BAKIT MAY NANGGUGULO?

FOR THE FLAG

KASAMA po ang bawat isa sa atin sa digmaan laban sa droga, katiwalian sa pamahalaan, terorismo, krimina­lidad at iba pang mga ilegal na aktibidad. Bawat Pilipino po ay kasali, walang hindi apektado. Hindi na pwedeng magkibit-balikat ang mga mamamayan dahil ang digmaan ay kasama sila.

Umaalma na ang mga kampon ng kadiliman at pinapatay nila ang mga i­nosenteng Pilipino. Nais nilang huminto ang administrasyon sa pagtugis sa mga masasamang-loob na nakapaloob sa mga komunidad at mismong sa pamahalaan.

Wala silang awang pumatay ng mga inosente para guluhin ang kampanya ng administrasyon ni Pangulong Rodrigo Duterte. Nasasaktan ang kanilang ilegal na ­ne­gosyo at nabubulgar naman ang mga kabulastugan sa pamahalaan.

May mga hotline ang pamahalaan kung saan maaaring i-report ang mga kahina-hinalang mga galaw ng mga masasamang ­elemento. I-dial lamang ang 8888, ayon na din sa pangulo upang maipaalam mismo kay PRRD ang mga masasamang gawain na ating nasasaksihan sa ating mga komunidad at sa mga kawani ng gobyerno.

Doble agresibo na din ang isinasagawang pagre-recruit sa mga samahang underground na naghahasik ng gulo sa iba’t ibang parte ng bansa.

Mahalaga ang anumang impormasyon, kinakailangan ang mga ito ng gobyerno upang manaig ang mabuti laban sa masasama.

Masyado nang mura ang buhay sa Pilipinas, at kung hindi natin isasaayos ang lahat ngayon sa pamamagitan ng isang pangulong masigasig, tapat at itinataya ang kanyang sariling buhay ay kailan?

Suportahan natin ang ating pamahalaan sa pamamagitan ng pagpapakalat ng mga tamang impormasyon na makakatulong at makaka-inspire sa ating mga frontliner sa digmaan laban sa droga, terorismo, korapsyon at katiwalian.

Sinimulan na ang pagbabago ngayon, at kung ang mabubuting Pilipino na nasa milyon-milyon ang bilang ay magiging masigasig din sa pagtulong sa pamahalaan ay hindi malayong magtagumpay ang mga mithiin ng pamahalaan at masisigurado nating isang maayos na bansa ang maipapamana natin sa mga susunod na mga henerasyon na mga Pilipino.

Hindi na maaari ang kanya-kanya, iisa na tayo, mga kawal ang bawat ma­buting Pilipino laban sa mga masasama. Samahan na rin natin ng dasal sa Maykapal na tulungan tayong magwagi sa digmaan laban sa kasamaan. (FOR THE FLAG / ED CORDEVILLA)

Read More

LASON AT HINDI PATABA

FOR THE FLAG

PINAG-IINGAT natin ang mga magsasaka sa paggamit ng mga genetically modified organism (GMO) sa mga sakahan sa bansa lalo na sa pagtatanim at pag-aani ng talong at mais.

Sa kagustuhan kasi ng marami nating mga magsasaka na magdagdagan ang kanilang kita ay nata-trap sila sa paggamit ng GMO na ang hindi nila alam ay nakasasama sa kalusugan nila habang kanilang itinatanim.

Bukod dito, ang mismong lupang pinagtatamnan ay nalalason ng nasabing mga GMO na punla at maaaring permanenteng ikasira ng ­kanilang mga lupang sakahan at maaaring madamay pa ang kalikasan o kapaligiran.

Ito rin ay nakasasama sa mga mamimili na kakain ng kanilang mga inaning GMO, at maaaring mag-resulta sa mga sakit katulad ng kanser.

