50% NG PINOY ‘DI KUNTENTO SA K-12

0

MARAMING Filipino ang hindi kuntento sa pagpapatupad ng programang K-12.

Ito ang inihayag ni Senador Sherwin “Win” Gatchalian base umano sa pinakahuling survey ng Pulse Asia kaya’t kailangan ang reporma sa sistema ng edukasyon.

Aniya, sa mahigit isang libong (1,200) respondents sa isinagawang survey, halos limampung (47) porsyento ng mga Filipino ang hindi kuntento sa K-12. Halos apatnapung (38) porsyento naman ang nagsasabing kuntento sila at labintatlong (13) porsyento naman ang hindi sigurado kung kuntento nga ba sila o hindi.

Sa mga nagsabing hindi sila kuntento sa programa, giit pa ni Gatchalian na halos walumpung (78) porsyento ang nagsasabing dagdag gastos ang karagdagang dalawang taon sa high school.

Apatnapung (40) porsyento naman ang nagsasabing hindi sapat ang high school diploma upang magkaroon ng sapat na trabaho, at mahigit tatlumpung (31) porsyento naman ang nagsasabing mas nais nilang makatanggap ng dekalidad na edukasyon imbes na karagdagang taon ng pag-aaral.

Apatnapung (40) porsyento rin ang nangangambang tataas ang drop-out rate dahil sa K-12, at halos apatnapung (39) porsyento naman ang nagsasabing nangangailangan pa ang mga paaralan ng karagdagang silid-aralan at guro.

Noong isinabatas ang K-12 taong 2013, ipinangako ng programa na madaling magkakaroon ng trabaho ang mga makatatapos ng senior high school. Ngunit ayon sa isang survey na isinagawa ng JobStreet noong 2018 sa limandaang (500) kumpanya, wala pang tatlumpung (24) porsyento ang handang tumanggap sa mga nagtapos ng K-12. ESTONG REYES

 

Read More

DEPED KINALAMPAG SA BULLYING

deped2
0

(NI DANG SAMSON-GARCIA)

KINALAMPAG ni Senador Win Gatchalian ang Department of Education (DepEd) upang magpatupad ng mga pamantayan laban sa bullying sa mga paaralan.

Ito ay makaraang lumitaw sa pag-aaral na ang mga estudyante sa Pilipinas sa 79 na bansa ang may pinakamataas na tsansa na makaranas ng pambu-bully.

Batay ito sa pag-aaral ng 2018 Programme for International Student Assessment o PISA, kung saan lumabas din na pinakamababa ang Pilipinas sa Reading at pangalawang pinakamababa sa Science at Math.

Ayon sa PISA, mahigit 65 porsyento ng mga mag-aaral sa high school ang nakararanas ng ilang insidente ng pambu-bully sa isang buwan na mas mataas sa mahigit 23 porsyentong naitala sa ibang bansang lumahok sa assessment.

Ilan sa mga posibleng epekto sa mga biktima ng pambu-bully kasama na rin yung mga nambu-bully ay ang hindi pagpasok sa klase, mas mahinang performance, at pag-dropout mula sa paaralan.

Base sa pag-aaral, ang mga estudyante na nagsabing nakaranas sila ng pagbabanta ay may markang mas mababa ng higit 56 puntos sa pagbabasa o Reading Comprehension kung ihahambing sa mga hindi nakaranas ng pagbabanta.

Batay din sa pag-aaral, ang mga estudyanteng nakaranas ng panunukso ay nakakuha ng markang mas mababa ng 13 puntos kung ihahambing sa mga hindi tinutukso.

Iginiit ni Gatchalian na ang paglaban sa bullying ay isang hakbang upang mai-angat ang mga marka ng mag-aaral sa PISA, lalo na’t may epekto ang bullying sa academic performance.

“Kailangang tignan natin ang kabuuang larawan kung bakit pinaka mababa ang ating mga mag-aaral sa PISA. Kung susuriin nating mabuti ang pag-aaral na ito, lumalabas na isa sa mga dahilan ang bullying kung bakit nahuhuli ang ating mga mag-aaral,” saad ni Gatchalian.

“Nitong mga nakaraang araw, malakas ang panawagan na i-angat ang kalidad ng edukasyon ngunit upang magawa natin ito, kailangang masiguro nating ligtas ang ating mga paaralan upang matuto nang husto ang ating mga mag-aaral,” dagdag pa ni Gatchalian.

Muli ring iginiit ni Gatchalian ang kahalagahan ng pagtuturo ng Values Education sa mga paaralan. Si Gatchalian ang sponsor ng Senate Bill 1224 na naglalayong gawing core subject ang Comprehensive Values Education, kasama na rito ang Good Manners and Right Conduct o GMRC.

