GALIT NI PRES. DUTERTE WA EPEK MAYNILAD, MLA WATER PALPAK PA RIN

MISTULANG walang epekto sa Manila Water at Maynilad ang galit ni Pangulong Rodrigo Duterte dahil hindi pa rin nagbabago ang kanilang serbisyo at mahal pa rin ang singil ng mga ito sa tubig.
Ganito ang paniniwala ni Bayan Muna chairman at dating Congressman Neri Colmenares, matapos umanong hindi maramdaman ng mga consumer sa Metro Manila ang pagbabago sa serbisyo ng mga kumpanyang ito ng tubig.

“Well, sa ngayon, expect na binili na ang shares ng Ayala (sa Manila Water), wala pa ring pagbabago sa serbisyo. Marami pa rin ang nagrereklamo na mahina ang serbisyo,” ani Colmenares sa panayam ng Saksi Ngayon sa Kamara.

“Both of them (Manila Water at Maynilad) marami ang nagrereklamo sa (kanilang) serbiyo. Para sa akin, hindi na-solve ang problem despite na attack of the President,” ayon pa sa dating mambabatas.
Indikasyon umano ito na walang epekto sa Manila Water at Maynilad ang galit ng Pangulo sa mga Ayala at kay Manny V. Pangilinan, na may-ari ng mga nabanggit na kumpanya, dahil sa mga onerous provision sa water concession agreement.

“Parang inaatake lang (ng Pangulo) pero wala namang aktuwal na solusyon,” ayon pa sa mambabatas dahil bukod sa mahina pa rin ang tulo ng tubig sa mga gripo ay hindi pa rin nareresolba ang usapin sa water treatment facilities.

Patuloy rin umanong ipinapasa ng mga water concessionaire na ito ang kanilang buwis tulad ng  income at corporate tax sa mga consumer at naniningil pa rin ang mga ito ng sewage fees.
Hindi rin umano inaayos ng Manila Water at Maynilad ang leakage sa kanilang tubo para masiguro na walang nasasayang na tubig at hindi na kailangan ang panibagong dam na babayaran din ng mga consumer tulad ng Kaliwa Dam na uutangin sa China.

Sinabi ni Colmenares na umaabot na sa 800 MLD (million liters per day) ang nawawalang tubig dahil sa mga sirang tubo ng Manila Water at Maynilad pero hindi pa rin inaayos ng mga ito ang nasabing problema kahit galit na sa kanila ang Pangulo.

“So wala pa ring pagbabago despite the attack of the President. Anong tawag mo doon?” ayon pa kay Colmenares. BERNARD TAGUINOD

Read More

P2-B MULTA NG MLA WATER, MAYNILAD Huwag kalimutan – Solon

MAYNILAD-MANILA WATER-3

HINDI lang mga advance collection ng water concessionaires ang dapat iutos ni Pangulong Rodrigo Duterte sa mga ito na bayaran bago ang negosasyon sa bagong kontrata kundi ang P2 Billion multa na ipinataw sa kanila ng Korte Suprema.

Ito ang iginiit ni Buhay party-list Rep. Lito Atienza kay Pangulong Duterte kasunod ng panibagong banat nito sa Maynilad at Manila Water na ibalik sa tao ang kanilang nakolektang sewage fees para sa pagpapagawa ng water treatment facilities na hindi pa rin naitatayo sa nakalipas na 22 taon.

“President Rodrigo Duterte should compel Manila Water Co. and Maynilad Water Services Inc. to pay the P2 billion in combined fines previously slapped against them by the Supreme Court, before the government begins renegotiations for new concession agreements,” ani Atienza.

Magugunita na noong Agosto 6, 2019 ay naglabas ng desisyon ang Korte Suprema para patawan ng multang P1.8 Billion ang Manila Water at Maynilad dahil sa paglabag sa Clean Water Act.

Hanggang ngayon ay hindi umano nagbabayad ang Manila Water na pag-aari ng mga Ayala at Maynilad na kabilang sa mga negosyo ni Manny V. Pangilinan dahil inapela ng mga ito sa Korte Suprema ang nasabing kaso.

