ESTRATEHIYANG PAMBANSA

FOR THE FLAG

(Huling bahagi)

Kailangang magkaroon ng national industrial strategy, i-harness ang talino at galing ng ating mga batikang scientist, engineer, artist at IT scientist.

Dalawang approach, mag-develop ng mga sari¬ling high-value products gamit ang Pinoy crea-tivity at bayanihan spirit na mag-inspire sa ating mga bihasa, at reverse engineering naman para makopya at ma-improve ang mga high-value products na nasa merkado.

Sa national security, bukod sa taunang procurement ng mga kagamitang pandigma, kina-kailangang i-regulate ang pagpasok ng mga banyaga sa bansa.

The fact na tatlong mil¬yon na ang banyagang Intsik sa Pilipinas at 5,000 ang pumapasok kada araw ay indikasyon na hindi aware ang liderato sa national security threat na maaaring kinal-alagyan na natin.

Masyadong okupado ang kamalayan ng mga Filipino sa politika kaya nami-miss nilang mabigyang pansin ang sitwasyong pangkabuuan.

Tuluy-tuloy na Build Build Build ay kailangan habang may pagbuwag na sa liberal democracy na nagpahina lamang sa ating mga institusyon. Patriotic democracy na ang nararapat na ideyolo-hiya ng bansa kung saan ang kapital ay hindi pinagsisilbihan bagkus ang siyang dapat nagsisilbi para sa diwa ng national survival strategy.

Ang digmaan kontra droga at korapsyon ay nararapat ding paigtingin dahil ang mga ito ang kalawang sa ating lipunan.

Ang NEDA o National Economic and Development Authority ay malaki ang gagam¬panang papel, ngunit nararapat na nakaangkla ang mga prinsipyo nito hindi sa kulob ng airconditioned office nila, kundi sa survival ng bawat Filipino. (For the Flag / ED CORDEVILLA)

Please follow and like us:
Read More

ESTRATEHIYANG PAMBANSA

FOR THE FLAG

(Unang bahagi)

Kahit sino pa ‘yang mga naiupo natin ngayong nakaraang halalan, ipangalandakan nating mga mamamayan ang isang national strategy for survival.

Kinakailangang sumabak na ang bansa sa manufacturing, technology at industrialized assembly production. Aminin na nating hindi sapat ang pag-export lamang ng mga raw materials at agricultural products na humahantong lamang sa taunang trade deficit.

Ang mga malalaking kompanyang naglo-locate sa Pilipinas ay i-require ng tech transfer bago payagan dito.

Ibaba nang husto ang percentage ng cash reserves ng mga bangko sa bansa, upang may maipahiram na kapital sa mga kababayang papalaot sa ating naunang binanggit.

Kailangan ng added value ng lahat ng ating ini-export.

I-subsidize ang mga magsasaka para sa self-sufficiency natin sa pagkain.

Taunang mag-procure ng mga kagamitang pambansang seguridad.

Magtakda ng bayanihan tax para sa mga maya¬yamang indibidwal at dambuhalang mga negosyo na nakikinabang at nag-o-operate sa bansa.

Iimplementa ang universal healthcare sa Pilipinas, at magkaroon ng nutritional program para sa mga public schools lalo na sa elementarya.

Ibilang ang Kinder 1 at Kinder 2 sa K to 12 nang sa gayon ay hindi na madagdagan ng dalawang taon ang mga kabataan bago sila makapagtapos.

Palakasin ang software industry sa bansa kung saan marami na tayong able professionals at marami pang nagsisipagtapos sa sektor na ito taun-taon.

Magkaroon na ng sariling computerized vote counting system ang bansa na may parallel component na mapatotohanan naman ng mga resibo ng bawat botante.

Magkaroon ng polisiya para sa media na 20% ng nilalaman ng kanilang news outfit ay promosyon ng a-ting national survival strategy.  (For the Flag / ED CORDEVILLA)  (ITUTULOY)

Please follow and like us:
Read More

SOCIAL MEDIA KINAPOS

FOR THE FLAG

Magandang eksperimento ang nakaraang halalan. Nalaman natin na hindi sapat ang social media lamang upang maipanalo ang isang kandidato.

Ang mga Facebook political celebrity na sina Atty. Larry Gadon, Doc Willie Ong at Atty. Glenn Chong ay hindi nakuhang umabot sa magic 12 kahit pa nga milyun-mil­yon ang kanilang fans at followers sa social media.

