MATAPOS ANG ‘NO SHOW’; DU30 TULOY SA DAVAO DEL SUR

duterte12

(NI DONDON DINOY)

MALALAG, Davao del Sur- Matutuloy na ngayong araw ng Biyernes, ang pagbisita ni Pangulong Rodrigo Duterte dito sa naturang bayan at kalapit na bayan ng Padada, Davao del Sur.

Kinansela ni Duterte ang itinakdang pagbisita kahapon, Huwebes, Enero 2, dahil ayon sa tagapagsalita nito ay masama ang pakiramdam ng Pangulo.

Unang sinabi ni Secretary Salvador Panelo sa mga mamamahayag sa Maynila na “not feeling well” si Duterte at “ordinary” lamang ito sa isang 74-anyos.

“Masama lang siguro pakiramdam eh ordinary lang yon… Ano lang iyon, ordinaryong masamang pakiramdam ng isang 74 years old,” ayon kay Panelo.

Hindi ito ang unang beses na kinansela ni Duterte ang kanyang public engagements dahil sa health issues.

Inamin din noon ng Pangulo na nakararanas siya ng muscle spasms matapos maaksidente sa motorsiklo noong nakaraang taon.

Una rin nitong inamin na mayroon siyang myasthenia gravis, isang  chronic autoimmune neuromuscular disease at Buerger’s disease, dahil sa paninigarilyo noong kabataan nito.

Ngunit, ayon sa Media Relations Office (MARO), matutuloy na ngayong araw ang pagbisita ng Pangulo sa dalawang bayan sa Davao del Sur na unang schedule nito sa taong 2020.

Nakatakdang mamigay ang Pangulo ng P5-milyong financial assistance para sa 1,500 indibidwal na biktima ng lindol sa bayan ng Malalag.

Pupunta rin si Duterte sa bayan ng Padada, upang bisitahin ang nasa 1,000 biktima ng lindol.

Maliban sa financial assistance, mamimigay din ng family food ang Department of Social Welfare and Development (DSWD), na pangunahan ni Secretary Rolando Bautista.

 

Read More

TRILLANES ‘NO SHOW’ SA PAGDINIG NG REBELLION CASE

trillanes

(NI LYSSA VILLAROMAN)

MULING ipinagpatuloy ang pagdinig ng Makati City Regional Trial Court (RTC) sa kasong rebelyon laban kay Senador Antonio Trillanes IV, Lunes ng hapon.

Nagsimula ang pagdinig dakong alas-2:00 ng hapon sa sala ni Makati RTC Judge Elmo Alameda ng Branch 150  subalit “no show” o hindi nakadalo si Trillanes kung saan ni-waive ng senador ang appearance nito.

Ang isinagawang pagdinig ay ang rebellion case kaugnay sa 2007 Manila Peninsula siege kung saan na-dismiss na ito noong 2011, matapos siyang bigyan ng amnestiya ni dating pangulong Benigno ‘Noynoy’ Aquino, ngunit binuhay ng Duterte administration noong 2018.

Sa unang bahagi ng pagdinig ay humirit si Atty. Reynaldo Robles, abogado ni Trillanes, na maglatag ng  listahan ng mga testigo upang maiwasan ang mga surpresang saksi.

Sa hirit ni Robles, sinabi nito na ang listahan ng mga testigo ay nararapat na mayroon din silang kopya para makapaghanda rin ang kampo ng senador bago ang susunod na pagdinig.

Sa hearing, isinalang sa witness stand si Assistant State Prosecutor Mary Jane Sytat at isinalaysay nito ang nangyari noong dinidinig pa ng Makati RTC branch 148 ang kasong kudeta ni Trillanes kaugnay naman sa Oakwood mutiny.

Subalit ayon sa kampo ni Trillanes, “irrelevant” ang mga salaysay ni Sytat.

Magpapatuloy naman ang pagdinig sa Hulyo 22, dakong alas-2:00 ng hapon at dito magkakaroon ng cross examination ang depensa.

 

Read More

DUTERTE ‘DI NAKADALO SA MITING DE AVANCE NG HUGPONG

duterte123

DAVAO CITY – No show si Pangulong Rodrigo Duterte Huwebes ng gabi sa miting de avance ng Hugpong ng Pagbabago (HNP), sa kanyang balwarte rito.

Nakatakda sanang dumalo ang Pangulo, ngunit ayon sa kanyang trusted aide at Senate aspirant Bong Go, pagod umano ang Pangulo at kailangan nitong magpahinga.

Galing ang Pangulo sa isang campaign sortie ng kanyang political party PDP-Laban, sa Bohol nitong Miyerkoles.

Ang pagdalo sana ng Pangulo ang unang pagkakataon sa Hugpong kundi sumama ang pakiramdam nito.

Sa buong panahon ng kampanya, tanging ang campaign sorties ng PDP-Laban at kanyang guest candidates lamang ang dinaluhan ng Pangulo.

 

Read More

1 LINGGO NANG ‘DI NAKIKITA: PANGULO ABALA SA PAPERWORKS — PANELO

SINAGOT ni Presidential spokesperson Salvador Panelo ang pagkawala ni Pangulong Rodrigo Duterte sa Palasyo at iginiit na nasa Davao City lamang ito at nagtatrabaho.

Sa panayam, sinabi ni Panelo na may mga paperworks na ginagawa ang Pangulo sa kanyang lalawigan.

Isang linggo na umanong hindi nakikita ang Pangulo at ang huli ay sa pagbubukas ng Palarong Pambansa.

Makailang ulit na ring ipinagtanggol ng Malacañang na walang malubhang sakit ang Pangulo.

Nagbigay na rin ng pahayag ang Presidential son na si Paolo at sinabing mas malakas pa sa kalabaw ang kanyang ama.

 

Read More

GRETCHEN HO, MEDIA, INISNAB NI MAYWEATHER

mayweather

ANG  media at fans ng boxing champ na si Floyd Mayweather Jr. ay naghintay nang mahigit sa walong oras nitong Martes (April 2), pero walang sumipot na Mayweather.

Ang dating pound-for-pound king ay naka-schedule na humarap sa media sa isang press conference na itinakda ng 3pm, pero hindi nga ito nakadalo.

Wala namang ibinigay na dahilan ang kampo ng boksingero kung bakit hindi ito dumating sa usapan. Pangalawang bisita na ito ni Mayweather sa Pilipinas. Ang unang bisita niya ay noong May 2018. Isa sa mga nag-post ng pagkadismaya sa nangyari ay ang journalist na si Gretchen Ho. Sabi niya sa kanyang post: “I will never forget this day.”

Read More