ORAL HEALTH SA BATANG NAVOTEÑOS

EARLY WARNING

SINAKSIHAN mismo ni Navotas Rep. John Rey Tiangco ang ginawang Fluoride Varnish Treatment para sa mga batang Navoteño na isinagawa ng City Health Office at Colgate-Palmolive Philippines.

‘Mahalaga po ang pag-iingat sa oral health ng ating mga anak. ‘Pag walang problema sa kanilang ngipin, mas nakakapag-focus sila sa pag-aaral at nai-enjoy nila ang kanilang araw.

Dagdag pa niya: ‘Pangalagaan po natin ang kanilang kalusugan sa pamamagitan ng pagsiguro na sapat ang oras ng kanilang tulog, kumakain sila ng masusustansyang pagkain at nag-i-enjoy sila sa kanilang ginagawa.’

Gandang Lola at Astig na Lolo

Siniguro rin ni Cong. JRT na lagi n’yang nakakadaupang-palad ang elderly sa lungsod kaya naman nanguna s’ya sa pag-congratulate sa mga nanalo at naging bahagi ng Gandang Lola at Astig na Lolo 2019.

‘Wala talagang kupas ang ganda at kisig ng ating senior citizens! Malaki ang ambag ng ating mga nakatatanda sa pag-unlad ng ating lungsod. Nararapat lamang na bigyan natin sila ng pagkilala at pagpapahalaga.’

Maraming programa ang lungsod para sa mga elderly at lagi silang prayoridad nito.

Contactless transactions sa QC gov’t

Kung tutuusin matagal na dapat pero kung ngayo’y isinusulong ng administrasyon ni QC Mayor Joy Belmonte na i-automate at i-digitize ang system upang maging contactless ang transaksyon sa city hall, eh malaking bagay ito pero dapat ‘di ningas-cogon. Pero knowing her, t’yak mangyayari ito.

Sa State-of-the-City Address, kanyang ipinahayag ang drastic measures at reporma na nais n’yang ma-implement lalo sa Business Processing and Licensing Department dahil, aniya, walang red tape sa kanyang administrasyon. Dapat hindi nakararanas ng hirap at sa halip ay ginhawa para sa taxpayers. (Early Warning / ARLIE O. CALALO)

Please follow and like us:
Read More

ANG GUSTO NG PALASYO SA NEW PNP CHIEF, COMPETENT AT HONEST, SI ALBAYALDE HINDI?

Early Warning

Sigurado naman na may tiwala pa rin si Pangulong Duterte kay PNP chief Gen. Oscar Albayalde sa kabila ng kontrobers’ya na kanyang kinasasangkutan kasi nasa puwesto pa s’ya. Pero kung pagbabasehan ang sinasabi ngayon ng Palasyo na dapat ay ‘competent and honest’ ang magiging successor n’ya, eh ang ibig bang sabihin ay kabaligtaran s’ya nito?

Sadyang may asim pa si Albayalde kay Digong kasi dating sinasabi ng huli na ‘mere whiff of corruption’ ay tigbak na kaagad sa kanya, pero hindi ito nangyari sa una dahil untouchable pa rin s’ya at hindi n’ya pakikinggan ang sigaw ng marami, marami nga ba talaga hehe, na mag-resign na for delicadeza, ‘ika nga.

Sabihin man n’ya na napolitika itong si Albayalde na sa totoo lang ay ‘di matatawaran ang husay bilang PNP chief kaya lang kung talagang malinis s’ya at walang putik na maibabato sa kanya kahit anong pagpiga ang gawin nila sa kanya ay balewala din sana, ang kaso ang ‘ninja cops’ issue ay tila mabigat na kanyang dalahin ilang araw bago s’ya magretiro. Tsk, tsk, tsk, tsk!

SOCA ni Mayor Oca: Mga dambuhalang proyekto pa ang ipagagawa

Sa kanyang State-of-the-City Address (SOCA), ipinahayag ni Caloocan Mayor Oca Malapitan na mas marami pang dambuhalang proyekto ang isasagawa ng kanyang administrasyon sa huling tatlong taon ng kanyang panunungkulan bilang Ama ng Lungsod.

Kabilang dito ang mga programa para sa pagpapaunlad ng edukasyon, imprastraktura, kalusu­gan, kalinisan, kaayusan, ekonomiya at kapakanan ng bawat mamamayan.

