LUMAYANG KILLERS, DRUG LORDS; SOTTO: NAGKAKASUHULAN!

0

(NI DANG SAMSON-GARCIA)

NANINIWALA si Senate President Tito Sotto na nagkakasuhulan sa loob ng New Bilibid Prisons para makalaya ang mga high profile na convicts tulad ng sinasabing Chiong sisters killers at ang naunsyaming paglaya ni dating Calauan mayor Antonio  Sanchez.

“Hindi maaaring hindi tama yung iniisip ng kababayan natin. Nagkasuhulan yan, imposibleng hindi,” diin pa ng lider ng Senado.

“Wala namang iba, pa-paano mo ma-i-alis sa isipan ng tao na nagkasuhulan ‘yan. Mga drug lords at involved ng heinous crimes ang convicts na pinapalaya,” sabi ni Sotto.

Kasabay nito, ihahanda na ni Senador Richard Gordon ang subpoena para kay Bureau of Corrections Director Nicanor Faeldon kung hindi ito sisipot sa pagdinig ng Senado hinggil sa isyu ng muntik nang pagapapalaya kay Sanchez

Sinabi  ng chairman ng Senate Blue Ribbon Committee na hindi sila papayag na hindi humarap sa pagdinig si Faeldon dahil siya ang pinakamahalagang tao sa kanilang imbestigasyon.

Kung hindi aniya ito sisipot, magpapalabas sila ng subpoena na kung hindi nito tutugunan ay muli siyang iko-contempt para makulong hindi lamang sa Senado kundi sa Pasay City Jail.

“Ang sinasabi nila andun daw ang abogado (ni Faeldon). Hindi ako papayag, sya ang head ng Bucor, di pwedeng umiwas sya…Isa-subpoena ko yan. Pati na rin ang records, nagpadala kami request for records hindi pa kami binibigyan hanggang ngayon,” saad ni Gordon.

“Hindi lang sa Senate kundi sa Pasay City Jail,” sagot pa nito nang tanungin kung posibleng makulong muli sa Senado si Faeldon.

Kumbinsido rin si Gordon at Sotto na may katiwalian sa mga paglaya ng mga preso na na-convict sa heinous crimes.

“Meron pa lumalabas na sinasabi pirmado na ni Faeldon, tapos dati dine-deny nangangahulugan may kasinungalingan at kabuktutan na nangyayari,” diin naman ni Gordon.

 

 

 

Read More

PAGLAYA NG DRUG LORDS SA BILIBID, MAY PRESYO?

bucor55
0

(NI NOEL ABUEL)

IBINULGAR ni Senador Panfilo Lacson na tatlo pang Chinese drug lords na hinatulan ng habambuhay na pagkabilanggo ang pinayagang makalaya sa Bureau of Corrections (Bucor).

Sinabi ito ng senador sa isang panayam sa GMA News, kung saan maliban aniya sa limang Chinese drug lords na sina Chan Chit Yue, Kin San Ho, Ching Che, Wu Hing Sum at Ho Wai Pang na napalaya sa Bucor ay nasundan pa ito ng tatlong Chinese nationals.

“Bukod sa lima, may tatlo pa. Isa na-release sa Davao Penal Colony, Taiwan drug lord naman ‘yan. Tapos meron sa Palawan, dalawa pa, drug lord din, na-release noong April,” sabi ni Lacson.

Paliwanag ng senador, sunud-sunod umano ang pagpapalabas sa piitan sa mga Chinese drug lords gamit ang Good Conduct Time Allowance (GCTA) law.

“Sunud-sunod  mga Chinese drug lords na nire-release, gamit ang GCTA na tinatawag,” aniya pa.

Idinagdag pa ni Lacson na sa kabuuang 1,914 convicts na nakalaya dahil sa GCTA, 48 sa mga ito ay nakakulong dahil din sa illegal na droga.

“So gusto ko makita ang profile ng 1,914 na na-release at very recently ang 48 drug lords. Ano ang background nila? Ano ang kakayahan nila? Kasi kung naiiwan doon ang walang kakayanan at ang makapag-avail lang ng GCTA ang maykaya, maski papaano mag-iisip tayo,” sabi nito.

Sa Lunes, Setyembre 2, ay magsasagawa ng pagdinig ang Senado kung saan aalamin umano nito ang profile ng mga nakalaya na karamihan ay may mga sinabi sa lipunan o may pera at sisiyasatin kung naabuso ang GCTA.

“Aalamin namin sa Lunes. Kasi kukunin namin ang profile, so far ang nakikita natin mga may kaya ang mga nare-release,” ayon pa sa senador.

Sinabi pa ni Lacson na base sa source nito sa New Bilibid Prison ay may kinalaman ang malaking pera sa pagpapalaya sa mga convicts.

“Ang convict sa Chiong sisters, mga may kaya ‘yan sa Cebu. Kay Antonio Sanchez may kaya definitely ‘yan. Pagkatapos itong mga Chinese drug lords, siguradong may kaya. Sabi ng source ko sa NBP, talagang pera-pera nga raw,” giit nito.

Sa kaso ng limang Chinese, hihilingin ni Lacson sa Department of Justice (DOJ) na isuspinde ang deportation proceeding na ginawa ng Bureau of Immigration (BI) laban sa ito habang nirerepaso ang GCTA at ibalik lahat sa loob.

 

Read More

NAPUPULOT NA COCAINE BINIBILI NG DRUG LORDS

cocaine1
0

(NI NICK ECHEVARRIA)

NANAWAGAN ang Philippine National Police (PNP) sa mamamayan na makakatagpo ng droga sa dalampasigan na huwag magpapasilaw sa salapi.

Ginawa ni PNP spokesperson P/SSupt. Bernard Banac ang panawagan matapos  mabisto na tinatapatan umano ng malaking halaga ng salapi ng mga drug lords ang alok na isang sakong bigas ng lokal na pamahalaan para sa bawat bloke ng matatagpuang droga sa dalampasigan.

Nabatid na umaabot na sa 80 bloke ng cocaine ang nakuhang lumulutang sa dalampasigan ng Dinagat, Siargao, Paracale at Camarines Norte na inireport ng mga reisdente.

Nauna nang pinasalamatan ni Banac ang pagmamagandang-loob ng mga lokal na residente na nag-report sa pulisya ng mga natagpuang bloke ng cocaine sa kanilang mga lugar.

Muling binigyang-diin ni Banac ang panawagan na hindi dapat magpasilaw ang mga residente sa salapi ng mga drug lords at sa halip ipagpatuloy ang ginagawang pagre-report sa pulisya sakaling may makita uling mga bloke ng cocaine at laging isaisip ang masamang epekto nito sa kanilang komunidad.

Samantala, nagbabala din ang PNP na makakasuhan ang sinumang magbebenta sa mga drug lords ng mga matatagpuang droga.

 

Read More