“Mahalagang ituro natin sa bawat kasapi ng paaralan ang kanilang tungkulin sa pagtaguyod ng kaligtasan. Hindi lamang mga mag-aaral at guro ang dapat maging bahagi nito, kundi pati mga magulang din at iba pang mga miyembro ng komunidad,” diin ni Gatchalian.

Read More

P700 VALET PARKING KINUWESTIYON

0

(NI BERNARD TAGUINOD)

KINUWESTIYON ng isang consumer group ang napakamahal na valet parking fee na sinisingil ng ilang malls sa Metro Manila dahil umaabot umano ito sa P700 na hindi makatarungan sa mga shoppers na tumatangkilik sa kanilang establisyemento.

“Why do they charge expensive rate for valet parking when we go to shopping malls?  If the drivers or parking attendants receive wages, why is valet parking still expensive?” tanong ni Laban Konsyumer Inc. president Vic Dimagiba sa pagharap nito sa  House committee on trade and industry na pinamumunuan ni Valenzuela City First District Rep. Weslie Gatchalian,.

Nagsagawa ng pagdinig si Gatchalian sa mga panukalang batas para iregulate ang parking fee, hindi lamang sa mga malls, kundi sa mga restaurant, hospital at mga kahalintulad na establisyento upang ibalanse ang interes ng mga may-ari at mga consumers.

“We invited our friends from the industry to give them another chance to enlighten us with their position on the proposed regulation of parking fees. We want to hear their side on the matter so we can arrive at a win-win parking rate that will give property owners a fair return on their investment while at the same time charging consumers a fair fee,” ani Gatchalian.

“We should note that these bills are proposing a ceiling rate,” dagdag pa ni Gatchalian dahil prerogatibo aniya ng mga mayt-ari ng mga malls ang pagsingil  ng parking fees dahil sa 2009 ruling ng  Supreme Court sa  ‘The Office of the Solicitor General vs. Ayala Land Inc. et. al..

Sa House Bill No. 3262, Parking Fees Regulation Act, na ihinain ni  Gatchalian, kailangan maprotektahan din aniya ang mga customer  na gumagamit sa mga parking ng mga business business operators dahil pataas na ito ng pataas habang tumatagal.

“Nowadays, parking fees for a day’s worth of parking in Metro Manila can be as high as P700 or more, while there are others that charge significantly less.
On top of paying excessive fees, consumers are oftentimes left with inadequate safety measures to protect their cars and their personal effects inside it.  Operators generally impose a waiver of liability in case of loss or damage to property, leaving consumers vulnerable and unprotected,” ani Gatchalian.

Inatasan din ni Gatchalian ang Philippine National Police (PNP) na magsumite ng report hinggil sa mga insidente ng mga nakawan at pagkasira ng mga sasakyan sa mga parking fees subalit walang naging pananagutan ng mga operator.

Sinuportahan naman ng Department of Trade and Industry (DTI), Metro Manila Development Authority (MMDA), Land Transportation Office (LTO), Philippine National Police (PNP) at mga  civil society organizations ang nasabing panukala.

Nais ng mambabatas, sa ilalim ng kanyang panukala, na maipako sa P40 ang parking fees sa loob ng 8 oras at karagdagang P10 kada oras at P100 kada sasakyan kapag overnight parking.

“For shopping malls, restaurants, stores and similar establishments where customers go to purchase items or where the customers pay fees to enjoy the services, facilities or amenities offered by the establishment, the parking fee shall be waived once a customer presents a validated proof of purchase or payment of not less than P1,000,” mungkahi pa ni Gatchalian kapag tatlong oras lang nagamit ang parking at kailangang mag-isyu ang mga ito ng resibo sa kanilang mga customer.

“The establishments shall be responsible for the safety of its patrons and shall be prohibited from invoking the waiver of liability in case of loss of property or damage to the customer’s motor vehicle,” dagdag pa nito.

Read More

SOLON NAAALARMA SA MAGIC MUSHROOMS 

0

(NINA DANG SAMSON-GARCIA/NOEL ABUEL)

NAALARMA si Senador Win Gatchalian sa paglipana ng magic mushrooms na ginagawang alternatibo bilang iligal na droga.

Ito ay makaraang mapaulat na may mga mag-aaral na isinugod sa ospital dahil sa paggamit ng kabute na madali umanong makita sa mga kanayunan.

Sinabi ni Gatchalian na kailangang palakasin ng Department of Education (DepEd) ang drug prevention program at mahigpit na pagsubaybay upang hindi malulong ang mga kabataan sa mga ipinagbabawal na gamot.