Makikita sa resulta na nanatiling malaking bagay pa rin ang political advertisement sa traditional media, lalo na sa telebisyon at radyo.

Kumpara sa social media lubhang mahal naman talaga ang advertisement sa traditional media, bagay na maaaring naging dahilan ng ating tatlong media celebrity na iasa sa Facebook ang ina­asam na tagumpay sa Facebook.

Hindi natin tinatawaran ang impluwensya ng social media sa mga botante, malinaw ang kapangyarihan ng Facebook dahilan upang makakuha ng disenteng ranking ang ating tatlong bidang sina Gadon, Chong at Ong.

Sa inisyal na resulta ng Comelec, si Ong ay nasa ika-18 sa ranking. Aba mataas ‘yun, ibig sabihin mataas ang fighting chance nito, at marami sa mga senatoriable na suportado ng kani-kanilang partido at pawang may mga TV ad ay kanyang nilampaso.

Ganun din si Gadon na pang-27 naman, at Chong na pang-30 sa 62 bilang ng mga opisyal na mga kandidatong pagka-senador.

Kung may panggastos lamang ang tatlo para sa political ads sa mainstream media, malamang nakapasok ang mga ito sa top 15 sa nakaraang eleksyon.

Inaasahan natin ang tatlong celebrity ng mga netizen na sumabak muli sa 2022, lalo’t nakita nilang tunay ang suporta ng taumbayan sa kanila. (For the Flag / ED CORDEVILLA)

Please follow and like us:
Read More

COMELEC MALFUNCTION?

FOR THE FLAG

Nag-malfunction ang may 600 vote counting machine (VCM) na nangangahulugan na maaaring umabot sa 500,000 na mga botante ang naapektuhan.

Kataka-taka ito samantalang dapat ay na-test na ang mga ito sa tagal ng panahong ibi­nigay sa poll body upang maihanda ang mga ito para sa May 13 election.

Hanggang alas-6:00 lamang dapat ang botohan ngunit dahil sa mga nag-malfunction na mga VCM ay napilitan ang Comelec na i-extend ang botohan sa ilang mga presinto.

Ang 600 na VCM ay hindi pa pinal na bilang, maaaring mas malaki pa rito ang bilang ng mga nag-malfunction na mga makina.

Malaki talaga ang disadvantage ng paggamit ng mga VCM na hindi gawa mismo sa Pilipinas kundi mga imported. Kung sa Pilipinas pa sana na-manu­facture ang mga ‘yan, pihadong hindi aabot sa ganyang aberya sa mismong araw ng halalan.

Ang importante rito ay maprotektahan ang integ­ridad ng halalan at wala sanang ma-disenfranchise na botante. Bawat boto ay mahalaga at sagrado.

Pinag-aralan na ng mga ekspertong Filipino na magkaroon sana ng sariling VCM ang bansa na mismong gawa sa Pilipinas, panahon pa ni Gloria Macapagal-Arroyo sa Malacañang ay may mga pag-aaral at proposal nang ganyan. Ngunit obviously hindi ikinonsidera at pina­kinggan. Bakit? Mawawala ang komisyon e.

Mawawala rin sana ang implikasyon na may foreign intervention sa ating halalan sa bansa dahil mismong sistema na natin ang gagamitin sana at wala nang foreign hand sa bilangan.

Sana ay ito ang tingnan ng Comelec na magkaroon na tayo ng sarili nating gawang mga VCM sa mga susunod na halalan. (For the Flag / ED CORDEVILLA)

Please follow and like us:
Read More

ELEKSYON

FOR THE FLAG

Maraming tumatakbo ngayong eleksyon para sa pambansang posisyon na hindi nakikilala ang mga pangalan. Marami rin ang kilala kahit papaano ang hindi naman nalalaman ng taumbayan at minsan ng mismong mga kakilala nilang personal ang hindi naman nalalaman na sila naman pala ay tumatakbo sa halalan.

Marami ang kilala na ngunit hindi naman makakuha ng suporta at simpatiya sa mga bumuboto. Marami naman ang kilala na at may mga sumusuporta na ngunit hindi makakuha ng kaukulang suporta para magkaroon ng tsansang manalo.

Malaki na ang nabago sa wangis ng kampanya kumpara noong dekada ’60 o ’80, lalo’t mayroon na tayong tinatawag na “new media” na ang tinutukoy naman ay ang mga social networking site na naging posible dahil sa Internet.