Kada araw na hindi makabayad ang mga ito ay madadagdagan ng P322, 102 ang mga water concesionaire kaya ayon kay Atienza, umaabot na sa P1.96 Billion ang dapat bayaran ng mga ito noong Pebrero, 8, 2020. BERNARD TAGUINOD

Read More

SOLON SA MAYNILAD AT MANILA WATER: P6-B ISOLI SA TAUMBAYAN

Rep Arlene Brosas-3

(NI BERNARD TAGUINOD)

MALAKI pa rin ang pagkakautang ng Manila Water at Maynilad sa kanilang customers dahil hindi pa ibinabalik ng mga ito ang may P6 bilyong kanilang nakolekta para sa future projects ng mga ito.

Ayon kay Gabriela party-list Rep. Arlene Brosas,  kailangang  masingil ang dalawang concessionaires at kailangang  bigyan nila ng tubo ang perang matagal na nilang hawak.

Sinabi ng mambabatas, simula pa noong 2007 ay nagpatupad umano ng rebasing rate ang Manila Water at Maynilad para sa kanilang future projects tulad ng Laiban Dam project na nagkakahalaga ng P45.3 Billion at Angat Dam Irrigation projects na P5.4 Billion naman ang halaga.

“Both projects were eventually cancelled by MWSS (Metropolitan Waterworks and Sewerage System) in 2010 due to problems in technicalities but collection were already made,” paliwanag ni Brosas.

Hindi sinabi ng mambabatas kung magkano ang halagang nakolekta ng Maynilad at Manila Water mula 2007 hanggang 2010 subalit tinataya umano ng Water for All Refund Movement na aabot na ito sa P6 bilyon noong 2012.

Iginiit ni Brosas na kung P6 bilyon ang inabot na halaga ng advance collection ng Manila Water at Maynilad noong 2012 pa ay inaasahang mas malaki ito  makalipas ang 7 taon o hanggang 2019.

“Kailangang maibalik ito sa consumers  na may tubo dahil malamang ay ginamit ng mga concessionaires na ito ang nasabing halaga  sa iba pa nilang negosyo,” pahayag pa ng mambabatas.

“So malaki pa rin ang utang nila sa atin pero malakas pa ang loob nila na magtaas ng singil at nang hindi pagbigyan eh nagdemand pa sila,” ani pa ni  Brosas na ang tinutukoy ay ang napalunanang kaso ng mga ito sa Permanent Court of Abritration (PCA) sa Singapore.

Ang Maynilad ay pag-aari ng negosyanteng si Manny V. Pangilinan habang ang Manila Water ay negosyo naman ng mga Ayala.

Umaabot sa P7.4 Billion ang sinisingil ng Manila Water sa gobyerno ng Pilipinas at P3.4 Billion naman sa Maynilad matapos hindi sila payagang magtaas ng singil noong 2015 bagay na ikinairita ni Pangulong Rodrigo Duterte kaya inutos nito ang pagrebisa ang concession agreement ng mga ito na sa bandang huli ay inihayad ng dalawang concessionaires na hindi na umano sila maniningil kasabay nang pag-atras ng water rate hike ngayong Enero.

Bagong kontrata

NANAWAGAN kahapon ang United Filipino Consumers and Commuters (UFCC) at Water for All Refund Movement (WARM) kay Pangulong Duterte na huwag nang bigyan ng panibagong kontrata ang Manila Water  at Maynilad dahil sa patuloy nitong panloloko sa mga consumers sa National Capital Region (NCR) at mga karatig lalawigan.

Ayon kay Rodolfo “RJ” Javellana, pangulo ng UFCC, maituturing na krimen ang ginagawa ng dalawang kumpanya ng tubig sa mamamayan kaugnay sa maanomalya at ilegal na kontrata.

Sinabi rin ni Javellana, pangulo rin ng WARM, itinuturing na anomalya ng Manila Water at Maynilad ang mga sinisingil nilang 20 %  environmental charges, corporate income

tax at iba pa, maliban pa sa bayad kada kubiko metro na ginagamit na tubig.

