KAMARA SINISI NI PING SA SIGALOT SA SEA GAMES

0

(NI NOEL ABUEL)

UMALMA si Senador Panfilo Lacson sa akusasyon ng ilang kongresista na ang Senado ang dapat sisihin sa nangyayaring sigalot sa paghahanda sa 30th Southeast Asian Games (SEA Games).

Giit ni Lacson, kasalanan ng mga kongresista ang lahat dahil sa pagsisingit ng P75 bilyon sa bicam report na niratipikahan ng dalawang Kapulungan ng Kongreso.

“They (House) should not blame us. Sila ang reason for the delay. Of course the Senate was also partly to blame, but we do not regret what we did because scrutinizing the budget and making sure na walang mali sa budget, constitutional duty namin yan. That’s what we exactly did and that caused the delay of the budget. But we did not cause it. It was the HOR that really caused the delay in the passage of the budget,” paliwanag ni Lacson.

Batid aniya ng lahat na ang mga kongresista ang dapat sisihin sa pagkabalam sa pondo ng SEA Games at sa pondo ng pamahalaan.

“That’s too far from the truth. Everybody knows by now, it created a lot of controversy then. During the speakership of GMA the budget was delayed because even after both houses ratified the bicam report, ‘yan ang final version, and yet they still inserted around P75B. And that we could not agree to,” ayon sa senador.

“So what we did was to again scrutinize and find out which of those P75B worth of projects ‘yung napasok after or post-bicam ratification. And unconstitutional because there’s a provision in the Constitution, after the third and final reading, wala nang papasok na amendments,” dagdag pa ni Lacson.

Sinabi pa nito na tiyak nang magkakaroon ng imbestigasyon sa kontrobersiya sa binneal sports tournament.

Inihalimbawa pa ni Lacson ang P1 B na inilipat umano ng Philippine Sports Commission (PSC) sa isang pribadong organisasyon tulad ng PHILGOC na kuwestinable.

“That (PSC transferring P1 billion to a private foundation like PHISGOC) is questionable. Remember, may mga nakasuhan na at may mga na-convict na riyan using a private foundation as a repository of public funds. ‘Yan ang Napoles case. ‘Yan ang mga private foundations ginamit na ginawang parking lot ng mga public funds coming from the expenditure program of government. We have yet to see that because there are justifications put forward by Speaker APC when he appeared as a resource person during budget deliberations of the PSC and BCDA. Sabi niya every step of the way, they were in consultation with COA,” paliwanag pa ni Lacson.

 

Read More

IMBES ONLINE GADGETS, GMRC PALALAKASIN SA KABATAAN

0

(NI NOEL ABUEL)

NANAWAGAN si Senador Panfilo Lacson na muling ituro sa bagong henerasyon ng Filipino ang respeto, paggalang at ibang mabubuting asal na nangangambang mawawala na dahil sa pagsulpot ng high-tech at online na gadgets.

Ang hakbang ni Lacson ay nakapaloob sa Senate Bill 1185 na naglalayong palakasing muli ang pagtuturo ng good manners and right conduct (GMRC) sa mga batang mag-aaral.

“Taking into account the Edukasyon sa Pagpapakatao curriculum of the Department of Education’s K-12 program, the Good Manners and Right Conduct curriculum is hereby institutionalized and shall be designated as a separate subject to be taught in Kindergarten to Grade 3 levels,” ayon kay Lacson.

“In order to create a balance, it is necessary for our educational system to aid the Filipino family in imparting good manners and right conduct to our young students by its inclusion in the curriculum at the beginning of their school years,” paliwanag ni Lacson sa naturang panukala.

Kasama rin sa naging batayan ni Lacson sa pagsasampa ng naturang panukala ay ang pahayag ni Department of Education (DepEd) Secretary Leonor Briones na umano’y mauuwi sa matinding sakuna sa asal at gawi ng mga batang henerasyon ang tinatawag na ‘technology without good manners,’ at hindi matututunan ang empathy, compassion at humanity sa ‘online or technology-driven pedagogy.’

“This bill aims to balance the effects of gadgets and devices by honing the youths’ attitude, values and perception with good manners during their formative years,” paliwanag ni Lacson.

Nakasaad sa Senate Bill 1185, ituturo sa mga bata ang “human dignity, respect for oneself and giving oneself to others in the spirit of community, for the effective and holistic development of the decision-making skills of the child.”

