maawa naman po kayo sa mananakay na wala namang choice kundi sumakay sa inyo,” ayon pa kay Nograles.

 

Read More

CHACHA AYAW ISUKO NG KAMARA

0

(NI BERNARD TAGUINOD)

AYAW isuko ng Mababang Kapulungan ng Kongreso ang Charter Change (ChaCha) kaya umapela ang mga ito sa mga senador na “buksan ang kanilang isip” sa isinusulong na pagbabago sa Saligang Batas.

Sa panayam ng mga mamamahayag kay Cagayan de Oro City Rep. Rufus Rodriguez, chair ng House committee on constitutional amendments, hindi aniya isara agad ng mga senador ang kanilang pintuan sa ChaCha.

“I really appeal to our good senators. Instead of brushing aside our proposals for them to really study because there are four proposals which I believe should be discussed in the Senate,” ani Rodriguez matapos aprubahan sa kanyang komite ang ChaCha.

Kabilang sa mga nais amyendahan ng Kamara sa 1987 Constitution ay ang mga economic provisions para magkaroon umano ng mas maraming investment sa bansa at pagboto ng isahan sa presidential at vice presidential candidate.

Nais din ng mga Kamara na mahalal ang mga senador sa bawat rehiyon at pagdagdag na taon sa termino ng mga halal na opisyal mula sa local government hanggang sa Senado.

“I hope that senators instead of just saying that it is doomed, it’s not a priority should go into each and every proposal are they good for the country or not. That is the main issue there e,” ani Rodriguez.

“That is what I am going to appeal to our senators. Keep an open mind, accept our proposals once the plenary and constitutional assembly is constituted,” dagdag pa ng kongresista.

Magugunita na agad na sinopla ng mga senador ang ChaCha ng Kamara lalo na’t nais ng mga kongresista na palawigin ang termino ng mga halal na opisyal at gagawing 5 taon na ang pamumuno ng mga ito taliwas sa kasalukuyan na tatlong taon lamang.

Unang tinangkang amyendahan ang 1987 Constitution noong panahon ni dating Pangulong Fidel Ramos subalit hanggang sa panahon ni dating Pangulong Gloria Macapagal Arroyo subalit pawang nabigo ang mga pagtatangka.

 

Read More

KAMARA SA CHACHA: ‘WAG MANGARAP NANG GISING — DRILON

0

(NI NOEL ABUEL)

PINAYUHAN ni Senate Minority Leader Franklin Drilon ang mga kongresista na nagpupumilit na isulong ang Charter (Chacha) na siguraduhin na mayroong return address ang mga ito.

Paliwanag ni Drilon, nangangarap lamang ng gising ang mga kongresistang nasa likod ng Chacha dahil sa hindi ito prayoridad ng Senado.

Idinagdag pa nito na mismong si Senate President Vicente Sotto III ang nagpahayag na walang oras ang Mataas na Kapulungan ng Kongreso para sa pagsusulong ng Saligang Batas.

“If the House of Representatives would insist on passing Cha-cha, make it a point to include their return address, because the Senate and the Filipino people will not accept it,” aniya.

“Our counterparts in the lower house have the fighting spirit of a Filipino athlete. I do not want to dampen their spirit, but their Chacha is doomed,” dagdag pa ni Drilon.

Paliwanag pa ni Drilon na malinaw ang naging pahayag ni Pangulong Rodrigo Duterte sa kanyang state of the nation address (SONA) na hindi prayoridad ang Chacha at federalism.

“Apparently, the message was lost on the members of the House of Representatives. I had said it before and I will say it once more, Chacha is dead,” sabi pa nito.

Sinabi ng pinuno ng minorya na isang self-service move ng mga miyembro ng Kamara na magpanukala ng isang extension ng kanilang term.

“The term extension is ill-conceived. It extinguishes all the good intentions they may have in mind in pushing for Chacha. We will oppose it,” aniya pa.

Read More

PAG-AMYENDA SA CUSTOM MODERNIZATION ACT HINILING SA KAMARA

port area12
0

(NI BERNARD TAGUINOD)

PINAAAMYENDAHAN ng isang kongresista ang Custom Modernization and Tariff Act (CMTA) upang magkaroon ng mandatory inspection sa mga cargo sa mga containers bago umalis sa kanilang port of origin.

Sa pagdinig ng House committee on ways and means na pinamumunuan ni Albay Rep. Joey Salceda, iginiit ni Buhay party-list Rep. Lito Atienza na kailangang amyendahan ang Section 440 ng CMTA dahil ito ang isa sa mga nakikita nitong dahilan kung bakit patuloy ang smuggling activities.

“Smuggling continues unabated and as a result, hundreds of billions of pesos in revenue are lost every year.  Containers filled with tons of illegal drugs and other contrabands and luxury items continue to enter our ports and many of them even enjoying the privilege of using the ‘green lanes’ to facilitate their entry,” ani Atienza.

Ginawa ng mambabatas ang pahayag matapos aminin ng Bureau of Customs (BOC) na umaabot lamang sa 20 hanggang 25% sa 12,000 containers na pumapasok sa bansa araw-araw ang kanilang naiinspeksyon.

“This means 75-80% of containers are not even opened up.  So what is the basis for computing the taxes they are supposed to pay?” ani Atienza kaya dapat aniyang amyendahan ang nasabing batas upang lahat ng mga cargo sa mga container vans ay kailangang mainspeksyon muna sa kanilang port of origin bago payagang ibiyahe papunta sa Pilipinas.