Naunang tiniyak ni Pangulong Duterte na wala na ang mga probisyong “onerous” sa bagong kontratang iniaalok ng pamahalaan tulad ng karapatan ng mga oligarko na ihabla ang gobyerno sa korte ng ibang bansa.

Nagbabala rin ang pangulo na sakaling hindi tanggapin ng Manila Water at Maynilad ang bagong kontrata ay kukunin na ng pamahalaan ang distribyusyon ng tubig sa NCR at mga karatig lalawigan bukod pa sa kakasuhan ang mga may-ari nito na sina Fernando at Enrique Zobel de Ayala sa Manila Water at Manny  Pangilinan at Isidro Consunji  sa Maynilad ng plunder o syndicated estafa o estafa on large scale.

Sinabi rin ng pangulo na kakasuhan din ang mga abogadong may kinalaman sa paggawa ng kontrata ng dalawang kumpanya ng tubig tulad ni Senador Franklin Drilon salaking mayroong sapat at matibay na ebidensiya laban sa kanila.

Naniniwala si Javellana na dapat nang itigil ang patakarang pribitisasyon ng distribyusyon ng tubig, sapagkat malinaw na walang nangyari rito mula noong 1997 hanggang sa kasalukuyan. (Nelson Badilla)

Read More

CAYETANO, DRILON PUMAPEL?

MAYNILAD-MANILA WATER-3

Kita ng Maynilad, Manila Water tiniyak sa water deal

(Ni: NELSON S. BADILLA)

LUMUTANG ang posibilidad na may kinalaman sina Senador Franklin Drilon at dating presidential legal adviser Renato “Rene” Cayetano sa palpak na kontrata sa mga water concessionaire.

Ito ay base sa mga nakalap na impormasyon ng Saksi Ngayon.

Ngayon ay pinabago na ni Pangulong Rodrigo Duterte ang kontrata ng pamahalaan sa Manila Water Company Inc. at Maynilad Water Services Inc. upang matanggal ang mga probisyong “onerous” sa kontrata na nagbigay ng kapangyarihan sa dalawang kumpanya na kumabig nang kumabig ng malaking tubo sa loob ng 25 taon.

Ang Department of Justice (DOJ) at Office of the Solicitor General (OSG) ang inatasan ni Duterte na magbago sa kontrata.

Sabi ni Duterte, ipinabago niya ang kontrata upang matanggal ang mga probisyong talo ang pamahalaan at ginagawang ‘gatasan’ lamang ng Manila Water at Maynilad.

Hindi pa isinasapubliko ng pangulo ang laman ng kontrata upang malaman kung totoong pabor na pabor ito sa interes at kagalingan ng gobyerno at publiko.

Ngunit, kahit pa mayroon nang inaalok ang pamahalaan na nirebisang kontrata, hindi humihinto si Duterte sa pagtugis sa mga taong malaki ang papel sa pagbalangkas ng kontrata noong 1997.

Isa si Senador Franklin Drilon sa ‘pangunahing suspek’ ni Duterte sa kontra-mamamayang kontrata, dahil kabilang siya sa pamosong Angara, Abello, Concepcion, Regala & Cruz Law Offices (ACCRA Law).

Sabi ni Duterte kamakailan, “That contract was approved by lawyers now in government. I hope Drilon is not one of them. Kasi, when I decide to — idedemanda ko talaga. I will file the charges of — it’s either plunder or syndicated estafa.”

Noong isang buwan, binira ng pangulo si Drilon nang paghinalaan niyang mayroong kinalaman ang senador mula IloIlo matapos nitong sabihin na hindi puwedeng baguhin ang kontrata, sapagkat bilyun-bilyon ang babayaran ng pamahalaan sa Manila Water at Maynilad.

Tahasang itinanggi ni Drilon na isa siya sa mga abogadong nagbalangkas ng kontrata ng Metropolitan Waterworks and Sewerage System (MWSS).

