‘FAELDON DAPAT MATULAD SA KAPALARAN NI ALBAYALDE’

faeldon1
0

(NI DANG SAMSON-GARCIA)

HINIMOK ni Senador Kiko Pangilinan ang gobyerno na dapat tiyaking matulad sa naging kapalaran ni dating PNP chief Oscar Albayalde ang rekomendasyon laban kay dating Bureau of Corrections (BuCor) Director General Nicanor Faeldon hinggil naman sa sinasabing iregularidad sa implementasyon ng Good Conduct Time Allowance (GCTA) for sale.

Ayon kay Pangilinan, suportado niya ang report ni Senate Blue Ribbon Committe Chairperson Richard Gordon kaugnay sa isyu ng ninja cops dahil malinaw na may cover-up.

“I agree na talagang may pananagutan si Albayalde sa nangyari at sa halip na sagutin nya ang mga paratang sa kanya, sabi nya na pinupulitika siya. Hindi nya sinasagot bakit pinagtakpan nya. Totoo bang sinabi nyang ‘wag silang sibakin? Hindi nya sinasagot,” saad ni Pangilinan.

Gayunman, dapat na rin anyang magkaroon ng rekomendasyon sa imbestigasyon kay Faeldon at sa iba pang Bucor officials na isinasangkot sa iba’t ibang anomalya.

“Ang gusto kong i-follow up kelan ang GCTA,” diin ni Pangilinan.

“Sana kasi yun ang nauna pero parehong mahalaga, parehong importante pero sana hindi na magtagal. Lumabas na rin ang report and findings sa GCTA at pananagutan ni Faeldon,” dagdag ng senador.

“Kaya kung ano ang pagsuporta ko sa findings ng ninja cops, ganun din sa rekomendasyon sa GCTA. Kung yung 2013 ninja cops ganito ang findings, dapat balikan din natin ang P6.4 billion drug shipment, at ang GCTA,” diin pa nito.

 

Read More

52 SUMUKO SA GCTA, PINALAYA NG BUCOR

bucor55
0

(NI HARVEY PEREZ)

PINALAYA ng  Bureau of Correction (BuCor) ang may 52 sa mahigit 2,000 sumuko na nakinabang sa Good Conduct Time Allowance (GCTA) law.

Ayon kay Justice Spokesperson at Usec.Markk Perete ,ito ay matapos ang pagrebisa sa kanilang mga kaso.
Una nang inatasan ni Pangulong Rodrigo Duterte ang may 1,904 Persons Deprived of Liberty (PDL) na nakinabang sa GCTA na magsisuko, pero matapos ang 15-araw na deadline mahigit sa 2,000 ang nagsisuko sa BuCor at Philippine National Police (PNP)  dahilan para suspendihin ang pag-aresto sa mga hindi sumuko .

Bukod sa 52 PDL na ikalawang batch ng palalayain, may karagdagan pang 35 PDL na sumuko na ang mga kaso ay bineberipika na rin  ng DoJ-BuCor Joint Task Force para mapalaya.

Sanhi nito, nabatid na aabot na sa 87 ang kabuuang bilang ng PDL ang mapalaya na mula pa noong Biyernes gabi.

Nalaman na ang mga pinalaya na PDL ay pawang nakatira sa Metro Manila .

Habang ang mga nakatira sa mga probinsiya ay isinasaayos pa ang gagamitin na sasakyan para sa paghahatid sa kanila sa mga lalawigan.

Muli umanong magkikita ngayon ang Task Force para ipagpatuloy ang deliberasyon.

 

 

Read More

SUMUKO SA ILALIM NG GCTA SUMOBRA — DOJ

0

(NI HARVEY PEREZ)

SUMOBRA umano ang bilang ng mga sumukong preso na pinalaya at nakinabang sa Good Conduct Time Allowance (GCTA) law.

Ito ang inihayag ni Department of Justice (DOJ) spokesperson Markk Perete dahil umabot na umano ito ng 1,950 na mas mataas sa 1,914 Persons Deprived of Liberty (PDL) na nasa listahan ng mga heinous crime convict na maagang pinalaya dahil sa maling aplikasyon ng GCTA.

Nalaman kay Perete na ito ay sa dahilan na tinanggap pa rin ng Bureau of Corrections (BuCor), ang ibang pinalaya na wala naman sa listahan.

Nabatid na hindi pa umano kasama rito ang mga sumuko na nasa kustodiya ng Philippine National Police (PNP) na nasa 600 katao.

Sanhi nito, hiniling ng DOJ sa PNP  na huwag munang ipatupad ang pag-aresto sa mga heinous crime convict na nakinabang sa GCTA.