Nagbago man ang wangis ay sa tao pa rin ang tuloy ng mga mensahe, kaya hindi sapat ang dunong sa teknolohiya, hindi sapat ang koneksyon sa media, hindi sapat ang milyun-milyong pisong salapi upang ipantustos sa mga mamahaling advertising campaign. Babalik at babalik pa rin tayo sa mensahe at take note, ang mga millennials na tinatawag o ang mga edad 18 hanggang 35 ay higit lalong mapanuri, samantalang ang mga edad 36 pataas naman ay nakakasumpong na ng political maturity dahil sa ilang eleksyon na nagdaan kung saan sila naging saksi sa gawi ng mga kandidato at politiko. Masasabi ko lang na mas matatalino ang mga botante ngayon, ngunit nanatiling mga pangunahin pa rin ang mga pangangailangan.

Hinihimok natin ang ating mga kababayan na mas ma­ging mapagmatyag at alerto, dahil may mga puwersa ng demonyo na nais baluktutin ang magiging hatol ng bayan.

Ang mga makina ng Comelec sa mga embahada para sa absentee voting ay mga nakatago sa silid samantalang ongoing na ang halalan.

Ang 17 regional hub ng Comelec ay nanatiling lihim kaya hindi makapag-mobilize ang mga partido at kandidato ng mga magbabantay.

May mga balota na may shade na ang mga pangalan ng kandidato na makikita sa pamamagitan ng UV light.

May mga napaulat na bumoto ng labindalawang kandidato ngunit 10 lamang ang lumabas.

Ang mga transmission code ng lahat ng canvassing system ay nanatili ring inililihim ng Comelec kaya walang kasiguruhan na hindi makokompromiso ang boto ng mga bayan at mga siyudad.

Sama-sama nating bantayan ang Comelec, Smartmatic at mga elementong nais sumabotahe sa ating sagradong karapatan. (For the Flag / ED CORDEVILLA)

Please follow and like us:
Read More

DAYAAN HINDI MATITIGIL?

FOR THE FLAG

May isang viral video ngayon na nagpapakita ng isang balota na compromised, ibig sabihin pinasukan na ng matinding daya.

Sa unang tingin ay mukhang normal ang nasabing balota, ngunit nang gamitan niya ng ultra-violet light, ipinakikita ng video na shaded na ang mga pangalan ng mga kandidatong mula sa Liberal Party.

Nauna na rito ang ginawang expose ng ilang mga kababayan natin sa Hong Kong na bumoto sa embahada roon at nag-ulat na ang mga pangalang ibinoto nila ay hindi lumabas, bagkus na-credit sa ibang kandidato na hindi naman nila ibinoboto.

Mayroon ding bumoto ng 12 kandidato sa pagka-senador ngunit 10 ang lumalabas na ibinoto.

Maliwanag na malawakang dayaan ang mangyayari sa Mayo 13, 2019. Si Atty. Glenn Chong naman na kandidato sa pagka-senador at advocate laban sa dayaan sa halalan ay inihayag sa kanyang viral video na ikinukubli sa isang silid sa mga embahada ng Pilipinas sa iba’t ibang bansa ang election machine. Ito ang dahilan kung kaya nanawagan ito sa Comelec na buksan ang mga bintana upang makita ng lahat ang ginagawa nang hindi masingitan ang mga boto ng ating mga kababayang overseas Filipino worker.

Nararapat lamang naman talaga ang transparency sa pag-handle ng mga nasabing mga makina upang mapanatili ang integridad ng halalan.

Hiniling din ni Atty. Chong na isapubliko ang mga lokasyon ng 17 regional hub na itatayo sa araw ng halalan upang mabantayan naman ng mga partido at ng taumbayan ang mga boto sa precinct level.

Bukod dito, hiniling din niyang i-publish ng Comelec sa lalong madaling panahon ang nasabing mga lokasyon upang mabura ang duda ng ating mga kababayan sa integridad ng isasagawang eleksyon.

Ayon kay Chong, maaa­ring magamit na dayaan sa precinct level kung hindi magiging transparent ang Comelec ukol dito at kung hindi bibigyan ng panahon ang mga partido na makapag-organisa ng mga tao nilang magbabantay sa iba’t ibang regional hub.

