MERALCO VS GINEBRA: TOSS COIN SA GAME 3

BOLTS-GIN
0

WALANG tulak-kabigin sa PBA Governor’s Cup finals trilogy ng Meralco Bolts at Barangay Ginebra kaya’t masasabing anybody’s ballgame ang Game 3 ngayong gabi sa Smart Araneta Coliseum.

Ganap na alas-6:30 magsisimula ang ikatlo sa best-of-seven series ng dalalawang koponan na sa ngayon ay kapwa may 1-1 kartada.

Unang inangkin ng Gin Kings ang Game 1, 91-87, noong Enero 7.

Pero agad nakabawi ang Meralco sa Game 2 noong Biyernes sa Quezon Convention Center sa Lucena.

Nagkaalaman lamang ng nanalo sa huling mga segundo ng laro kung saan nakaungos ang Bolts kontra Gins, 104-102.

Hindi gaya sa Game 1, kumonekta ang mga tira ng Bolts lalo sa three-point area, kung saan umukit sila ng franchise-record na 16 triples na naging sandata nila para lumamang ng 19-puntos sa halftime.

Bumalikwas ang Ginebra sa third quarter at nakipagpukpukan sa fourth quarter  ngunit kinapos sa bandang huli.

Kumamada si Allen Durham ng 21 points, 18 rebounds, at 6 assists para sa Bolts, habang nagdagdag si Baser Amer ng 17 points, kabilang ang 5 triples.

Nagambag din si Chris Newsome ng 17 markers, habang nagsumite ng 15 si Raymond Almazan at 12 si  John Pinto.

Nanguna para sa Kings si Justin Brownlee na tumapos na may 35 puntos at 11 rebounds, at naging susi para maitabla ang iskor sa 70-all sa third quarter.

Ngunit sa pamamagitan ng 9 na puntos ni Nico Salva ay napanatili ng Meralco ang lamang sa 82-76 sa pagpasok ng huling period.

Nagtala rin ng double-double, 23 points at 10 rebounds si Stanley Pringle para sa Ginebra.

Inaasahan naman na gaganti ang Ginebra sa naunsyaming career milestone ng kanilang resident import na si Justine Brownlee noong Game 2.

Umiskor si Brownlee ng apat na three pointers upang maging pinakabagong record holder sa all-time most 3-point field goals made in league history ng isang PBA import.  (ANN ENCARNACION)

Read More

DEPENSA NG MERALCO ‘DI UMUBRA SA GINEBRA

GINEBRA-6
0

IT takes two to tango. Ganito rin sa basketball kung saan pinatunayan ng Barangay Ginebra na hindi sila mapipigilan ng depensa lang ng Meralco Bolts.

“Ginebra does a good job clogging the paint defensively. They want you to shoot from the outside. Normally, we do a very good job of shooting at the high percentage. But today, we did not,” wika ni Meralco coach Norman Black makaraan ang Game 1 nila ng Ginebra.

“I thought that hurt us a great deal. Even if we had some open looks, we just couldn’t make it,” pag-amin ni Black.

Sa kabila nito, umaasa si Raymond Almazan ng Bolts na makababawi ang kanyan team sa Game 2 sa Biyernes (Enero 10) sa Quezon Convention Center.

“Breaks of the game. Game 1 pa lang naman. Titingnan namin yung mga maling ginawa namin.” sabi ni Almazan. “Bawi na lang kami sa Game 2.”

Aminado naman si Meralco import Allen Durham na nakuha sana nila ang Game 1 kung gumana lang ang kanilang opensa.

“Our shots weren’t falling. And if a couple of those shots fall, that could kind of loosen up their defense a little bit,” ayon kay Durham.

“Personally, I got to shoot better. I didn’t perform to the best of my ability. So I got to be better the next game,” dagdag niya.

Nagtala lang ang Bolts ng 38 percent field goal, kabilang ang nakadidismayang  21.9 o 7 of 32 mula sa three-point area, kumpara sa 44 field goal percentage ng Kings.