Sa pagsisiyasat ng Saksi Ngayon, napag-alamang posibleng malaki ang papel ni Cayetano bilang chief presidential legal adviser ni dating Pangulong Fidel Ramos.

Si Ramos ang pangulo ng bansa nang isapribado ang distribyusyon ng tubig sa Metro Manila at mga karatig lalawigan noong 1997.

Posibleng kinonsulta at kinuha ni Ramos ang opinyong legal ni Cayetano bago maging pinal ang kontrata ng MWSS sa Manila Water at Maynilad.

Si Cayetano ay ama nina House Speaker Alan Peter Cayetano, Senadora Pia Cayetano at Taguig City Mayor Lino Cayetano.

Mula nang sumiklab ang kontrobersiya sa Manila Water at Maynilad ay hindi pa naglabas ng pahayag ang magkakapatid na Cayetano ukol sa kontra-mamamayang kontrata.

Sa pagsasaliksik ng Saksi Ngayon, nabatid na tiniyak sa kontrata na hindi malulugi ang pamilya Ayala at pamilya Lopez.

Read More

MANILA WATER, MAYNILAD P119.5-B ANG TUBO

MAYNILAD-MANILA WATER CO2

Binira ng consumers group dahil pinagkakitaan ang pribatisasyon

(Ni: NELSON S. BADILLA)

NANAWAGAN kahapon ang isang samahan ng mga consumer at dalawang organisasyon ng mga manggagawa kay Pangulong Rodrigo Duterte na isapubliko na ang distribyusyon ng tubig sa National Capital Region (NCR) at mga karatig lalawigan, sapagkat pumabor lamang ito sa mga water concessionaire.

Sa eksklusibong panayam kay Rodolfo “RJ” Javellana, pangulo ng United Filipino Consumers and Commuters (UFCC), idiniin nitong “palpak ang pribatisasyon” ng distribyusyon ng tubig sa NCR at mga karatig lalawigan, sapagkat pinagkakitaan lamang ng Manila Water Company Inc. at Maynilad Water Services Inc. ang nabanggit na serbisyo-publiko.

Ang Manila Water ay pag-aari ng pamilya Ayala at mga kasosyong dayuhang negosyante, samantalang ang Maynilad ay dating pag-aari ng pamilya Lopez hanggang napunta sa negosyanteng Indonesian na si Anthoni Salim at pamilya Consunji.

Ang negosyanteng si Manny Pangilinan na ‘tauhan’ ni Salim ang pinuno ng Maynilad.

Si Pangilinan din ang pangunahing opisyal ng Philippine Long Distance Telephone Company (PLDT), Smart, TV 5, Manila Electric Company (Meralco) at iba pa.

Ayon kay Javellana, pinuno rin ng Water for All Refund Movement (WARM), noong hawak ng Metropolitan Waterworks and Sewerage System (MWSS) ang distribyusyon ng tubig bago mapunta sa Manila Water at Maynilad noong 1997 ay umaabot lamang sa higit dalawang piso bawat kubiko metro ang sinisingil sa tubig.

Kaya, mababa ang binabayaran kada buwan ng mga konsyumer kumpara ngayon na umaabot na sa mahigit P35.00 per kubiko metro, tugon ni Javellana.

Kumbinsido rin si Wilson Fortaleza, tagapagsalita ng Partido Manggagawa (PM), na dapat akuin uli ng pamahalaan ang pamamahala at pagpapatakbo ng distribyusyon ng tubig sa Kalakhang Maynila.

“[PM ] is calling for renationalization of water on the basis on onerous contract as an industry, water must remain in public hands,” tugon ni Fortaleza.

Nang tanungin ng investigative reporter na ito, idiniin ni Fortaleza na, “[Ito’y] dahil pinagkakitaan lang ito nang todo ng mga oligarko… Water is life, not a lifeblood of monopolistic businesses.”

Pagpapatigil din sa pribatisasyon sa pamamahala at pagpapatakbo ng tubig ang panawagan ng Bukluran ng Manggagawang Pilipino (BMP) kay Duterte.