“Lahat ng ‘yan ay ating naisagawa dahil sa patuloy ninyong pagtitiwala at kooperasyon sa akin at sa pamahalaang lungsod. Hindi ko ito magagawa lahat kung wala ang bawat isa.”

Ipinagmalaki rin n’ya ang mga pagkilala na natanggap ng lungsod sa ilalim ng kanyang pamumuno.

“Matagumpay nating nakuha ang prestihiyosong Seal of Good Local Governance sa apat na sunud-sunod na taon mula 2015 hanggang 2018. At nawa’y sa sama-sama nating pag­lilingkod ay muli nating mapagtagumpayan ang parangal para sa   ikalimang taon.”

Malaking pasasalamat n’ya sa suporta ng mga opisyales tulad nina District 1 Cong. Along Malapitan, Vice Mayor Maca Asistio at city council sa pangunguna nina Councilor Obet Samson at Councilor Carding Bagus. (Early Warning / ARLIE O. CALALO)

Please follow and like us:
Read More

BAYARANG TROLLS LABAN SA PAO

EARLY WARNING

‘Di ko maipagkakaila ang aking matinding pagsimpatya sa mga kaawa-awang pamilya ng marami at dumarami pang bata na mga nangamatay makaraang maturukan ng Dengvaxia vaccines ng Department of Health at sa kabila nito nama’y bayarang trolls na walang ginawa kundi sirain ang kredibilidad ng Public Attorney’s Office lalo ang hepe nito na si Persida Rueda-Acosta.

Tama lang na tawanan at ‘di pansinin ni Chief Acosta itong paid trolls kasi batid n’ya kung sino ang gumagastos sa kanila kundi iyong sa halip na aminin ang kamalian, tulungan at damayan ang mga pamilya ay nagbabayad kung sinu-sino na lang para sirain ang PAO. Pero ‘di ito patitinag sa pagsuporta sa mga namatayan.

Mas lalong magiging determinado ang PAO na ipaglaban ang karapatan ng mga pamilya at kahit ano’ng paninira nila, tuluy-tuloy ang laban para sa mga naaaping kababayan, ani Chief Acosta.

Totoo sa kanilang pangako

Umula’t umaraw, tunay na maaasahan itong magkapatid na sina Navotas Mayor Toby Tiangco at Rep. John Rey Tiangco at nararamdaman ‘yan ng taga-lungsod lalo ‘pag may mga aberya tulad ng sunog at kamakailan lang ay kanilang personal na dinamayan ang maraming fire victim families sa Barangay Tangos at binigyan sila ng sapat na pagkain, damit at gamot.

Kanila ring siniguro sa mga awtoridad na nasa maayos na kalagayan ang mga ito sa kanilang pansamantalang tirahan kasabay ng pangakong matulungan sa kanilang iba pang pangangailangan.

PABAHAY PA SA NAVOTEÑOS

May 153 informal settler families na naman ang nagkaroon ng kanilang sariling bahay makaraang pasinayaan mismo ni Mayor Toby ang bagong tatlong gusali at multi-purpose hall sa NavotaAs Homes 2-Tanza sa Barangay Tanza 2.

“As we continue our efforts to provide shelter to Navoteño families, we also ask that you take care of the communities we build,” ani alkalde.

Noong panahon ni Cong. JRT bilang alkalde, libong pamilya rin ang nakinabang sa mass housing at in-city resettlement programs nito lalo yaong mga nakatira sa danger zones.

Siniguro ng Tiangco brothers na magkaroon ng bahay ang mga mahihirap sa lungsod pero may mga alituntunin sa pabahay na dapat sundin tulad ng pagbabawal sa pag-inom ng alak, sugal at ilegal na droga at ang violators ay mawawalan ng karapatan sa programa. (Early Warning / ARLIE O. CALALO)

Please follow and like us:
Read More

AMBASSADOR OF SUNFULL INTERNET PEACE MOVEMENT

EARLY WARNING

Malaking challenge para kay San Jose del Monte (Bulacan) Rep. Rida Robes ang mapili bilang ambassador ng Korean-based Sunfull Internet Peace Movement pero kanya itong tinanggap dahil aniya mas lalo n’yang mapalalakas ang kampanya lalo na sa cyber bullying na madalas ay nagiging dahilan ng pagpapatiwakal lalo ng mga kabataan.

