OUTSIDE SHOOTING, ‘DI GUMANA; GILAS PILIPINAS, BUGBOG SA ITALY

0

(NI VT ROMANO, Saksi Ngayon, Sports Editor)

FOSHAN, CHINA – Hindi nakaporma ang Gilas Pilipinas, nang bugbugin ng Italy, 108-62 kagabi sa pagbubukas ng kampanya nito sa FIBA World Cup ditto.

Ang paglampaso ng Italy sa mga Filipino ay personal na sinaksihan ni Pangulong Rodrigo Duterte, na kung matatandaan ay nagkomentong matatalo ang Pilipinas sa koponan ng Italy.

At iyon nga ang kanyang nasaksihan, kasama si Sen. Bong Go.

Bago ang laro, pinuntahan ni Pangulong Duterte sa dugout ang Gilas Pilipinas para i-good luck ang koponan ni coach Yeng Guiao.

Sa simula pa lang ng laro ay tila hindi mahagilap ng Gilas ang kanilang shooting, mintis ang unang 17 attemps sa 3-point arc at tinapos ang halftime sa 24-62 count.

Naka-shoot lang ng tres ang Gilas Pilipinas nang pumasok ang ibinato ni Kiefer Ravena, 7:02 sa fourth quarter.

Sina CJ Peez at naturalized player Andray Blatche ay naghagis din ng 3-point shots, pero sa kabuuan ay 3-of-23 (3-point shooting) ang Gilas.

Sunod na makakalaban ng Gilas sa Lunes ang Serbia, ang paboritong magkakampeon sa FIBA World Cup.

Read More

GILAS VS ITALY; PINAKA-IMPORTANTENG LABAN

0

(NI JJ TORRES)

IKINUKUNSIDERA ni Gilas Pilipinas head coach Yeng Guiao na pinakaimportanteng laban ang opening assignment nila, dahil ang resulta ay magdedetermina kung may tsansa silang makapasok sa second round ng World Cup.

Magiging importante din ang laro dahil na rin sa schedule na pagdalo ni Pangulong Rodrigo Duterte bilang bahagi ng kanyang state visit sa China.

Kailangang magtapos sa top two ang Gilas para makalusot sa second round na gagawin sa Wuhan. Kung hindi ay malalaglag ang Pilipinas sa isang classification round para sa 17th hanggang 32nd places na gagawin sa Beijing.

Aalis ngayong umaga ang koponan patungong Foshan, China, dalawang araw bago buksan ang kanilang FIBA World Cup campaign.

Nakatakdang lumipad ang pambansang koponan sakay ng bandang alas-8:00 ng umaga at inaasahang darating ng Guangzhou sa loob ng dalawang oras.

Mula doon ay sasakay ng bus ang Gilas para sa isang oras na biyahe patungong Foshan kung saan gaganapin lahat ng games sa Group D.

Naka-schedule ang team na mag-ensayo matapos mag-settle down sa kanilang hotel.

Umaasa si coach Yeng Guiao na magiging 100 percent na ready ang kanyang team pag dating ng kanilang paghaharap sa mga Italiano.

“We’re hoping we can hit 100 percent by Saturday,” wika ni Guiao. “We’re trying to schedule our peak by that time. Everything we do now is geared toward achieving that peak on Saturday.”

 

Read More