LACSON SUPORTADO NG PNP SA POSISYON SA DEATH PENALTY BILL

ping lacson 12

(NI AMIHAN SABILLO)

APRUB sa  Philippine National Police (PNP) na dapat lamang maharap sa napakabigat na parusa ang mga pulis na mapatutunayang guilty sa pagtatanim ng ebidensiya gaya na lamang ng death penalty.

Ito ang inihayag ni PNP Spokesperson PBGen. Bernard Banac, na umano ay pabor ang PNP sa mungkahi ni Senator Panfilo Lacson na muling ipatupad ang death penalty para sa mga police officers na mapatutunayang guilty sa pagtatanim ng ebidensiya.

“The reimposition of death penalty will maximize the effectiveness of the law that penalizes planting of drug evidence. We agree with Sen. Lacson that planting of evidence deserves the harshest punishment,” Pahayag pa ni Banac.

Please follow and like us:
Read More

LUBID SA PARUSANG BITAY SANA ‘JOKE LANG’

LUBID-DEATH PENALTY

(Ni ABBY MENDOZA)

PINAALALALHANAN ni Ako Bicol Rep. Alfredo Garbin si Presidential Spokesperson Salvador Panelo na labag sa batas ang ipinapanukala nito na gumamit ng lubid sa pagpapatupad ng parusang bitay.

Kapwa sinabi ng mga mambabatas mula sa Minority Bloc na umaasa silang biro lamang o isang joke na gagamit ng lubid sa parusang bitay.

“Our Spokesperson is a Lawyer and I know that he is familiar of the provision in the Constitution in the prohibition cruel and degrading punishment, specifically Article III, Section 19 paragraph (1) thereof, states excessive fines shall not be imposed nor cruel, degrading or inhuman punishment inflicted,” giit ni Garbin.

Dagdag pa nito na sa Republic Act 9745 ay itinatakda na dapat parusahan ang mga hindi makataong parusa gaya ng torture.

“Ang paggamit ng lubid para sa death penalty can be tantamount to torture,” pahayag pa nito.

Ayon naman kay Iloilo Rep Janette Garin, maski sa hayop ay bawal ang paggamit ng lubid kaya imposible na ito ang syang gamitin kung maipasa ang parusang bitay sa bansa.

“I hope Sec. Panelo was just joking. That method has been in obsolescence even among animals. Better to discuss the parameters of the proposed law. Hindi makakatulong sa pagpasa ng batas yung statement ni Sec. Panelo,” pahayag ni Garin.

Giit pa nito na walang lugar ang lubid sa death penalty.

“Let us not go back to stone-age. Walang lugar ang ‘Lubid’ sa death penalty”dagdag pa nito.

Una nang lumusot sa sa 17th Congress ang pagbalik ng death penalty subalit hindi ito lumusot sa Senado.

Please follow and like us:
Read More

DEATH PENALTY TIWALA NA MAILULUSOT

duterte123

(NI BETH JULIAN)

KUMPIYANSA ang Malacanang na lulusot sa ilalim ng administrasyong Duterte ang pagpapabalik sa parusang bitay o death penalty.

Sinabi ni Presidential spokesperson Salvador Panelo, positibo ang pananaw ni Pangulong Rodrigo Duterte na kakayaning maihabol sa nalalabing tatlong taon niya sa puwesto ang nasabing panukala.

Nais ng Pangulo na maisalang sa capital punishment ang mga indibidwal na ayaw paawat sa operasyon ng iligal na droga at ang taong panay ang pagkamkam ng kaban ng bayan.

Katwiran ng Pangulo, matindi pa rin ang problema ng bansa sa iligal na droga na nagdudulot ng banta sa lipunan sa aspeto ng kriminalidad.

Sinabi pa ng Pangulo na malaking banta rin sa kaban ng bayan ang mga tiwali at corrupt na taga gobyerno kaya dapat na may pumigil sa mga ito sa kanilang mga gawain sa pamamagitan ng parusang bitay.

Malaki ang tiwala ng Palasyo na aani ng suporta ang isinusulong na ito ng Pangulo dahil na rin  sa super majority na pawang mga kaalyado ng Pangulo sa Kongreso.