Batid n’ya ang positibong epekto ng teknolohiya lalo sa ekonomiya subalit masakit isipin ang sobrang masamang epekto nito lalo sa kabataan.

‘With everything going digital, it’s a welcome development as we can keep up with the rest of the world but we’ve to deal with the negative effects of being online. Cyber bullying and other hostile or criminal acts online can be done in an instant.’

Sa kanyang bagong role bukod sa pagiging Kinatawan at ‘first lady’ ni ex-congressman-turned SJDM Mayor Arthur Robes, layon n’ya na makagawa ng actionable strategies na magiging kapaki-pakinabang lalo sa kabataan at tuluyan nang masupil ang cyber bullying, hate speech at human rights violation sa internet.

Ang Sunfull Foundation ay isang non-government organization mula sa South Korea na naghihimok sa publiko na labanan ang mga malisyoso at maling gawain sa internet.

Hindi makatao si Drilon, maka-dilawan lang – Atty. Chong

Hindi masikmura ni Atty. Glen Chong ang naging posisyon ng ‘dilawang’ si Sen. Franklin Drilon hinggil sa usaping paglalagay ng napakaliit na P19.5-M budget para pambili ng ilang mahahalagang gamit tulad ng portable x-ray machine na gagamitin ng Forensic Division ng Public Attorneys’ Office na sadyang napakamahalaga lalo’t batid natin na halos ang mahihirap nating mamamayan ang siniserbisyuhan ng PAO sa pangunguna ni Chief Persida Rueda-Acosta.

Batid niya ang importansiya ng mga gamit na ito sa pagsiserbisyo ng PAO sa tao kumpara, aniya, sa halagang P230-M na gustong ilagay ni Drilon para sa Commission on Human Rights na ang tanging tinututukan lamang ay pag-iimbestiga sa extra-judicial killings.

Dagdag pa niya, kung mismong si Pangulong Duterte nga ay itinutulak ang pag-acquire ng PAO ng mga mahahalagang gamit  at hindi pagdagdag ng budget para sa mga empleyado nito, eh bakit si Drilon kakaiba ang da­ting?!

‘Eh kasi nga dilawan siya at gusto niya lang protektahan ang mga kasama niya tulad ng dating Pangulo na si Noynoy dahil sila ang may sala lalo sa Dengvaxia case,’ ani Atty. Chong. (Early Warning / ARLIE O. CALALO)

Please follow and like us:
Read More

ISANG HUKUMAN LANG DAPAT SA DENGVAXIA CASES

EARLY WARNING

Lalo pang dumarami ang pamilyang humihingi ng ayuda-legal sa Public Attorney’s Office pero patuloy na nagbibingi-bingihan ang Department of Health sa hinaing ng mga ito samantalang si PAO Chief Persida Rueda-Acosta nama’y nananawagan kay (Supreme) Court Admi­nistrator Midas Marquez na magkaroon na lang ng isang exclusive court na didinig sa controversial Dengvaxia cases.

Sa petisyon ng PAO, mahalagang magkaroon na lang ng isang hukuman na ang tanging gagawin ay dinggin ang lalong dumaraming Dengvaxia cases lalo’t patuloy ang paghingi ng tulong ng mga pamilya na namamatayan ng kanilang mga anak matapos mabakunahan nito.

Nag-ugat ang kontrobers’ya makaraang umangkat ang DOH ng bakunang ito na ginamit sa mass vaccination program nito kung saan halos isang milyong kabataan ang naturukan na ginawa sa mga pampublikong paaralan at barangay health centers, marami sa kanila ay hindi pa nagkaka-dengue na lumalabas na mas delikado ang epekto kaysa roon sa nagkaroon na.

Sa kabila nito, patay-malisya ang DOH lalo si Secretary Francisco Duque sa paghihirap na dinaranas ng mga pamilya, hindi pa kasama ang t’yak mas marami sa kanila na pinili na lang manahimik sa kabila ng wala sa lugar na pagpanaw ng kanilang mga anak. (Early Warning / ARLIE O. CALALO)

Please follow and like us:
Read More

 SEAL OF GOOD EDUCATION GOVERNANCE, NASUNGKIT MULI

EARLY WARNING

Sa ikalawang pagkakataon, nabigyan ang Navotas ng Seal of Good Education Governance (SGEG) mula sa Synergeia Foundation. Ang una ay noong isang taon lamang sa panahon ni ex-mayor at ngayo’y Rep. John Rey Tiangco bilang pagkilala sa masidhing pagsisikap ng lungsod na mabigyan ng de-kalidad na edukasyon ang mamamayan nito.