Ang siste kasi, ang GMO na mga punla ay nilalayuan ng mga kulisap na karaniwang kumakain at naninira ng mga pananim. Ang lohika rito, hinahaluan ng mga kumpanya ng karne ang nasabing mga punla ng gulay kung kaya’t ang mga kulisap at insekto, sa pag-aakalang hindi gulay ang mga ito at bagkus ay mga hayop, ay nagkukusang umiwas kaya’t hindi na inaatake ang mga nasabing gulay hanggang lumaki at anihin na.

Totoong mas malaki ang ani sa pamamagitan ng GMO ngunit ang dulot namang kasamaan nito sa mga magsasaka, lupa at mga mamimili ay hindi natin nasusukat.

Ang kumpanyang GMO na ito, ka-partner ang isa pang kumpanyang pang-kemikal ang gumawa ng panlaban naman sa lamok sa bansang Brazil upang masawata sana ang Zika virus.

Nagpakawala ang kum­panya ng kemikal sa mga daluyan ng tubig sa Brazil at nagpakawala rin ng mga lamok. Ang siste sana, ang mga lamok na mangingitlog sa mga daluyan ng tubig kung saan ini-spray ang kemikal ay isasabotahe nang pag-develop ng mga kiti-kiti na magiging lamok na nagkukulang ng pakpak o kaya ay paa. Ganito din ang resulta sa mga lalaking lamok na pinakawalan, na magfe-fertilize ng mga babaeng lamok, ngunit sa paglaki ng mga kiti-kiti at naging lamok ay kulang-kulang ang mga bahagi ng kanilang katawan.

Ito ang intensyon at misyon ng mga kemikal na pinakawalan sa mga daluyan ng tubig ini-spray ang mga kemikal ay nainom ito ng mga taga-Brazil at dito na lumabas ang sakit na microcephaly kung saan ang mga nabubuntis sa Brazil ay nagkakaanak ng mga sanggol na napakaliliit ng mga ulo.

Nagkakamali ang ating mga doktor sa paniniwalang ang microcephaly ay kagagawan ng Zika virus, dahil bagong sakit lamang ito sa Brazil samantalang ang Zika virus ay noong taong 1950’s pa nagkakaroon ng insidente sa nasabing bansa. Hindi  Zika virus, kundi ang kemikal na ini-spray sa mga daluyan ng tubig at ang alterasyon na ginawa sa mga lalaking lamok ang maaaring lumikha ng sakit na microcephaly. (FOR THE FLAG / ED CORDEVILLA)

Read More

BALIK-TANAW SA DENGVAXIA

FOR THE FLAG

PANAHON pa ng mga Kastila ay ganoon na lang kung maliitin ang mga Pilipino dahilan kung kaya’t noon pa lang ay nagnais na ang ating mga ninuno na makaalpas sa pang-iinsulto ng mga Kastila at maka-tabla sa kanila sa edukasyon at propesyon.

Minana ng oligarkiyang nakabase sa bansa ang kaugaliang iyan, ang masa ay mistulang ipis ngunit kung tutuusin ay ang masa ang bumubuhay sa pinakamalalaking negosyo sa bansa.

Nanatiling tungtungan na nga lamang ng mga paa ng oligarkiya ang mamamayan. Nagpasalin-salin ang kaugaliang iyan hanggang umabot sa panahon ni dating Pangulong Noynoy Aquino.

Nanatiling mala-alipin ang trato sa taumbayan. Ano ba naman ang matulog ang busabos sa tent ng ilang taon, o mamatay ang mga ito sa Mamasapano?

Hindi binibigyang halaga ang mga buhay ng bawat mamamayan, kaya nga umaabot na parang mga zombie ang mga Pilipino na sumusugod sa mga warehouse at nag-aagawan sa mga pagkaing noodles doon samantalang ang sako-sakong relief goods na para sa kanila ay pinabubulok lamang sa mga warehouse ng pamahalaan.

Kaya tama ang sentim­yento ng marami nating mga kababayan na nagsasabing nararapat na tingnan ang isyu ng Dengvaxia na maaaring isang kaso ng syndicated plunder at syste­matic genocide ng mga batang Pilipino.