 

Read More

‘WAG MUNA BANGAYAN, FOCUS MUNA SA SEA GAMES – PING

seagames6
0

(NI NOEL ABUEL)

KUNG si Senador Panfilo Lacson ang tatanungin ay mas mabuting pag-usapan na lamang ang kontrobersyal na P50M cauldron pagkatapos ng SEA Games.

Ayon kay Lacson, hindi malayong maging usap-usapan ang Pilipinas hinggil sa malaking gastos sa Sea Games sa halip na sa international event.

“As much as possible gusto ko ang discussion tungkol sa SEA Games after the Games. Baka sa halip ma-focus tayo sa international event na iho-host natin, baka ang focus mapunta sa sinasabing excessive, questionable or masyadong extravagant na paggastos,” sabi pa ni Lacson sa Kapihan sa Senado.

Giit nito, may tamang panahon para pag-usapan o imbestigahan ang nasabing usapin subalit hindi sa mismong panahon ng nasabing palaro.

Nangangamba aniya ito na baka maapektuhan ang mga Pinoy athletes at hindi makapag-concentrate kung kaya’t hindi dapat pag-usapan kontrobersya habang ginaganap ang SEA Games.

“There’s a time for that. I’d rather that we discuss that or even investigate after the Games. Kasi baka pati ang mga athletes natin maapektuhan, di maka-focus, kasi baka magkaroon ng perception mali o tama, pero nasa isip nila hindi sila maka-focus sa Games. Pati organizers baka madiskaril ang focus nila para maging maayos ang pagdadaos ng Games sa atin,” paliwanag pa ni Lacson.

 

Read More

GIRIAN SA BUDGET NAKAAMBA

0

(NI DANG SAMSON-GARCIA)

NAGBABALA si Senador Panfilo ‘Ping’ Lacson na posibleng maantala ang approval ng 2020 National Budget kung ipipilit ng Kamara ang mga nais nilang isingit na mga amendments na umaabot sa P100 bilyon.

Sinabi ni Lacson na sa panig ng Senado, nais nilang matapos agad ang approval ng budget at hindi na ito maantala upang magamit on time.

“Kami committed na hindi ma-delay. Ang problema makakapag-delay nito pag insist nila en toto ang P100B. Matatagalan kami sa bicameral conference committee pag-insist nila yan,” saad ni Lacson.

Ipinaaalala ni Lacson na bago naman lagdaan ni Senate President Vicente Sotto ang enrolled bill ay kanila pa itong bubusisiin gaya ng kanilang ginawa sa 2019 budget.

“Or kung ipipilit nila at isasama sa enrolled bill, bago naman pirmahan ni SP ang enrolled bill scrutinize pa namin yan. Ganyan ginawa namin for 2019 budget, kaya nabuko, actually P75B sinulat ni SP pero P95B ang veto ni President Duterte,” diin ni Lacson.

Isa pa aniyang posible nilang gawin ay sulatan si Pangulong Duterte upang ipa-veto ang mga ipipilit na amendment ng Kamara na labag sa konstitusyon.

“Kung insist nila, susulatan namin si PRRD uli. Yan ang gagawin namin. Sa Senate nagkakaisa kami, majority minority, pagdating sa ganyang mga issue,” diin pa ni Lacson.

Ibinulgar din ni Lacson na may kongresistang naglagak din ng malaking pondo sa kanilang mga distrito.

“May nakita na nga ako roon ayoko magbanggit ng mga distrito. Pero may mga malalaking budget na nakalagak sa kanya-kanyang distrito. Hindi makakaila yan kasi papel yan, nakasulat yan. Maski sabihin nila walang pork, kita ko na anong distrito ang lalaki,” diin ni Lacson.

Nangako si Lacson na tutukuyin niya ang nga distritong ito sa kanyang interpelasyon sa budget.

“Pag interpellate ako mababanggit ko, PowerPoint ko pa. Sa distrito may P300M, may lugar na P500M,” diin ng senador.

Read More

PING: BICAM REPORT SA P4.1-T NAT’L BUDGET ISAPUBLIKO

pinglacson12
0

(NI NOEL ABUEL)

SA halip na idaan sa bulong dapat na isapubliko na lamang ng mga kongresista at senador ang pagtalakay sa P4.1-trillion national budget para sa 2020.

Ito ang hamon ni Senador Panfilo Lacson sa mga kapwa nito mambabatas upang mawala ang agam-agam ng taumbayan na may nakatagong pork barrel ang 2020 budget.

