PLUNDER NINA JINGGOY, NAPOLES TULOY

napoles12

(NI ABBY MENDOZA)

TULOY ang gagawing paglilitis ng Sandiganbayan sa kasong plunder nina  dating senador Jinggoy Estrada at Janet Napoles matapos ibasura ng graft court ang apela nito.

Sa resolusyon ng Sandiganbayan 5th Division sinabi nito na kumbisido ang anti-graft court na sapat ang testimonial at documentary evidence na inihain ng prosekusyon para patunayan ang kasalanan ng dalawang akusado.

Partikular na tinukoy bilang malakas na ebidensya ng Sandiganbayan ang kasunduan nina Napoles at Estrada na idaan ang PDAF allocation nito sa NGOs na Magsasaka Foundation Inc (MAMPI) at Social Development Program for Farmers Foundations Inc. (SDPFFI), na may komisyong aabot sa 40 hanggang 60 percent kapalit ng kickbacks at komisyong paghahatian nila.

Sasapat umano ng mga ebidensyang isinumite ng prosekusyon para suportahan ang conviction sa krimen kung hindi ito makokontra ng contrary evidence.

Sa ilalim ng Rules on Criminal Procedure ang Demurrer to Evidence ay inihahain ng akusado upang maibasura ang kaso laban sa kanya kapag natapos nang magprisinta ng ebidenysa ang prosekusyon.

Si Estrada ay pansamantalang nakalalaya matapos maglagak ng pyansa habang nakakulong naman sa Correctional Institution for Women si Napoles matapos mahatulang guilty sa PDAF scam.

 

Please follow and like us:
Read More

NANCY, BAM, JV, JINGGOY NAG-AAGAWAN SA TOP 12

nancy12

(NI HARVEY PEREZ)

NAGHAHATAKAN sa ika-12 puwesto sa senatorial race sina reelectionist Senators Nancy Binay , Paolo “Bam” Aquino, JV Ejercito at  Jinggoy Estrada.

Sa lumabas na  partial and unofficial tally ng Parish Pastoral Council for Responsible Voting  (PPCRV), nasa 97.51% na  o 85,665 ng kabuuang 87,851 Vote Counting Machine na nai-transmit hanggang alas 4:36 ng hapon ng Huwebes. Nakuha pa rin ni Binay ang ika-12 puwesto na may  botong  14,373,317.

Si Binay  ay lamang ng 230,426  boto kay JV  na 14,142,891 , habang si Bam Aquino ay 14,019,910 at si Jinggoy ay  may botong 11,235,399.

Kaugnay nito, kumpiyansa naman si Binay na sa kanya na ang ika-12 puwesto sa senatorial race.

Habang sinabi ni Ejercito ,na nangampanya siya sa bahagi ng Mindanao kaya umaasa siya na papabor sa kanya ang mga nalalabi pang boto.

Samantala sa partial and official tally ng Comelec inilabas hanggang alas 11:59 ng gabi noong Mayo 15, na nasa 53.29%, nasa ika-11 puwesto si JV,ika- 12 si Binay at nasa ika 13 puwesto si Aquino habang nasa ika 15 puwesto naman si Jinggoy.

Nais umano ng Comelec na maiproklama na kaagad  sa loob ng 10 araw ang mga nanalong senador.

 

Please follow and like us:
Read More

SUPORTA NI DU30 KAY JINGGOY, ‘WALANG MASAMA’

duterte11

(NI LILIBETH JULIAN)

NO big deal.

Ito ang reaksyon ng Malacanang sa kinukuwestyong kasama sa listahan ng mga preferable senatorial candidates ni Pangulong Rodrigo Duterte si dating Senador Jinggoy Estrada.

Sa press briefing kahapon sa Malacanang, iginiit ni Presidential Spokesperson Atty. Salvador Panelo, na walang nakikitang masama ang kung kasama man sa listahan ng ineendorso ng Pangulo.

Napag-alaman na hanggang ngayon ay patuloy pa ring dinidinig sa Sandiganbayan ang kasong nay kinalaman sa pork barrel ni Estrada.

Katwiran ni Panelo, hindi na dapat pang kuwestyunin si Estrada dahil nananatili pa itong inosente sa kasong kinakaharap.

Binigyan-diin ni Panelo na ang pag endorso ng Pangulo kay Estrada ay hindi nangangahulugan na bumibitiw na ito sa kanyang mahigpit na kampanya kontra kurapsyon.

“Hindi pa naman napatutunayang nagkasala at nananatiling inosente until proven guilty si Estrada,” giit pa ni Panelo.

Noong Biyernes ay itinaas ni Pangulong Duterte ang kamay ni Jinggoy Estrada sa isang event sa Legaspi City na pagpapakita ng pag-endorso sa kandidatura nito sa May 2019 elections.

Please follow and like us:
Read More

JINGGOY HAPPY SA BAKASYON SA HK

MASAYA si Senador Jinggoy Estrada matapos siyang payagan ng Sandiganbayan na makapagbiyahe at makapagliwaliw sa Hongkong kasama ang pamilya mula December 26-31.

Tutol man ang prosekusyon, pumayag naman ang Sandiganbayan na ituloy ang biyahe. Ito ay kabila ng pagpapatuloy ng kaso nito laban sa pork barrel fund scam. Sa resolusyon ng Fifth Division ng anti-graft court, pinayagan si Estrada na pumunta sa Hongkong para makapagliwaliw kasama ang buong pamilya at bilang paghahanda sa kampanya sa susunod na taon.

Nauna nang sinabi ni Estrada na ang purpose ng biyahe ay para makasama ang kanyang pamilya ngayong holiday season.

Ito rin daw ang pagkakataon nila para makapag-relax at makapagpahinga na rin sa pressure ng kanyang pangangampanya para sa halalan sa susunod na taon. Tinutulan ng prosekusyon ang biyahe ni Estrada, na tatakbo bilang senador sa 2019 elections, dahil sa kawalan daw nito ng urgency ngunit nabalewala rin ng Sandiganbayan.

Please follow and like us:
Read More