Una nang sinabi ni DepEd Secretary Leonor Briones na maaaring mas mapanganib pa ang magic mushrooms dahil hindi ito deklaradong iligal sa merkado kaya kahit na sino ay pwedeng bumili o makakuha nito.

“Nakababahala itong ibinahagi ng DepEd sa pagkakasakit ng mga bata dahil sa magic mushrooms. Pero marami rin tayong dapat malaman — gaano na karami ang naiulat na ganitong uri ng insidente? Paano natuklasan ito ng mga mag-aaral? Saan ito laganap? At anu-ano ang naging mga epekto nito sa ating mag-aaral?” giit ni Gatchalian.

“Kung alam natin ang mga detalyeng ito, mas madali para sa ating mag-isip at magpatupad ng mga solusyon para masiguro ang kaligtasan ng kabataan,” dagdag ng senador.

Ang mga kabuteng ito ay may taglay na psilocybin na kabilang sa Schedule I ng United Nations Convention on Psychotropic Substances noong 1971.

Nangangahulugang hindi ito ginagamit na pang gamot at may mataas na posibilidad na maabuso ng gumagamit at kabilang sa mga epekto ng psilocybin ang panghihina, pagiging maantukin at hindi kontroladong paggalaw bukod sa panganib tulad ng pagkalason.

Sa kabila ng mga panganib na ito, may mga pag-aaral na nagsasabing ang mga magic mushrooms ay maaaring gawing lunas sa pagkabalisa o anxiety at depresyon.

Ayon sa Global Drug Survey 2019 na nakakuha ng datos mula sa 120,000 katao sa 30 bansa, wala pang isang porsyento ng mga lumahok ang humingi ng tulong medikal matapos gumamit ng magic mushrooms.

“Ang mahalaga sa puntong ito ay ma-protektahan natin ang kabataan mula sa panganib na maaaring idulot ng mga magic mushrooms na ito. Ngayong sinusuri ng DepEd ang kanilang preventive education program, mahalagang masuri kung paano ba ito tatalakayin sa mas mabisang paraan para manatiling ligtas ang ating mga mag-aaral,” giit ni Gatchalian.

 

Read More

TAMANG PAGGASTOS NG PERA ITUTURO SA ELEMENTARYA

0

(NI DANG SAMSON-GARCIA)

ISINUSULONG ni Senador Win Gatchalian ang panukalang mag-oobliga na ituro sa lahat ng antas ng paaralan ang wastong paggamit ng salapi o ang subject na Economics and Personal Finance (EPF).

Iginiit ni Gatchalian na makakatulong ito upang mai-angat ang antas ng financial literacy o sapat na kaalaman sa tamang paggamit ng salapi.

Sa ilalim ng Senate Bill 1192 o ang “Economics and Financial Literacy Curriculum Act of 2019”, kakailanganin ng mga mag-aaral mula elementarya hanggang kolehiyo na kumuha ng kursong EPF bago makapagtapos.

Sa elementarya, ilan sa mga pag-aaralan ang pag-iipon, paghahanda ng budget at tamang pagpapasya sa mga gastusin. Sa high school at kolehiyo naman tatalakayin ang mga mas komplikadong usapin tulad ng credit, investments, mortgages at yung tinatawag na retirement planning.

“Halos 18 taon o higit pa ang ginugugol ng mga bata para sa pag-aaral, ngunit nagtatapos silang kapos ang kaalaman sa tamang paggamit ng pera o salapi. Pag nagtatrabaho na sila, ginagawa nilang biruan ang petsa de peligro, pero hindi biro ang kakulangan nila ng kaalaman pagdating sa paghahanda sa kanilang kinabukasan,” saad ni Gatchalian.

Batay sa Global Financial Literacy survey na isinigawa ng kumpanyang Standard & Poor’s, 25% lamang ng mga pinoy ang matuturing na financially literate.

“Sa paghahain natin ng ganitong batas, matuturuan natin ang mas maraming kabataan na maging mas responsable at handa lalo na’t darating ang panahon na aako sila ng mas maraming responsibilidad,” pahayag ng senador.

Read More

K-12 PROGRAM REREBISAHIN SA SENADO

0

(NI DANG SAMSON-GARCIA)

SUSURIIN ng joint congressional oversight committee ang implementasyon ng K-12 program ng gobyerno upang matukoy kung nakakasunod ito sa layunin na maka-develop ng mga competitive na Pinoy at maaga silang maihanda sa pagsabak sa trabaho.