Na maaaring sipatin bilang panliliit sa mamamayang Filipino ang ginawang pang-gi-guinea pig sa mga musmos na, ayon kay Jose Rizal, ay pag-asa at kinabukasan ng ating mahal na bansa.

Tama sila na nagsasabing malinaw na minadali ang pag-aapruba sa nasabing programa ng pagbabakuna, na katunayan ay makailang beses na naki­pagpulong ang mga opisyal ni  Noynoy Aquino at maging siya mismo sa mga executive ng Sanofi, samantalang mag-iiskedyul pa lamang sila ng public bidding.

Nakuha pa nga namang pumunta mismo ni Aquino sa headquarters ng kompanyang Sanofi sa Paris.

Kung tutuusin nga namang talaga ay buhay ng 800,000 mga musmos na Filipino ang nakataya sa pagsasalang nila Aquino sa mga ito upang malaman kung epektibo ba o may diperensiya ang nasabing dengue vaccine.

“Bakit sa ating mga Filipino ginawa? Ano ba ang kasalanan ng mga Filipino kay Aquino at sa Sanofi?” tanong ng mga naulilang biktima.

Ngunit malalim ang sagot, may kinalaman sa ating madilim na kasaysayan, pinadilim ng pagkaganid ng mga kolonista sa kayamanan ng ating bansa. (FOR THE FLAG / Ed Cordevilla)

Read More

WALANG PORK

FOR THE FLAG

BONGANG-BONGGA ang pasok ng taong 2020 sa a­ting bansa dahil sa wakas, unang linggo pa lang ng E­nero ay ganap ng isang batas ang 2020 General Appropriations Act na nagkakahalaga ng P4.1 Trilyon na buong-buong pinirmahan ni Pangulong Rodrigo Roa Duterte ang budget at walang na-veto kahit isang kusing.

Malayong-malayo ito sa nangyari noong nakaraang taon kung saan kalagitnaan na  ng Abril napirmahan ni PRRD ang 2019 pambansang badyet at may na-veto pang – ‘insertions’ na umaabot sa P95.3 bilyon. Ang super delay na budget ng 2019 ay naging dahilan nang pagbaba ng halos 2 porsiyento sa Gross National Product o GDP ng bansa at maraming proyekto at serbisyong bayan ang naapektuhan.

Kung susumahin, walang ‘pork’ at ‘parked funds’ ang 2020 National Budget gaya ng sinasabi noon ni Sen. Panfilo “Ping” Lacson dahil nungka na pipirmahan ito ng pangulo kung mayroon siyang nakitang mali at kwes­tyunable sa badyet. Alam naman natin na Disyembre pa naratipikahan ng Kongreso at Senado ang badyet at inasahan na lalagdaan ni PRRD bago matapos ang 2019 pero nirebisa binasa, binusisi at pinag-aralan pa ng presidente ang mga probisyon nito para makasiguro na tutugon sa mga programa ng gobyerno ang pagkalatag ng badyet lalo na sa mga proyekto para sa edukasyon, social services at imprastraktura.

Kung ganoon, napahiya si Sen. Lacson sa pagpipilit na may pork ang 2020 National Budget dahil alam naman natin na galit at walang amor sa ‘taba’ ng badyet ang pangulo. Sa ngayon, ­makakahinga ng maluwag ang ating pamahalaan na maipatupad ang mga programa para sa sambayanang Pilipino dahil sa on-time na pagiging batas ng pambansang badyet.

Palakpakan naman natin at tapikin sa balikat kahit paano ang ating mga mambabatas kabilang na ang mga senador lalo na ang Kamara sa pamumuno ni Speaker Alan Cayetano na siyang may ‘power of the purse’ dahil sa mga record-breaking na mga kaganapan sa Kamara pati na ang paghataw ng survey ra­tings ng lider nito na ngayon.lang nangyari sa kasaysayan ng kamara. Biruin nyo  naman, nasanay na tayo sa mga kontrobersiya na ­nangyari noon sa kamara pero ­ngayon ay nakakakita tayo ng ­pagbabago dahil na rin sa pagkakaisa ng mga kasapi ng mababang kapulungan.