Read More

MERALCO UNDERDOG SA BARANGAY GINEBRA

0

(NI ZIA JINGCO)

PANGATLONG pagkakataon nang maghaharap sa finals ang Barangay Ginebra at Meralco Bolts at sa tuwina ay underdog ang huli.

Pormal na magsisimula ang salpukan ng dalawang team sa 2019 PBA Governors Cup Finals Best-of-Seven title series sa Enero 7 (Martes), ganap na alas-7 ng gabi sa Araneta Coliseum.

Aminado si Meralco coach Norman Black na underdog na naman ang Bolts sa nakatakdang muling paghaharap nila ng Gin Kings.

Ngunit kung may Stanley Pringle si Ginebra coach Tim Cone, itinuturing namang alas ng Meralco ang sentro nitong si Raymond Almazan.

Pagdating sa point guard, naniniwala rin si Black na kayang tapatan ni Baser Amer ang mas beteranong si LA Tenorio.

Ayon naman kay Amer, hindi na sila papayag na matatluhan pa ng Ginebra sa Governor’s Cup.

“Kailangan po mag-work hard, tulong tulong kami para po makuha namin ang title,” giit nito.

Taong 2016 nang kunin ng Ginebra ang kampeonato sa anim na games. Nang sumunod na taon naman ay umabot sa full seven-game series ang sagupaan ng dalawa bago kinamkam ng Gin Kings ang pangalawang titulo.

Ngunit taong 2018 ay nasilat ang Barangay ng Magnolia Hotshots sa semifinal round pa lang.
Ito ang dahilan kaya’t gigil si Ginebra resident import Justine Brownlee na mabawi ang kanilang korona.

“It’s good to be in the finals, but we know that at this point, we’re not satisfied. And we want to feel the greatest feeling,” wika ni Brownlee.

Maging ang import ng Meralco na si Allen Durham ay excited nang makaharap sa pangatlong pagkakataon ang kanyang archrival.

“It’s going to be fun. As a competitor, you want to play against the best and he (Brownlee) has shown he’s one of the best imports in the PBA year after year. So definitely, it will be a battle,” sabi ni Durham.

Kapwa dito sa bansa nag-Christmas at New Year’s eve celebration sila Brownlee at Durham at nagkakaisa sila sa pagsasabing nag-enjoy sila ng husto, lalo sa mga pagkain bagama’t nagpigil sila bilang paghahanda sa finals.

Read More

PBA GOVERNORS CUP FINALS: TRADISYON BINALEWALA

0

(NI DENNIS IÑIGO)

BINALI mismo ng Philippine Basketball Association ang nakaugalian na nito, para sa darating na Governors Cup Finals sa pagitan ng Barangay Ginebra at Meralco.

Ang Game 1 ng the best-of-seven title series ay inurong sa Enero 7, unang beses sa matagal na panahon na itinapat ang laro sa araw ng Martes.

Ang orihinal na simula ng finals ay Miyerkoles, Enero 8.

Ang pagbabago sa kalendaryo ng Governor’s Cup Finals ay bunsod sa reklamo ng mga opisyal at coaches ng dalawang teams na masyadong maikli ang araw para sa pahinga at preparasyon sa unang dalawang games, lalo’t ang Game 2 ay gaganapin sa Lucena City sa araw ng Biyernes.

Gaganapin ang Game 1 sa Smart Araneta Coliseum, sa Quezon City.

“Both teams pointed out yung small amount of time para magpahinga at mag-prepare for Game 2 which is a Friday kung ang start ng finals is Wednesday,” esplika ni PBA commissioner Willie Marcial.

“And yung sa Lucena [game] hindi na rin namin mai-move dahil matagal ng kasado yan. Ngayon kung mag-a-adjust kami pababa, magugulo yung buong schedule ng finals. Kaya ang pinaka-feasible talaga is to adjust pataas, and that is to play Game 1 on a Tuesday.”

Nauna nang pinuna ni Barangay Ginebra coach Tim Cone ang orihinal na iskedyul ng finals games matapos nilang talunin sa semis ang NorthPort.