Ayon kay Senador Win Gatchalian, rerebisahin nila sa Enero ang implementasyon ng programa upang matiyak na naibibigay nito ang lahat ng pangangailangan ng mga estudyante at pribadong sektor.

“The K-12 program is a massive historical educational reform we introduced to produce quality of graduates that our country needs. While the program has gaps and challenges, we need to sustain it in a way that also addresses implementation issues to provide quality education and boost global competitiveness,” diin ni Gatchalian.

Sinabi ni Gatchalian na una nang nagkaisa ang mga kongresista sa pagsasabing hindi bigo ang K-12 program na makadevelop ng mga senior high school (SHS) graduates na maaari nang sumabak sa trabaho.

Aminado ang senador na pinakamalaking hadlang sa implementasyon ng K-12 programa ay ang kakulangan ng mga equipment sa mga paaralan.

“We need to come up with strategic solutions because industries will suffer and decline without a workforce equipped with the competencies required of the 21st century and Industry 4.0 (a new phase in the industrial revolution)”, diin ni Gatchalian.

Tiniyak din ni Gatchalian na bubusisiin din nila sa Senado ang budget proposal para sa K-12 program na pinaglaanan ng P550.89 billion.

“As we work towards finalizing the 2020 budget, we will ensure that the program gets an allocation that responds to the needs of both students and teachers. We need to make parents and students feel that this program is helpful, not an added burden,” giit pa ng senador.

Read More

DOE KINALAMPAG SA ‘DI PAGTUPAD SA PAGBIBIGAY NG KURYENTE

doe
0

(NI NOEL ABUEL)

KINALAMPAG ni Senador Win Gatchalian ang hindi pagtupad sa ipinangakong pagbibigay ng kuryente sa mga liblib na lugar sa bansa.

Ayon kay Gatchalian, base sa report ng Commission on Audit (COA),  sa 450,000 bilang ng bahay na target na kabitan ng kuryente ng DOE noong nakaraang taon, 77,121 lamang o 17.14% ang natupad, samantalang 705 sitio lamang ang nabigyan ng elektrisidad ng National Electrification Administration (NEA) mula sa dapat sana’y 1,259 noong September 30, 2019.

Nakatakdang dinggin ng Senado ang panukalang budget ng DOE na humihingi ng ₱2.3 bilyon na pondo kung saan ₱500 milyon ay para sa Total Electrification Program (TEP).

Ang NEA naman ay nagpapanukala ng P14.147 bilyon na budget kung saan P1.5 bilyon dito ay mapupunta sa TEP nito, kabilang na ang Sitio Electrification Program (SEP).

Mariing sinabi ni Gatchalian, chairman ng Committee on Energy sa Senado, na posibleng mauwi lang sa ‘pork’ ang hinihinging pondo ng DOE at NEA para sa susunod na taon.

“Naglalaan tayo ng bilyong pisong pondo sa NEA at DOE para sa electrification program ngunit laging bigo silang abutin ang kanilang mga yearly target. Ang mas nakababahala pa rito ay kung paano ginagamit ng mga ahensyang ito ang kanilang budget dahil wala naman silang konkretong istratehiya kung paano nila itinutulak ang TEP sa bansa,” saad ni Gatchalian.

Para tiyaking sulit ang bawat sentimo na ginugugol para sa programa, humihingi si Gatchalian sa mga naturang ahensiya ng isang komprehensibong national unified strategy.

“Kung mayroon sana tayong national unified strategy for electrification, ang bawat taxpayers sa bansa ay hindi mangangamba kung ang pera nila ay ginagamit lamang na slush fund ng dalawang ahensya,” diin ni Gatchalian.

Nilinaw ng senador na sa isang national unified strategy ay malalaman kung ilan ang bilang ng sitio na kakabitan ng kuryente, magkano ang budget na kailangan sa bawat sitio, kabuuang bilang ng target na bahay sa bawat sitio, timeline ng pagkakabit ng kuryente at mode of electrification sa bawat sitio, bukod sa iba pang bagay na dapat siyasatin.

 

Read More

DAGDAG-SAHOD SA GURO PINAMAMADALI

0

(NI NOEL ABUEL)

INAAGAD na ni Senador Win Gatchalian ang pagrebisa ng Republic Act 4670 o Magna Carta for Public School Teachers para matugunan ang matagal nang hinaing ng mga guro sa mababang sahod at nakaaawang kalagayan.

Ayon kay Gatchalian, nakapaloob sa 27 probisyon ng naturang batas, 11 lamang ang natupad habang siyam ang bahagyang natupad at pito ang hindi pa natutupad.