Sinabi ni Perete sa ginanap na press conference, nais muna nilang linisin ang magulong listahan ng BuCor para na rin mapakawalan agad ang mga convict na hindi naman dapat sumuko.

Inamin naman ng  DOJ na maraming mali sa orihinal na listahan ng BuCor kaya nais muna nilang malinis ang listahan para hindi naman daw masayang ang resources ng gobyerno sa pagtugis sa mga indibidwal na hindi naman dapat arestuhin.

Posible umanong nagsisuko rin iyon mga pinalaya sa pamamagitan ng parole, pardon at mga binigyan ng Executive clemency.

Sinabi ni Perete na gusto nila na maiwasan ang anumang hindi magandang mangyayari sa mga aarestuhin at maging ang mga pulis na magsasagawa ng pag- aresto.

Nabatid  na natatagalan ang verification process sa listahan dahil ilan sa mga orihinal na record ng BuCor ay nasa Senado.

Gayunman, nagsasagawa na umano ng revalidation ang BuCor at DOJ sa lahat ng mga sumuko.
Magdamag na umanong tinutukan ng mga abogado ng DOJ at BuCor ang  paglilinis ng listahan.

Bukod pa sa tinatanggap nilang impormasyon galing sa mga penal farms at penal colony para matukoy kung sinu-sino ang dapat na alisin sa listahan.

Sinabi pa ni Perete na naipalathala na sa mga pahayagan ang  Revised Implementing Rules And Regulations ng Republic Act 10592 o Expanded GCTA Law at ang bagong IRR na  magkakabisa sa Oktubre 4.

 

Read More

TRACKER TEAMS VS PUGANTE NG GCTA IKINALAT NA NG NCRPO

0

(NI KOI HIPOLITO)

IKINALAT na ngayon araw ng National Capital Region Police Office (NCRPO) ang tracker teams na tutugis sa napalayang inmates sa pamamagitan ng Good Conduct Time Allowance (GCTA) Law.

Ito ay matapos ang 15-araw deadline na ibinigay ni Pangulong Rodrigo Duterte hatinggabi ng Huwebes.

Paalala ni NCRPO Chief PMGen. Guillermo Eleazar sa mga GCTA benificiaries na hindi nagpakita at ayaw sumunod sa utos ni Duterte, ituturing na silang mga pugante at isasailalim na sa warrantless arrest. Nagpakalat na rin umano sila ng mga tauhan na kumakatawan sa 26 police station sa NCR na ang trabaho ay tugisin ang mga natitirang napalaya sa kontrobersyal na GCTA na nanirahan sa Metro Manila.

Base sa record ng NCRPO, nasa 176 na napalayang PDL ang may address sa Metro Manila at nasasakupan ng 26 sa 38 NCRPO Police Stations ang hindi pa rin nagpapakita at isinusuko ang kanilang mga sarili.

Sinabi naman ni General Eleazar sa kanilang mga tracker teams na gawin ang kanilang mga trabaho tanda ng pagsunod at pagsuporta sa utos ng Pangulo na hanapin ang mga convicts na napalaya sa GCTA Law.

 

Read More

SUMUKONG CONVICT NA PINALAYA SA GCTA UMABOT NA SA 1,304

0

(NI HARVEY PEREZ/PHOTO BY RAFAEL TABOY)

UMAABOT na sa may 1,304 Persons Deprived of Liberty (PDL) na pinalaya at nakinabang sa Good Conduct Time Allowance (GCTA) Law ang sumuko sa Bureau of Corrections (BuCor) bilang pagtalima sa deadline na ibinigay ni Pangulong Rodrigo Duterte.

Ayon kay Justice Spokesman Mike Perete ang nabanggit na bilang ay naitala hanggang nitong alas 11:30 ng tanghali mula sa  1,025 PDL na sumuko, hanggang alas 2 ng hapon ng Miyerkoles.

Nabatid na maghihintay ang BuCor ng hanggang 11:59 ng hatinggabi pagkatapos ay ipatutupad na ang pag-aresto sa mga hindi sumuko na nasa listahan .

Una nang sinabi ni Duterte na  lalagyan ng P1 milyon patong sa ulo ang mga PDL na hindi susuko.

Samantala, umapela naman si  NCRPO Director Guillermo Eleazar  sa mga PDL na hindi pa sumusuko na magsisuko na bago pa man matapos ang deadline na ibinigay ni Pangulong Duterte.

