PONDO NG LGU MATATANGGAP SA 2020

0

(NI NOEL ABUEL)

MALAKI ang posibilidad na simula sa darating na taon, direkta nang matatanggap ng mga nangangailangang local government unit (LGU) ang pondong kanilang hinihingi para sa kanilang mga proyekto.

Sinabi ni Senador Panfilo Lacson na ito ay bunga ng polisiya ng Department of Budget and Management (DBM) na nag-aatas sa mga ahensiya ng pamahalaan na kumuha muna ng sertipikasyon sa Regional Development Councils (RDCs) kaugnay sa mga proyektong ipatutupad sa taong 2021.

Ayon kay Lacson, nangunguna sa krusada para sa tamang paggamit ng pondo ng pamahalaan, ang hakbang na ito ng DBM ay magwawakas na sa ‘disconnect’ na matagal nang nagpapahirap sa mga lokal na pamahalaan.

“I am thankful to DBM Secretary Wendel Avisado for requiring agencies to obtain certifications from RDCs to make sure projects have local support. This is a step in the right direction that we must follow,” ayon pa kay Lacson.

Una rito ay ipinaalam ng kalihim sa mambabatas na magiging pangunahing sangkap ng mga ahensiya sa paghingi ng badyet para sa mga proyekto ang mga sertipikasyon mula sa RDCs, at isasama ito sa paghanda sa darating na taon ng pambansang badyet para sa 2021.

“For the P4.1-trillion budget for 2020, projects initiated by the Regional Development Councils accounted for only 25 percent of development projects in the National Expenditure Program or the President’s Budget that forms the basis of the budget bill,” sabi ni Lacson.

“Yet, local government units, especially those in far-flung areas, are in the best position to know their constituents’ needs and priorities,” dagdag ng mambabatas.

Ipinaliwanag din ni Lacson na hindi mawawala ang karapatan ng mga mambabatas lalo na ang mga kongresista, na lumahok sa paghingi ng proyekto dahil ang mga ito ay kabilang sa mga bumubuo ng RDCs.

Muli ring nanawagan ang mambabatas sa publiko na mas maging mapagbantay pa sa pinagggagamitan ng pambansang badyet at isumbong ang hindi tamang gastos sa mga kinauukulan.

“As I have repeatedly been emphasizing, the national budget is the lifeblood of the economy, if not the country itself. No government or no nation will survive without its healthy components and circulation,” dagdag pa nito.

 

Read More

OLD SCHOOL NA BUILDING CODE, HILING BAGUHIN

pinglacson12
0

(NI NOEL ABUEL)

IMINUNGKAHI ni Senador Panfilo Lacson na panahon nang pag-aralan ang pag-amiyenda sa Building Safety Standards sa bansa na hindi na naaayon sa nararanasang malalakas na paglindol.

Ayon kay Lacson, kailangan nang mapaghandaan ang mga darating pang kalamidad gaya ng malalakas na lindol, mapaminsalang bagyo at baha kung kaya’t dapat nang buhayin na itaas o palakasin ang building safety standards ng bansa.

Sa inihain nitong Senate Bill 1239 layon nito na isailalim sa masinsinang pag-araal ang 1977 National Building Code of the Philippines na magpahanggang ngayon ay hindi pa nagkakaroon ng pagbabago.

“Experience tells us that there is an urgent need to strengthen the overall policy on how buildings and structures are built in the country. Not to mention the country’s geographical location along the boundary of major tectonic plates and at the center of the typhoon belt, coupled by its socially and economically vulnerable population, it becomes even more imperative to review our four-decade-old National Building Code,” paliwanag ni Lacson.

Aniya, naobserbahan nito na hindi kaya ng mga gusali at ilang establisiyemento ang mga malalakas na pagyanig at mapaminsalang bagyo at baha kaya marami ang nasirang ari-arian, kagamitan at hindi rin naiwasang may magbuwis ng buhay.

Magugunitang noong nakalipas na Disyembre 15, mistulang yinugyog ang bahagi ng Davao del Sur nang tumama ang magnitude-6.9 na lindol na ikinabagsak ng mga establisiyemento at maging ng isang water reservoir doon.

Sa kanyang panukalang batas, hinihikayat din ng mambabatas ang pagtutulungan ng lahat ng ahensiya ng pamahalaan maging ng pribadong sektor sa pangunguna ng Department of Public Works and Highways (DPWH) tungo sa mas matibay at pangmatagalang mga gusali, imprastraktura at pasilidad.