Please follow and like us:
Read More

LUBID O LETHAL INJECTION?

deth penalty55

(NI BETH JULIAN)

LUBID o ineksiyon.

Ito ang dalawang klaseng paraan na nais ni Pangulong Rodrigo  Duterte para sa mga mahahatulan ng parusang bitay.

Kung ang Pangulo ang tatanungin, bitay sa pamamagitan ng bigti o paggamit ng lubid para makatipid o kaya ay injection ang maaari nitong pagpilian para sa pagpapatuad ng capital punishment.

Sinabi ni Presidential spokesperson Salvador Panelo, ang dalawang nabanggit ang naging maagap ba tugon ng Pangulo nang tanungin ito tungkol sa parusang bitay.

Naniniwala si Panelo na sa tono ng salita ng Pangulo sa kanyang SONA at panghihimok sa mga mambabatas na maibalik ang parusang bitay ay hindi malayong sertipikahang urgent ang death penalty bill na inihain ni Senador Bong Go laban sa mga drug traffickers at iba pang  mga criminal na gumagawa ng karumal-dumal na krimen, maging laban sa mga mandarambong sa kaban ng bayan.

Ayon kay Panelo sumagi sa isip ng Pangulo  na muling ipabuhay sa mga mababatas ang death penalty bill dahil matinding problema pa rin ng bansa sa iligal na droga at ang walang tigil pa ring insidente ng korupsyon sa gobyerno.

Please follow and like us:
Read More

DEATH PENALTY POSIBLE NA SA SENADO

(NI ABBY MENDOZA)

KUMBINSIDO ang ilang mambabatas na mas malaki na ang pagkakataon na maisabatas ang death penalty sa 18th Congress matapos na rin tukuyin ni Pangulong Rodrigo Duterte na isa ito sa kanyang priority bago matapos ang kanyang termino at maliban sa pagpataw ng parusang kamatayan sa illegal drugs ay nais nitong maisama ang plunder.

Inamin ni Senador Grace Poe na mas malaki ngayon ang pag-asa na makalusot sa Senado ang death penalty, subalit para sa senador ay dapat tingnan at pag-aralan muna ito nang mabuti lalo at ang apektado dito ay karamihan ay mahihirap.

“Siguro tingnan na muna ang sistema ng hudikatura, ayusin ang korte, kasama na rito ang sahod ng mga judges, prosecutors at mga  investigators bago natin masabi na magka-death penalty or else baka mas maraming maging biktima lang,”paliwanag ni Poe.

Sa kabuuan, sinabi ni Poe na masaya siya sa mga nabanggit ng Pangulo lalo ang mga priority measures nito na nagsusulong ng pagtatag ng Deparment of OFW, Department for Disaster Resilience, ang pag-atas sa Local Government Units na tulong na maresolba ang traffic at ang pagpapabilis sa pag-isyu ng mga permits.

Inamin ni Poe na bagama’t detalyado naman ang naging pagpapaliwanag ng Pangulo sa isyu ng West Philippine Sea subalit kung siya ang tatanungin ay mas dapat na mas malinaw na maipahayag ng bansa ang protesta nito sa China.

Samantala, sinabi ni PBA Partylist Rep Jericho Nograles na ire-refile sa Kamara ang death penalty at kanila nang isasama ang plunder.

“Naipasa na sa Kamara ang death penalty pero natambay lamang sa Senado, ngayon ay umaasa tayo na maisusulong na ito at kasama na ang plunder na dati ay wala sa orihinal na naipasa ng Kamara,”pahayag nito.

Binigyan naman ni Nograles ng grado na 9 si Pangulong Duterte.

“ 9 out of 10, hindi perfect because there’s a lot to be done. Ang mabuti sa ating Presidente ay hindi gumagawa ng kwento,  consistent ang hinihingi nya sa Kongreso, consistent ang campaign promises niya noong 2016 na gusto niyang maideliver,” pahayag ni Nograles.

Sinabi ni Nograles na maraming tatrabahuhin ang Kamara kaya naman bibilisan ng mga mambabatas ang pagtalakay sa mga mahahalagang measures na isinusulong ng Pangulo, ani Nograles.

