PANGULO, KITTY, LIGTAS SA 6.9 MAGNITUDE QUAKE

(NI CHRISTIAN  DALE)

MAAYOS ang kalagayan ng mag-amang Pangulong Rodrigo Roa Duterte at anak na si Veronica ‘Kitty’ Duterte matapos yanigin ng magnitude 6.9 na lindol ang Davao Del Sur, pasado alas-2:00, Linggo ng hapon.

“He is ok. He and his daughter Kitty were in their house when the quake struck,” ayon kay Presidential spokesperson Salvador Panelo kaya’t walang dapat na ipag-alala ang taumbayan sa Pangulo at pamilya nito.

Ang partner naman ng Pangulo na si Cielito “Honeylet” Salvador Avanceña ay pauwi na ng kanilang bahay nang maramdaman ang lindol.

Ani Sec. Panelo, umugoy aniya ang sasakyan nito habang binabagtas ang daan pauwi ng
bahay.

Hindi naman nasaktan si Avanceña.

Sa kabilang dako, ang Executive Branch, sa pamamagitan ng National Disaster Risk Reduction and Management Council at Office of Civil Defense, kasama ang Philippine Institute of Volcanology and Seismology, ay masusing naka-monitor sa situwasyon sa Davao del Sur makaraan ang 6.9-magnitude earthquake na tumama sa nasabing lugar.

Agad namang pinakilos ang lahat ng mga kinauukulang ahensiya ng pamahalaan para tugunan ang kasalukuyang sitwasyon sa nasabing lugar at kagyat na magbigay ng tulong sa mga nangangailangan.

Samantala, hiniling naman ng Office of the President sa lahat na manatiling kalmado subalit bigilante sa posibilidad na aftershocks matapos ang malakas na paglindol.

“We likewise ask the public to refrain from spreading disinformation that may cause undue alarm and panic among affected communities,” ani Sec. Panelo.

Sinabi naman ni Presidential Security Group (PSG) Commander, Col. Jose Eriel Niembra na walang damage o sira ang bahay ng Pangulo sa Davao.

Iyon nga lamang aniya ay kailangan pa rin na i-check ang structural integrity ng bahay.

Matapos aniya ang naramdamang lindol ay muli aniyang natulog ang Pangulo.

“Ok lang wala nman damage house pero pa check pa rin structural integrity… PRRD ok lang natulog uli after the quake,” ani Niembra.

Base sa impormasyon ng Phivolcs, namataan ang episentro ng lindol sa 9 kilometers Northwest ng Matanao bandang 2:11 ng hapon.

May lalim ang lindol na 3 kilometers at tectonic ang dahilan.

Dahil dito, naramdaman ang mga sumusunod na intensities:
Intensity 7:
– Matanao at Magsaysay, Davao del Sur

Intensity 6:
– Kidapawan City; General Santos City
– Bansalan, Davao del Sur
– Alabel at Malapatan, Sarangani
– Koronadal City

Intensity 5:
– Tulunan at Matalam, Cotabato
– Cotabato City
– Davao City
– Glan, Sarangani

Intensity 3:
– Kalilangan, Talakag at Dangcagan, Bukidnon

Intensity 2:
– Impasugong, Bukidnon
– Cagayan de Oro City
– Dipolog City

Intensity 1:
– Zamboanga del Sur

Naitala naman ang mga sumusunod na instrumental Intensities:

Intensity 8:
– Malungon, Sarangani

Intensity 6:
– Alabel, Sarangani; Kidapawan City

Intensity 5:
– General Santos City
– Koronadal City
– Tupi, South Cotabato

Intensity 3:
– Gingoog City

Intensity 2:
– Zamboanga City
– Kiamba, Sarangani

Sinabi ng Phivolcs na posibleng may mapaulat na pinsala at aftershocks matapos ang pagyanig.

Read More

CHACHA MALAKI ANG PAG-ASANG LUMUSOT SA DUTERTE ADMIN

chacha33

(NI BERNARD TAGUINOD)

KUMPIYANSA ang liderato ng Mababang Kapulungan ng Kongreso na mailulusot ang Charter Change (Cha Cha) para magkaroon umano ng pagbabago sa ekonomiya at political landscape sa bansa.

