NAKUMPISKA SA VOTE BUYING UMABOT NG P12-M

votebuying14

(NI JG TUMBADO)

UMABOT sa mahigit P12 milyon halaga na gagamitin sana sa vote buying ang nakumpiska ng Philippine National Police (PNP) sa kanilang operasyon sa iba’t ibang panig ng bansa nitong panahon ng eleksyon.

Ito ay batay na rin sa ulat na ipinalabas ng National Election Monitoring Action Center o NEMAC sa kampo Crame.
Umabot sa mahigit na 200 ang operasyon kung saan nakadampot sila ng 356 na indibidwal at walong menor de edad.

Ang top 5 na mga rehiyon ay ang Region 13 o Caraga kung saan umabot sa halos P8 milyon ang nakumpiska.

Sinundan ito ng region 10 na umabot naman sa mahigit na P1.1 milyon, NCRPO na umabot sa P500,000, Region 5 na P449 milyon at Region 4A na mahigit sa P400,000. Patuloy pa rin ang isinasagawang validation ng PNP sa isinagawang  operasyon.

Inihahanda na rin ng PNP ang kaukulang kaso na isasampa laban sa mga naaresto na sangkot sa vote buying.

Please follow and like us:
Read More

POWER INTERRUPTION SA BOTOHAN AALAMIN NG DoE

doe

(NI ROSE PULGAR)

NATUPAD ng Department of Energy (DoE) ang pangako na walang magaganap na brownout sa araw ng halalan 2019.

Sa ginanap na Post Election Assessment ng DOE, sinabi ni Energy Undersecretary Wimpy Fuentebella na naging sapat ang suplay ng kuryente noong Lunes (Mayo 13) araw ng botohan.

Sinabi ni Fuentebella, nasa normal status noong araw ng eleksyon na ibig sabihin, ang capacity o ang available na megawatts ay sobra-sobra para sa demand o reserve.

Aniya, kuntento sila sa performance ng energy family, pero sisiyasatin umano nila ang rason ng ilang power interruptions noong kasagsagan ng botohan.

Samantala, pahayag naman ng National Grid Corporation of the Philippines (NGCP), ang operation ng kanilang transmission facilities ay generally normal, maliban lamang sa nag-iisang outage ng kanilang transformer dahil sa technical equipment issues.

Ito ang 20 MVA transformer sa Daangbantayan sa Cebu, kaya nawalan ng kuryente, ilang oras matapos ang botohan ng alas-7:44 ng gabi.

Noong Mayo 14 ay inilagay ng NGCP sa yellow alert ang Luzon grid dahil sa ilang planta na nagkaaberya.

Pero ipinaliwanag ni Fuentebella na ang ibig sabihin ng yellow alert ay mayroon kuryente, ngunit manipis lamang ang reserba dahil sa mataas na demand.

 

 

 

Please follow and like us:
Read More

GENERALLY PEACEFUL

comelec pnp12

(NI NICK ECHEVARRIA)

NAGING  maayos at matiwasay sa pangkalahatan ang idinaos na 2019 midterm election  sa  Metro Manila, ayon sa assessment ni National Capital Region Police Office (NCRPO) Maj. Gen. Guillermo Eleazar.

Sinabi ni Eleazar na pinatunayan ng naganap na peaceful election ang mahaba at matiyaga nilang preparasyon at koordinasyon sa mga concerned agencies ng pamahalaan para lamang matiyak ang positibong resulta ng katatapos na eleksyon.

“No untoward incident reporterd and it’s peaceful so far. I think it is because of our coordination with the Commission on Elections (Comelec) and other concerned government agencies,” ayon kay Eleazar.

Sa ulat ng NCRPO hanggang alas-5:00 ng hapon nitong Lunes nasa 135 katao ang kanilang naaresto sa kasong vote buying sa magkakahiwalay na police operations sa kamaynilaan.

Sa nasabing bilang 60 ang nadakip mula sa Makati City, 54 sa Quezon City, 17 sa Muntinlupa, 3 sa Malabon at isa  sa Caloocan City habang nasa kabuuang P518,100 ang nakumpiskang halaga.

Mahaharap naman sa kasong paglabag sa  Section 261 (a) in relation to Section 262 ng Omnibus Election Code (Vote Buying and Vote Selling) ang mga nadakip na suspek.