Ayon sa pinuno ng BMP na si Leody de Guzman, walang kuwenta ang pambabatikos ni Duterte sa Manila Water at Maynilad kung mananatiling hawak ng dalawang kumpanya ang distribyusyon ng tubig sa NCR at mga karatig probinsiya.

Wala ring silbi ang galit ni Duterte sa mga may-ari at namamahala ng Manila Water at Maynilad kung ang totoong adyenda niya ay ipasa ito sa kanyang sariling “cronies” na sina Ramon Ang ng San Miguel Corporation, Dennis Uy ng Dito Telecommunity Inc. at pamilya ni Senadora Cynthia Villar at dating Senate President Manny Villar.

Nanatili ang posisyon ng UFCC, PM at BMP sa pagpapatigil sa pagsasapribado ng distribyusyon ng tubig makaraang muling ihayag ni Duterte sa Manila Water at Maynilad ang alok niyang “bagong kontrata” sa dalawang kumpanya.

Ang San Miguel Corporation ay agresibo sa pagpapalawak ng negosyo nito kung saan pinasok na ang negosyong “expressways” at pambansang paliparan (nakatakdang itayo ang New Manila International Airport sa Bulakan, Bulacan).

Ang Dito ay ang ikatlong Telco ngayon sa Pilipinas kung saan mayroong substansiyal na “share of stocks” ang pamahalaan ng People’s Republic of China, sa pamamagitan ng pag-aari nitong Telecommunications Corporation.

Ang pamilya Villar na siyang may-ari ng Prime Water Infrastructure Corporation ay ‘kasosyo’ na ngayon ng 63 water district distribution firms mula sa umiiral na 76 water district distribution companies sa bansa, ayon sa impormasyon ng Local Water Utilities Administration (LWUA).

LWUA ang namamahala ng distribyusyon ng tubig sa mga lalawigan.

Matagal nang nababalita sa media na sina Ang, Uy at pamilya Villar ay mga “negosyanteng kaibigan at paborito” ni Pangulong Duterte.

Mayroon ding balita na milyun-milyon ang salaping itinulong nina Ang, Uy at Villar sa kampanya sa pagkapangulo ni Duterte noong 2016.

Iginiit ni Javellana na “hindi dapat ginagawang negosyo ang pampublikong pasilidad tulad ng tubig, kuryente at telekomunikasyon.”

Nabatid ng Saksi Ngayon mula sa ulat ng pamunuan ng Manila Water sa mga kasosyo ng Ayala at stock holder ng kumpanya noong kwarter ng 2019, umabot sa P54.9 bilyon ang tubo ng Manila water mula 2009 hanggang 2018.

Umabot naman sa P64.6 bilyon ang tubo ng Maynilad mula 2009 hanggang 2018, ayon sa ulat ng pamunuan ng kumpanya kina Salim, pamilya Consunji at mga stocks holder ng Maynilad.

Sa kabila nito, inihabla ng Manila Water at Maynilad ang pamahalaan ilang taon na ang nakalilipas sa Permanent Court of Arbitration (PCA) ng Singapore dahil bilyun-bilyon umano ang ikinalugi ng Manila Water noong 2015 hanggang 2018 at Maynilad mula 2013 hanggang 2017.

Pinagbabayad ng PCA ang pamahalaan ng Pilipinas ng P7.4 bilyon sa nasabing pagkalugi ng Maynilad at P3.43 bilyon naman sa Maynilad.

Humadlang si Duterte, kaya hindi na ito matutuloy na sinang-ayunan din ng dalawang kumpanya.

Read More

KONTRATA NG WATER FIRMS IPAPASA SA CRONIES?

DUTERTE CRONIES

(Ni: NELSON S. BADILLA)

IBINUNYAG ng isa sa mga malaking samahan ng mga manggagawang Filipino ang pinaniniwalaan nitong ‘masamang plano’ ni Pangulong Rodrigo Duterte sa pagbira sa dalawang kumpanyang may kontrol sa negosyong distribyusyon ng tubig sa National Capital Region (NCR) at mga karatig lalawigan.