Kumbaga, seryoso ang kamara na ipatupad ang hangarin ng pangulo na ligtas at komportableng pamumuhay para sa mga Pilipino. Alam naman natin na sa gitna ng politika at iba’t-ibang paniniwala at prinsipyo, hindi madali na magkaisa pero kung tutuusin kayang-kayang magtulungan para sa ikabubuti ng taumbayan.

Palakpakan para sa mas maunlad pang 2020 at bagong dekada para sa ating bayan. (FOR THE FLAG /  Ed Cordevilla)

Read More

LENI PANG-FAKE NEWS

FOR THE FLAG

Para kay Leni Robredo ay 1% lamang umano ang epekto ng war on drugs ng pamahalaan. Ngayon sino naman ang maniniwala sa kanya?

Anong nangyari sa milyon-milyong sumuko  sa pamahalaan? Ano na ang libo-libong naka-graduate sa mga rehabilitation center? Ano na ang bilyon-bilyong pisong nakumpiskang ilegal na droga? Ano na ang mga druglord, drug pusher at drug user na napaghuhuli ng awtoridad? Ano na ang bumukas na kooperasyon ng iba’t ibang bansa ukol sa mga international syndicate ng droga?

Mukhang naging bulag at bingi na ang bise presidente. Sa katunayan, dahil sa seryosong pagpapatupad ng administrasyon sa drug war nito ay unti-unting nalalagas na ang mga masamang elemento sa bansa, kasama na ang mga criminal, pu¬shers at mga drug lord.

Sumikat din ang Pangulong Rodrigo Roa Duterte sa buong mundo dahil sa kanyang mahigpit na pagpapatupad ng digmaan kontra droga.

Kaya naman maaalalang na-intercept ng mga awtoridad ang may P6.4 bilyong halaga ng shabu shipment noon na kinasangkutan ng mga ismagler sa Bureau of Customs (BOC). Ito ay dahil na rin sa tip na mula sa mga awtoridad ng Tsina. Dahil sa kredibilidad ng administrasyon sa pagpuksa sa  droga sa bansa ay hindi nangingimi ang mga taga-ibang bansa na makipagtulungan sa ating bansa.

Isang shabu laboratory na nagpo-produce ng may 25 kilo o P125 milyong ha¬laga ng ilegal na droga kada araw ang nabuwag at ilang mga bodega na pinaggagawaan ng shabu ay sinalakay din.

Mayroon ding listahan ng mga barangay chairmen na sangkot sa droga ang nabigyang pansin  ng pamahalaan kaya naman ilang mga barangay sa bansa ay certified drug-free na.

Dahil na din sa matagumpay na kampanya ng pamahalaan kontra sa droga ay bumagsak na ang crime rate sa bansa. Hindi rin pinatawad ng kampanya ang mismong mga pulis na sangkot sa droga, ang iba’y heneral pa nga.

Kaya naman hindi kataka-taka na bumubulusok ang kredibilidad ni Leni dahil sa mga news spin na nagmumula sa kanyang mismong bibig.

Mukhang nagkakalinaw na siya at ang mga kabaro niyang dilaw ang tunay na mga source ng fake news sa bansa na sinusuportahan naman ng mga bayarang media outfit at practitioner sa bansa.

Malinaw naman na kasi ang koneksyon ng ilang mga kritiko ng pangulo na nasa media ay sa dilaw kaya  hindi din masisi ang ating mga kababayan na imbes na sa mainstream media kumuha ng balita ay umaaasa na lamang sa Facebook at YouTube para sa mga latest na balita. (FOR THE FLAG / Ed Cordevilla)

Read More

UN TUMULONG NA LANG

FOR THE FLAG

Kung totohanan ang intensyon ng United Nations at ng Human Rights Council na tumulong sa Pilipinas, ay maaari silang magbigay ng pondo at donasyon sa pagpapatayo ng kahit isang libong rehabilitation  center upang masimulan na ang panggagamot sa daan-daang libong mga sumukong drug addict.