Kabilang sa mga pangunahing nilalan ng Senate Bill 1239  tungo sa Pilipinas na mas handa sa mga kalamidad ay ang pagpapabilis sa proseso ng building classification, kasama na ang permit application at pagkonsidera sa multiple hazards at iba pang aspetong pangkaligtasan sa pagtatayo ng gusali.

Gayundin ang pagbuo ng inter-agency at multi-sectoral regulatory body at regulasyon sa kakayahan at kaligtasan ng mga lumang gusali maging ang pagbibigay ng insetintibo sa mga gagamitin ng mga sustainable at ligtas sa kalikasan na mga materyales sa pagtatayo ng gusali

 

Read More

MARSHAL SA MGA HUKOM, IGINIIT SA SENADO

0

(NI DANG SAMSON-GARCIA)

ISINUSULONG ni Senador Panfilo ‘Ping’ Lacson ang panukala para sa pagbuo ng Philippine Judicial Marshal Service na magbigigay ng proteksiyon sa hukom, opisyales at maging mga kawani.

Sa Senate Bill 1209, iginiit ni Lacson na tutugunan ang pahayag ni Chief Justice Diosdado Peralta na kailangan ng judicial marshals na maging law enforcement arm ng hudikatura, na parang Supreme Court of the United States Police at United States Marshal.

“This legislative measure seeks to create a Philippine Judicial Marshal Service under the control and jurisdiction of the Supreme Court whose primary function is to protect, safeguard, watch over, provide security, and ensure the safety of justices, judges, court officials and personnel, and the various halls of justice, courthouses and other court buildings and properties all over the country,” saad ni Lacson.

Iginiit ng senador na hindi bababa sa 31 ang napapatay na miyembro ng hudikatura sa nakalipas na dalawang dekada, lima sa mga ito ay naganap sa Duterte administration.

Gayunman, sa panukala ni Lacson ay hindi lamang pagbibigay seguridad sa sektor ng hudikatura ang magiging responsibilidad ng judicial marshal kundi pati ang pagbabantay laban sa katiwalian na kasasangkutan ng mga hukom, court official at maging mga kawani ng mga hukuman at korte.

Maging mga atas ng korte at hukuman ay ang judicial marshal na rin ang magpapatupad, alinsunod sa panukala ni Lacson.

Ang Judicial Marshal ay pamumunuan ng Chief Marshal na may ranggong katumbas ng associate justice ng Court of Appeals.

Tutulungan ito ng Deputy Marshal sa Luzon, Visayas at Mindanao na may mga katumbas ng ranggo ng Regional Trial Court judge.

Ang Chief Marshal at mga Deputy Marshal ay dapat na abogado at may ranggong full Colonel sa Armed Forces of the Philippines (AFP) at sa Philippine National Police (PNP).

Ang mga ito ay itatalaga sa pamamagitan ng en banc ng Korte Suprema, at maglilingkod hanggang sa edad na 65.

Sa ilalim ng panukala, ang Judicial Marshal ay may pangunang P50 milyon na pondo na magmumula sa National Treasury.

 

Read More

PORK BARREL SA KAMARA GAGAMITING PONDO SA 3 GOV’T PROJECTS

0

(NI NOEL ABUEL)

MAY magagamit nang pondo para sa implementasyon ng National ID, Universal Health Care at Quality Tertiary Education sa 2020.

Ito ang sinabi ni Senador Panfilo Lacson kung saan kabilang sa umano’y maaaring pagkuhanan ng pondo ng tatlong maituturing na ‘landmark’ na programa ng kasalukuyang administrasyon ang pork barrel at mga duplicative projects na isiningit ng ilang kongresista sa P4.1 trillion national budget.

“The National ID system needs at least P5.565 billion in 2020 to cover the registration of some 14 million Filipinos and resident aliens. But the proposed 2020 budget presently allocates only P2.4 billion under the unprogrammed fund for it. This amount covers only 6.3 million Filipinos,” pagsisiwalat ng senador.

Sinabi pa ni Lacson na isa rin sa nakikita nitong maaaring pagkuhanan ng pondo ang National Greening Program ng Department of Environment and Natural Resources (DENR) at ng Department of Public Works and Highways (DPWH)

“There are many items in the 2020 budget that can be realigned for the National ID. One of them is the National Greening Program of the Department of Environment and Natural Resources,” banggit pa ni Lacson.

