KASO VS FAELDON KINATIGAN NG SENADO

0

KINATIGAN ng Senado ang rekomendasyon ni Senador Richard J. Gordon na sampahan ng kaso ang ilang opisyales ng Bureau of Corrections (BuCor) at New Bilibid Prison (NBP) kaugnay ng maanomalyang implementasyon ng Republic Act 10592 o ang Good Conduct Time Allowance Law.

Kabilang sa mga sinampahan ng kasong paglabag sa Section 3(e) ng Anti-Graft and Corrupt Practices Act o ng Republic Act No. 3019 si dating BuCor chief Nicanor Faeldon dahil sa hindi pagsunod sa itinatakda ng Department Order No. 953.

Gayundin sina Ramoncito “Chito” Roque, hepe ng Documents and Record Section ng BuCor; Ma. Benilda “Mabel” Bansil, BuCor Senior Inspector); at Veronica “Boday” Buno, na tumanggap ng pera kapalit ng pagpapalaya sa ilang inmates at Dr. Ernesto Tamayo, director ng Directorate for Health Services ng NBP; Dr. Ursicio D. Cenas (Medical Officer); at Ms. Meryl Benitez (Nursing Attendant) na tumanggap umano ng pera kapalit ng pag-confine sa ilang PDLs sa New Bilibid Prison Hospital.

“The BuCor, alas, is manned by rotten apples, and corrupt officials. It is rotten to the core–and, from top to bottom. If we are to improve its functions, if we are to have the Bureau regain the trust of our people, no less than a massive change in personnel and in character is required,” giit ni Gordon.

Sa imbestigasyon ng Senate Committee on Justice and Human Rights at Senate Committee on Accountability of Public Officers and Investigations (Blue Ribbon), natuklasan na maliban sa ibinebentang GCTA, may iba pang anomalya sa NBP tulad ng prostitusyon, bentahan ng hospital confinement passes, pagpasok ng kontrabando at ilegal na pagtatayo ng mga kubol para sa drug convicts. NOEL ABUEL

 

Read More

PAGLIPAT NG P1-B PONDO NI FAELDON SA ‘TERITORYO’, NABUKING

0

(NI DANG SAMSON-GARCIA)

NABUKING sa Senado ang pagtatangka ni dating Bureau of Corrections (BuCor) chief Nicanor Faeldon na ilipat ang P1 bilyong pondo para sa konstruksyon at pagsasaayos ng regional prison facilities sa ilang lalawigan para sa kanyang sariling lalawigan na Mindoro.

Sa deliberasyon ng pondo para sa Department of Justice (DOJ) para sa susunod na taon, kinuwestyon ni Senate Minority Leader Franklin Drilon ang implementasyon ng programa para sa pagtatayo at rehabilitasyon ng regional facilities sa Palawan, Davao, Leyte, Zamboanga at Correctional Institution for Women na pinaglaanan ng P1 bilyong pondo ngayong 2019.

“Napaayos ba natin ang mga ito? The reason why I’m interested in this is because this could from the nucleus for regionalization of facilities,” saad ni Drilon.

“For example Palawan, Davao — they are presently already used as prison facilities, an improvement pursuant to the allocation that we made P1 billion could be the starting point for the regionalization of our prison system and decongest our Muntinlupa penitentiary,” paliwanag pa nito.

Sa pagdipensa naman ni Senador Sonny Angara sa budget, nilinaw nito na hindi pa nare-release ang pondo kaya’t hiniling ni Drilon ang paliwanag dito ng DOJ.

Sa puntong ito, sinabi ni Angara na sumulat si Faeldon sa Finance Committee at hiniling na i-realign ang pondo.

“The previous BuCor head, we are told, wanted to transfer the funds to Sablayan, Mindoro,” saad nito.
“But we told him that it’s not proper for the committee to do that because it’s already…a line item in the General Appropriations Act and to realign that item, you would need an amendment of the law, that was our response, your honor,” dagdag pa nito.

Dahil dito, iginiit ni Drilon sa DOJ na bawiin ang sulat ng dating Bucor chief lalo pa’t maituturing aniyang terible ang naturang aksyon.

“It’s totally uncalled for because that is the policy set by Congress and a BuCor director has no business attempting to realign these funds to his home province,” diin ni Drilon.

