PALASYO TIKOM SA PAG-RESIGN SA LP NI PANGILINAN

kiko23

(NI BETH JULIAN)

ISYU lamang sa pagitan nina Leni Robrero at Senator Kiko Pangilinan ang pagbibitiw nito bilang Liberal Party (LP) president.

Ito ang tugon ni Presidential spokesperson Atty. Salvador Panelo nang usisain kaugnay sa nasabing isyu.

“That’s for her and Senator Pangilinan to resolve. Hindi na dapat pang makialam ang Palasyo,” ayon kay Panelo.

Nagbitiw sa tungkulin si Pangilinan nitong Martes. matapos ihayag ng Commission on Elections (Comelec) ang petsa na maipoproklama na nito ang 12 nanalong senador at mga party-list organizations.

Pero napag-alaman na tinanggihang tanggapin ni Robrero, na tumatayong chairperson ng LP, ang resignation letter ni Pangilinan.

Base sa ulat, hindi tinanggap ni Robrero ang resignation letter ni Pangilinan sa kadahilanang marami pa silang magkatuwang na trabaho sa LP.

“I really don’t know how to read those statements. What I know is he resigned as LP president. There’s an intramural within the party, we never interfere,” wika ni Panelo.

Matatandaan na una nang sinabi ni Pangilinan na bilang campaign manager ng Otso Diretso slate, hindi nito nakamit ang tagumpay sa nagdaang halalan.

” I therefore assume full responsibility for the outcome and hold myself primarily accountable for this defeat and have tendered my resignation as president of the LP effective June 30, 2019,” pahayag ni Pangilinan.

 

Please follow and like us:
Read More

PUWERSA NG LP SA KAMARA NABAWASAN PA

congress12

(NI BERNARD TAGUINOD)

SA  halip na lumaki ang puwersa, nabawasan pa ang bilang ng mga miyembro ng Liberal Party (LP) sa Mababang Kapulungan g Kongreso sa 18th Congress.

Ito ang nabatid ng Saksi Ngayon dahil umaabot lamang sa 18 LP congressional candidate ang nanalo sa katatapos na halalan sa iba’t ibang distrito sa bansa.

Sa kasalukuyan ay 20 ang miyembro ng LP ngayong 17th Congress na nakatakdang matapos sa tanghali ng Hunyo 30, 2019 kaya kinapos pa ang partido ng kanilang bilang sa 18th Congress.

Kabilang sa mga LP members na nanalo sa katatapos na halalan ay sina Quezon City Rep. Kit Belmonte, Edgar Erice ng Caloocan, Kid Pena ng Makati City, Stella Quimbo ng Marikina City, Blue Abaya ng Cavite, Cheryl Deloso ng Zambales, Josephine Sato ng Occidental Mindoro, Boy Umali  ng Oriental Mindoro

Kasama din dito sina  Edcel Lagman ng  Albay, Gabriel Bordado ng  Camarines Sur, Tawe Billones ng  Capiz, Josy Limkaichong  ng Negros Oriental, Edgardo Chatto ng Bohol, Raul del Mar ng Cebu City, Paul Daza ng  Northern Samar, Edgar Sarmiento ng Samar, Isagani Amatong ng  Zamboanga del Norte at  Mujiv Hataman ng Basilan.

Noong panahon ni dating pangulong Benigno “Noynoy” Aquino III , ang LP ang may pinakamaraming miyembro ng Kongreso subalit 20 lamang ang naiwan nang manalo si Pangulong Rodrigo Duterte noong 2016 presidential election matapos maglipatan ang mga ito sa administration party na PDP-Laban.

Hindi rin lahat ng LP members ay tumayong minority sa Kamara dahil tanging sina Ifugao Rep. Teddy Baguilat, Erice at Lagman ang nasa oposisyon habang ang natitira ay sumama sa supermajority na pinamumunuan ng mga lider ng PDP-Laban.

Naging independent na lamang ang mga ito noong si House Speaker Gloria Macapagal Arroyo na ang nahalal na pinuno ng Kamara matapos makudeta si dating House Speaker Pantaleon Alvarez.

 

Please follow and like us:
Read More