Mahigit 100 milyong Pinoy ang makikinabang sa national ID na tinatayang ganap na maipapatupad sa loob ng apat na taon kung aayudahan ng sapat na pondo, ani Lacson.

Read More

LACSON, NALUNGKOT SA KAPALARAN NI ALBAYALDE

0

(NI DANG SAMSON-GARCIA/PHOTO BY DANILO BACOLOD)

NANLULUMO si Senador Panfilo ‘Ping’ Lacson na may mga graduate ng Philippine Military Academy (PMA) ang kinain na ng sistema ng katiwalian.

Ang pahayag ni Lacson ay kasabay ng kanyang reaksyon sa pagbibitiw ni PNP chief Oscar Albayalde makaraang masangkot sa kontrobersiya ng ninja cops.

“I do not mean to cast judgment on Gen Albayalde’s character with the preceding statement. Rather, it is only to reiterate the sad reality that many PMA graduates have been eaten by the corrupt and corrupting system of law enforcement,” saad ni Lacson.

Aminado si Lacson na magkahalo ang kanyang emosyon sa pagbitiw ni Albayalde na para sa kanya ay hindi naman tuluyang maglalayo sa PNP sa kontrobersiya ng ninja cops.

“I have mixed feelings about the way PGen Oscar Albayalde, now ex-CPNP has abruptly ended his police service more than three weeks before his compulsory retirement. His statements prior to his formal announcement today to relinquish command of the 190,000 strong police force have somehow diminished the redeeming value of his intent to spare the PNP from the so-called ‘ninja cops’ controversies,” diin ni Lacson.

“Being a PMA graduate myself, I feel sad whenever fellow PMAers slug it out publicly over issues that hit the very core of the unique and exclusive cadet honor system which has nurtured us for four arduous years to prepare ourselves to resist the moral challenges and temptations once we step out of the Academy,” dagdag pa nito.

Kasabay nito, pinuri naman ni Lacson si Mayor Benjamin Magalong gayundin si ret Gen Manuel  Gaerlan at iba pang retiradong heneral na humarap sa pagdinig ng Senado sa paglalantad na hindi anya nangunsinti sa kalokohan ng ilan ding kasamahan.

 

Read More

WALA AKONG ITINUTULAK NA SUSUNOD NA PNP CHIEF – LACSON

0

(Ni NOEL ABUEL)

Ipinagkibit-balikat lamang ni Senador Panfilo Lacson na may itinutulak itong susunod na lider ng Philippine National Police (PNP) sa sandaling magretiro na si PNP chief Oscar Albayalde sa susunod na buwan.

“Wala akong kilala sa mga ano ngayon. Wala akong nakasama riyan na directly nagtrabaho under me. At ni minsan hindi ako nakialam sa appointment ng CPNP especially sa ilalim ng pamumuno ni Presidents Aquino and Duterte,” giit nito.

Idinagdag pa ni Lacson na walang katotohanan na may sinusuportahan itong susunod na PNP chief kung kaya’t binabatikos nito si Albayalde  sa pagkunsite sa mga tauhan nito na tinaguriang ninja cops na sangkot sa drug recycling sa Mexico, Pampanga.

“Wala, never. Si Gen Bato naging tao ko pero talagang choice yan ni PRRD na siya maging PNP chief under his term. Pero wala akong pakialam at hindi ko rin malaman kung sino itutulak ni Gen Magalong. Kasi ano mapapala niya, e mayor siya ng Baguio ang dami ring problema roon,” sabi pa ng senador.

Kaugnay nito, tumanggi si Lacson na sumama sa panawagan na magbitiw na si Albayalde dahil sa nasabing kontrobersya na kinasasangkutan ng 13 ninja cops.

“Ang resignation, personal decision ‘yan. Hindi dapat pakialaman ng kung sino. Ang nangyayari kasi pag may ganyang kontrobersya, eventually nagre-resign din pero alam natin kaya nag-resign, pinagsabihin ng appointing authority in this case ang Presidente ng PH, sa halip na sibakin kita, mag-resign ka na lang. Di ba minsan matibay ang sinasabing hindi ako magre-resign, then after a few days magre-resign din?” paliwanag pa nito.

“Pagdating ni PRRD, at pwede magkausap sila o iparating na lang ni PRRD kay Gen Albayalde na huwag na hintayin na sibakin ka kundi mag-resign, nasa kanila yan. Pero ang voluntary resignation, personal decision yan. Doon ka magre-refer sa konsensya mo kung nararapat ba. Ikaw nakakaalam kung nararapat bang mag-resign ka o hindi,” dagdag pa ni Lacson.

