REKLAMO VS EX-FDA CHIEF IBINUNYAG NG PALASYO

puno12

(NI BETH JULIAN)

IBINUNYAG na ng Malacanang ang iba’t ibang reklamong tinanggap ni Pangulong Rodrigo Duterte laban kay dating Food And Drug Administration director general Nela Charade Puno.

Sa pahayag ni Presidential Secretary Salvador Panelo, tinanggap na ng Pangulo ang isang liham mula  sa Pharmaceutical and Healthcare Association of the Philippines (PHAP) kung saan nakasaad na pinapurihan ang pagsibak kay Puno.

“We fully support your resolute actions at the FDA, including the replacement of its director general, for us to effectively and efficiently conduct commerce that is consistent with your agenda of increasing competitiveness and ease of doing business to fuel human capital and economic development,” nakasaad sa liham ni PHAP executive director Teodoro Padilla kay Duterte na may petsang May 17.

“The President also wants to share to the public that he has received numerous, as in numerous complaints from doctors, including his own doctor about the former director general (Puno), and many complaints from other sectors,” pahayag ni Panelo.

Una nang pinabulaanan ni Puno na korapsyon ang dahilan ng kanyang pagkakatanggal at sinabing ito ay “clear attack” laban sa kanya.

Ayon kay Panelo, ang lahat ng dokumento ng Commission on Audit (CoA) ay ipapasa sa Department of Justice (DoJ) para ma-review at makapagsampa ng kaso laban kay Puno.

 

 

Please follow and like us:
Read More

KATIWALIAN SA PCSO IBINUNYAG NI CAM

SANDRACAM13

(NI DAHLIA S. ANIN/PHOTO BY KIER CRUZ)

NAGWALKOUT sa kanilang special board meeting sa Philippine Charity Sweepstakes Office (PCSO) si Sandra Cam dahil sa pag-reverse ng desisyon ng board tungkol sa desisyon nila sa speed game.

Wala naman umanong sulat sa kanila ang OGCC, na siyang legal counsel ng PCSO para i-reverse ang kanilang board resolution number 83.

Ayon kay Cam, ito ang dahilan kung bakit umano mababa ang revenue ng ahensya.

Aabot umano sa P2 milyon ang nawawala sa kanila araw-araw dahil sa mga hindi naire-remit ng ilang STL operators lalo na ang nasa probinsya.

Isinawalat ni Cam sa media na karamihan sa mga STL operators na hindi nagbabayad ay mga sinasabing mistah umano ni Gen. Pinili na siyang GM ng PCSO.

Aabot na sa P10,727,819.81 ang dapat nilang singilin sa mga operators na ito na hindi nasingil sa loob ng tatlong taon, ayon pa kay Cam.

Nais umapela ni Cam sa Pangulo na i-revamp, o  i-relieve siya sa puwesto at ang lahat ng board members ng ahensya upang matigil umano ang korapsyon na ito.

Naniniwala si Cam na hindi umano dapat na militar ang nakaupo sa charity organization ng gobyerno kung saan ay dapat na may puso at malasakit sa kapwa ang maupo sa ahensiya upang tunay na makatulong sa kapwa.

Sinabi ni Cam na nag-iisa lamang umano siyang lumalaban sa mga katiwaliang ito at patuloy niya itong lalabanan dahil naawa siya sa mga taong pumipila upang humingi ng tulong at kakaunti lang ang naibibigay ng ahensya.

Hindi umano siya natatakot sa mga banta sa kanyang buhay dahil sanay na umano siya dito at ang nais niya lang ay makatulong sa mga tao na nangangailangan.

Hinihiling niya din niya sa Pangulo na ilagay na lamang siya sa ibang ahensya ng gobyerno kung saan mas makakakilos siya ng maayos.

 

Please follow and like us:
Read More

SIMULA NG COUNTDOWN:  SIBAKAN TIME MULI SA GOBYERNO

duterte212

(NI BETH JULIAN)

ASAHAN na anumang oras o araw, ilang opisyal ng gobyerno ang inaasahang sisibakin sa pwesto ni Pangulong Rodrigo Duterte.

Ito ang ibinunyag sa talumpati ng Pangulo noong Sabado sa Iloilo kasabay ng pag-amin na dismayado siya sa patuloy na korapsyon sa gobyerno.

“Every table in government… it’s greed and there’s always a monkey wrench. Every table ‘yan kung magdaan corruption. Kaya ako pagbalik ko tomorrow, I’ll be firing a lot of people simply for corruption,” wika ni  Duterte.

Ayon sa Pangulo, nangyayari ang korapsyon sa pag-aayos ng mga dokunemto, lisensya at permit.

Gayunman, hindi pa pinangalanan ng Pangulo ang mga sisibaking opisyal pero iginiit nito na mapag-iiwanan ang Pilipinas ng mga kapitbahay na bansa sakaling hindi mahinto ang korapsyon.

Please follow and like us:
Read More

BALUTAN PINAKAKASUHAN SA KORUPSIYON

balutan1

NAIS ng ilang senador na managot si ret. Marine Gen. Alexander Balutan sa alegasyon ng korupsyon habang nakaupo sa Philippine Charity Sweepstakes Office (PCSO).

Ayon kay Senador Panfilo Lacson, dapat kasuhan ng Malacañang si Balutan sa paglabag ng Anti-Graft and Corrupt Practices Act.

Idinagdag pa nito na kung ang datos na isinumite sa Senado hinggil sa small town lottery ang pagbabatayan, naniniwala sya sa desiyon ni Pangulong Rodrigo Duterte na sibakin ang dating general manager ng PCSO.

Naniniwala naman si Senador Sherwin Gatchalian na nakalinya nang sibakin sana si Balutan nang maglustay ito ng P6 milyon para lamang sa kanilang Christmas party noong 2017.