Ang pagsasapubliko ng mga lokasyon ng 17 regional hub na ginagamit sa pag-switch sa mga SD card ay lubhang importanteng gawin ng Comelec kung totoong wala silang itinatagong agenda.

Ipinapanawagan din natin na ilathala ang mga transmission code ng lahat ng canvassing system kung saan mga boto ng isang buong bayan at buong siyudad ang maaaring nakawin ng sindikato ng eleksyon sa bansa.  (For the Flag / ED CORDEVILLA)

Please follow and like us:
Read More

MUNDO MAY IMPEKSYON

FOR THE FLAG

May impeksyon ang sangkamunduhan na kumikitil sa mabuti at maganda. Ito ay tero­rismo. Ang terorismo ay bunga ng pagmamahal ng tao sa kapangyarihan upang makapangyari at ito ay sumusunod sa kumpas ng pagkagumon.

Kung hindi uso ang kapangyarihan, walang terorismo. Kung hindi uso ang kayamanan, walang maghahangad ng kapangyarihan.

Ang nangyari sa Sri Lanka ay kahayagan ng impeksyon sa ating sibilisasyon, marami ang kikitil ng buhay ng mga inosente dahil sa binaluktot na paniniwala.

Nagtatago ang pag­kagumon sa kapangyarihan sa likod ng serbisyo publiko at relihiyon. Nakatago ang pagkagumon sa kayamanan sa mga anino ng terorismo.

Pera-pera lamang ang ISIS, at ang CIA na umano’y may likha nito ay kapangyarihan naman ang pinupuntirya. Kapag may kapangyarihan, busog din naman ang bulsa.

Ideolohiya nga ba o dikta ng kapangyarihan at kayamanan? Maliwa­nag naman ang sagot dito. Kaya nilang pumatay ng napakaraming tao para sa kapangyarihan at ka­yamanan.

Pero paano itong mga ginagamit at nagpapa­gamit bilang mga human bomb? Sila ang mga nauto gamit ang virus ng galit.

Ang mga inosenteng tao naman ay pinapasunod at pinaniniwala sa pamamagitan ng propaganda, na may na­dagdag na bagong mukha ngayon, ang social media.

Ang katotohanan ay binubusalan ng kapangyarihan at kayamanan. Kaya naman kaawa-awa na ang mga inosenteng tao sa buong daigdig, napapasunod at napapaniwala sa pamamagitan ng propaganda.

Ang terorismo ay taktika upang mapawi ang uhaw ng mga buwitre sa kapangyarihan at ka­yamanan.

Paano nga ba malalaman ng mga inosente na nilalaro na lamang sila ng mga pwersa na nasa likod ng mga pandaigdigang pangyayari?

Basta hindi paggalaw ng Panginoong Diyos ay kagagawan lamang ng tao. Kapag kagagawan ng tao, nararapat lamang na suriin at alamin ang intensyon sa likod nito.

May mga paggalaw na inaakala ng marami na mabuti, ngunit sipatin ang tunay na intensyon para maging mas malinaw ang perspektiba.

Ang Diyos ay mapag­likha, hindi mapanira. Diyan pa lamang sa katotohanan na ‘yan mapagtatanto kung tao nga ba o Diyos ang may kagustuhan sa mga pangyayari at paggalaw ng isang insidente sa ibabaw ng entablado ng daigdig.  (For the Flag / ED CORDEVILLA)

Please follow and like us:
Read More

PULSE ASIA ANG BAGONG COMELEC

FOR THE FLAG

Nakakabilib ang Pulse Asia, paano ba naman, idineklara na nila ang mga panalong party-list group. Labing-apat na grupo ang may tig-iisa nang seat sa Kongreso, para sa nasabing survey firm.

Nasa 134 ang mga party-list groups na nagla¬laban-laban ngayong dara¬ting na eleksyon para sa 59 na upuan sa Mababang Kapulungan.

Sa ranking na ginawa ng Pulse Asia, maraming mga kilalang party-list ang nasa laylayan. Samantala, naglagay ito ng mga makakaliwang mga party-list na karaniwan na naman talagang nananalo sa bawat halalan.

Kung susundin ang opinyon ng Pulse Asia, 45 na upuan na lamang ang pinaglalabanan.

Sa ganang akin lamang e halatang-halata naman na crowd conditioning ito, kung ano ang nasa likod na mabigat na dahilan e hindi natin alam kundi makakapag-espekula ka lamang talaga.

