PANELO: SANDRA CAM MAAARING MAG-RESIGN KUNG GUSTO NIYA

SANDRACAM13

BINUWELTAHAN ng Malacanang ang pasabog ni Philippine Charity Sweepstakes Office (PCSO) board director Sandra Cam sa pagsabing malaya siyang makaaalis sa pwesto kung hindi na niya masikmura ang korupsiyon sa ahensiya.

Hindi na rin umano niya kailangan pa ang aksiyon ni Pangulong Rodrigo Duterte na alisin siya sa pwesto, ayon kay presidential spokesperson Salvador Panelo.

Isang press conference ang ipinatawag ni Cam noong Huwebes at hiniling nito sa Pangulo na sibakin na siya sa pwesto dahil umano sa mga katiwaliang nagaganap.

Ayon sa report, sinabi ni Cam na may P10 bilyon ang nawawala dahil sa Peryahan ng Bayan project.

Hinihimok din umano siya ng kapwa niya mga director na baligtarin ang PCSO Board Resolution 83 na kikila sa bagong opisyal ng Speedgame Inc. na nagsasagawa ng operasyon ng Small Town Lottery sa Pangasinan.

Sinabi ni Cam na may utang pa ang Speedgame sa ahensiya ng aabot sa P132 million. Hindi rin umano gumagawa ng hakbang ang PCSO na kolektahin ang utang ng mga STL operators.

Sinabi naman ni Panelo na isapormal ni Cam ang kanyang reklamo at isumite ito sa

Presidential Anti-Corruption Commission upang maaksiyunan ito.

Maaari rin siyang magsampa ng kaso laban sa mga tiwaling opisyal ng PCSO at isumite ito sa PACC.

Tiniyak naman ng Palasyo na magsasagawa ng imbestigasyon sa mga alegasyon ng korupsiyon sa PCSO.

 

 

 

Please follow and like us:
Read More

KATIWALIAN SA PCSO IBINUNYAG NI CAM

SANDRACAM13

(NI DAHLIA S. ANIN/PHOTO BY KIER CRUZ)

NAGWALKOUT sa kanilang special board meeting sa Philippine Charity Sweepstakes Office (PCSO) si Sandra Cam dahil sa pag-reverse ng desisyon ng board tungkol sa desisyon nila sa speed game.

Wala naman umanong sulat sa kanila ang OGCC, na siyang legal counsel ng PCSO para i-reverse ang kanilang board resolution number 83.

Ayon kay Cam, ito ang dahilan kung bakit umano mababa ang revenue ng ahensya.

Aabot umano sa P2 milyon ang nawawala sa kanila araw-araw dahil sa mga hindi naire-remit ng ilang STL operators lalo na ang nasa probinsya.

Isinawalat ni Cam sa media na karamihan sa mga STL operators na hindi nagbabayad ay mga sinasabing mistah umano ni Gen. Pinili na siyang GM ng PCSO.

Aabot na sa P10,727,819.81 ang dapat nilang singilin sa mga operators na ito na hindi nasingil sa loob ng tatlong taon, ayon pa kay Cam.

Nais umapela ni Cam sa Pangulo na i-revamp, o  i-relieve siya sa puwesto at ang lahat ng board members ng ahensya upang matigil umano ang korapsyon na ito.

Naniniwala si Cam na hindi umano dapat na militar ang nakaupo sa charity organization ng gobyerno kung saan ay dapat na may puso at malasakit sa kapwa ang maupo sa ahensiya upang tunay na makatulong sa kapwa.

Sinabi ni Cam na nag-iisa lamang umano siyang lumalaban sa mga katiwaliang ito at patuloy niya itong lalabanan dahil naawa siya sa mga taong pumipila upang humingi ng tulong at kakaunti lang ang naibibigay ng ahensya.

Hindi umano siya natatakot sa mga banta sa kanyang buhay dahil sanay na umano siya dito at ang nais niya lang ay makatulong sa mga tao na nangangailangan.

Hinihiling niya din niya sa Pangulo na ilagay na lamang siya sa ibang ahensya ng gobyerno kung saan mas makakakilos siya ng maayos.

 

Please follow and like us:
Read More

P1.5-M CALAMITY FUND NAIBIGAY NA NG PCSO SA ZAMBALES

pcso12

(NI ABBY MENDOZA)

PERSONAL na iniabot ni Philippine Charity Sweepstakes Office(PCSO) Director Sandra Cam kay Zambales Governor Amor Deloso ang P1.5M tulong ng ahensya para sa mga nasalantala ng 6.1 magnitude quake sa lalawigan noong Abril 22.