Tinanggap ni Mayor Toby Tiangco at iba pang opisyal ang parangal sa naganap na 13th National Education Summit sa PICC kamakailan.

“Ang de-kalidad at holistikong edukasyon na mayroon tayo ay bunga ng sama-samang pagkilos ng ating stakeholders. Ang walang kupas na suporta ng ating mga guro, mga magulang, local school board, mga school governing council at lahat ng education stakeholders ang naghatid sa atin ng parangal na ito,” ani Mayor Toby.

‘Di maikakatwang mahal na mahal ng mga taga-lungsod ang Tiangco brothers dahil sa kanilang pagbuhos ng panahon at resources upang masiguro ang edukasyon lalo na iyung nasa poor sector, galing!

Digital marketing para sa Navoteño youth

Nasa 970 kabataang Navoteño ang natuto ng online retail, electronic commerce at digital marketing sa 7th Youth Entrepreneurship Summit (YES).

Nagbigay-inspirasyon sa mga kalahok ang guest speakers na dating kalahok ng YES at ngayo’y successful entrepreneurs kasabay ng pagtuturo sa kanila tungkol sa Digital Marketing at pamamaraan kung paano gamitin ang digital platforms sa pagsusulong ng negosyo.

Ani Mayor Toby, kahit ang malalaking kompanya sa Pilipinas ay nagsimula sa maliit. Ang mahalaga ay magkaroon ng lakas ng loob na magsimula at magsikap hanggang maabot ang pinapangarap, aniya

Samantala, pinayuhan ni Congressman JRT ang mga estudyante ng senior high school, kolehiyo at Alternative Learning System na maging matapang at bigyan ng buhay ang kanilang mga ideya.

“Samantalahin ninyo ang pagsulong ng digital technology. Maging mapagmasid, maging malikhain, at gamitin ang inyong kaalaman at kakayahan para gumawa ng app o negosyo na magiging kapaki-pakinabang sa inyo at sa inyong kapwa kabataan.”

Ang youth summit ay isang taunang programa ng pamahalaang lungsod sa pangunguna ng NavotaAs Hanapbuhay Center. (Early Warning / ARLIE O. CALALO)

Please follow and like us:
Read More

MAY TRADISYUNAL NA HAMON PA RIN SA KAPASKUHAN

EARLY WARNING

T’yak may tradisyunal na hamon pa rin at hindi magbabago ang presyo nito ngayong Pasko sa kabila ng isyu sa African Swine Fever (ASF).

Pero dahil hindi maiiwasan ang pagbabawas ng produksyon ng hamon, ang t’yak namang maaapektuhan ay itong tinatawag na seasonal employees dahil siguradong hindi na muna sila kukunin ngayong Kapaskuhan, ayon na rin Philippine Association of Meat Processors Inc.

Nagkaroon ng pagtigil o pagputol ng produksyon dahil sa total ban na ipinataw sa baboy at produkto mula sa Luzon, probinsiya ng Cebu at Bohol.

Pero sinabi ng PAMPI na hindi pa rin sila magtataas ng presyo ng kanilang produkto matapos ang naunang dagdag dahil sa pagputok ng ASF. Napilitan ang industriya na magtaas ng presyo ng 10% hanggang 12% sa katamtaman dahil sa mataas na gastos sa baboy.

Ang PAMPI ay kinabibilangan ng 83 member-companies sa buong Pilipinas tulad ng Purefoods Hormel Company, CDO Foodsphere Inc., Pacific Meat Co. Inc., Frabelle Corporation at Pampanga’s Best.

‘KUNG AYAW MAGMULTA SIMPLE LANG, SUMUNOD SA BATAS-TRAPIKO’

Ang mga taong may disiplina lalo na ang mga motorista ay walang dapat ipangamba kung sadyang sumusunod lang ang lahat sa mga batas-trapiko.

Iyan ang sinasabi ni Valenzuela Mayor Rex Gatcha­lian kamakailan sa full-blast implementation ng ‘No-Contact Apprehension’ ordinance lalung-lalo na sa mga pangunahing lansangan sa lungsod.