Ito ang pahayag ni House committee on constitutional revision chairman Rep. Rufus Rodriguez matapos ilusot sa kanyang komite ang Resolution of Both Houses para amyendahan ang 1987 Constitution.

“Malaki ang chance dahil we are trying to push  economic and political changes. We have to have stability and more time for local official to perform,” pahayag ni Rodriguez.

Ayon sa mambabatas, tanging ang Pilipinas na lamang umano sa Southeast Asia ang may probisyon sa saligang batas na 40% lamang sa mga dayuhang negosyante na papasok sa bansa at 60% naman sa mga Filipino.

Tinawag na proteksyon sa mga Filipino businessmen ang nasabing probisyon sa Saligang Batas subalit ayon kay Rodriguez, kaya na umanong proteksyunan ng mga negosyanteng Pinoy ang kanilang sarili.

Kailangan na rin umanong baguhin ang political landscape sa Pilipinas at paliwigin na ang termino ng mga halal na opisyales ng gobyerno upang mas maraming magawa ang mga ito.

“Tayo na lang na bansa sa  buong mundo na three (3) years (ang pagsisilbi ng mga halal na opisyales), majority of them 5 years (ang termino) at walang term limit. Tayo may term limit, tatlo lang.

Sinabi ng mambabatas na halos walang nagagawa ang mga halal na opisyales ng gobyerno sa tatlong tao kaya isinama sa inaprubahang resolusyon ang panukalang gawing 5 yers ang termino ng local officials, congressmen.

Umapela rin ang mambabatas sa mga senador na ikonsidera ang Cha cha dahil makakabuti umano ito sa kanila dahil sa rehiyon na lamang sila tatakbo taliwas sa kasalukuyan na sa buong bansa.

Sa ilalim ng nasabing resolusyon na nakatakdang isalang na sa debate sa plenaryo ngayong linggo, magiging 27 ang Senado mula sa kasalukuyang 24 kung saan 3 senador ang ihahalal sa 9 na rehiyon at magiging 3 termino na ang mga ito mula sa kasalukuyang 2 termino subalit tig-5 taon na lang mula sa 6 taon na sistema ngayon.

 

Read More

SOTTO: HUWAG N’YONG TAKUTIN SI PRRD

titosotto

(NI DANG SAMSON-GARCIA)

PINAYUHAN ni Senate President Vicente ‘Tito’ Sotto III ang mga water concessionaires na huwag tinatakot si Pangulong Rodrigo Duterte.

Ginawa ito ng senador kasunod ng pagpapasaring ni Pangulong Duterte na i-take over ng militar ang pamamahala sa water utilities sa bansa makaraang magbanta ang water concessionaires ng posibleng 100% na increase sa kanilang singil kung tuluyan nang ibabasura ang kanilang kontrata para sa extension ng kanilang serbisyo.

“Huwag n’yo tinatakot ang Presidente na ito. Sa lahat ng Presidente natin, wag tatakutin ang Presidenteng ito. The power of the Presisdent of the Philippines is vast,” diin nito.

Ipinaalala ni Sotto na may karapatan ang Pangulo na alamin at paimbestigahan ang kontrata ng water concessionaires at kung may makitang hindi kanais-nais na probisyon ay maari niya itong ibasura.

“Oo, may karapatan ang Pangulong alamin bakit, paano nangyari yun. Ano ang nangyari? Bakit, ano ang naging ‘cashunduan’ ay este kasunduan bakit in-extend na ganun,”diin ni Sotto.

Dapat anyang malaman kung bakit may probisyon na lumilitaw na agrabyado ang gobyerno.

“Bakit may masamang probisyon na agrabyado ang gobyerno kaya nag-iinit ulo ng Presidente. Kapag ‘di sila pinayagang magtaas pwede nila singilin ang gobyerno, e di gobyerno na lang ang magpatakbo,”giit pa ni Sotto.