“I am appealing to the public specially the relatives and friends of these freed prisoners to convince them to  turn themselves in to show good conduct and avoid getting  into new trouble with law,”ayon kay Eleazar

Ayon kay Eleazer may 202 PDL na nakalaya sa GTCA ang nakatira sa iba’t ibang lugar sa Metro Manila, pero sa naturang bilang 48 lamang sa kanila ang sumuko at ang dalawa ay nasawi dahil sa natural death.

Sinabi ni Eleazar na kapag hindi pa nadagdagan ang nabanggit na bilang, nasa 176 PDL ang hahantingin ng iba’t ibang istasyon ng pulisya sa Metro Manila.

Read More

‘WARRANTLESS ARREST SA GCTA FUGITIVE ‘DI TAMA’

bucor55
0

(NI ABBY MENDOZA)

NANINDIGAN ang isang law expert na hindi maitututing na pugante ang nga bilanggo na napalaya sa bisa ng Good Conduct Time Allowance (GCTA) kaya hindi maaaring ipatupad sa kanila ang warrantless arrest.

Ipinaliwanag ni UP law professor Pacifico Agabin na legal ang pagpapalabas sa may 2,000 convicts ng New Bilibid Prison kaya hindi sila maaaring ituring na pugante.

Hindi sang-ayon si Agabin sa posisyon nina Justice Secretary Menardo Guevara at  House committee on justice chairman Vicente Veloso na maituturing na estado ng “continuously committing an offense” ang mga kaso ng mga napalayang preso kaya maaari silang arestuhin kahit walang warrant kung hindi susuko ang mga ito.

Sinabi ni Agabin na maaari lamang  arestuhin ang mga convicts kung mapatutunayan na nanuhol ang mga ito para mapalaya sa ilalim ng GCTA subalit mahirap itong mapatunayan.

Una nang binigyan ng 19 araw ni Pangulong Rodrigo Duterte ang mga convict para sumuko–ang deadline ay magtatapos sa Setyembre 19, pagkaraan nito ay magpapatupad ng warrantless arrest ang pamahalaan kung saan nag alok pa ng P1M pabuya ang Malacanang.

Giit ni Agabin alam nyang nagbibiro lang ang Pangulong Duterte nang mag-alok pa sya ng pabuya para sa mga maarestong GCTA freed-convict.

“Alam ni Pangulong Dutere ang batas. Prosecutor siya dati. Nagbibiro lamang siya,” pahayag ni Agabin.

 

Read More

121 POLICE TRACKER TEAMS, HANDA NA VS GCTA CONVICTS

0

(NI NICK ECHEVARRIA)

HANDA na para sa kanilang deployment nationwide ang121 tracker teams na binuo ng PNP-Criminal Investigation and Detection Group (CIDG) na siyang tutugis sa mga convicts na maagang napalaya alinsunod sa kontrobersyal na Good Conduct Time Allowance (GCTA) Law.

Ito ang pahayag ni PNP-CIDG Deputy Director P/BGen. Bernabe Balba, bubuuin aniya ng limang personnel ang bawat tracker team na ikakalat sa buong bansa matapos ang 15-araw ultimatum na ibinigay ng Pangulong Rodrigo Duterte para sa boluntaryong pagsuko ng mga  nabanggit na preso.

Sinabi ni Balba na bumuo na sila ng mga tracker teams  sa bawat regional, provincial at city office ng CIDG, kasunod ang pahayag na mayroon ng 47 mga convicts ang sumuko mismo sa mga regional offices ng CIDG na na-iturnover na nila sa Bureau of Corrections at mayroon na rin silang opisyal na listahan ng mga pinalayang convicts mula sa Bucor.

Samantala, umaabot sa 252 mga convicts sa kabuuang 431 na mga sumuko  sa magkakaibang police stations sa bansa ang nasa kustodiya na ng Bucor hanggang nitong linggo ng alas-6:00 ng umaga, ayon kay PNP spokesperson P/BGen. Bernard Banac.

Sa mga sumukong convicts 138 ang mga may kasong murder, 130 naman ang kaso ng rape, 42 ang robbery with homicide, 28 ang homicide, 14 ang rape with homicide, 9 ang  robbery with rape, 18 sa Dangerous Drugs at 8 ang kaso ng Parricide.

Nauna rito inatasan ng PNP si National Capital Region Police Office (NCRPO) director P/MGen. Guillermo Eleazar, makipag-ugnayan sa Bucor para sa kumpletong listahan ng mga napalayang convicts sa ilalim ng GCTA.

Nakatakdang  ideploy ang mga binuong mg police tracker teams-nationwide sa September 19 para simulan ang manhunt operations sa mga convict na mabibigong sumuko sa 15 araw na ultimatum ng Presidente.