Ayon kay Leody de Guzman, tagapangulo ng Bukluran ng Manggagawang Pilipino (BMP), malaki  ang kanilang duda na kaya binibira ni Pangulong Rodrigo Duterte ang mga korporasyong hawak ng mga Ayala at Pangilinan ay para agawin at ibigay sa kanyang mga malapit na kaibigan o cronies.

Ang tinutukoy ni De Guzman ay ang mag-asawang dating Senador Manny Villar at Senadora Cynthia Villar, Ramon Ang at Dennis Uy.

Nabatid ang nalalaman ni De Guzman makaraang kunin ng Saksi Ngayon ang pahayag ng beterang lider ng BMP kaugnay sa inihayag ni Duterte na tinatapos na ng Department of Justice (DOJ) at Office of Solicitor General (OSG) ang bagong laman ng kasunduan ng pamahalaan sa pamamagitan ng Metropolitan Waterworks and Sewerage System (MWSS), at Manila Water Company Inc. at Maynilad Water Services Inc.

Matatandaang idiniin ni Duterte na pinatanggal niya ang mga “onerous provisions” sa kontratang pinagkaisahan noong 1997 (panahon ni Fidel Ramos) na hanggang 2022 ang itatagal ng serbisyo sa  distribyusyon ng tubig ng Manila Water at Maynilad sa NCR at mga karatig lalawigan.

Pinahaba ito ng MWSS hanggang 2037 noong 2009 (panahon ni Gloria Macapagal Arroyo).

Batay pa sa sinabi ni Duterte, sa bagong kontratang iaalok ng pamahalaan sa Manila Water at Maynilad ay hindi nangangahulugang hindi na hahabulin ng kanyang Duterte ang mga dalawang dambuhalang kumpanya na posibleng kasuhan pa ng iba’t ibang kasong kriminal.

Ayon naman  kay DOJ Secretary Menardo Guevarra, kung sakaling tanggihan ng Manila Water at Maynilad ang “bagong kasunduan,” mapipilitang kumpiskahin ng pamahalaan ang distrisyusyon ng tubig at ialok ito sa ibang mga kumpanya.

Inihayag ni De Guzman na ang tunay na layunin ni Duterte sa pagsasabing hindi plano ng pamahalaan na patakbuhin ang sektor ng tubig  para sa interes at kagalingan ng mamamayan ay dahil ipapasa ito sa mga kaibigan ng pangulo.

“Ang patunay d’yan, wala s’yang plano na ipagbawal na ang privatization sa tubig at sektor ng serbisyo tulad ng kuryente, ospital , paaralan at transportasyon,” patuloy ng lider-manggagawa.

Idiniin pa ni De Guzman na walang plano si Duterte na huwag pahirapan ang mamamayang Filipino dahil wala sa adyenda niya na tapusin na ang patakarang praybitisasyon ng mga serbisyo-publiko.

Nagsimula ang praybitisasyon sa panahon ni Corazon Cojuangco Aquino III, ina ni dating Pangulong Benigno Aquino III.

Sina Manny at Cynthia Villar ay pinaniniwalaang nagbigay ng pondo sa kampanya ni Duterte sa pagkapangulo noong 2016 at ang pagkakapuwesto umano ng anak nilang si dating Las Pinas Rep. Mark Villar bilang kalihim ng Department of Public Works and Highways at ng asawa niyang si Emmeline Aglipay Villar bilang DOJ undersecretary ang umano’y “bayad”.

Ang pamilya Villar ay pasok sa negosyong distribyusyon ng tubig sa mga lalawigan sa pamamagitan ng kumpanya nilang Prime Water Infrastructure Corporation.

Ayon kay Senador Richard Gordon, 63 sa 76 water districts sa bansa ay nakuha ng Prime Water Infrastructure Corporation.

Ang nakuha naman ni Ang ay ang patuloy na paglago ng negosyo ng San Miguel Corporation (SMC).

Si Dennis Uy naman na taga-Davao ay biglang naging higanteng negosyante.