Read More

‘FAELDON DAPAT MATULAD SA KAPALARAN NI ALBAYALDE’

faeldon1
0

(NI DANG SAMSON-GARCIA)

HINIMOK ni Senador Kiko Pangilinan ang gobyerno na dapat tiyaking matulad sa naging kapalaran ni dating PNP chief Oscar Albayalde ang rekomendasyon laban kay dating Bureau of Corrections (BuCor) Director General Nicanor Faeldon hinggil naman sa sinasabing iregularidad sa implementasyon ng Good Conduct Time Allowance (GCTA) for sale.

Ayon kay Pangilinan, suportado niya ang report ni Senate Blue Ribbon Committe Chairperson Richard Gordon kaugnay sa isyu ng ninja cops dahil malinaw na may cover-up.

“I agree na talagang may pananagutan si Albayalde sa nangyari at sa halip na sagutin nya ang mga paratang sa kanya, sabi nya na pinupulitika siya. Hindi nya sinasagot bakit pinagtakpan nya. Totoo bang sinabi nyang ‘wag silang sibakin? Hindi nya sinasagot,” saad ni Pangilinan.

Gayunman, dapat na rin anyang magkaroon ng rekomendasyon sa imbestigasyon kay Faeldon at sa iba pang Bucor officials na isinasangkot sa iba’t ibang anomalya.

“Ang gusto kong i-follow up kelan ang GCTA,” diin ni Pangilinan.

“Sana kasi yun ang nauna pero parehong mahalaga, parehong importante pero sana hindi na magtagal. Lumabas na rin ang report and findings sa GCTA at pananagutan ni Faeldon,” dagdag ng senador.

“Kaya kung ano ang pagsuporta ko sa findings ng ninja cops, ganun din sa rekomendasyon sa GCTA. Kung yung 2013 ninja cops ganito ang findings, dapat balikan din natin ang P6.4 billion drug shipment, at ang GCTA,” diin pa nito.

 

Read More

IBA PANG RAKET NI FAELDON SA BUCOR, KAKALKALIN

0

(NI DANG SAMSON-GARCIA)

BINATIKOS ni Senador Panfilo ‘Ping’ Lacson ang iba pang sinasabing iregularidad ni dating Bureau of Corrections (BuCor) director Nicanor Faeldon sa New Bilibid Prisons (NBP).

Kabilang na rito ang sinasabing tangkang pagpapatupad ni Faeldon ng ‘no sticker, no entry’ policy sa NBP.

Sa impormasyon, bibilhin kay Faeldon ang sticker para sa bawat sasakyang papasok subalit kinuwestyon ng asosasyon kaya’t hindi tuluyang naipatupad.

“Narinig ko rin yan. Kaya nga lang hindi na-implement ang sticker dahil nagbabayad na rin ng sticker ang mga nakatira roon. At may nakatira roon, mga judges,” saad ni Lacson.

Bukod dito, pinagkakitaan din umano ang rental fee para sa mga tindahan ng mga empleyado ng Bucor at public school teachers.

“Ay naku. Yan ang sinasabi natin na kapag ang namumuno ay may malaking problema e talagang laganap yan. Kasi kung physical security ang pag-uusapan, e di huwag mo na lang bigyan ng permiso. May area na kung saan pwede ang concessionaires para sa dalaw, hindi para sa preso. Ang nangyayari roon parang halong kalamay sa loob,” diin pa ni Lacson.

“Tapos laging iniisip pagka na-appoint doon ang iniisip, ano ba meron dito sa halip na ano ang babaguhin natin dito? Anong meron dito, anong kalakaran? Sabi nga naging dynastic na rin ang BuCor dahil mga anak na rin ang  takeover sa nagre-retire,” dagdag pa ng senador.

Isa sa halimbawa ni Lacson na nagsilbing dinastiya sa Bucor si Atty. Frederic Santos, legal chief ng BuCor na pinalitan ang kanyang lolo.

“Maraming ganoon na kama-kamaganak at mga anak-anak. Siyempre o anak dito ka, ganito dito, ganito ka kikita. Ito ang pinagkakakitaan diyan huwag ka mabubukulan diyan,” diin ni Lacson.