Sa mahigpit na pagpapatupad  ng liquor ban, 403 ang mga lumabag na dinakip ng pulisya sa kabuuang 62 police operations na kanilang inilunsad.

Sa  mga naaresto 253 rito ang nadakip ng QCPD, sinundan ng SPD na may nahuling 47, pangatlo ang MPD sa kanilang 41 naaresto, 39 naman sa  NPD at 23 sa EPD.

 

Please follow and like us:
Read More

2,000 STAFF, VOLUNTEERS NG RED CROSS READY NA

redcross12

(NI KEVIN COLLANTES)

TINIYAK ng Philippine Red Cross (PRC) na handang-handa na rin sila na magkaloob ng kaukulang tulong sakaling magkaroon ng mga emergency sa pagdaraos ng midterm elections sa bansa sa Lunes, Mayo 13.

Katuwang ang Commission on Elections (Comelec), nabatid na magtatayo ang PRC ng may 310 first aid stations at 158 welfare desks, at magpapakalat ng may 150 ambulansiya at 42 emergency vehicles sa mga istratehikong mga lugar.

May 2,000 staff at volunteers din aniya silang nakaantabay sa buong bansa upang tumulong sa mga taong mangangailangan nito.

Ayon kay PRC Chair at CEO, Senador Richard Gordon, nais nilang matiyak na bawat mamamayan ay ligtas habang bumuboto ng mga kandidatong sa tingin nila ay karapat-dapat na iluklok sa posisyon.

“We want to make sure that each and every citizen of the Philippines is safe and sound while exercising his/her right to vote. To secure their well-being, we will put up first aid stations, welfare desks, emergency vehicles and mobile units (roving teams) in schools and local chapters duty during the election day.  In PRC our mantra is volunteers + logistics + information technology = always first, always ready, always there. PRC is committed in providing services for the interest of mankind,” ani Gordon.

Anang PRC, sakali umanong magkaroon ng emergency o anumang hindi inaasahang pangyayari ay maaring kumontak sa kanilang 24/7 Operations Center, sa pamamagitan nang pag-dial sa 143 o 790-23-00 para sa kaukulang assistance.

Please follow and like us:
Read More

HIGIT 1-K POLL HOTSPOTS NAITALA NG COMELEC

COMELEC12

UMABOT na sa 1,196 ang itinuturing ng Commission on Elections (Comelec) na election hotspots kung saan nadagdagan pa tatlong araw bago ang eleksiyon sa Lunes.

Sinabi ng Comelec na ang bagong listahan ay sumasaklaw sa National Capital Region, Luzon at Visayas at inirekomenda ng Committee on the Ban on Firearms and Security Personnel base sa official report mula sa lahat ng regional joint security control centers.

Ang lahat ng lugar sa Mindanao ay nauna nang inilagay sa ilalim ng election hotpots bilang category red (areas of grave concern).

Kabilang sa mga nasa ilalim ng Comelec control ang Daraga City, Cotabato City at Moises Padilla town.

Ang mga lugar ay agad na isinailalim sa Comelec control dahil sa mga nauna nang naganap na karahasan sa politika.

Sa 1,196 na lugar na deklaradong hotspots, 85 dito ang nasa category red (areas of grave concern).

Umaabot naman sa 706 lugar ang nasa category green (peaceful and orderly), habang ang nalalabing lugar ay category yellow (areas of concern) o orange (areas of immediate concern).

Please follow and like us:
Read More

DFA SARADO SA LUNES

dfa123

(NI ROSE PULGAR)

INIANUNSIYO ng Department of Foreign Affairs (DFA)  Office of Consular Affairs na sarado ang lahat ng kanilang mga opisina sa buong bansa sa darating na Lunes ( Mayo 13) sa araw ng  halalan  2019.

Sa pahayag ng DFA, inaabisuhan nito na sarado ang kanilang opisina sa Aseana Business Park at lahat ng DFA Consular Offices sa araw ng eleksyon.

Ito ay alinsunod sa Proclamation No. 719, na inilabas noong Mayo 9, ng Executive Secretary, na nagdedeklara sa Mayo 13 bilang isang special non-working holiday sa buong kapuluan dahil sa midterm elections.

Ayon sa DFA, ang mga aplikante na may confirmed passport appointments sa Mayo 13 ay maaaring maserbisyuhan mula Mayo 14 hanggang 31, nang taong kasalukuyan maliban lamang sa  Sabado.