Layunin ng bagong proyekto ay, as usual, ang disiplina sa lansangan pero medyo nagulat din s’ya dahil may mga ilan ding binabatikos ito lalo na ng jeepney drivers pero marami naman lalo ang netizen commuters na ikinatuwa at sinuportahan ito.

Base sa sistema, ang sinumang violator na mahuhuli sa camera ay mabibigyan ng notice of violation kung saan nakasaad dito ang klase ng paglabag, kung saan at kailan nangyari kasama na rin ang kuha o litrato ng violation. (Early Warning / ARLIE O. CALALO)

Please follow and like us:
Read More

PUMIRMA LANG NAMAN PALA, BA’T SISISIHIN SA GCTA MESS?

EARLY WARNING

Kayo talaga mga katoto ang dudumi ng isip n’yo. Bakit nga ba naman sinisisi itong si Sen. Bato dela Rosa, ex-Bureau of Corrections (Bucor) chief, sa kaguluhan tungkol sa good conduct time allowance (GCTA) sa New Bilibid Prisons eh wala naman s’yang ginawang masama.

Bilang BuCor chief, pumirma lang naman siya ng release papers kaya marami noong panahon n’ya ang nakalaya tapos sisisihin n’yo na siya sa kontrobers’ya sa GCTA.

Kayo talaga, krimen na ba na matatawag ang pagpirma? ‘Yan ang sabi ni Senador Bato, hehe!

Abusadong computer shops, isara

Para mapaigting ang pagsisikap na maprotektahan ang kabataan, iniutos ni Navotas Mayor Toby Tiangco na isara ang mga computer shop na sumusuway sa mga ordinansa ukol dito at sa disciplinary hours.

Inatasan niya ang City Business Permits and Licensing Office na mag-issue ng notice of violation sa computer shops na nagpapahintulot sa mga menor de edad, na walang kasamang magulang o guardian, na pumasok at mamalagi sa kanilang establisimiyento kahit oras ng pasok o lagpas 10 p.m.

Binanggit ng alkalde ang mga reklamong natanggap sa pamamagitan ng Text Johnrey oR Toby (TEXT JRT) na maraming compu­ter shops ang sumusuway sa ordinansa hinggil dito.

Inutusan n’ya rin ang local police at barangay officials na higpitan ang pagpapatupad sa disciplinary hours ng lungsod. Simula nang s’ya’y muling umupo bilang alkalde, umabot na sa 1,168 ang na-rescue ng mga barangay dahil sa paglabag sa nasabing ordinansa. (Early Warning /ARLIE O. CALALO)

Please follow and like us:
Read More

MAS MARAMING NARI-RECRUIT MAGING KOMUNISTA SA CAMANAVA AREA – GEN. ELEAZAR

EARLY WARNING

Ibinunyag mismo ni National Capital Region Police Office (NCRPO) director Maj. Gen. Guillermo Lorenzo T. Eleazar na mas paboritong mag-recruit ng communist group na maging miyembro sa CAMANAVA (Caloocan, Malabon, Navotas, Valenzuela) area.

“Sa usaping mass base, nariyan talaga sa Camanava area kasi mas maraming urban poor doon kaya doon sila (Communist Party of the Philippines at New People’s Army) mas aktibo sa pagkalap ng bago nilang mga mi­yembro.”

Ang sistema, pupunta sila sa congested areas sa Camanava at doon kukumbinsihin nila ang mga inosenteng tao na sumama sa kanila, sa kanilang rallies na kanilang isinasagawa bilang suporta sa kanilang armadong kilusan, ani Gen Eleazar, ang interim head ng Regional Peace and Order Council.

Sympre, ‘di papayagan ng awtoridad ang ganitong sistema kaya itinatag ang National Capital Region Task Force to End Local Communist Armed Conflict (NCRTF-ELCAC) para ma-counter ang mga pinaggagawa ng komunistang grupo lalo ang pagri-recruit at ang kanilang deceitful propaganda sa mga paaralan at mahihirap na komunidad sa Metro Manila.

Sadyang mahalaga ang tuluy-tuloy na komunikasyon at maayos na pagbibigay ng social services lalo sa mga mahihirap upang hindi sila basta-basta makumbinsi na sumama sa communist groups, paliwanag pa ni Gen. Eleazar. (Early Warning / ARLIE O. CALALO)

Please follow and like us:
Read More