Read More

FAELDON: WALA NA AKONG PASAN SA BALIKAT

faeldon55
0

(NI DANG SAMSON-GARCIA)

BAGAMA’T late ng limang oras, sumipot din sa pagdinig ng Senado hinggil sa implementasyon ng Good Conduct Time Allowance (GCTA) Law ang sinibak na si Bureau of Correctiosn (BuCor) Director Nicanor Faledon.

Kasabay nito, inamin ni Faeldon na masaya siya sa kanyang sitwasyon ngayon lalo pa’t wala na siyang pasan sa kanyang balikat.

“I’ve never been happier than now. In a way na pag wala nang yoke sa balikat mo, you can soundly sleep,” saad ni Faeldon.

Ipinaliwanag ng legal counsel ni Faeldon na si Atty. Jose Dino na sa kanilang pagkakaalam ay alas-3 ng hapon ang pagdinig.

Katunayan, ipinaalam pa anya ng kanilang kampo sa Senado na sa kanilang original na schedule, Huwebes ng umaga ay dadalo pa ang dating Marine Captain sa budget hearing sa Kamara at saka magtutungo sa Senado pagdating ng hapon.

Gayunman, nagulat anya sila na biglang nabago ang oras ng pagdinig kasabay ng pagtanggi na nagpadala sila ng mensahe sa Senado na hindi ito makadadalo.

Sa pagsisimula ng pagdinig, kinumpirma ni Senate Blue Ribbon Committee Chairperson Richard Gordon na nagpadala ng text message ang abogado ni Faeldon at nakikiusap kung maaari hindi na dadalo ang kanyang kliyente sa pagdinig.

Sa kabila naman na may subpoena na ipinalabas laban kay Faeldon, sinabi ni Gordon na nagdesisyon ang komite na huwag munang patawan ng parusa ang sinibak na opisyal.

“We will not put him under any sanction,” saad ni Gordon.

Gayunman, kung may mga impormasyon anya na mangangailangan ng paglilinaw ni Faeldon ay oobligahin nila itong muling dumalo.

Read More

HIGIT 1-K PINALAYANG CONVICT INILAGAY SA BI LOOKOUT

0

(NI HARVEY PEREZ)

IPINALAGAY ni Justice Secretary Menardo Guevarra sa Immigration Look-out Bulletin Order (ILBO), ang higit sa 1,000 convicts na pinalaya sa ilalim ng Good Conduct  Time Allowance (GTCA).

Inatasan din ni Guevarra ang lahat ng paliparan at daungan na i-monitor nang mabuti.

Gayunman, sinabi ni Guevarra na hindi basta basta mapipigilan ang mga inmate kung lalabas sila ng bansa.

Samantala, sinabi ni Guevarra na may 10 na sa mga pinalayang inmate ang nagpahayag na susuko, kasunod ng kautusan ni Pangulong Rodrigo Duterte na ibalik sa kulungan ang may 1,700 convicts.

Gayundin, sinabi ni Guevarra na posibleng ideklarang ‘fugitives’ ang mga pinalabas na inmate kung hindi sila susuko sa loob  ng 15 araw na grace period at doon na papasok ang warrantless arrest.

Samantala, nalaman na nag-impake na sa kanyang tanggapan ang nagbitiw na Bureau of Correction (BuCor) chief Nicanor Faeldon.

Dumating umano si Faeldon sa BuCor ng alas 2 ng madaling araw, kasama ang kanyang asawa at dalawang anak, at nagligpit ng kanyang gamit.

Pinagbilinan pa umano ni Faeldon ang kanyang mga tao na pagbutihin ang kanilang trabaho dahil hindi lahat ay nabibigyan ng pagkakataon na maglingkod sa bayan.

Read More

TASK FORCE NA SASALA SA MABIBIGYAN NG GCTA, HINILING 

bucor55
0

(NI ABBY MENDOZA)

NAIS ng mga mambabatas na bumuo na ng Task Force na sasala sa mga bilanggong makalalaya sa bisa ng Good Conduct Time Allowance(GCTA) upang hindi na maulit ang insidenteng ginawa ng sinibak na si Bucor Chief Nicanor Faeldon.

Ayon kina ACT-CIS party-list Rep. Nina Taduran at CWS party-list Rep. Romeo Momo , kung may Task Force na solong mangangasiwa sa GCTA ay masusuri nang mabuti kung sino ang mga kuwalipikadong bilanggo.