Sa isang policy forum na pinamunuan ng Civil Society Network for Education Reforms (E-Net Philippines) at ng Senate Committee on Basic, Education, Arts and Culture, sinabi ni Gatchalian na seryoso nang itaas ang sahod ng mga guro dahil na rin napag-iiwanan na ang mga ito.

Meron talagang pangangailangan na itaas ang sweldo ng ating guro dahil naiiwan na ang mga Teachers I, II at III pagdating sa pay gap kumpara sa Master Teachers I, II at III,” ani Gatchalian, ang Chairman ng Committee on Basic, Education, Arts and Culture sa Senado.

Ang sahod ng isang Teacher I na nasa ilalim ng Salary Grade (SG) 11 ay umaabot ng P20,754 kada buwan. Nasa ilalim naman ng SG 18 ang buwanang sahod ng Master Teacher I na umaabot sa P40,637.

Isinabatas ang RA 4670 noong 1966 bilang pagtugon sa matinding pangangailangan na maiangat ang antas ng pamumuhay ng mga guro base na rin sa rekomendasyon ng International Labor Organization o ILO at ng United Nations Educational, Scientific, and Cultural Organization’s o UNESCO.

Maliban umano sa mababang sahod, problema rin ng mga guro ang kawalan ng ibang benepisyo tulad ng special hardship allowance, hazard pay, at taunang libreng check-up.

Ayon kay Gatchalian hindi lahat ng mga probisyon ng batas ay nangangailangan ng pondo para maisakatuparan ang naturang mga layunin.

“Talagang napakalaking hamon nito pagdating sa pagbibigay ng world-class teachers’ welfare program. Kapag sinabing world-class, hindi lang naman natin tinitingnan and sweldo pero maging ang iba pang mga pangangailangan na dapat nating naibibigay sa ating mga guro,” ani Gatchalian.

 

Read More

TRANSPORT CRISIS MAY SOLUSYON

0

(NI DANG SAMSON-GARCIA)

KUMBINSIDO sina Senador Richard Gordon at Senador Win Gatchalian na may transport at traffic crisis sa bansa.

Kasunod ito ng pagtugon ni Presidential Spokesperson Salvador Panelo sa ‘challenge’ sa kanya na mag-commute makaraang sabihing wala namang transportation crisis sa bansa.

“Alam mo ‘no win situation’ ang ginawa ni Sal (Panelo). Alam naman nya na may transportation crisis, kahit sumakay sya, talo pa rin siya. Ang nangyayari tuloy parang pinaglalaruan sya,” saad ni Gordon.

“Meron tayong crisis in both transportation and traffic. Kapag tatanungin ako kung ano malala is really the traffic crisis kasi makikita natin na talagang malala ang trapik sa atin kahit anong oras, walang pinipiling oras o lugar. Almost P3 billion ang nawawala sa atin kada araw, meron talaga tayong traffic crisis kasi meron tayo transport crisis and transport problem,” giit ni Gatchalian.

Mistulang kinontra naman nina Gordon at Gatchalian ang naging pahayag ni Senador Bong Go na wala nang solusyun sa trapik kundi si Superman.

Sinabi ng dalawang senador na maraming solusyon na maaaring gawin subalit hindi pa rin sinusubukan ng mga awtoridad.

“Problema talaga law and order,” saad ni Gordon. “Pwede tayong maglagay ng bagong rules. Halimbawa, iba-ibang pasok para hindi sabay-sabay napupuno. Iba-iba rin ang uwi. Dagdagan ang school buses. At certain hours dapat apat ang laman ng sasakyan. Maraming magagawa pero hindi pa sinusubukan,” diin ni Gordon.

“Kung makikita mo ang transportation natin hindi comprehensive. Example, tren andito na riles, andito na daaanan pero kulang ang tren, kulang istasyon, hindi nagagamit mabuti at pagdating sa jeep at bu, yung jeep lumang mode na dapat palitan na ng mas malaki tulad ng modern jeep at ejeep. Dapat gumawa na ng komprehensibong strategy,” giit naman ni Gatchalian.

Binanatan din ni Gatchalian ang mga tumututol sa modernization program sa mga pampasaherong jeep.

“Dapat may sakripisyo at reporma. Masakit sa una pero sa dulo naman magiging maginhawa. Lumalabas na sobra-sobra ang jeep natin at hindi na episyente dahil maliit ang capacity, di rin dugtong dugtong ang ruta. Kailangan talaga ng reporma na marami ang magagalit, marami nag-i-strike so ibig sabihin importante na maintindihan ng transport sector na kung gusto nating guminhawa mag-cooperate tayo sa repormang ipinatutupad ng pamahalaan,” diin ni Gatchalian.

Read More