Nakuha ng pag-aari ni Uy na Dito Telecommunity Corporation (dating Mislatel o Mindanao Islamic Telephone) ang pagiging “third telco” ng bansa.

Kasosyo ni Uy ang China Telecom na pag-aari ng pamahalaan ng China.

Read More

HAMON SA MANILA WATER, MAYNILAD AT MWSS: BAGONG DEAL ILANTAD KUNG PATAS

Rep Arlene Brosas-3

KAILANGANG isapubliko ng Malacañang ang bagong water concession contract na binuo ng mga legal adviser at economic manager ni Pangulong Rodrigo Duterte bago ito ilatag sa Maynilad at Manila Water.

Ito ang pahayag ni Gabriela party-list Rep. Arlene Brosas.

Aniya, kailangang mabusisi muna ng publiko kung patas ang bagong water concession contract bago ito ilarga upang masiguro na hindi muling maiisahan ng mga water concessionaire ang mga consumer.

Ginawa ng mambabatas ang pahayag dahil nabuo na umano ang bagong kontrata subalit hindi pa ito isinasapubliko ng Palasyo hanggang ngayon kaya walang ideya ang publiko kung ano ang nilalaman nito.

“Why is the President keeping the details of the alleged new water deals out of public’s sight? And more importantly, why is Duterte so compromising in his stand this time instead of fully renationalizing the water services, which is first and foremost a public utility?,” tanong ni Brosas.

“Hindi pwedeng bago ang kontrata pero pribatisado pa rin at ginagawang negosyo ang serbisyo sa tubig,” dagdag pa ng mambabatas kaya umapela ito sa Office of the Solicitor General (OSG) na isapubliko na ang bagong kontrata.

Kailangang isali na aniya ang publiko sa pagbusisi sa bagong kontrata sa tubig upang maproteksyunan ang kanilang interes at hindi na umano maulit na pinagkakakitaan lamang sila ng mga water concessionaire.

Ayon sa Malacañang, inalis ang mga “onerous privision” sa bagong water concession contract na kailangang tanggapin umano ng Manila Water at Maynilad dahil kung hindi ay babawiin ng gobyerno ang water distribution services sa kanila.

Ang grupo ni Brosas ay nais maibalik na sa kontrol ng gobyerno ang water service dahil pinagkakitaan lamang umano ito ng mga water concessionaire sa mahabang panahon. (BERNARD TAGUINOD)

Read More

KONTRATA O DEMANDA?

maynilad1

Maynilad at Manila Water ginisa ni Digong sa sariling mantika

MISTULANG ginisa sa sariling mantika ni Pangulong Rodrigo Roa Duterte ang Maynilad at Manila Water makaraang bigyan ang mga ito ng opsyon para mapanatiling hawak ang operasyon ng suplay ng tubig sa bansa.

Ani Presidential spokesperson Salvador Panelo, kabilang sa opsyon ng Pangulo ay ang tanggapin ng mga water concessionaire ang bagong kontrata na walang garantiya na hindi sila kakasuhan kasama ang iba pang kasabwat sa paggawa ng onerous contracts na para sa pamahalaan ay “void ab initio” dahil sa paglabag sa Konstitusyon at batas ng bansa.

Kung tatanggihan aniya ng Maynilad at Manila Water ang bagong kontrata ay agad na ipag-uutos ng Pangulo ang kanselasyon ng kasalukuyang water contracts at i-mandato ang nationalization ng  water services sa kani-kanilang areas of operation at litisin ang lahat ng sangkot maging ito man ay direkta o hindi direktang sangkot sa pag-aayos ng kontrata na nagresulta ng pagdurusa ng sambayanang Filipino.

“There is a time for reckoning. That time has come. Hence, the chief executive is giving water concessionaires the option of accepting the new contracts minus the onerous provisions without any guarantee of not being criminally prosecuted together with those who conspired to craft the very onerous contracts,” ayon kay Sec. Panelo.