Bago naman anya pag-usapan ang pagtatayo ng ahensya na tututok sa usapin ng tubig, dapat munang ayusin ang Rightsizing bill upang hindi maging bloated ang burekrasya.

 

Read More

PAG-VETO SA 2020 BUDGET HINILING KAY PDU30

(NI BERNARD TAGUINOD)

HINILING ng Makabayan bloc kay Pangulong Rodrigo Duterte na pag-aralan muna ang 2020 national budget na nagkakahalaga ng P4.1 Trillion matapos ibunyag ni Sen. Panfilo “Ping” Lacson na umaabot sa mahigit P90 Billion na  ‘pork barrel’  ang nailusot dito at kung kinakailangan ay dapat aniya itong i-veto.

Ginawa ni Bayan Muna party-list Rep. Carlos Zarate ang nasabing hamon matapos ratipikahan ng dalawang Kapulungan ng Kongreso ang 2020 national budget at nakatakdang dalhin na ito sa Office of the President para lagdaan ng Pangulo.

“Ang hamon namin sa Malacanang mismo ito, kung totoo man ito (alegasyon ni Lacson) ay iveto ito,” ani Zarate dahil posibleng may mga serbisyo publiko ang naapektuhan o nabawasan ang pondo para pondohan ang mga pet project umano ng ilang mambabatas.

Sa alegasyon ni Lacson, kabilang sa mahigit P90 Billion ang P83 Billion na inilaan sa flood control projects na hindi umano nakadetalye sa inaprubahang national budget kaya itinuturing ito ng senador na “pork barrel”.

Magugunita na nai-veto ni Duterte ang 2019 national budget matapos mabunyag na umaabot sa P95 Billion ang isiningit na pork barrel ng mga Kongreso noong panahon ni dating House speaker Gloria Macapagal Arroyo.

Inamin ng mambabatas na wala silang panahon na mabusisi ang bicameral conference committee report sa national budget bago ito niratipikahan noong Miyerkoles ng hapon dahil ibinigay umano sa kanila ang kopya 10 minuto bago ito isinalang sa ratipikasyon.

“Naku, siguro 10 minutes lang bago naratipikahan,” ani Zarate nang tanungin kung ilang oras nilang pinag-aralan ang kopya ng bicameral conference committee report sa pambansang pondo.

 

Read More

‘PAG ‘DI NAGBAYAD NG BUWIS: POGO OPERATORS BABARILIN KO — DU30

du30200

(NI CHRISTIAN  DALE)

BABARILIN ni Pangulong Rodrigo Roa Duterte ng de-bombang baril ang mga Philippine Offshore Gaming Operators (POGOs) operators na hindi susunod sa tatlong araw na palugit na kanyang ibinigay para bayaran ang buwis sa Bureau of Internal Revenue (BIR).

Galit na sinabi ng Pangulo na huwag aniyang lolokohin ng mga POGOs operators ang mga Filipino.

“Wag ninyong lokohin ang Filipino. Bayaran n’yo ang mga utang n’yo, kapag kayong mga POGO, barilin ko kayo ng de-bomba,” ayon sa Pangulo sa kanyang one-on-one interview ng CNN Philippines.

Aniya, hindi lang mga Chinese kundi maging mga Filipino-Chinese na magparehistro sa BIR at kumuha ng tag number ang dapat na magbayad ng kanilang obligasyon na buwis sa BIR.

Ang hindi susunod ay gagawin umano niyang pugo.

“They are now ordered to register with the BIR and kumuha ng tag number. I’m telling them itong POGO, l**** ka, hindi lang ito Chinese kundi Filipino. Filipino-Chinese. You better settle that utang or else gawin ko kayong pugo p********,” ani Duterte.

Read More

PALITAN NG INFO, INTEL, HILING NI DU30 SA ASEAN LEADERS

(NI CHRISTIAN DALE)

HINIMOK ni Pangulong Rodrigo Roa Duterte ang mga kapwa niya ASEAN leaders na mas paigtingin pa ang pagmamantine ng kanilang  kooperasyon partikular na sa pagpapalitan ng impormasyon at intelligence sa gitna ng kinakaharap na mga suliranin sa rehiyon.