Naniniwala ang mambabatas na dahil hindi naiinspeksyon ang mga container vans bago umalis sa port of origin ay nagkakaroon ng smuggling at katiwalian sa mga Custom personnels.

Maliban dito, hindi umano nakokolekta ang tamang buwis dahil hindi alam ng mga Customs personnel ang laman ng mga container vans na pumapasok araw-araw sa bansa.

“That is where corruption enters the picture.  This is the biggest problem that we must address squarely. Kapag ipinatupad ang mandatory pre-shipment inspection, masisiguro na makokolekta ang tamang buwis at matitigil ang pagpasok ng ilegal drugs at iba pang kontrabando. The government’s efforts against illegal drugs will be useless if tons of shabu continue to enter our ports thru uninspected container vans, even using the green lanes,” ayon pa kay Atienza sa nasabing pagdinig.

 

Read More

DUTERTE SUPORTADO SA ANTI-VAPE CAMPAIGN SA KAMARA

0

(NI BERNARD TAGUINOD)

SUPORTADO Suportado ng Mababang Kapulungan ng Kongreso si Pangulong Rodrigo Duterte sa kanyang anti-vape campaign dahil mapanganib umano ang bisyong ito sa kalusugan ng mga tao.

Ito ang napag-alaman kay House Speaker Allan Peter Cayetano kasunod ng kautusan ni Duterte na ipagbawal ang pag-angkat ng vape product at paggamit nito sa mga pampublikong lugar.

“We will support the President kasi anything that is a danger to health. Having said that, anything that’s a danger to health, dapat pumasok ang gobyerno,” ani  Cayetano.

“We don’t want people to get sick to fall ill etcetera,” dagdag pa ni Cayetano kaya ibibigay umano ng mga ito ang lahat ng suporta sa Pangulo sa kanyang anti-vape campaign.

Sa ngayon ay may nakahaing mga panukalang batas sa Kamara na magreregulate sa paggamit ng vape matapos mapaulat na marami na ang namatay sa Estados Unidos sa nasabing bisyo.

Sinabi naman ni Anakalusugan Rep. Mike Defensor na bukod sa pagreregulate sa vape products ay dapat din aniyang patawan ng buwis ang nasabing bisyo na ipinalit ng mga gumagamit dito sa sigarilyo.

“Number one I agree with the President doon sa (anti) public vaping. Talagang problema talaga yan. We should not, in any given time affect other person. Yung paninigarilyo mo, iyo lang yun. Ang bisyo mo iyo lang yun. Pag ikaw ay nakakaapekto na sa ibang tao, hindi na puwede yan,” ani Defensor

Read More

HOUSE EMPLOYEES TATANGGAP NG BIGAS 

bigas18
0

(NI BERNARD TAGUINOD)

MAMIMIGAY na rin ng bigas ang liderato ng Mababang Kapulungan ng Kongreso sa kanilang mga empleyado upang matulungan ang mga magsasaka sa bansa na naapektuhan ng rice tariffication law.

Ito ang nabatid kay House Speaker Alan Peter Cayetano kasunod ng mga ulat na mamimigay na ang iba’t ibang ahensya ng gobyerno ng bigas sa kanilang mga empleyado.

“Yes, we’re already studying that,” ani Cayetano.

“I just don’t know the details now kung part of our rice allowance sa House ay pwede or kung part of the bonuses and the allowances could be rice ang diretso,” dagdag pa ng mambabatas.

Magugunita na nagpasa ng Joint Resolution ang Kamara para gamitin sa pagbili ng palay ang P6.9 Billion na  pondo ng Department of Social Welfare and Development (DSWD) para sa rice subsidy ng mga beneficiaries ng Pantawid Pamilyang Pilipino Program o 4Ps.

Layon nito na mabili ng mas mahal na presyo ang palay ng mga magsasaka kumpara sa kasalukuyang presyuhan na P10 hanggang P14 lamang ang kada kilo. Gayunpaman, hindi sinabi ng mambabatas kung saan kukunin ang pondo para ipambili ng bigas na ipamamahagi sa mga empleyado ng Mababang Kapulungan.

 

Read More

PORK BARREL SA KAMARA GAGAMITING PONDO SA 3 GOV’T PROJECTS

0

(NI NOEL ABUEL)

MAY magagamit nang pondo para sa implementasyon ng National ID, Universal Health Care at Quality Tertiary Education sa 2020.

Ito ang sinabi ni Senador Panfilo Lacson kung saan kabilang sa umano’y maaaring pagkuhanan ng pondo ng tatlong maituturing na ‘landmark’ na programa ng kasalukuyang administrasyon ang pork barrel at mga duplicative projects na isiningit ng ilang kongresista sa P4.1 trillion national budget.

“The National ID system needs at least P5.565 billion in 2020 to cover the registration of some 14 million Filipinos and resident aliens. But the proposed 2020 budget presently allocates only P2.4 billion under the unprogrammed fund for it. This amount covers only 6.3 million Filipinos,” pagsisiwalat ng senador.

Sinabi pa ni Lacson na isa rin sa nakikita nitong maaaring pagkuhanan ng pondo ang National Greening Program ng Department of Environment and Natural Resources (DENR) at ng Department of Public Works and Highways (DPWH)

“There are many items in the 2020 budget that can be realigned for the National ID. One of them is the National Greening Program of the Department of Environment and Natural Resources,” banggit pa ni Lacson.

Mahigit 100 milyong Pinoy ang makikinabang sa national ID na tinatayang ganap na maipapatupad sa loob ng apat na taon kung aayudahan ng sapat na pondo, ani Lacson.

Read More