21 SA SOCCSKSARGEN TEAM KINASUHAN NI PACQUIAO NG GAME FIXING

0

(NI ESTONG REYES)

INIHAYAG  ni Senador Manny Pacquiao na tuluyan nang kinasuhan ang 21 katao kabilang ang mastermind, coaching staff at players ng SOCCSKSARGEN team na naglalaro sa Maharlika Pilipinas Basketball League (MPBL) sa Department of Justice (DOJ).

Sa press conference na ginanap sa Sofitel Hotel sa Pasay City, sinabi ni Pacquiao, founder and chairman ng MPBL, na binuo niya ang naturang liga dahil bukod sa passion niya ito, gusto niyang makatulong na lumikha ng trabaho.

“Unprofessional ang ginagawa nila. Dapat makapagbibigay tayo ng trabaho sa kanila, ngunit sinira nila ang integridad ng MPBL kaya kinasuhan namin sila sa DOJ,” ayon kay Pacquiao.

Sinabi pa ni Pacquiao na bilang senador, gagawin nya ang lahat upang makulong ang lahat ng sangkot sa points shavings at game fixing na pawang paglabag sa Presidential Decree No. 1602.

Kabilang sa mga kinasuhan sa DOJ sa ilang counts ng kasong paglabag sa Presidential Decree 1602;

  1. Mr. Sung
  2. Kevin Espinosa
  3. Alyas Kein
  4. Alyas Emma, pawang interpreter  ni Sung
  5. Serafin Matias
  6. EJ Avila
  7. Nino Dionisio
  8. Ferdinand Melocoton
  9. Nice Ilagan
  10. Sonny Uy
  11. Jake Diwa
  12. Exequiel Biteng
  13. Ricky Morillo
  14. Jerome Juanico
  15. Matthew Bernabe
  16. Julio Magbanua
  17. Abraham Santos
  18. John Patrick Rabe
  19. Ryan  Regalado
  20. Janus Lozada
  21. Joshua Alcober

Sinabi pa ni Pacquiao na mayroon silang anim na testigo na pawang sangkot sa dayaan ngunit bumaligtad at nagsumbong sa kanya na siyang kinunan ng affidavit ng National Bureau of Invesgation (NBI).

“Inisyal pa lamang ito, mayroon pang ibang players at sibilyan na iniimbestigahan ng NBI , kaya humanda kayo,” ayon kay Pacquiao.

“As of now, 21 pa lang ito, the investigation will continue. Inaaral pa ang ebidensiya upang makasama sila sa kaso,” giit pa niya.

Aniya, sa opening pa lamang ng liga, binalaan na niya ang lahat laban sa game fixing. “Sinabi ko, huwag nilang gawin yan. Sa bawat laro ninyo, niloloko niyo ang taumbayan.”

 

Aniya, ginagamit ng sindikato ni Mr. Sung na pinatataya ang sinuman sa halagang P750, 000 kapalit ng P18 milyon kapag natsambahan mo ang lamang ng kalaban ng SOCCSKSARGEN or vise versa gamit ang Bet 365 sa casino.

“Pinatataya nila ang sugarol ng halagang P750,000 na mananalo ng P18 milyong kung mahuhulaan mo nang perpekto ang lamang ng kalaban sa una, ikalawa, ikatlo at ikaapat na quarter ng bawat laro,” ayon kay Pacquiao.

Binibigyan din ng sindikato ang mga sangkot na players at coaching staff ng halagang P20K hanggang P30K kada laro.

“May nakikita kaming mali sa games, kasi panalo na, they keep on fouling. 20 points na lamang ng kalaban, tumatawag pa ng timeout ang SOCCSKSARGEN,” ayon kay Kenneth Duremdes, commissioner ng MPBL.

 

Read More

MABIGAT NA PARUSA VS GAME FIXERS IPAPATAW 

MANNY PACQUIAO
0

(NI DANG SAMSON-GARCIA)

NAIS ni Senador Manny ‘Pacman’ Pacquiao na magpataw ang gobyerno ng mas mabigat na parusa sa mga taong masasangkot sa ‘game fixing’ o pagmamanipula sa anumang sports contest.

Inihain ni Pacquiao ang Senate Bill 971 o ang panukalang pag-amyenda sa Presidential Decree No. 483 na nagpapataw ng parusa sa betting, game fixing o point shaving and machinations sa sports contests.

Ayon kay Pacquiao, ang Presidential Decree ay katunayan na matagal nang kinikilala ng gobyerno gayundin ang negatibong epekto ng pagsusugal sa anumang uri o porma.

Gayunman, may mga indibidwal aniyang patuloy na nagbabantang sirain ang integridad ng Philippine sports.

“No less than athletes have come forward in recent years attesting to this reality. Game-fixing and illegal gambling are still prevalent and have been rocking the foundations of both amateur and professional leagues,” saad ni Pacquiao sa panukala.

Ang game fixing, alinsunod sa panukala, ay ang pagmamaniobra sa isang professional o amateur sports at hindi nakabatay sa honest playing skill o ability ng mga manlalaro.

“The payment or receipt of money or valuable consideration shall constitute a prima facie evidence of game-fixing,” diin sa panukala.

Batay sa Senate Bill, papatawan ng tatlo hangganng anim na taong pagkabilanggo o multang hindi bababa sa P1 milyon subalit hindi sosobra sa P5milyon ang masasangkot sa game fixing.

 

Read More