10-M OFWs PINASALAMATAN SA SENADO

china ofws12
0

(NI NOEL ABUEL)

KASABAY ng pagdiriwang ng International Migrants Day ay dapat na purihin at pasalamatan ang 10 milyong overseas Filipino  workers (OFWs) na nagtatrabaho sa iba’t ibang panig ng mundo.

Ayon kay Senador Francis Pangilinan, marami ang dapat na ipagpasalamat ng gobyerno sa OFWs dahil sa malaking pondong idinaragdag nito sa kaban ng bansa.

“Sa maraming bahagi ng mundo, preferred ang manggagawang Pilipino sa husay at sipag. At salamat sa kanila, meron nang US$27.6 billion remittances sa unang 10 buwan ng taon. Kabilang ito sa nagbibigay ng stability sa ating local economy,” paliwanag ng senador.

At ngayong panahon ng Kapaskuhan ay dapat na bigyan ng papuri at pasasalamat ang mga uuwing OFWs.

“Marami sa ating mga kababayan abroad ang umuuwi tuwing kapaskuhan. Dahil walang kasing sarap ang mabuhay sa sariling bayan. Saan merong palakpakan paglapag ng eroplano? Sa Pilipinas lang, dahil sabik na sabik ang ating mga kababayang umuwi at makapiling muli ang lupang tinubuan at ang mga mahal sa buhay,” sabi pa ng senador.

Dapat aniyang suklian ang pangungulila ng mga OFWs sa kanilang mahal sa buhay para hindi na kailangang iwan ang pamilya para lang kumita nang sapat para sa kanilang kinabukasan,” dagdag pa nito.

 

Read More

RICE TARIFF LAW NAIS BAGUHIN; P13-B AYUDA IBIBIGAY SA FARMERS

kiko23
0

(NI NOEL ABUEL)

PINAAAMYENDAHAN ng isang senador ang Rice Tariffication Law bilang solusyon sa dinaranas na paghihirap ng mga magsasaka sa buong bansa dahil sa mababang presyo ng palay.

Ayon kay Senador Francis ‘Kiko’ Pangilinan kailangan ang agarang tulong ng mga magsasaka kung kaya’t nagdesisyon itong ihain ang resolusyon na naglalayong pag-aralan muli ang nilalaman ng Rice Tariffication Law.

Kasabay nito, ipinanukala rin ni Pangilinan ang pagkakaloob ng P13 bilyong cash assistance sa mga magsasaka na kukunin sa P4 bilyon ng P10 bilyong nakalaang pondo sa Rice Competitiveness Enhancement Fund (RCEF) at P9.19 bilyong koleksyon mula sa buwis na nakolekta sa rice importation mula Marso 5, 2019 hanggang Agosto 31 2019.

“These amounts were confirmed by the Department of Budget and Management (DBM) and the Bureau of Customs during the September 3 hearing of the Senate Committee on Agriculture and Food,” ayon kay Pangilinan.

“Emergency ang kalagayan ng ating mga magpapalay at ng rice industry. At meron namang pera na pwede nang ipamahagi sa mga hirap na hirap nang mga magsasaka,” dagdag pa nito.

 

Read More

LISENSIYA NG POGOs, PINABABAWI

0

(NI NOEL ABUEL)

“IS the Philippine government condoning the operations of criminal syndicates?”

Ito ang tanong ni Senador Francis “Kiko” Pangilinan kasabay ng panawagan kay Pangulong Rodrigo Duterte, na patungo sa China, na hilingin sa Chinese government na bawiin na ang lisensya ng Philippine offshore gaming operators (POGOs).

“Tama naman ang China rito. Kanselahin na ang lisensya ng mga POGO on concerns of criminality and corruption. Iligal ito sa China. Ibig sabihin, mga Chinese criminal ang nagpapatakbo ng mga POGO dito sa Pilipinas,” giit ng senador.

Dahilan aniya sa patuloy na operasyon ng POGO sa bansa na isang uri ng illegal na sugal ay nakadududa kung seryoso umano ang pamahalaan na labanan ang anti-crime at anti-corruption.

“Nakadududa tuloy kung totoo nga ba ang anti-crime and anti-corruption campaign ng administrasyong ito dahil pinapayagan ang mga Chinese criminal na malayang magsagawa ng mga iligal na negosyo dito sa atin,” sabi pa ni Pangilinan.

Tinukoy pa nito na sa mga nakalipas na buwan ay patuloy na nadadagdagan ang krimen sangkot ang mga POGO players at financiers subalit hindi sumasailalim sa batas ng Pilipinas.