Ang unang hakbang ay mag-convene agad ang Legislative-Executive Development Advisory Council (LEDAC) para mabigyan ng timeline ang Kongreso kung ano ang mga batas na dapat unahin at dapat na maipasa sa 18th Congress.

 

 

Please follow and like us:
Read More

DEATH PENALTY SA DRUGS, PLUNDERER

(NI BERNARD TAGUINOD)

DAHIL patuloy ang paglaganap ng iligal na droga sa basa at katiwalian sa gobyerno sa kabilang ng kanyang seryosong kampanya, humingi na ng tulong si Pangulong Rodrigo Duterte sa mga mambabatas sa Senado at Kamara na ibalik na ang parusang kamatayan.

“I respectfully ask Congress to reinstate death penalty, for heinous crimes related to drugs as well as plunder,” ani Duterte sa kanyang ikaapat na State of the Nation Address (SONA) nitong Lunes.

“Believe me, I will end my term fighting. It has been 3 years since I took my oath of office and it pains me to say that we have not learned our lesson. The illegal drug problem persists. Corruption continues,” ani Duterte.

Maging noong panahon ng Marawi siege, aniya, ay napatunayang ginagamit na pera ay galing sa iligal na droga at mula noong simula, aniya, ang giyera kontra iligal na droga ay 175 sa kanyang mga pulis at sundalo ang namatay at mahigit 2001 na ang nasugatan.

Hindi rin naitago ni Duterte ang kanyang pagkadismaya dahil patuloy ang katiwalian sa gobyerno katulad ng nangyaring pagnanakaw sa pondo ng mga may sakit sa Philhealth o ang nabunyag na dialysis scam.

“Huge amount of medical funds were released to cover padded medical claims and imaginary treatment of patients. I am grossly disappointed,” pahayag ni Duterte.

Bukod dito, ang mga katiwalian sa ibang ahensya tulad ng Bureau of Customs (BoC) kaya dapat na umanong ibalik na ang parusang kamatayan sa bansa. Ang pahayag ng Pangulo ay sinalubong ng palakpakan ng mga tao.

“I am aware that there is still a long way to go against the social menace. Let the reason why I advocate the imposition of the death penalty for crimes related to illegal drugs,” ayon pa kay Duterte.

 

Please follow and like us:
Read More

‘DEATH PENALTY PIPIGIL SA PAGLALA NG DROGA’ 

dela rosa12

(NI NOEL ABUEL)

INAMIN ni Senador Ronald ‘Bato’ Dela Rosa na ikokonsidera nito ang mga suhestiyon ng mga nahuling drug lords para maging matagumpay ang paglaban sa illegal drugs at pagbuhay sa parusang kamatayan sa bansa.

Ayon sa senador, mismong ang mga drug lords na nakakulong sa Bureau of Corrections (BuCor) ang nagsabing kung nais ng pamahalaan na matigil ang pagbaha ng illegal na droga sa bansa ay ipasa ang panukalang batas na bubuhay sa parusang kamatayan.

“Sa aking experience as director general ng BuCor, nakausap ko ang mga convicted drug lords, some of them were foreigners, isa-isa sila na nag-approach sa akin, pasimple lang silang nagsabi sa akin na sir para matapos ang drug problem sa Pilipinas kailangan meron kayong death penalty. Alam mo sir kaya namin gustong-gusto maghakot ng droga papasok dito sa Pilipinas ay dahil wala kayong death penalty,” sabi ni Bato.

“Ngayon kasi nakikita natin na kahit na gaano ka-intense ang ating war on drugs ay meron at meron pa rin nakapapasok na supply ng shabu sa ating bansa, malinaw lang na kaya hindi sila (drug syndicates) takot ay wala tayong parusang bitay” dagdag pa nito.

Sa kasalukuyan, sa datos ng BuCor ay nasa 160 convicted inmates sa National Bilibid Prison (NBP) na pawang sangkot sa pagbebenta at paggamit ng illegal drugs.