Ilan na dito ay ang mga problemang may kinalaman sa iligal na droga, human trafficking, cybercrime at iba pang anyo ng krimen kabilang na ang terorismo.

Sa pagsasalita ng Pangulo sa unang session ng 2019 ASEAN-ROK Commemorative intevention, ipinunto rin nito na isang wake up call ang naging karanasan ng Pilipinas sa Marawi siege at nagpapatunay na walang border ang terorismo.

Kailangan aniya dito ang sama- samang aksiyon para labanan ang banta ng terorismo sa pamamagitan ng pag- ugat sa pinagmulan nito gaya ng kawalan ng pag- unlad, hindi pagkakapantay- pantay at kawalan ng katarungan.

Inilahad din ng Pangulo sa intervention ang problema sa basura sa mga karagatan na aniyay lalong lumalala na kailangang pagtulung- tulungan sa harap ng  banta nito sa marine resources at food security.

 

Read More

FAIR, HONEST ELECTIONS SA 2022 – DU30

DU30

(NI CHRISTIAN  DALE)

NGAYON pa lamang ay nangangako na si Pangulong Rodrigo Roa Duterte sa publiko ng ‘fair and honest’ na 2022 presidential election.

Ani Pangulong Duterte, bagama’t malayo pa ang nasabing halalan ay makaaasa na ang publiko na magiging malinis ang eleksyon gaya nang tumakbo siya noong 2016.

“It’s too far away to be speculating or talking about it but I’m on my way out. What can I assure you, ladies and gentlemen, that it will be a clean election during my time,” ayon kay Pangulong Duterte sa Sarangani Energy Corp.
(SEC) 2 Power Plant Inauguration and Launching of Siguil Hydrpower Project SEC Conference Room, Brgy. Kamanga, Maasim, Sarangani Province.

Tiniyak din ng Pangulo na hindi niya papayagan na mabigyan ng special treatment ang kanyang mga kaibigan at kaalyado.

I will not allow anybody, friend or foe, (in) alliance with us or on the other side, it will be equal treatment for all,” ang pahayag nito.

Read More

PAGGAMIT NG VAPE, E-CIGARETTE IPAGBABAWAL NI DU30

NAGBANTA si Pangulong Rodrigo Duterte na ipagbabawal ang paggamit ng vape o e-cigarettes sa publiko gayundin ang importasyon nito.

“I will ban it. I will ban it, the use and importation,” sabi ni Duterte.

“You know why? Because it is toxic, and government has the power to issue measures to protect public health and public interest,” dagdag pa nito.

Aarestuhin din umano ang mga lalabag sa kautusan.

“Better stop it because I will order your arrest if you do it in a room. I am now ordering the law-enforcement agencies to arrest anybody vaping in public. That is like smoking,” ayon  pa sa Pangulo.

 

Read More

IMPORTASYON NG BIGAS IPINAHINTO NI DU30

bigas22

INIUTOS ni Pangulong Rodrigo Duterte ang suspensiyon ng rice importation sa gitna ng paghihirap ng mga magsasaka sa Rice Tariffication Law.

Sa panayam ng GMA News, sinabi ng Pangulo na mag-uumpisa na ang gobyerno na bumili ng lokal na bigas upang matulungan ang mga magsasaka na mga nalugmok sa pagbaha ng imported na bigas sa merkado.

Noong Pebrero, nilagdaan ng Pangulo ang Rice Tariffication Law na nagtatanggal sa restriksiyon ng importasyon ng bigas sa paniwalang maibaba ang presyo nito sa merkado.

Gayunman, direktang naapektuhan ang mga magsasaka sa batas na nagresulta sa pagbagsak ng farm-gate prices ng palay.

Sa report ng Philippine Statistics Authority (PSA) hanggang noong Oktubre 25, bumagsak ang presyo ng palay sa pinakamababa sa nakalipas na walong taon.

Ayon sa PSA, ang farm-gate price ng bigas ay bumagsak sa P15.35 kada kilo na 27% mababa kumpara sa presyo sa katulad na panahon noong 2018.

Read More