“Its not the game [in Lucena] itself that’s the problem. It’s the preparation time that you have coming back and the effort that you put in going on a bus there and bus back. It really depletes your energy going into the next game,” giit ni Cone.

“And it makes the next game much harder. Not the game itself, its the next game that’s harder,” dagdag niya.
Maliban sa unang dalawang games, mananatili ang orihinal na iskedyul ng laban ng Ginebra at Meralco, kabilang na rito ang pagsasagawa ng Games 6 at 7 (kung aabot hanggang dito) sa Philippine Arena sa Bocaue, Bulacan.

Read More

DAGDAG-SINGIL NG MERALCO NGAYONG NOBYEMBRE

meralco121
0

(NI KEVIN COLLANTES)

INIANUNSIYO ng Manila Electric Company (Meralco) na magpapatupad sila ng 47 sentimo kada kilowatt hour (kwh) na dagdag-singil sa kuryente ngayong buwan ng Nobyembre.

Ayon kay Meralco Spokesperson Joe Zaldarriaga, ito ang ikalawang buwan na nagtaas ng power rates ang naturang power distributor matapos na magtaas din ng singil noong Oktubre.

Aniya, dahil sa taas-singil sa kuryente na P0.4717/kwh ngayong November bill ay magkakaroon ng upward adjustment sa overall household rate ngayong buwan ng P9.5579/kwh mula sa dating P9.0862/kwh lamang.

Ipinaliwanag naman ni Zaldarriaga na ang pagtaas ng singil sa November bill ay dulot ng pagmahal ng halaga ng kuryente sa spot market.

Nakaambag din umano sa pagtataas ng singil ang dalawang yellow alert at ilang plant outages sa Luzon grid na natapat sa naturang billing period.

Bukod pa aniya sa mas mababa na rin ang naturang refund na iniutos ng Energy Regulatory Commission (ERC) na ipatupad.

Nabatid na ang naturang dagdag-singil ay katumbas ng P94.34 na dagdag sa bayarin ng mga tahanang kumukonsumo ng kuryente na 200 kwh kada buwan; P141.51 naman sa mga nakakagamit ng 300 kwh; P188.68 sa mga gumagamit ng 400 kwh na elektrisidad at P235.85 para sa mga kumukonsumo ng 500 kwh na kuryente kada buwan.

Samantala, sinabi naman ng Meralco na kahit na may dagdag singil ay mas mababa pa rin ang electricity rates ng piso ngayong Nobyembre, na nasa P9.56/kwh lamang, kumpara sa Abril 2019, na mayroong P10.56/kwh.

 

Read More

ILANG LUGAR SA METRO MAWAWALAN NG KURYENTE

brownout121
0

(NI KEVIN COLLANTES)

MAKARARANAS ng pansamantalang pagkawala ng suplay ng kuryente ang ilang lugar sa Metro Manila at kalapit na lalawigan, bunsod ng isasagawang maintenance works o pagkukumpuni sa mga pasilidad ng Manila Electric Company (Meralco).

Ayon sa Meralco, magsisimula ang power interruption ngayong Lunes, Nobyembre 4 at magtatagal hanggang sa Linggo, Nobyembre 10.

Kabilang umano sa mga lugar na mawawalan ng suplay ng kuryente ay ang Caloocan City dahil sa pag-upgrade at reconstruction ng mga pasilidad sa Gen. Rosendo Simon at Calle Uno Streets; Las Piñas City dahil sa pagpapalit ng mga poste, line reconductoring works, at paglilipat ng mga pasilidad sa Aria St., Bgy. Talon II, at pag-install ng mga pasilidad at pagpalit ng mga poste sa Alabang-Zapote Road sa Bgy. Talon II.

Kasama rin ang Parañaque City dahil sa pagpalit ng mga poste at line reconductoring works sa N. Lopez Ave. sa Barangay San Isidro at Pasay City dahil sa line reconductoring works sa F. B. Harrison Street.