“Meron pa ngang mga ulat ng pansamantalang pagpapakulong sa ating mga pulis at hindi pinapayagang imbestigahan ang mga pinangyarihan ng krimen. Ito ay ng pambabastos na hindi natin dapat pinapalampas,” giit pa nito.

Kaugnay nito, hindi rin umano dapat isantabi ang pangamba ng Department of National Defense (DND) na magamit ang POGO hubs para manmanan ang galaw ng mga Filipino.

 

Read More

PANGILINAN SA MGA BANKO: TIGILAN ANG HIDDEN FEES

0

(NI DANG SAMSON-GARCIA)

NAIS ni Senador Francis “Kiko” Pangilinan na obligahin ang mga bangko na ilabas ang lahat ng charges na sinisingil sa paggamit ng automated teller machines.

Alinsunod sa Senate Bill 635 o proposed Automated Teller Machine (ATM) Fee Regulatory Act, magiging mandato ng financial institutions na ilabas sa ATM screen ang kabuuang transaction fee o surcharge na ipapataw bago matapos ang bawat transaksyon.

Ito ay upang magkaroon ng opsyon ang customer na kanselahin ang transaksyon kung mataas ang fees na kokolektahin.

“Banks always make ATM transactions a shocking experience for us because it’s only in the end when know how much we are charged. Ano yun? Sisingilin ka para kunin ang pera mo,” saad ni Pangilinan.

“Mula balance inquiry hanggang sa withdrawal, may kaltas. Kakarampot na nga ang sweldo ng ating mga kababayan, babawasan pa ng bangko. Wala naman tayong magawa dahil karamihan sa atin ay sa ATM pinadadaan ang sweldo,” dagdag nito.

Sa tala ng Bangko Sentral ng Pilipinas (BSP), hanggang noong October 2012, ang withdrawal fees ay maaring umabot hanggang P100; balance inquiry fees, P10; at interbank transfer fees, P100.

“This bill seeks to protect ATM cardholders from hidden, surprise, or unreasonable fees,” diin ni Pangilinan.

Nakasaad din sa panukala na magkaroon ng cap sa transaction fees kung saan hindi dapat lumagpas sa 1% ng total transaction amount ang ATM transaction fee.

 

Read More

P1-B AYUDA SA MAGSASAKA IGINIIT SA SENADO

farmers55
0

(NI NOEL ABUEL)

SA layuning matulungan ang maraming magsasaka dahil sa epekto ng Rice Tariffication Law ay pinalalaanan ni Senador Francis ‘Kiko’ Pangilinan sa pamahalaan na bigyan ang mga ito ng P1 bilyon.

Ayon kay Pangilinan, ang nasabing pondo ay bilang ayuda sa mga magsasaka para magamit sa pagtatayo ng warehouse at rice mill sa bawat rice producing district.

Sa inihain nitong Senate Bill 33, o ang Post-Harvest Facilities Support Act of 2019, ang mga kagamitan at makinang ipagkakaloob din ng pamahalaan ay maaaring ibenta sa bawat kooperatibang magsasaka sa loob ng 25 taon.

“Ang ibig natin ay tumaas ang kita ng mga magsasaka natin. Ang ibig natin ay gumaan nang kaunti ang kanilang hirap. Ang ibig natin ay makita nilang may kinabukasan sa pagpapakain sa atin,” aniya.

Paliwanag pa ni Pangilinan na sa pamamagitan ng tulong ng pamahalaan ay makakatulong ito sa mga magsasaka para kumita nang malaki.

“Kapag may sapat silang pasilidad gaya ng imbakan, traktora, at gilingan, mababawasan ang maaaksayang palay, mas malaki ang ani, mas lalaki ang kita ng ating mga magsasaka,” ani Pangilinan.

Ayon sa senador, base sa pag-aaral ng Philippine Center for Postharvest Development and Mechanization (PHilMech) at ng Philippine Rice Research Institute (PhilRice), nasa kabuuang 16.47 porsiyento ng palay ang nawawala sa post-harvest.

 

Read More

KIKO: KABATAAN OBLIGAHIN SA VOTER REGISTRATION

kiko pangilinan12
0

(NI NOEL ABUEL)

KINALAMPAG ni Senador Francis Pangilinan ang Commission on Elections (Comelec) na gumawa ng hakbang para maobliga ang mga kabataang magparehistro ngayong Agosto 1.