“Dapat transparent ito sa publiko pati hanggang bicam dahil doon sa bicam, ‘yan ang medyo exclusive, kami-kami lang nag-uusap diyan. Diyan nire-reconcile ang tinatawag na disagreeing provisions. Iba kasi ang version na ipapasa ng Senado, iba ang version na ipapasa ng House so kailangan ma-reconcile ‘yan, ‘yan ang bicam,” sabi ni Lacson sa isang pahayag sa radyo.

“Ang amendments sina-submit ito isusulat sa napkin, ibibigay sa chairman. Hindi naman dinadaan sa floor deliberation ang mga amendment especially individual amendments. Bagkus sinusulat na lang ito at sinusumite sa chairman ng finance o appropriation committee. Ganoon ang nangyayari. Minsan nga verbal na lang. Usapan na lang,”  dagdag pa ni Lacson.

Noong 2019 budget, inilagay ni Lacson sa online ang panukala nitong ammendments sa mga programa at proyekto.

Sa kabaligtaran, ang mga indibidwal na amendments na nauukol sa mga proyekto na nakabatay sa pangunahing pagpapasya ng mga mambabatas at itinuturing na mga proyektong pet ng mga ito.

Karamihan umano ng mga kaso, ang mga ito ay hindi dumadaan sa konsultasyon sa mga nagpapatupad na ahensya ng pamahalaan, at hindi rin sila bahagi ng mga plano ng Local Development Plans ng Local Government Units.

Ang nasabing mga programa ay maaaring ituring na pork barrel, batay sa pagpapasya ng Korte Suprema noong 2013 na itinuturing na unconstitutional na mga proyekto na hindi kapritso at hindi makatwiran.

Ang desisyon ng Korte Suprema nagdeklara umano ng pork barrel bilang unconstitutional ay sumasaklaw sa lahat ng mga impormal na kasanayan ng magkatulad na pag-import at epekto, na kung saan ang korte ay itinuturing na isang kilos na pang-aabuso sa pagpapasya na may kulang o labis sa nasasakupan.

“The national budget involves the people’s money. It should benefit the people and not a few senators or congressmen or even government officials who implement projects. And the budget is funded by our taxes, as well as borrowings if our tax collections fall short,” ayon pa dito.

 

Read More

DEPT. OF DISASTER RESILIENCE TAPOS BAGO MAG-PASKO — SOTTO

titosotto
0

(NI NOEL ABUEL)

TINIYAK ni Senate President Vicente Sotto III na maipapasa bago matapos ang kasalukuyang taon ang batas na magtatatag sa Department of Disaster Resilience.

Ayon kay Sotto, malaki ang pag-asang mabuo ang DDR bago ang Christmas break ng Senado at mapipirmahan ni Pangulong Rodrigo Duterte.

“A very big chance, talagang kailangang-kailangan. Malaki ang posibilidad at malaki rin ang posibilidad na mapirmahan ng Presidente ito,” aniya pa.

Mangyayari umano ito lalo na at certified urgent ito ni Pangulong Duterte maliban pa sa nasa 8 senador na aniya ang sumusuporta sa pagkakaroon ng Department of Disaster Resilience.

Wala na rin umanong problema sa pondo dahil sa sinunod ang proposal ni Senador Panfilo Lacson.

“Kapag sinunod ‘yung proposal ni Senator Lacson, next week, pasado na ‘yung budget. Ang proposal niya, I-adopt namin ‘yung House version,” sabi ni Sotto.

Sa pamamagitan umano nito ay wala nang mangyayaring bicam at wala nang insertions pa.

“Matagal na naming pinag-uusapan. Sabi ko tingnan nating mabuti, kung maayos naman ‘yung ipinasa ng House, bakit gagalawin pa natin? Pag walang bicam, walang insertions,” ayon kay Sotto.

 

Read More

CAYETANO PINURI NI PING;  MOST BEHAVED SA BUDGET

0

(NI DANG SAMSON-GARCIA)

KINUMPIRMA ni Senador Panfilo ‘Ping’ Lacson na mas ‘behave’ ang pamunuan ni House Speaker Alan Peter Cayetano kumpara sa nakaraang mga naging speaker kung ang budget ang pag-uusapan.