Makakaranas rin ng power interruption ang Quezon City sa line reconductoring works at pag-install ng mga pasilidad sa Makadios St. sa Bgy. Botocan, Diliman at Valenzuela City dahil naman sa paglilipat ng mga pasilidad na apektado ng DPWH road widening project sa Tagalag Road sa Bgy. Tagalag.

Mawawalan rin pansamantala ng suplay ng kuryente ang San Jose del Monte City, Bulacan dahil sa line reconductoring works sa Francisco Homes Subd. Phase D, Bgy. Francisco Homes-Mulawin; San Ildefonso at San Miguel, Bulacan at Candaba, Pampanga dahil sa preventive maintenance at testing works sa loob ng Meralco-San Miguel substation.

May power interruption rin sa Balagtas, Guiguinto, at Plaridel, Bulacan dahil sa paglipat ng mga poste at line reconductoring works sa C. Mercado St., Bgy. Tuktukan, Guiguinto.

Apektado rin naman ang Dasmariñas City at Silang, Cavite bunsod naman ng maintenance works sa loob ng Meralco-Silang substation at Imus, Cavite dahil sa line reconductoring works, pag-install at paglilipat ng mga pasilidad sa Pasong Buaya I Road sa Bgy. Pasong Buaya I, Imus City.

Kaugnay nito, humingi naman ng paumanhin at umaapela ng pang-unawa ang Meralco sa kanilang consumers na apektado ng power interruptions.

Ipinaliwanag pa nito na ang ginagawa nilang pagkukumpuni ay may layunin lamang na higit pang paghusayin ang kanilang serbisyo.

Read More

BROWNOUT

brownout121
0

(NI KEVIN COLLANTES)

ILANG lugar sa Metro Manila at mga kalapit na lalawigan ang makararanas ng pansamantalang pagkawala ng suplay ng kuryente ngayong linggong ito, batay na rin sa abisong inisyu ng Manila Electric Company (Meralco).

Sa naturang advisory, sinabi ng Meralco na ang power interruptions, na sisimulang ipatupad sa Martes,  Oktubre 15, at magtatagal hanggang sa susunod na Linggo, Oktubre 20, ay bunsod nang isinasagawa nilang maintenance works.

Kabilang sa mga maaapektuhan ng power interruptions ay ang Makati at Mandaluyong City, dahil sa pagpapalit ng poste sa E. Pantaleon Street, sa Barangay Barangka Ibaba, Mandaluyong City; Ermita, Maynila dahil sa pagpapalit ng poste sa T. M. Kalaw Sr. Ave. sa Ermita, Manila at Paco, Maynila dahil sa pagpapalit ng poste sa Paz Street.

Apektado rin ang Pinagbuhatan, Pasig City dahil sa maintenance works at pagpalit ng mga pasilidad sa loob ng Meralco-Taguig substation, gayundin ang Tandang Sora, Quezon dahil sa line reconductoring works sa Alcantara Compound; at Sto. Cristo-Bago Bantay, Quezon City dahil sa pagpapalit ng mga pasilidad sa Pampanga Street.

Pansamantala ring mawawalan ng suplay ng kuryente ang Calamba City sa Laguna dahil sa instalasyon, paglilipat at pag-retire ng mga pasilidad; at line reconductoring works na apektado ng DPWH road widening project sa Barangay Parian; at Lusiana at Majayjay sa Laguna at Lucban at Tayabas sa Quezon, dahil naman sa maintenance works sa loob ng Meralco-Tayabas substation.

Mayroon ring power interruptions sa Sariaya, Quezon dahil sa pagpalit ng poste sa Bignay 1 Barangay Road at pagpalit ng poste sa Sitio Pontor Road sa Barangay Bignay 1, habang sa Lucena City naman ay magkakaroon ng preventive maintenance at testing works sa loob ng Meralco-Lucena substation.

Kaagad namang humingi ng paumanhin ang Meralco sa kanilang consumers dahil sa abalang dulot ng kanilang maintenance works.