Dalhin lamang ng mga aplikante ang printout o kopya ng confirmed passport appointments, kasama ang iba pang requirements para sa passport application.

Please follow and like us:
Read More

43-ORAS LIQUOR BAN IPATUTUPAD NG PNP

ban12

(NI JG TUMBADO)

IPATUTUPAD ng Philippine National Police (PNP) ang 48-oras na liquor ban bago ang May 13 midterm elections.

Sa ipinatawag na pulong balitaan sa Camp Crame, sinabi ni PNP spokesperson Col. Bernard Banac, ito ay para matiyak ang mapayapa at maayos na eleksyon.

Magsisimula ang implementasyon nito bandang alas 12:01, Linggo ng madaling-araw (May 12) hanggang alas 12:00, Lunes ng madaling-araw (May 13).

Magiging mahigpit aniya ang pagbabawal ng pagbebenta ng anumang klase ng inumin na nakalalasing.
Bahagi aniya ito ng inihandang seguridad ng PNP para sa eleksiyon.

Magiging mahigpit ang pagpapatupad sa direktiba at agad na aarestuhin ang sino mang maaktuhang umiinom ng alak sa kalsada at iba pang pampublikong lugar.

Please follow and like us:
Read More

MERALCO HANDA NA SA HALALAN SA LUNES

meralco8

(NI KEVIN COLLANTES)

HANDANG-HANDA na ang pamunuan ng Manila Electric Company (Meralco) para sa pagdaraos ng midterm elections sa Lunes, Mayo 13, ayon kay Joe Zaldarriaga, tagapagsalita ng Meralco.

Ayon kay Zaldarriaga, lahat ng isyu hinggil sa suplay ng kuryente na maaaring kaharapin sa araw ng halalan ay tinugunan na nila.

Paniniguro nya, may 150 generator sets na silang nakaantabay at dadalhin ng mga roving crews at kaagad na maide-deliber sa mga polling at canvassing areas na posibleng mangailangan nito.

Mayroon na rin aniya silang 300 floodlights na nakahanda para sa deployment na magagamit sa anumang emergency.

Bagamat mas mababa naman aniya ang demand ng kuryente sa araw ng halalan dahil walang pasok sa eskwela at trabaho, ay pinayuhan na rin ng Meralco ang mga polling centers na magbaon ng backup lights bilang karagdagang precautionary measure.

Pinaalalahanan rin niya ang publiko, lalo na ang mga nakatalaga sa mga polling precincts, na umiwas muna sa paggamit ng mga electronic devices na hindi naman kakailanganin dahil maaari aniyang magdulot ito ng octopus connection, at magresulta sa problema sa kanilang internal wiring facilities.

 

Please follow and like us:
Read More

RED TEAMS NG PNP-CITF, IPINAKALAT SA VIP SECURITY

pnp120

(NI NICK ECHEVARRIA)

SINIMULAN nang ipakalat ng Philippine National Police (PNP) ang red teams mula sa Counter Intelligence Task Force (CITF) para bantayan ang mga kandidato at kanilang mga security na hindi lalabag sa mga alituntunin ng eleksiyon.

Partikular na babantayan ng red teams ng CITF ang security escorts ng mga politiko at mga pulis na nakatalaga bilang mga VIP protectors para tiyakin na hindi lalabag ang mga ito sa election gun ban.

Muling ipinaalala ni PNP Chief General Oscar Albayalde na kailangang may permiso ng PNP ang mga ang nakatalagang security ng mga ito, lisensyado at may  permit mula sa Comelec ang mga  dalang baril.

Ginawa ni Albayalde ang pahayag kasunod ng pag-prisinta sa 1,257 mga ilegal na baril na nakumpiska ng PNP Supervisory Office for Security and Investigation Agencies (SOCIA) mula sa mga security guards at sa mga agencies nito na walang kaukulang lisensya.

Nauna nang nagbabala ang hepe ng pambansang pulisya sa mga bobotong politiko na bawal magsama ng kanilang mga security escorts sa loob ng mga polling precinct.

Simula nang ipatupad ang Comelec gun ban mahigit nang 5,000 loose firearms ang nakumpiska ng PNP.

 

Please follow and like us:
Read More