Ayon kay Deloso lubos silang nagpapasalamat kay Cam sa mabilis na aksyon ng PCSO,  sa loob umano ng 10 araw matapos ang earthquake ay kanila agad natanggap  ang tulong pinansyal na maituturing umano na pinakamabilis na tulong lalo pa at ang calamity fund na nagkakahalaga ng P500,000 para sa mga biktima ng Bagyong Ompong na noon pang Setyembre 2018 ay hindi pa rin nila natatanggap.

Bunga nito ay umapela si Deloso  kay Cam na syang manguna sa PCSO para matanggap ang hinihintay na calamity fund.

Samantala, nai-turn over na ng tanggapan ni Cam sa Pampanga Provincial Social Welfare ang mga tents, unan, banig at kumot na para sa may 110 pamilya na pansamantalang nanunuluyan sa mga makeshift evacuation center sa Barangay Diza, Porac Pampanga.

Ang mga kumot, tent, banig at unan ay personal na tulong ni Cam sa mga Aetas matapos na rin bumista

ito kamakailan sa kanilang evacuation center, dinatnan nito ang mga Aetas na walang sapin man lamang kapag natutulog at literal na sa lupa ang mga ito nahihiga.

Abot-abot naman ang pasasalamat ni Juanito dela Cruz, barangay chair ng mga Aetas sa ipinaabot na tulong, aniya, matapos ang naranasan nilang lindol at iniwan nila ang kanilang mga gamit ay mahirap na magsimulang muli subalit dahil sa mga tulong ay nakakayanan nila ang araw-araw na pamumuhay.

Una nang nangako ang PCSO na tutulong sa pagpapagawa  ng Aetas Community sa Porac Pampanga kung saan itatayo ang kanilang magiging bagong bahay matapos na hindi ideklarang inhabitable ang kanilang lugar dahil na rin sa nagkabitak-bitak ang mga daan na winasak ng lindol.

Please follow and like us:
Read More

PCSO NAGBIGAY NG P6.5-M AYUDA SA PAMPANGA, ZAMBALES

pcso12

(NI KEVIN COLLANTES)

INIANUNSIYO ng pamunuan ng Philippine Charity Sweepstakes Office (PCSO) na kabuuang P6.5 milyon ang halaga ng calamity fund na ipinagkaloob sa mga lalawigan ng Pampanga at Zambales, na pinaka-naapektuhan ng magnitude 6.1 na lindol na tumama sa Luzon noong Abril 22.

Ayon kay PCSO Director Sandra Cam, P5 milyon sa naturang kabuuang halaga ang inilaan nila para sa Pampanga, habang P1.5 milyon naman para sa Zambales, upang ipantulong sa mga biktima ng lindol.

Sinabi ni Cam na ang naturang calamity fund ay itinakda ng PCSO Board of Directors (BOD) matapos ang isinagawa nilang pagbisita at assessment sa epekto ng lindol.

Matatandaang una nang tiniyak ni Cam na bukod sa calamity fund ay pagkakalooban rin nila ng medical assistance ang mga biktima ng lindol na naka-confine sa mga pagamutan, sa pamamagitan ng kanilang Individual Medical Assistance Program (IMAP).

Partikular na aayudahan ng PCSO ang dalawang empleyado ng gumuhong Chuzon supermarket, na sina Maria Lourdes Martin, 25, at Desiree Pacun, na kapwa naputulan ng binti, kaya’t pagkakalooban ng artificial legs upang kaagad na makabalik sa normal ang buhay ng mga ito.

Please follow and like us:
Read More

CALAMITY FUND ILALABAS; GASTUSIN SASAGUTIN NG PCSO

pcso12

TINIYAK ng Philippine Charity  Sweepstakes Office(PCSO) ang agarang pagpapalabas ng calamity fund para sa lalawigan ng Pampanga na napuruhan sa 6.1 magnitude quake na tumama sa Luzon noong Abril 22.

Nitong Huwebes ay personal na naglibot sa Porac,Pampanga si PCSO Director Sandra Cam upang makita ang pinsala ng lindol  gayundin para malaman ang mga pangangailang-medikal ng mga biktima.