Paliwanag ng Meralco, layunin ng kanilang pagkukumpuni na higit pang mapaghusay ang ipinagkakaloob nilang serbisyo sa kanilang mga consumers.

Read More

TAAS-SINGIL SA KURYENTE NGAYONG OKTUBRE 

meralco12
0

(NI MAC CABREROS)

NAPUTOL ang limang buwan na bawas singil sa kuryente ng Manila Electric Company (Meralco) dahil makararanas ng bahagyang pagtataas ngayong Oktubre.

Ayon Meralco, madaragdagan ng P0.0448 kada kilowatthour ang bill ng kanilang kostumer o P9 sa kumukonsumo ng 200kWh kada buwan.

Bagama’t ganito, binanggit ng Meralco na tinatamasa pa rin ng kanilang customer ang P1.47 kada kWh na bawas sa bill na ipinatupad sa nagdaang limang buwan.

Tinukoy ng Meralco na umakyat sa P9.0862 kada kWh ang rate ngayong buwan kumpara sa P9.0414 noong Setyembre.

Bunsod ito ng pagsirit sa P P4.5406 kada kWh o dagdag na P0.0215 kada kWh ang generatin charge na naiposte sa P4.5406 kada kWh noong nakaraang buwan.

“The increase is due to a smaller Net Settlement Surplus (NSS) refund for October from the Wholesale Electricity Spot Market (WESM).  WESM charges decreased by P0.5290 per kWh driven by an improved power supply situation in the Luzon grid as there were fewer power plants on outage during the supply month,” pahayag Meralco.

Nabatid na nasa 17 porsyento ng supply ng Meralco ay kinukuha sa WESM.

Binanggit pa Meralco na nakadagdag sa pagtaas sa bill ang P0.0249 kada kWh na transmission charge.

Idinagdag ng Meralco na nakatulong para mabawasan ng P0.1412 kada kWh ang presyo ng mga Independent Power Producers ang paglakas ng piso sa palitan sa dolyar.

 

Read More

SINGIL SA KURYENTE BABABA PA — MERALCO

meralco121
0

(NI MAC CABREROS)

INAASAHAN ang patuloy na pagbaba sa singil sa kuryente, inihayag nitong Martes ng Manila Electric Company (Meralco).

Ito, ayon Atty. Ray C. Espinosa, pangulo at CEO, ay dahil sa bilyon-bilyong piso ang matitipid ng mga customer sa mga power supply agreement o PSA na pinasok sa power producers gaya ng PHINMA Energy Corporation, San Miguel Energy Corporation, at South Premiere Power Corporation nasa 1,700 megawatts.

Tinaya ni Atty. Espinosa na abot sa 13.86 bilyon kada taon ang magaganansiya ng mga kustomer sa rate reduction na P0.41 kada kilowatthour.

“The prices from the PSAs we signed are significantly lower than the average generation cost today of around PhP5.88/kWh (VAT inclusive),” pahayag Espinosa.

“Actually we were hesitant to join the bidding dahil grabe ang risk.  Pero I know [Meralco President Ray Espinosa] was trying to protect the consumer,” pahayag naman Ramon Ang, pangulo ng SMC.

“The most important thing is that the consumers are benefitting.  So kami nang bahala to manage that risk,” diin naman ni Phima Energy president Eric Francia.

Nabatid na ang bibilhing kuryente ay produkto ng mga plantang gumagamit ng natural gas at renewable energy gaya ng sinag ng araw (solar) at hangin.

Isang punto pang maganda sa kasunduan ay ang pananagutan ng mga power producers ang anumang pagpalya o hindi pag-deliver sa produkto.

“Also, if the generator companies are unable to deliver power, they will be liable to pay a fine, which will be used to reduce the generation cost to consumers,” wika pa Espinosa.

Isusumite ang PSA sa Energy Regulatory Commission upang masuri at maaprubahan.

Nailista nitong September ang limang buwan tapyas sa singil sa kuryente ng Meralco kung saan P1.52/kWh ang nabawas sa monthly bill ng mga customer.

 

Read More