 

Read More

‘OMBUDSMAN BAHALA KINA DE LIMA, MAR SA GCTA’

0

(NI NOEL ABUEL)

HINDI naniniwala si Senador Panfilo na sinadyang maliin nina Senador Leila de Lima at dating Senador Mar Roxas ang implementing rules and regulations (IRR) ng good conduct time allowance (GCTA) para mapaboran ang mga mayayamang inmates.

Gayunman, ipinauubaya na umano sa Ombudsman ang kahihinatnan ng dalawa.

Ito ang sinabi ni Lacson sa naunang pahayag ni Senador Richard Gordon  na posibleng sinadya na maliin ang IRR para makinabang ang mga inmate at makakalap ng campaign funds subalit naharang ng Department Order 953.

“Too early to tell. Kasi sa ngayon wala namang nagpapakita na ‘yan talaga ang sadya. Kung ‘yan ang intended purpose dahil sila ang nagbalangkas, silang 2 ni Sec. Roxas ang nagbalangkas ng IRR, hindi natin alam. Ako hindi ko pag-iisipan si Sec. Roxas na siya kung sakali mang may intention na ganoon, na siya kaalam dahil kilala kong personal ang tao. Alam ko namang hindi siya papasok na makikipagkuntsaba para lamang mapagtakpan kung anuman ang anomalya sa ilalim ng pamumuno ng dating DOJ Sec. De Lima,” paliwanag pa ni Lacson.

Nasa kamay na aniya ng Office of the Ombudsman kung mapapanagot ang mga ito.

Nanindigan din si Lacson na hindi sinasadyang ma-focus ang pagdinig ng Senate Committee on Justice and Human Rights at Blue Ribbon Committee kay De Lima.

“Hindi naman nag-focus doon. Siyempre incidentally, hindi pwedeng maiwasan na mabanggit din ‘yan. Pero ang focus at ang purpose ng pag-imbita kay Dir. Ragos at kay Jovencio Ablen, para malaman ano ba ang ibang racket doon sa loob. Ito ba ay organized, ito ba hindi? Bukod sa GCTA for sale, ang hospital pass for a fee, ano pa ba mga ibang pinagkakakitaan at nalaman naman natin na marami pang ibang aktibidades na talagang pinagkakakitaan. At halos lahat, ito naman kumpirmado na rin ng present setup ng mga officials doon, na halos lahat kada galaw kada activity, talagang may bayad,” sabi ni Lacson.

 

Read More

HIGIT 300 INMATES SA GCTA SUMUKO

0

(NI ROSE PULGAR)

AABOT na sa 323 inmates ang boluntaryong sumuko sa mga police station sa Metro Manila at sa mga lalawigan na nakalaya sa Good Conduct Time Allowance (GCTA) law at  nakabalik na sa mga piitan.

Base sa report ni Senior Inspector Sonny Del Rosario, tagapagsalita ng Bureau of Corrections (BuCor), sa kanilang tala ngayon ay nasa 323 heinous crime convicts na nakalaya sa pamamagitan ng GCTA law ang sumuko na sa loob ng dalawang linggo.

Nabatid, na mahigit sa 2,000 heinous crime convicts ang nakinabang at napalaya sa GCTA simula nitong taon 2014.

Napag-alaman na ang may pinakamarami aniyang surrendered  convicts  ay sa Mimaropa, na nasa 48, sinundan ng  Cagayan Valley, na nasa 35 at 29 sa Central Visayas, base ito sa record ng pulisya.

Base pa sa kanilang rekord ang 101 bilanggo na napalaya sa GCTA law ay pawang convicted sa kasong murder, 95 rape at 29  sa robbery with homicide.

Sa implimentasyon at bisa ng Republic Act 10592 ay tumaas ang bilang ng mga bilanggong napalaya sa pamamagitan ng GCTA, na ang karamihan dito ay convicted sa heinous crime.

Ngunit naging kontrobersiyal ito dahil na rin sa impormasyong makakalaya na aniya ang dating alkalde na Calauan, Laguna na si Antonio Sanchez, convicted sa pagpatay at panggagahasa sa dalawang estudyante ng UP Los Banos.

Matapos ulanin ng batikos ang BuCor, binawi ang nakatakda sanang pagpapalaya kay Sanchez.

Nauna nang nanawagan si Pangulong Rodrigo Duterte na sa loob ng 15-araw ay kinakailangan sumuko ang lahat ng napalaya sa GCTA law hanggang Setyembre 19.

Sinabi pa ni Del Rosario inaasahang madaragdagan ang nasabing bilang dahil halos araw -araw ay may mga lumalapit sa mga police station para sumuko.

Read More