Ayon kay Pangilinan, mahalaga ang mag-isip ng paraan ang poll body para maging matagumpay ang isasagawang pagpaparehistro para sa susunod na eleksyon.

Base sa Comelec, ang voter registration ang magsisimula ngayong unang araw ng Agosto na magtatagal hanggang Setyembre 30 kung saan ang mga local Comelec offices ay magbubukas tuwing Sabado at kahit holiday.

“Kahapon, binuksan na ulit ang lotto. Pwede na ulit tumaya. Bukas, umpisa na ang voter registration. Sa mga kabataan, taya rin tayo sa bayan. Ipakita ang pag-ibig sa bayan. Magparehistro,’ sabi pa ng pangulo ng Liberal Party.

Target ng poll body na makakuha ng 2 milyong mga bagong botante.

“Abutin natin ang target na 2 milyong mga bagong botante. Dapat alam ng kabataan na kapag nagparehistro sila at bumoto, tumutulong silang tukuyin ang kinabukasan nila,” panawagan pa ni Pangilinan.

Hamon pa nito sa Comelec na magpatupad ng epektibong information dissemination campaign upang mapilit ang mga kabataan na magparehistro bilang bagong botante tulad ng paglalagay ng registration booth sa mga malls.

Inihalimbawa pa nito na dapat maabot ng Comelec ang malalayong lugar, urban centers, eskuwelahan at maging ang mga call-center offices kung saan maraming millennials ang nagtatrabaho.

Read More

10 PRIORITY BILLS INIHAIN SA PAGBUBUKAS NG SENADO

0

(NI NOEL ABUEL)
AABOT sa 10 priorty measures ang agad na inihain sa Senado sa pagbubukas ng 18th Congress.

Pinangunahan ni opposition leader Senator Francis ‘Kiko’ Pangilinan ang paghahain ng panukala partikular ang pagpapabuti sa agrikultura, environment, at civil service.

Kasama rin dito ang matagal nang nabimbin na Coconut Farmers and Industry Development Act o ang Coco Levy Act gayundin ang panukala sa post-harvest facilities, organic farming, at expanded crop insurance; National Land Use Act of 2019.

Gayundin ang pagtatayo ng Department of Fisheries and Aquatic Resources at ang Department of Disaster and Emergency Management; Rainwater Management Bill; Single-Use Plastic Regulation and Management Act; at ang Basic Education Teachers Pay Increase Act.

“Ipagpapatuloy natin ang labang sinimulan bago ang ika-17 Kongreso. Naniniwala tayo na dapat unahin ang sektor ng agrikultura, lalo na ang pagtaas ng kita ng mga magsasaka at mangingisda. Makatutulong sa pagpapagaan ng kahirapan at pagpapalakas sa ekonomiya sa kanayunan. Para mangyari ito, kailangan din nating taguyod ang mga kaugnay na batas para sa kalikasan,” ani Pangilinan.

Read More

BIYAHENG EUROPE NI ANDANAR KINUWESTIYON

andanar1
0

(NI NOEL ABUEL)

IPINAGTATAKA ng isang senador ang biglaang pagdulog ng gobyerno sa international community at pagpaliwanag sa nangyaring pag-aresto sa mamamahayag na si Maria Ressa.

Giit ni Senador Francis Pangilinan, nagtataka ito sa ginagawa ngayon ng Presidential Communication Operations Office (PCOO) na nagtungo pa sa Europe para gawin ang pagtatanggol sa ginawang pagdakip kay Ressa.

“Why is the government suddenly interested in clearing its name before the international community on the arrest of Maria Ressa when before, when before it has ignored criticisms on extrajudicial killings as a result of the drug war?” tanong pa ng senador.

“Aren’t the President’s defenders enough to parry the views on the apparently harassment incident? Could it be that Secretary Andanar and the PCOO people just want a whiff of winter, thus, the sudden urge to go into this information caravan?” dagdag na tanong pa nito.

Kinuwestiyon din ni Pangilinan ang pondo ng mga taxpayers na ginamit na panggastos ng PCOO sa biyahe ng mga ito.

Nanghihinayang umano ito na sa halip na gastusin ang pondo ng taumbayan sa biyahe ng PCOO ay dapat na inilaan na lamang ito sa information drive sa kontrobersyal na bakuna.

“How much is the PCOO spending for this trip in taxpayers’ money? Isn’t it more worthwhile and beneficial to spend it in helping the DoH in its information drive to get as many children vaccinated to help curb the measles outbreak?” giit pa nito.

 

Read More