Kapag ginawa ito ng  UN at HRC malamang lalabas at susuko na rin ang milyon pang drug addicts na mahihikayat ng tulong na ito. Hindi makukuha sa puro satsat ang pagtulong sa bansa, nararapat na pondohan nila ang nais nila. Gusto nilang ,masawata ang droga sa Pilipinas nang wala nang pinapatay, e di mag-donate sila ng kahit 1,000 rehab center.

Tunay na mapanganib ang lansangan sa mga adik at tulak, dahil na din sa mga dilaw na sumasakay sa paglilinis ng ating lipunan sa pamamagitan ng pananabotahe sa kampanya ng pamahalaan laban sa droga.

Kaysa tuligsain ang ginagawa ng administrasyong Duterte upang mailigtas ang bansa sa bingit ng pagiging bansa ng mga zombie, malinaw na mas makakatulong ang UN sa pagbibigay ng mga donasyong nabanggit o kaya ay sila mismo ang magtayo, gamit ang sariling pwersa upang makagawa ng mga pasilidad para sa rehab ng mga kababayang adik sa shabu kaysa mag-party magdamag ang mga UN staff sa mga bansa kung saan sila naka-deploy.

Masyadong nasanay ang mga executive ng UN sa party magdamag gamit ang pondong bilyon-bilyong dolyar kaya marahil nakakalimutan nila na mas may katotohanan na magtayo sila ng mga rehab center sa Pilipinas.

Kung kaya nilang gawin sana isang libong rehab center sa loob ng dalawang taon, mas magiging kapani-paniwala na tunay na may malasakit sila sa mga Pilipino.

Kapag nagawa ito ng UN, tuloy-tuloy na makakausad na ang Pilipinas para  sa tunay na pagbabago at pag-asenso. At maaaring sa susunod, ang Pilipinas naman ang makakatulong sa iba-t ibang bansa na nangangailangan ng ayuda. (FOR THE FLAG / Ed Cordevilla)

Read More

BALIK-TANAW SA YOLANDA

FOR THE FLAG

Ang sakuna ay walang pinipili, mabuti ka man o masama. Nang tumama ang pinakamalakas na bagyo sa kasaysayan ng sibilisa­syon, ang buong daigdig ay nanonood sa telebisyon, sa internet, blockbuster ika nga, at ang entabladong napili ng supertyphoon Haiyan, na tinawag nating Yolanda, ay ang Tacloban City.

Ang sabi ng pamahalaan noon, handang-handa na ang bansa sa pagdating ng supertyphoon, ngunit nagkamali ito, noong libo-libo na ang nangangamatay, ang sabi ng pamahalaan isa lamang eksaherasyon ang mga ulat dahil sa bilang nito ay nasa ilang daang tao ang namatay at hindi libo-libo. Nang sumampa na sa limang libo ang bilang ng mga nangangamatay ang sabi ng pamahalaan wala pang dalawang libo. Ngunit ngayong pang-isang taong anibersaryo na ng trahedyang iyon, napag-alaman natin na mahigit sa 7,350 katao ang namatay sa lupit ng bagyong Yolanda.

Marami ang agad nagbigay ng iba’t ibang klaseng tulong sa mga biktima, samantalang ang mga bangkay ay nagkalat sa mga lansa­ngan ng Tacloban, ayon kay CNN foreign correspon­dent Andrew Stevens, ay makailang araw na ay wala pa ding nag-aasikaso. Makaraan ang ilang bilyong pisong nagmula sa iba’t ibang bansa, at ilang bilyong pisong pondo na nailaan ng gobyerno para sa mga biktima, ay nanatiling libo-libong pamilya pa din ang pawang mga nakatira sa mga tent at bunkhouses.