“Alinsunod sa direktiba ni Pangulong Rodrigo Duterte ay narito ang PCSO para umalalay sa mga biktima ng earthquake, ibibigay na natin agad ang tulong para magamit na kung kailan nila kailangang kailangan at susunod na lang ang mga documentary requirements,”pahayag ni Cam.

Nakipag-usap din si Cam kay Porac Mayor Carling dela Cruz at tiniyak na matagal na ang araw ng Lunes ,April 29,  para matanggap ng LGUs ang ayuda ng PCSO.

Ipinaliwanag ni Cam na ia-assess ng  PCSO Board ang sitwasyon sa mga lugar na naapektuhan ng lindol kung saan pagbabatayan din ang report ng Provincial Disaster Risk Reduction and Management Office(PDRMO) at dito ibabatay kung magkano ang halaga ng tulong na ibibigay.

“Yung tulong ng PCSO ay magiging depende sa lawak ng naging pinsala at sa dami ng pamilyang naapektuhan kaya makakaasa ang lahat na may assistance sila na matatanggap mula sa PCSO,”dagdag ni Cam.

Ang ayuda ng PCSO ay direktang ibibigay sa LGU na sya nang bahala kung anong tulong ang ibibigay nito sa mga biktima.

Bukod sa calamity fund ay may medical assistance rin na ibinibigay ang PCSO sa mga biktima na nasa ospital sa pamamagitan ng kanilang Individual Medical Assistance Program(IMAP).

Samantala, binisita rin ni Cam ang Jose Lingad Memorial Regional Hospital kung saan nakaratay ang ilang mga biktima ng lindol, ipinangako ng PCSO na anumang kakulangan sa hospital bills ng mga biktima ay kanila nang sasagutin.

“Ang gawin nyo na lamang ay magdasal at magpalakas, ang gobyerno ang iintindi sa inyong gastusin sa ospital,”giit ni Cam.

Ang dalawang empleyado ng Chuzon supermarket na sina Maria Lourdes Martin, 25, at Desiree Pacun na limang taon nang nagtatrabaho sa supermarket na kapwa naputulan ng binti matapos madaganan ng bumagsak na semento ay maaaring maibalik pa sa nornal ang buhay dahil sasagutin ng PCSO ang paglalagay sa kanila ng artificial leg.

 

Please follow and like us:
Read More

MGA BIKTIMA NG LINDOL, TUTULUNGAN NG PCSO

pcso12

(NI NICK ECHEVARRIA)

HANDANG magbigay ng tulong ang Philippine Charity Sweepstakes Office  (PCSO), sa mga Local Government Units (LGUs) at sa bawat pamilya na naapektuhan ng 6.1 magnitude na lindol nitong Lunes sa ilalim ng Calamity Assisstance Program (CAP) nito.

Layunin ng hakbang na palawigin ang resources ng mga LGUs sa pagbibigay ng mga pinansiyal na tulong sa bawat indibidwal at sa mga pamilya na tinatamaan ng mga natural at man-made calamities.

Ayon sa PCSO, karapatan ng mga LGUs na biktima ng  kalamidad na humingi ng tulong sa kanilang tanggapan.

Gayunman, sinabi ng PCSO na tanging ang mga qualified beneficiaries lamang ang prayoridad nila sa pagbibigay ng ayuda sa pamamagitan ng financial assistance na maaaring magamit sa mga kinakailangang pagkain para sa mga feeding projects sa mga pamilyang nasa mga evacuation centers.

Maaari rin itong gamitin sa pagbili ng mga gamot at medical supplies na mahalaga para sa mga “health-related activities” upang mapigilan ang pagkakasakit at maibigay ang pangangailangan ng mga biktima tulad ng  malinis na tubig at hygiene o sanitation requirements.

Maaari ring magsagawa ang PCSO ng mga medical missions sa mga apektadong pamilya at sa mga inidibidwal na biktima ng kalamidad sa ilalim ng kanilang Individual Medical Assistance Program (IMAP).

Samantala, kahit nag-anunsyo ang Malakanyang ng suspension ng pasok sa mga tanggapan ng gobyerno sa Metro Manila nitong Martes, nagbukas pa rin ang PCSO sa pamamagitan ng skeletal force para sa gaming at charity operations ng ahensya.

Tututukan ng mga empleyado sa Charity Sector ang pagre-release sa publiko ng mga guarantee letters.

Sarado naman ang tanggapan ng PCSO sa mga lalawigan ng Pampanga, Zambales and Nueva Ecija nitong Martes para bigyang-daan ang inspection sa mga gusali nito kaugnay sa  posibleng naging pinsala, habang regular naman ang operasyon ng ahensya sa mga lugar na hindi naman apektado ng pagyanig.