Read More

LACSON KAY ALBAYALDE: NINJA COPS SIBAKIN!

pinglacson12
0

(NI NOEL ABUEL)

HINAMON ni Senador Panfilo Lacson si Philippine National Police (PNP) chief Police Director Oscar Albayalde na patunayan na wala itong kinalaman sa ginawa ng tinaguriang 13 ninja cops na sangkot sa pagre-recylce ng ipinagbabawal na gamot.

“Ang pinakamagandang pruweba para maipakita niyang talagang hindi niya pinoprotektahan sina Baloyo, madaliin niya bago siya mag-retire. Madaliin niya ang pag-review ng kaso at pag-reinvestigate at bigyan ng karampatang parusa ang katulad sa binigay ng parusa sa original decision na dismissal at may criminal case na dapat harapin na talagang hinaharap nila,” pahayag ni Lacson.

Giit pa nito na sa itinatakbo ng pagdinig ng Senate Blue Ribbon Committee ay posibleng tumagal pa ang imbestigasyon sa kontrobersiya at hindi malayong may maungkat pa ang mga senador na ikagugulat ng lahat.

Payo pa ng senador kay Maj. Rodney Baloyo, na nanguna sa drug operasyon sa Mexico, Pampanga noong 2013, na ikinulong sa New Bilibid Prison(NBP) dahil sa pagsisinungaling sa Senado, na magsabi na ng katotohanan upang matapos na ang imbestigasyon sa kaso at masagip ang imahe ng PNP..

“Parang walang katapusan ang investigation ni Sen. Gordon. Mabuti na rin ‘yan at na-extend at nagkaroon ng ibang kaso. Dugtong naman. Kasi unang-una gusto nga liwanagin ng committee at ni Gen. Magalong, hindi naman siya nagprisenta. Pinatawag siya ng chair ng committee dahil sa usapan ng recycling, ang direction nanggagaling sa loob. That is another issue altogether, different matter altogether. Nakakulong ka na nga, ikaw pa nagmamando at nagbebenta. Talagang only in the Philippines,” ani Lacson.

Samantala, sinabi pa nito na sapat pa rin umano para kay Albayalde ang 34-araw bago ang takdang pagreretiro para amiyendahan ang naunang desisyon na demotion lamang sa halip na dismissal from the service ang dapat na ipataw na parusa sa nasabing mga 13 ninja cops.

“Ang remaining 34 days, is not too long to make amends. Ang unang dapat ipakita niya para mawala ang duda na ang kaso nina Baloyo ay meron siyang kinalaman sa pagtakip man lang, dapat kung pwedeng itong remaining 30-plus days ipakita niyang mabilis maresolba ang reinvestigation na sinasagawa,” sabi pa ni Lacson.

“Tutal wala nang masyadong ebidensyang kailangan doon naroon lahat na dokumento. Madaling i-decide kung nagsinungaling ba si Baloyo at totoo bang 10 a.m. at hindi 4 p.m. ang operation? Totoo bang ang mga SUVs ginawa ng deed of sale sa kanila? Totoo bang may perang nakuha roon? Totoo bang 200 kilos ang shabu? Nariyan na lahat na dokumento, re-review-hin na lang eh,” pagtatanong pa nito.

 

Read More

WALANG CEASEFIRE!

congress12
0

(NI BERNARD TAGUINOD)

WALANG ceasefire sa pagitan ng mga senador at kongresista sa usapin sa ‘pork barrel’ matapos akusahan ng mga lider ng Kamara sina Senator Panfilo ‘Ping’ Lacson at Senate minority leader Franklin Drilon sa isinusulong ni Pangulong Rodrigo Duterte na reform programs ng gobyerno.

Ayon kay Deputy Speaker Pablo John Garcia, imbes na magbato ng alegasyon na walang basehan sina Lacson at Drilon ay dapat umano nilang alamin muna kung totoo ang kanilang alegasyon na mayroong  pork barrel sa pinagtibay na 2020 General Appropriation Bill (GAB) na nagkakahalaga ng P4.1 Trillion.

“There is nothing hidden, nothing added to and nothing subtracted from the budget.  The only guidance we received from Speaker Alan (Peter Cayetano) is to make sure that the budget would be a useful  instrument  in carrying out the reforms that President Duterte wants to implement in the latter half of his term,” ani Garcia.