Matindi pang sakuna na tumama sa mga biktima ay ang kabagalan, incompetence, politika at korapsyon sa paghahatid ng mga tulong sa mga biktima. Ilang container ng mga damit na donasyon ay hindi ipinamahagi, bagkus ay isinubasta ng pamahalaan. Ilang container ng mga bigas na matagal ng nasa mga daungan ay hindi ipinamahagi at pinabubulok sa ware­houses. Ang mga donasyon ay ni-require pa ng pamahalaan na pagbayarin ng buwis at magbayad sa demurahe. Ang mga second-hand na damit ay ipinagbawal na i­pamahagi sa mga benepisaryo bagkus ay ibinenta pa ng gobyerno sa mga nego­syante. Ipinagbawal na maipasuot sa mga kapus-pa­lad na mga benepisaryo ngunit pinahintulutang maisuot ng mga mamimili.

Dahil sa hagupit ni Yolanda lumantad ang sakit ng ating lipunan. Mabagal o wala ang pagtulong dahil sa politika. Malabnaw o walang tulong dahil sa korapsyon. Kakapiranggot o walang tulong dahil sa pagmamataas.

Hanggang ngayon ay wala pang tumatalo sa blockbuster na ito na pinanuod ng buong daigdig. Nasaan na ang mga donasyon? Ano ang nangyari at hindi umusad ang buhay ng mga sinakmal ng trahedya? May mga bilyon-bilyong pisong itinabi ng pamahalaan para sa mga biktima ng Yolanda at bil­yon-bilyong piso din mula sa iba’t ibang bansa ngunit marami ang naniniwalang nauwi lamang sa wala ang lahat ng ito dahil sa politika, korapsyon at pagmamataas. (FOR THE FLAG / Ed Cordevilla)

Read More

AYALA, MVP MAKUKULONG

FOR THE FLAG

Wala nang atrasan. Tuloy-tuloy na. Naka-todo na pati pato. Ito ang laban ni Pangulong Rodrigo Roa Duterte at ng taumbayan laban sa ganid na water concessionaires.

Nakaambang sampahan ni Pangulong  Duterte ng kasong economic plunder, syndicated estafa at economic sabotage ang Maynilad Water Services, Inc. at Manila Water Company, Inc. dahil umano sa mapagsamantalang kontrata na pinasok nito sa gobyerno para sa water distribution.

Sinabi ng pangulo na handa siyang bumagsak para ma­kipaglaban at makamtan ang hustisya para sa taumbayan ukol sa hindi makatarungang kontrata ng Manila Water na pagmamay-ari ng mga Ayala at  Maynilad na pagmamay-ari naman ni Manny V. Pangilinan, na hinihinalang proxy ng Salim Group ng Indonesia.

Ayon sa pangulo, dispalinghado ang kontrata sa kalugihan ng mamamayan kung saan nakasaad dito na hindi maaa­ring makialam ang gobyerno sa pagtataas o pagbababa ng presyo ng tubig.

“Ang masakit diyan, we cannot interfere, kasi they will sue us and these two will be awarded billions,” pahayag ng pangulo.

Nakasaad kasi sa kontrata na anumang interference ng pamahalaan na magreresulta sa kalugihan o hindi nagustuhan ng dalawang water concessionaires ay maaaring ikaso laban sa pamahalaan.

Ayon pa kay Duterte, nakasaad din sa kontrata na wala talagang lugi ang dalawang kumpanya dahil idinidikta sa kontrata na guaranteed ang profit nila at anumang kalugihan ay babayaran ng gobyerno sa kanila na aniya ay umaabot ng bilyong piso.

“Assured income, they (Manila Water at Maynilad) lose, we pay,” ang wika ng pangulo.

Wala din umanong kapangyarihan ang gobyerno sa pagtataas o pagbaba sa paniningil ng dalawang water concessionaire sa consumers.

Higit isang dekada na ring nagbabayad ang bawat kabahayan sa dalawang water concessionaires para sa water treatment ngunit nanatiling mabaho at nagdudulot ng mga sakit ang tubig na nagmumula sa mga gripo.

Ibinunyag ni Duterte na nabuking niyang gawa-gawa lamang ang diumano’y water shortage na inianunsyo ng da­lawang water concessionaires noong nakaraang taon, bukod pa nga sa sablay na serbisyo at napagsasamantalahan ng daan-daang bilyong piso ang taumbayan at pamahalaan.