Noong Biyernes ng gabi ay sinibak na sa tungkuling si Balutan dahil sa alegasyon ng ‘seryosong korupsiyon’ sa tanggapan na lubhang ikinadismaya ng Pangulo.

Please follow and like us:
Read More

DIOKNO SINISI SA KORUPSIYON SA DPWH

diokno17

(NI BERNARD TAGUINOD)

GINAGAWANG ‘institusyon” ni Budget and Management (DBM) Secretary Benjamin Diokno ang katiwalian sa Department of Public Works and Highways (DPWH) dahil ayaw nitong abandonahin ang kanyang cash-based budgeting.

Ito ang pahayag ni House Committee on appropriation Chairman Rolando Andaya Jr., matapos malaman na ipatutupad pa rin umano ni Diokno ang cash-based budgeting ngayong 2019.

Ayon sa kongresista, noong panahon ni dating DPWH Secretary Rogelio “Babes” Singson ay inabandona nito ang nasabing sistema dahil nagiging dahilan lang umano ito ng katiwalian at naisasakripisyo ang kalidad ng mga infrastructure projects .

“Malinaw po ang sinasabi rito (ni Singson). Sa halip na labanan ang korupsyon, lalong titindi at lalaganap ito dahil sa cash-based budgeting system ni Sec. Diokno. This will institutionalize corruption in the DPWH,” ani Andaya.

Sa ilalim ng cash-based budgeting, ang mga budget sa mga imprasktura ay kailangang magastos sa loob lang ng isang taon o kailangang makumpleto ang proyekto sa loob ng isang taon lang.

Upang magawa ang cash-based budgeting na ito,, ibinaba umano sa P50 Million ang kontrata sa mga proyekto mula sa dating P150 Million kaya imbes na maayos ang mga ginagawang proyekto  ay naging substandard dahil tanging ang mga maliliit na kontratista na walang kagamitan ang nakakakuha ng kontrata.

“And who will benefit? “Small ill-equipped suppliers/contractors” just like Aremar Construction, which is partly-owned by Sec. Diokno’s son-in-law,” ayon pa kay Andaya.

Ginawa na aniya ito sa United Kingdom (UK) at alam ito ni Diokno pero ipinilipit pa rin ang naabing sistema kaya huwag na aniyang magtaka kung maging institusyon na ang katiwalian sa DPWH projects at mga substandard ang mga proyekto.

Kinastigo rin ni Andaya si Diokno dahil nagmaang-maangan ito sa P100 bilyon na hindi binayaran ng DPWH noong 2018 na, ayon sa mambabatas, ay isang sistema ng katiwalian dahil ang mga hindi maglalagay na kontratista ay hindi mababayaran.

Please follow and like us:
Read More

TASK FORCE VS TIWALI BINUO

dar

(NI LILIBETH JULIAN)

SA layong mapalakas pa ang paglaban sa katiwalian sa gobyerno, bumuo ng isang anti-corruption task force ang Department of Agrarian Reform (DAR).

Ang nasabing task force ay katuwang ni Pangulong Rodrigo Duterte para mas lalo pang paigtingin ang inisyatibo nito na labanan at linisin ang pamahalaan sa mga tiwaling kasapi nito.

Ayon kay Agrarian Reform Secretary John Castriciones, ang DAR Anti-Corruption Task Force ang tututok at magsagawa ng malalimang imbestigasyon sa mga impormasyong tinatanggap ng ahensya na may kaugnayan sa mga tiwaling kasapi ng pamahalaan.

“May mga intelligence reports kaming natatanggap kaugnay sa mga tao at organisasyong nagpapakilalang may koneksyon at impluwensya sa mga nakabinbing kaso at aplikasyon sa DAR, ito ang tututukan ng binuong Task Force,” pahayag ni Castriciones.

Sinabi ni Castriciones, base sa tinanggap na sumbong, ang mga nasabing tiwaling grupo ay humihingi ng pera kapalit ng kanilang serbisyo kaya mahalaga na maimbestigahan ang mga ito para malinis ang ahensya mula sa mga opisyal at kawaning sangkot sa ilegal na transaksyon.

“Alam naman po natin na ang ating Pangulo ay mahigpit ang kanyang pagpapatupad ng batas at ayaw niyang ang kanyang administrasyon ay magkaroon ng bahid tungkol sa cortuption kaya ako ay nakikiusap at humihingi ng kooperasyon sa ating mga empleyado at mga opisyal sa departamento na tayo ay magtulong-tulong,” pahayag ni Castriciones.

Mahigpit ang kautusan ni Castriciones sa binubuo ng nasabing task force na tumutok sa problemang ito,” wika pa ni Castriciones.

 

Please follow and like us:
Read More

PAGBULSA SA IRA MATAGAL NANG KALAKARAN SA MINDANAO

CORRUPTION

IBINUBULSA ng mga lokal na opisyal ang bilyon-bilyong pisong pondo na mula sa internal revenue allotment (IRA) at matagal na itong kalakaran sa Mindanao na open-secret sa mga auditor ng pamahalaan.

Ito ang natuklasan ng Presidential Anti-Corruption Commission (PACC), na ayon sa Commissioner nito at Spokesman na si  Atty. Manuelito Luna, galing ang karamihan sa Mindanao ang mga lokal opisyal na nagnanakaw ng pondo.

Nais ng PACC na magkaroon ng isang special fraud audit ng Commission on Audit (COA), kasama ang PNP at AFP kung saan isasailalim ang mga opisyal na nagmamaniobra ng IRA.

Tiniyak naman ng PACC na hindi nila pababayaan ang COA upang matiyak na mapananagot sa batas ang mga magnanakaw sa kaban ng bayan.

Please follow and like us:
Read More