10-K GURO 60-ORAS NANG NAGTATRABAHO SA BOTOHAN 

teachers12

(NI BERNARD TAGUINOD/PHOTO BY ED CASTRO))

OVERTIME na sa kanilang tungkulin bilang Board of Election Inspectors (BEIs) ang may 10,000 public school teachers dahil sa mga technical error at mga problemadong SD o secure digital cards.

Ito ang inireklamo ng ACT Teachers party-list group dahil umaabot sa 60-oras na nagtatrabaho umano ang mga BEIs simula noong Lunes, Mayo 13, dahil sa mga nabanggit na aberya.

Sinabi ng grupo na sa kabuuan, umaabot sa 3, 253 Vote-Counting Machines (VCMs) ang hindi nakapag-transmit pasado alas-12:00 ng tanghali noong Miyerkoles kaya umaabot sa 60 oras na nagtatrabaho ang mga BEI.

“This is unacceptable! While Comelec  is already declaring a ‘generally successful elections’, thousands of teacher-poll workers have not left their assigned precincts since as early as 2am on May 13,” ani Raymond Basilio, Secretary General ng nasabing grupo.

Naidokumento ng grupo ang mga ito sa apat (4) na barangay sa Camarines Norte, partikular na sa Brgy. Ubang, San Roque, Villa Aurora at Tanauan, apat na barangay sa La Union (Brgy. Bani, Parasapas, Tanglad at  Gumot), isang presinto sa Poblacion, San Manuel Tarlac; Villa Aglipay sa San Jose Tarlac, Northern Samar, Davao City at 11 presinto sa  Guipos, Zamboanga del Sur at iba pa.

Bagama’t mayroon honoraria ang mga grupo na ito, hindi makatarungan umaabot sa 60-oras ang kanilang pagtatrabaho gayung dapat ay 24 oras lang nasa presinto ang mga ito.

Gayunpaman, dahil sa kapalpakan umano ng Comelec at ang makitang ginamit sa pagbilang mga boto ay naapektuhan ang mga guro na ito.

“We call on the concerned agencies to give justice to the immeasurable sacrifice of teacher-poll workers. At the minimum, they shall ensure that all those who rendered extended poll service due to Comelec’s  inefficiency be properly compensated and provided additional service credit. They have been denied their much-needed and deserved rest. Maawa naman kayo sa mga guro,”  ani Basilio.

 

Please follow and like us:
Read More

MGA GURO READY NA SA 2019 POLLS –DepEd

deped25

(NI FRANCIS SORIANO)

AABUTIN sa 531,307 officials, teachers at personnel ng Department of Education (DepEd) ang ipakakalat upang makikibahagi sa midterm elections sa Mayo13, Lunes.

Ayon kay DepEd Undersecretary Annalyn Sevilla, 257,304 sa nasabing bilang ay pawang mga guro na mapapasama sa electoral board.

Ang mga ito ay makatatanggap ng honoraria mula P2,000 hanggang P6,000 depende sa kanilang magiging posisyon sa electoral board.

Bukod dito, magkakaroon din sila ng P1,000 travel allowance bawat isa.

Please follow and like us:
Read More

61-M OFFICIAL BALLOTS TAPOS NA — COMELEC

COMELEC12

(Ni FRANCIS SORIANO)

PORMAL nang ini-anunsyo ng Commission on Elections (Comelec) na natapos na lahat ng National Printing Office (NPO) ang paglilimbag sa huling bahagi  ng 61,000,000 official ballots para sa 2019 midterm elections.

Ayon kay Director Teofisto Elnas Jr, tututok na lamang ang Comelec sa shipment nito, kung saan ay makakatuwang nila ang mga forwarder na accredited ng poll body at ibang election materials na lang ang kanilang inaasikaso.

Base sa tala ng Comelec, mayroong 61,843,750 registered voters para sa May 13 polls.

Dagdag pa nito na ang 1.1 milyon na official ballots ay gagamitin umano sa Final Testing and Dealing (FTS) process habang ang iba ay gagamitin naman sa demonstration ballots para sa Vote-Counting Machine (VCM) at  road show purposes.

Ang naunang nilimbag na official ballots para sa Overseas Absentee Voting (OAV) at ang mga nakalaan para sa malalayong lugar sa bansa ay naipadala na.

Please follow and like us:
Read More

GAGAMITING DEVICE SA HALALAN IPINASUSUMITE NG COMELEC

comelec12

Ni FRANCIS SORIANO

SA Lunes (April 1) ang umpisa hanggang Biyernes (April 6) ang pagsusumite sa Commission on Elections (Comelec) sa lahat ng mga partido o mga end-users para isumite ang mga electronic devices na gagamitin sa pagkuha ng kopya ng May 13 elections result.

Ayon sa Teofisto Elnas, Comelec Director IV,  limang araw lamang ang ibinibigay ng komisyon para isumite ang gagamiting laptop, usb storage devices at lan cable sa magiging work station ng mga ito sa transparency server room ng Comelec, para masuri ito.

Sa ilalim ng Republic Act No. 9363, mabibigyan ng election precinct results ang election board of canvassers, mapipiling dominant majority at minority party, Parish Pastoral Council for Responsible Voting (PPCRV) at Kapisanan ng mga Brodkasters ng Pilipinas (KBP).

Dagdag pa nito na magtatalaga sila ng ‘gatekeeper’ na siyang sasala at magko-control sa mga update sa halalan para sabay-sabay itong ibigay at isapubliko ng kagawad media.