“That to me is economic sabotage,” pagdidiin ng pangulo.

“Ganito ‘yan, maraming tubig, ang problema ibinigay natin sa mga torpeng hindi nga mga PIlipino halos o Pilipino ‘yan walang kaluluwa, ‘yang Manila Water pati Maynilad, kay Pa­ngilinan pati kay Ayala. Matagal na ito kaso walang pumipiyok kasi nga takot sa pera ni Ayala at ni Pangilinan. But, when I saw the contract . . . they are ­screwing us by the billions,” pahayag ni Pangulong Duterte.

“Sila ang distributor, atin ang tubig, but in the contract itself the water which is a natural resource of any country is categorized not as a natural resource but being treated as a commodity!”  ayon pa sa pangulo.

“Water is part of the national patrimony, but in the contract, our country surrendered to Manila Water and Maynilad ­everything including sovereignty, we have bargained it away,” pahayag ni Duterte.

“Itong Maynilad at Manila Water distributor  sila, pero atin itong tubig as part of the patrimony of the nation, ngayon they entered into a contract, kagagawan ito ng mga lawyer, kaya ibinuko ko itong si Frank (Drilon),” giit pa ni Duterte.

“This will be a bloody war, habulin ko talaga kayo,” dekla­rasyon pa ni Presidente Digong.

Ang masasabi ko, bilang mamamayang Filipino, “kasama mo kami diyan sa digmaang ‘yan Pangulong Duterte.” (FOR THE FLAG / Ed Cordevilla)

Read More

ISULONG ANG FEDERALISMO NGAYONG 2020

FOR THE FLAG

SIMULAN na ang proseso ng pag-shift pula sa presidential form of government patungo sa federalismo na may anyong parliamentary form of government. Mula rito ay maaari nang tahakin ng bansa ang pagpapalakas sa bawat rehiyon at bawat lalawigan.

Sa ngayon kasi ay nasa ilalim tayo ng unitary form of government kung saan lahat ng kapangyarihan at pananalapi ay nakasentro sa pambansang pamahalaan. Kaya mabagal ang pag-usad dahil lahat ng pangangailangan ay kinakailangan pang idulog sa pambansang pamahalaan samantalang ang bawat lalawigan at rehiyon ay may ­kanya-kanyang pangangailangan na may kakaibang angking karakter.

Matatapos na rin ‘yang suliranin ng bansa ukol sa mga terorista katulad ng NPA at Abu Sayyaf dahil mismong mga fe­deral state na ang mag-a-address sa mga ‘yan. Ang mga sandatahang grupo katulad ng MILF at MNLF ay maaaring maging kasali na sa Sandatahang Lakas ng Pilipinas, kung kaya’t wala nang hindi masasakop ng batas na mga grupong armado.

Ang bawat federal state ay magkakaroon ng sariling mga sangay ng pamahalaan na tutugon sa pangangailangan ng mga komunidad na nasasakupan nito.

Ang siste sa federal form of government, ang mga pondo ay hahatiin nang mas malaki ang mapupunta sa federal state at ilang porsyento o mas maliit lamang ang mai-re-remit sa national federal government.

Malaya ring makapagpapasa ng batas ang bawat fe­deral state na angkop sa kanilang pangangailangan. May karakter ang bawat lalawigan at ang bawat rehiyon na hindi natutugunan sa ilalim ng unitary form of government kaya ito na ang pambihirang pagkakataon na magkaroon ng isang tunay na pagbabago sa Pilipinas.

Sa pamamagitan ng fede­ralismo, mawawala na ang mga terorista dahil mapalalakas na ang bawat lalawigan sa ilalim ng federal state. Kung walang mahirap na nakalilimutan ng lipunan, walang terorista dahil terorismo ang armas ng mahihina sa isang lipunan. Kung walang mahina sa lipunan, wala na ring mag-iisip ng terorismo. (FOR THE FLAG / Ed Cordevilla)

Read More