Maging ang mga top TV ads buyer na mga party-list ay nasa laylayan din ng kanilang listahan.

Maaalalang pumalpak na rin ang Pulse Asia  nang makailang beses na sa kanilang mga pa-trending na resulta. Halimbawa na lamang noong 2015 hanggang 2016 survey nito sa pagka-pangulo kung saan kulelat si Davao Mayor Rodrigo Roa Duterte.

Of course, alam na naman natin ang naging konklusyon ng 2016 elections at kitang-kita ang kapalpakan ng Pulse Asia.

Ang Pulse Asia ay llamadista. Kung sino ang llamado siya ang lalabas na mga nangunguna sa kanilang survey. Ganyan kasimple, pwedeng tingnan ang pinaggagagawa nito.

Kapagka ganyan e kahit sinong barbero pwede nang maglimbag ng kanyang sariling survey. Baka mas magaling pa! (For the Flag / ED CORDEVILLA)

Please follow and like us:
Read More

ANG TAKOT SA DIYOS

FOR THE FLAG

Nakapanlulumo ang naganap sa Sri Lanka. Higit 300 namatay dahil sa maling paniniwala ng iilan. May solusyong panlaban sa ideyolohiyang pilit ipinapalaga­nap ng mga terorista: ang takot sa Diyos.

Ang isang bansang walang takot sa Diyos ay nahaharap sa kapanglawan. Anumang talino ay hindi matatawag na kata­linuhan bagkus ay pawang kapalaluan lamang kung hindi nag-uugat sa takot sa Diyos.

Lubhang napakahalagang pag-aralan ang takot sa Diyos dahil dito umuusbong ang totoong kata­linuhan at kaalaman.

Napakaraming batas ng Pilipinas at patuloy na lumilikha pa tayo ng napakarami pang batas ngunit paulit-ulit na lamang na ang mga dati nang suliranin natin sa pamayanan ay nagaganap sa ating kalagitnaan. Kaya may mga religious observer na naniniwalang ginamit si Pangulong Duterte upang maging isang Nebuchadnezzar na siyang gigising sa takot sa mga Filipino upang magsipagtino.

Oras-oras ay may pinapaslang sa ating kalagitnaan na kagagawan ng mga “riding-in-tandem assassins.”

Marami ang pinapatay sa ngalan ng relihiyon. Ang terorismo katulad ng kaganapan sa Sri Lanka na halimaw na nilikha ng dahas at pagpatay sa mga taong iba ang paniniwala ay kumikitil ng libu-libong buhay sa buong daigdig. Sa Pilipinas mismo ay nakarating na ang mga te­rorismo na naghahasik ng lagim sa mundo, at ayon sa mga ulat ay sa Minda­nao pa mismo nagte-training ang mga gumagawa ng bomba upang gamitin sa terorismo.

Ginagamit ang ngalan ng Diyos sa pagpatay, ang pangangailangan sa langis ay ginagamit upang yurakan ang karapatan ng mga tao sa kanilang sari­ling bansa, may bansang humihingi ng pagkilala ay gumagamit ng mga missile na pampuksa ng kapwa-bansa, pinapatay ang mga tribo dahil sa yaman ng kanilang lupain. Nabibilaukan na ang lupa sa walang katapusang pagdanak ng dugo. Kapag ineksamin natin ang mga paggalaw na ito lumalabas na may edukasyon naman ang mga taong nasa likod ng mga pagpatay. Kung gayon, hindi pala edukasyon ang susi, kundi sa katotohanan, ang takot sa Diyos.

Sa ating bansa mas nananaig ang kalakaran kaysa takot sa Diyos, animo’y hindi sila nakikita sa kanilang pinaggagagawa. Hindi nga ba? Ilang taong nakilala natin sa lipunan ang lubos na nagpayaman sa sakripisyo ng kapwa ngunit nasa lupa pa sila ay siningil na sila ng Diyos, hindi nila napakinabangan ang ka­yamanang inangkin nila sa pamamagitan ng pandaraya at pang-aabuso sa kapangyarihan.

Ang takot sa Diyos ang susi para sa isang maayos na bansa, isang kaaralan na dapat matutunan ng mga Filipino at maisalin sa mga susunod pa na mga henerasyon ng Filipino, upang maisaayos ang ating bansang matagal-tagal na ring pinagdamutan ng panahon. (For the Flag /  ED CORDEVILLA)

Please follow and like us:
Read More