Please follow and like us:
Read More

TRAINING NG ELECTION INSPECTORS MAPUPURNADA

comelec12

(NI DAVE MEDINA)

MANGANGANIB  na maapektuhan ang pagsasanay ng mga Board of Election Inspectors (BEI) para sa gagampanang tungkulin sa May midterm elections.

Ito ang sinabi ni Commission on Elections (Comelec) spokesperson James Jimenez sa panayam kaugnay ng isyu hinggil sa hindi pa inaaprubahang 2019 proposed national budget dahil sa hindi pagkakaintindihan ng dalawang Kapulungan ng Kongreso.

Maliban sa pondo para sa training, nasa bingit din ng alanganin ang honorarium ng mga magsisilbing BEI.

Gayunman, hinahanapan na umano ng paraan ng Comelec kung saan “makakahiram” ng pondo para sa training ng mga guro mula sa pondo ng iba pang programa nila dahil hindi kasama sa ginagamit na reenacted budget ng nakaraang taon ang pondo para sa honorarium at training expenses ng mga BEI.

Hindi naman umano maiiwasang makasama rin sa mga maapektuhan dito ang mga supervisors ng Department of Education (DEPED) at kanilang support staff na kinabibilangan ng mga technicians na mayroong kani-kaniyang trabaho para sa May 2019 midterm elections.

 

Please follow and like us:
Read More

80 NARCO-POLITICIANS ILALANTAD BAGO ANG ELEKSIYON

cocaine22

(NI JESSE KABEL)

NANINDIGAN si Interior and Local Government Secretary Eduardo Ano na hawak nila ang 80 pangalan sa listahan ng mga sinasabing narco-politicians sa bansa at handa na nila itong ibulgar sa publiko bago ang midterm elections sa Mayo.

Nangangamba rin ang ahensiya sa posibleng pagbaha ng drug money para gamitin sa pangangampanya at pagbili ng boto.

Kasabay nito, mahigpit na ipinag-utos ni Ano sa lahat ng security forces ng gobyerno na paigtingin pa ang giyera kontra iligal na droga lalo na ngayong nalalapit na ang midterm election.

Magugunitang mismo si Año ang nagnanais na ilantad ang narco list para maging patnubay ng mga botante sa darating na eleksiyon.

Gayunman, lubos ang pag-iingat ng ahensiya sa imbestigasyong at pagmomonitor sa kilos ng mga politikong nasa listahan bago ito ilabas sa publiko.

 

Please follow and like us:
Read More

KAMPO NG PNP OFF LIMITS SA KAMPANYA

pnp1

(NI NICK ECHEVARRIA)

SIMULA sa araw na ito off limits ang lahat ng kampo ng Philippine National Police (PNP) sa bansa sa pangangampanya kaugnay sa pagsisimula ng campaign period para sa national position sa darating na 2019 mid-term elections.

Ito ang ipinahayag ni PNP Chief Director General Oscar Albayalde kasunod ng muling pagpapaalala sa buong kapulisan na mahaharap sa kaparusahan ang sinuman sa kanilang miyembro na mahuhuling ikinakampanya ang alinman sa mga kandidatong pulitiko.

Mahigpit ding ipinagbabawal ni Albayalde ang pangangampanya ng mga kandidato at paglalagay ng mga election posters sa loob mismo ng mga kampo at sa mga sasakyan  ng pambansang pulisya.

Gayunman inamin ni Albayalde na hindi naman saklaw ng kanilang kapangyarihan na pagbawalan ang ilang mga sibilyan na pumapasok sa mga kampo ng PNP na nakasuot ng mga campaign T-shirt at paraphernalia o mga sticker sa kanilang mga sasakyan.

Partikular na tinukoy ni Albayalde ang mga may-transaksyon sa Firearms and Explosives Office at sa Supervisory Office for Security and Investigation Agencies  (SOCIA).

Please follow and like us:
Read More

BALOTA SA OVERSEAS VOTING UUNAHIN SA IMPRENTA

balota

SINABI ng Commission on Elections (Comelec) na mauunang iimpreta ang mga balotang gagamitin sa overseas absentee voting para sa May 2019 elections.

“ May mga listahan na lugar sa mga overseas automated polls at ang mga balotang ito ay ipapadala sa mail.  Itong mga balotang ito ang uunahing i-impreta kasi iba ang itsura ng balota na iyon. Ang laman lang nun, national candidates, kaya mas mabilis matatapos ‘yun,” paliwanag ni Comelec spokesperson James Jimenez sa isang press conference.

“Pero ‘yung kabuuan ng [mga] balota para sa national elections, mga mid-April matatapos ang printing,” dagdag pa nito.

Ang campaign perios para sa senatorial bets ay magsisimula sa February 12 hanggang May 11. Habang ang election day ay sa May 13.

Inilabas na ng Comelec ang pinal na listahan ng senatorial candidates noong nakaraang linggo. Naging 62 na lamang ito mula sa orihinal na 63 matapos umatras si dating presidential adviser Harry Roque.

Ipinaliwanag ni Jimenez na ang pangalan ni Roque ay hindi na lalabas sa mga balota matapos itong magsumite ng statement of withdrawal sa Comelec office noong Biyernes.

“Inaasahang magsisimula ang printing ng balota sa February 7. Ang pag-imprenta ay gagawin 240ras araw-araw,” sabi pa ni Jimenez.

Please follow and like us:
Read More