Ang pagtanggi rin aniya sa bagong kontrata ay  magbibigay ng go signal sa pamahalaan para isakdal ang mga opisyal ng dalawang water firms at mga indibiduwal  na may ‘kamay’ sa paglikha at pagbuo ng 1997 contracts.

Subalit sakali naman aniya na tanggapin ng mga ito ang bagong kontrata ay hindi naman magagarantiya na maaabsuwelto ang dalawang water companies sa posibleng kasong isasampa laban sa kanila.

Wala namang ibinigay na deadline ang Malakanyang sa magiging desisyon ng Manila Water at Maynilad sa pagtanggap nila o hindi ng bagong kontrata.

Ang Manila Water ay bahagi ng Ayala group of companies, habang ang Maynilad ay jointly owned ng DMCI Holdings Inc. at Metro Pacific Investments Corp. sa pamumuno ng negosyanteng si Manny Pangilinan.

Sa kabilang dako, wala namang balak si Pangulong Duterte na makipagpulong pa sa  mga taong gumawa ng 1997 water concession contracts, at sa pinuno ng nasabing water concessionaires.

Aniya, ang bagong kontrata ay ginawa at binuo ng Office of the Solicitor General at Department of Justice kapalit ng “constitutionally flawed” concession agreements na “violated every prohibited act under the Anti-Graft Law.”

“Duterte “cannot, will not, and can never keep a blind eye to this colossal rip-off”. The Filipinos have lost enormously with the unabated collections by these concessionaires despite the latter’s dismal performance in supplying, delivering and distributing water,” ani Sec. Panelo.

Samantala, matatandaang nagbanta ang Pangulo na sasampahan niya ng fraud charges ang mga may-ari ng dalawang water companies dahil sa onerous provisions ng kasalukuyang kontrata. (CHRISTIAN DALE)

Read More

MANILA WATER, MAYNILAD NAGPATAAS NG RATING NI DU30 

du30with people12

(NI BERNARD TAGUINOD)

NANINIWALA ang isang mambabatas sa Mababang Kapulungan ng Kongreso na ang pagkabog ni Pangulong Rodrigo Duterte sa mga oligaryo  tulad ng Maynilad at Manila Water ang isa sa mga nagpataas sa kanyang ratings lalo na sa hanay ng mga mahihirap.

“These trust ratings quantify the massive political capital President Duterte has and which he is willing to use against the oligarchs who have controlled Filipino lives for far too long, ani BH party-list Rep. Bernadeth Herrera.

Base sa Pulse Asia survey, mula sa 75% na approval rating na ibinigay ng Class D kay Duterte noong Setyembre, nadagdagan ito ng 10% kaya umabot ito ng 88%  nitong Disyembre.

Binigyan naman ng Class E o ang pinakamahirap na sektor ng lipunan ng napakataas na 84% approval rating si Duterte habang ang Class ABC ay 89% ang ibinigay na approval rating o mas mataas ng 14% kumpara sa 75% na naitala noong Setyembre.

“We have a President who listens to the people and who acts decisively,” ani Herrera dahil isinagawa ang survey ng Pulse Asia sa kasagsagan ng usapin sa concession agreement sa Maynilad at Manila Water kung saan agrabyado ang mga consumers.

Magugunita na inutos ni Duterte na rebyuhin ang concession agreement ng Manila Water at Maynilad matapos idemenda ng mga ito ang gobyerno sa Permanent Court of Arbitration (PCA) na nakabase sa Singapore matapos hindi sila payagang magtaas ng singil mula noong 2015.

Nanalo ang mga ito sa  kaso kung saan pinagbabayad ang gobyerno ng P7.4 Billion sa Manila Water at P3.4 Billion sa Maynilad na ikinagalit ni Duterte at agad na pinarebyu ang kasunduan kung saan natuklasan na 8 hanggang 12 probisyon dito ay agrabyado ang gobyerno at consumers.

Umatras naman ang Manila Water at Maynilad sa paniningil at pumapayag ang mga ito na baguhin ang concession agreement subalit hindi pa rin nagpatinag dito si Duterte.

 

Read More