Upang masiguro na hindi maabuso at hindi pagkakaperahan ang GCTA ay dapat manggaling sa iba’t ibang sektor ang bubuo sa Task Force.

“Dapat galing sa religious, government agencies, mga organisasyon at mula sa public sector, pwede rin na maisama ang pamilya ng biktima,” giit ni Momo.

Ang mga papeles ng mga bilanggo na inirerekomenda sa GCTA ay dapat iakyat din sa  Department of Justice at ang huling desisyon ay sa Pangulo ng bansa.

Dapat din umanong mailathala aa pahayagan ang mga palalayaing bilanggo, ani Momo, sa  ganitong paraan ay mababantayan ng publiko ang proseso.

Kaugnay nito, nanindigan ang mga mambabatas na hindi na dapat ilagay sa anumang pwesto si Faeldon gayundin ay panagutin ito sa ginawang iregularidad sa Bureau of Corrections.

 

 

Read More

SIBAK KAY FAELDON ‘DI SAPAT; MANAGOT DAPAT — SOLONS

faeldon1
0

(NI BERNARD TAGUINOD)

NAGBUNYI  ang mga mambabatas sa pagsibak ni Pangulong Rodrigo Duterte kay dating Bureau of Correction (Bucor) director general Nicanor Faeldon subalit kailangang panagutin ito sa pagsalaula sa Good Conduct Time Allowance (GCTA) law.

Sa pagkakahiwalay na reaksyon, ikinatuwa ng mga mambabatas sa Kamara ang aksyon ni Duterte laban kay Faeldon  subalit kailangang mapanagot ang dating opisyal dahil kung hindi ay walang maniniwala sa anti-drug at anti-corruption campaign ng Pangulo.

“Charges must be filed against him and the others who made a mockery of our laws,” ani Bayan Muna party-list Rep. Carlos Zarate  lalo na’t mga Chinese drug lords, rapist at mga mamamatay tao ang kanyang pinakawalan.

Simula noong maging batas ang GCTA law o Republic Act (RA) 10592 ay 1,914 heinous crime convicts na kinabibilangan ng 797 mamamatay tao, 758 rapist at 48 drug lords.

“If the President is serious against corruption and genuinely aims to rid his administration of illegal activities, the buck should not stop with Faeldon and it should not stop with dismissal,” ayon naman kay ACT party-list Rep. France Castro.

Sinabi naman ni Kabataan party-list Rep. Sarah Elago na kung hindi maparurusahan si Faeldon ay malaking kabalintunaan na aniya ang kampanya ni Duterte laban sa illegal drug at katiwalian sa gobyerno.

Ginawa ni Elago ang pahayag dahil hindi napanagot si Faeldon sa P6 billion halaga ng shabu na nakalusot sa Bureau of Customs (BOC) noong siya pa ang hepe ng nasabing ahensya.

Read More

‘MAPAGKUMBABANG TATALIMA’

0

INIHAYAG ngayong Miyerkoles ng gabi ni Bureau of Corrections (BuCor) Director General Nicanor Faeldon na mapagkumbaba siyang tatalima sa nais ni Pangulong Rodrigo Duterte na lisanin ang kanyang posisyon.

“My commander-in-chief/appointing authority has spoken. I am a marine and a marine does as he is told,” sabi ni Faeldon sa inilabas na statement.

“I most humbly bow to my commander-in-chief’s order without any hard feelings,” dagdag pa nito.

Nauna rito, sa isang press briefing, sinabi ni Duterte na kailangan nang magresign ni Faeldon dahil nilabag nito ang pangako sa Pangulo na maglilingkod ng tapat sa bansa.

Naging kontrobersiyal si Faeldon sa mga anomaly sa loob ng BuCor kabilang ang pagpapalaya ng heinous crime convicts sa ilalim ng good conduct time allowance (GCTA) law.

“Nagdesisyon na ako kagabi. Iniuutos ko na mag-resign na si Faeldon sa lalong madaling panahon,” sabi ng Pangulo.  “Faeldon has to go because Faeldon disobeyed my order,” ayon pa sa Pangulo.

Gayunman, nang tanungin si Duterte kung sinisibak niya si Faeldon, sinabi nitong totoong sinibak niya ang BuCor chief.

Read More