Iniimprenta pa lamang ng Kamara ang kopya ng pinagtibay na GAB kaya hindi pa aniya nababasa ito nina Lacson at Drilon subalit agad na inakusahan ang mga kongresista na nagsingit ng pork barrel kaya umapela si Garcia sa mga ito na pairalin ang ‘parliamentary courtesy.

“They should refrain from making premature statements that tend to put us in a bad light. How can they conclude that the budget bill contains questionable provisions when they haven’t even seen a copy of the document?” ani Deputy Speaker Henry Oaminal, ng Misamis Occidental.

Tinawanan naman ni Deputy Speaker Deogracias Victor Savellano, ng Ilocos Sur., si Drilon sa kanyang pahayag na bumuhos ang pork barrel sa 2020 national budget gayong ang senador ay nasabit sa P200 million Priority Development Assistance Fund (PDAF) o pork barrel  noong   2013 para sa konstruksyon ng Iloilo Convention Center na naging dahilan para ireklamo ito sa Office of the Ombudsman.

“That was the time when ‘pork’ was called the  Priority Development Assistance Fund (PDAF), which the Supreme Court has declared as  unconstitutional,” ani Sevellano kung saan  nanawagan ito ng  “…Senator Drilon, let’s respect one another. Please refrain from prejudging and criticizing us without basis because your statements might boomerang on you,” Savellano added.

Nagpapapogi lang din umano si Lacson para sa kanyang reelection bid sa susunod na eleksyon kaya nagbabato ito ng mga walang aniyang basehang alegasyon laban sa Kamara.

“It would be better for the good senator to find a valid issue or concern that is backed up by solid evidence. Don’t use the House to carry out your personal agenda. Let’s just work together so that Congress can be an effective partner of the President in implementing  his reform initiatives,”  ani Savellano.

Magugunita na mismong si  Senate Majority Leader Juan Miguel Zubiri ang nagsabi na magkakaroon ng ceasefire sa pagitang ng dalawang Kapulungan matapos niyang makausap ang kanyang counterpart na si House majority leader Martin Romualdez matapos kuyugin ng mga senador si Lacson noong nakaraang linggo.

Read More

SOLON NA NAGKAKAMPIHAN SA KAMARA; ‘DI AKO NASISINDAK! – PING

pinglacson12
0

(NI NOEL ABUEL)

NANINDIGAN si Senador Panfilo Lacson na hindi ito magpapasindak sa mga kongresista dahil sa pagbusisi nito sa 2020 national budget na pamahalaan na pinasukan ng pork barrel ng mga huli.

Ayon kay Lacson, kailangang matiyak na maayos na magagamit ang P4.1 trillion na pondong hinihingi ng pamahalaan dahil  pera ito ng taumbayan.

“Ito taun-taon ginagawa ko ito hindi lang ngayong taon na ito, hindi lang naman dahil ang nagsalita si Cong. Castro o Cong. Defensor o Cong. Abante. Maski sino naman ang napansin natin na talagang inaabuso ang budget, kasi tingnan n’yo. First budget year ni GMA, 2001, kasi nag-takeover siya 2001, for 2002, magkano ‘yan? Wala pang isang trilyon. If I recall it right, nasa mga P800B. Then 20 years fast forward tayo magkano budget sa 2020? P4.1 trillion,” paliwanag ni Lacson.

Giit pa ng senador, kung iikot lamang ang mga Filipino sa iba’t ibang panig ng bansa ay mapapansin na wala masyadong nakikitang development na pinaggamitan ng pondo.

“Mag-ikot tayo sa PH, may nakita ba kayong equivalent or reflective ng pag-increase ng budget natin through the years? From 800B and then now it’s 4.1T? Mag-ikot kayo, kayo nakakagala rin naman kayo. May nakita ba kayong development o livelihood na commensurate sa nakita nating pag-increase ng budget taon-taon? Parang wala,” sabi nito.

Inihalimbawa pa ni Lacson ang SCTEX, TPLEX, NLEX, SLEX, na ang mga motorista ang nagbabayad ng toll sa kadahilang pribado sektor ang may hawak nito gayundin ang pagtaas pa ng buwis na ipinapataw sa bawat produkto at mga pangunahing bilihin.

“Ang resultang nakikita natin tumaas ang tax natin, pati gasoline tumaas na. Ang presyo ng sardinas at pagkain. ‘Yan lang ang resulta, ang epekto. Pero wala tayong masyadong nakitang improvement pagdating sa infrastructure na commensurate,” ayon pa kay Lacson.

 

Read More