Sa kabila kahandaan ng PCSO, ikinalungkot naman nito ang sinapit na trahedya ng mga biktima ng 6.1 magnitude na lindol.

 

Please follow and like us:
Read More

2 MAPAGKALINGA CENTER ITATAYO NG PCSO SA MINDANAO

pcso12

(NI NICK ECHEVARRIA)

MAGTATAYO ng dalawang Mapagkalinga Center ang Philippine Charity Sweepstakes Office (PCSO) sa Tagum City at Davao City bilang solusyon sa kaawa-awang kalagayan ng mga pasyente  sa mga government hospitals.

Layunin ng hakbang na wakasan ang paghihirap ng mga pasyente at mga bantay nito na natutulog sa mga upuan at sahig gamit ang mga sapin na karton at ang problema maging sa paliguan.

Ayon kay PCSO chairman at acting General Manager Anselmo Simeon Pinili, malaking tulong ito sa 650 mga walk-in na pasyente na araw-araw na nagtutungo sa Southern Philippines Medical Center (SPMC) ang pinakamalaking government hospital sa bansa at 400 naman sa Davao Regional Medical Center (DRMC) na nagmula pa sa ib a’t ibang lalawigan ng Mindanao.

Ayon sa ulat, tatlong araw ang kailangang gugulin ng isang tipikal na pasyente sa hospital para lamang sa kanilang mga check-up at follow up, samantalang higit pa rito ang kailangan ng mga nagpapa-chemotherapy at iba pang mga may malulubhang sakit na hindi komportable sa mga pasyente.

Matatandaan na noong Mayor pa ng Davao City si Pangulong  Rodrigo Duterte ay nagpatayo ito ng  “Balay Pahulayan” para magsilbing pansamantalang matutuluyan ng mga naghihintay na pasyente at mga bantay nito, subalit hindi na ito makasapat sa  ngayon sa bilang ng mga pasyente ng dalawang pangunahing hospital na halos tatlong beses nang mas marami kaysa noon.

Ipinaliwanag naman ni Atty. Gay  Alvor , Chairperson ng PCSO-Gender and Development Focal Point System(GAD-FPS) na sa Mindanao napiling ilunsad ang  Mapagkalinga Center Project dahil ang rehiyon ang may pinakamaliit na nakukuhang hospitalization assistance mula sa ahensiya.

Napagkasunduan umano na gawing pilot beneficiaries ang SPMC at DMRC dahil sa kanilang strategic role bilang pangunahing government tertiary hospital sa Mindanao na nagpahayag naman nang kahandaan na maglaan ng lupang pagtatayuan ng PCSO Mapagkalinga Center.

Walong palapag na multi-purpose Mpagkalinga Center ang itatayo para sa SPMC habang limang palapag naman sa DRMC na nagkakahala ng P268M.

Sakaling aprubahan ng Pangulong Duerte, agad na sisimulan ng PCSO ang pagpapatayo sa nabanggit na mga gusali pagkatapos ng election ban at tatapusin sa loob ng isang taon.

 

 

Please follow and like us:
Read More

TAMBUNTING: GALING SA ‘CORPORATE’ SANA ANG IPALIT KAY BALUTAN

BAL12

NANINIWALA si House Games and Amusement Committee chair Gus Tambunting na mas makabuuti para sa Philippine Charity Sweepstakes Office (PCSO) na hindi isang retiradong opisyal ng military ang uupo kapalit ng nagbitiw na si dating general manager Alexander Balutan.

Sinabi ni Tambunting mas makabubuti umano kung may background sa corporate world ang ipapalit kay Balutan upang higit na maipatupad ang tungkulin.

Gayong kinikilala umano ni Tambunting ang naiambag ni Balutan sa ahensiya, mas mabuti umano na marunong sa pamamalakad ng ahensiya ang ipapalit ni Pangulong Rodrigo Duterte.

Pinaboran din ni Tambunting ang balak na pagbalasa sa mga nakaupong board members sa PCSO dahil na rin sa iba’t ibang usapin na nireresolba hanggang ngayon.

Kabilang umano rito ang ilang bilyong hindi nakokolekta ng PCSO mula sa mga awtorisadong agents ng small town lottery noong 2017 na malaking tulong sana sa mahihirap.

 

 

 

Please follow and like us:
Read More