“We have at least 160 convicted incarcerated at the national prison at hindi tayo sigurado na huminto na sila sa negosyo, marami pa rin dyan ang dumidiskarte. Alam naman natin na noon ay ginamit nila ‘yang bilibid bilang kanilang operations center. Diyan nanggagaling ang decision making para sa pag-import at distribution, sila nagko-control. At kung meron na tayong death penalty, hindi na sila  nakapagpapatuloy sa kanilang masamang gawain,” pag-amin pa ni Dela Rosa.

Paliwanag pa ng bagitong senador, firing squad ang dapat na maging hatol sa mga mapapatunayang sangkot sa pagpapakalat ng illegal na droga upang matakot na ang mga ito.

Please follow and like us:
Read More

DEATH PENALTY BILL IHAHAIN ULI SA KAMARA

deathpenalty1

(NI BERNARD TAGUINOD)

MAYROON nang counter measure sa Kamara ang panukala ni Senator-elect Ronald Bato’ dela Rosa na buhayin ang Death Penalty Law matapos mabigo ang Kongreso na maipasa ito ngayong 17th Congress.

Ayon kay ACT-CIS party-list Rep-elect Nina Taduran, isa sa una nilang ihahaing panukala ay ang pagbuhay sa death penalty law para aniya sa mga karumal-dumal na krimen.

“As anti-crime advocates, isa iyan (death penalty bill) ang una naming ipa-file pagbukas ng 18th Congress,” pahayag ni Taduran.

Gayunpaman, hindi lahat sa mga krimen gagamitin umano ang panukalang ito kundi sa mga karumal-dumal na krimen tulad ng rape with murder, terroristic attack at maging sa mga malalaking drug lord.

Kailangan aniyang magkaroon ng matalas na ngipin ang batas laban sa mga taong gumagawa ng mga karumal-dumal na krimen dahil kung hindi ay wala umanong katatakutan ang mga gumagawa ng nasabing krimen.

“Ni-rape mo na nga, pinatay mo pa. Yung terroristic attack ang mga biktima niyan mga inosenteng mamamayan kaya gusto naming magkaroon ng death penalty para dyan,” ani Taduran.

Noong 17th Congress, ang death penalty bill ang unang panukalang inihain sa Kamara para sa mga karumal-dumal na krimen kung saan naipasa ito ng mga kongresista sa ikatlo at huling pagbasa.

Gayunpaman, hindi ito naging batas matapos mabigo ang Senado na maipasa ang kanilang counter bill kaya kailangang maihain muli ang panukalang ito sa 18th Congress ng mga pro-death penalty advocates solons.

 

Please follow and like us:
Read More

DEATH PENALTY BUBUHAYIN 

deathpenalty1

(NI NOEL ABUEL)

MULING bubuhayin sa Senado ang panukalang kamatayan sa mga mapatutunayang sangkot sa heinous crime sa pagbubukas ng 18thCongress.

Sinabi ni Senador Leila de Lima na napapanahon nang ibalik muli sa bansa ang pagpapataw ng parusang kamatayan na tunay na solusyon umano para maiwasan ang mga krimen.

“In these times where great powers are concentrated on a single human being who with mere words – God forbid – can masterfully orchestrate a holocaust, we should be ever vigilant, ever firm with our stand against its re-imposition,” sabi ni De Lima.

“I believe that what deters and resolves crimes is a well-oiled and thoroughly functioning criminal justice system, one that ensures swift and ascertain accountability for the crimes committed and the imposition of commensurate penalties to the offenders,” dagdag pa nito.

Sa kasalukuyang Kongreso, naisapasa ang pagbuhay sa death penalty para sa mga heinous crimes kabilang ang drug-related offenses sa Mababang Kapulungan ng Kongreso ngunit nabigong matalakay sa committee level sa Senado.

Naniniwala si De Lima na ngayon na ang tamang panahon para buhayin ang parusang kamatayan lalo pa at suportado ito ng mga bagong senador kabilang sina Senators-elect Christopher Go, Ronald de la Rosa, Francis Tolentino, at Pia Cayetano.

Gayundin, suportado rin ito nina Senador Cynthia Villar, Sonny Angara, Koko Pimentel III, Manny Pacquiao, Sherwin Gatchalian, Panfilo Lacson at Senate President Vicente Sotto III.

 

 

Please follow and like us:
Read More