“In fairness dito sa present HOR, ito yata ang sasabihin kong most behaved na counterparts namin sa panahong ito. Kasi ang in-announce nila na P9.5B na talagang institutional amendments naman na ginalaw sa NEP (National Expenditure Program),” saad ni Lacson.

Gayunman, kailangan pa rin anyang mag-ingat at maging mapanuri ang mga senador pagdating sa bicameral conference committee dahil posibleng dito magsingit pa ng mga pagbabago ang mga kongresista.

“Ang hindi natin alam, ano ang nasa armada pa nila na nakatago para sa BCC. Yan ang madugo. Hindi natin alam kung ano,” diin ni Lacson.

Aminado naman si Lacson na may nakita silang P20 bilyon sa pambansang budget na hindi malinaw kung saan gagamitin subalit ito ay nagmula anya sa mismong Department of Budget and Management (DBM).

“Pero maski sa NEP maski hindi nagalaw ng HOR, may mga napansin din kami na may mga hindi malinaw kung saan dadalhin ang pondo. Nagkakahalaga ito more or less estimate namin, nasa mga P20B. Hindi malinaw. Naka-park ito kung saan-saan,” paliwanag ni Lacson.

“May sa DILG, may as usual sa DPWH. May ganoon at kung iipunin natin lahat yan na sa tingin namin ay hindi ma-implement nang maayos o hindi ma-implement at all, dahil hindi maliwanag o kaya naka-lump sum, nasa mga P20B,” dagdag pa nito.

Kasabay nito, pinag-aaralan ni Lacson na i-adopt na lamang ang inaprubahang bersyon ng Kamara para sa Pambansang Budget sa susunod na taon.

Sa ganitong paraan, hindi na aniya magagalaw pa ang panukala dahil hindi na magkakaroon ng bicameral conference committee o hindi na magkakaroon ng pagkakataon ang mga kongresista na isingit pa ang nais nilang isingit.

Ang plano ay makaraang kumpirmahin ni Lacson na wala siyang nakitang pork barrel na isiningit ang mga kongresista kaya’t itinuturing nito ang liderato ni House Speaker Alan Peter Cayetano bilang “most behaved” kung ikukumpara sa mga nakalipas na miyembro ng Kamara kung ang panukalang budget ang pag-uusapan.

Gayunman, sa huli anya mas maganda pa ring maging hakbang nila ay iadopt ang kasalukuyang bersyon ng Kamara para hindi na ito mabago.

“Sa budget isang pinagaaralan namin na-discuss ko kay SP (Senate President Tito Sotto) at kay Sen FMD (Sen. Franklin Drilon)isasangguni namin kay Sen (Sonny) Angara na para mas mabilis ipasa ang budget at kung walang masyadong maraming issues at pwede patawarin ang di kaya ma-implement ang sinasabi kong nasa P20B at pwede ito ipaubaya sa DBM kung papaano mare-realign o magagamit ng ahensya, pinakamagandang gawin dahil sa nakita namin P9.5B lang na institutional amendments, baka mas magandang gawin namin, i-adopt na lang namin ang HOR version,” giit ni Lacson.

“Pagka ganoon, nganga ang may hawak na amendments para sa bicam. Kasi siyempre wala nang BCC pag in-adopt ang HOR version,” diin pa nito.

 

Read More

100,000 MIYEMBRO NG PNP DEMORALISADO — PING

pnp120
0

(NI NOEL ABUEL)

HINDI masisisi ang mahigit sa P100,000 miyembro ng Philippine National Police (PNP) na sumama ang loob at magkaroon ng demoralisasyon sa hanay nito dahil sa pagkakasangkot ng ilang tiwaling opisyales nito sa pagre-recycle ng illegal na droga.

Ito ang sinabi ni Senador Panfilo Lacson kaugnay ng nakarating na impormasyon dito na maraming pulis ang mababa ang moral dahil sa bumabalot na kontrobersya sa ilang matataas na opiyales ng mga ito.

“Actually ang overwhelming sentiment kasi nadadamay sila, mahigit 100,000 sila tapos makakita ka ng 13 or 20 rogues, damay na rin lahat sila kaya nagsa-suffer minsan sa perception ng tao ang kanilang katayuan dahil sa kagaguhan ng iilan,” aniya.

Batid umano nito na maraming pulis ang nagtitiis at sumusunod sa mga regulasyon at nagtatrabaho nang maayos maliban pa sa marami sa mga ito ang nalalagay sa alanganin ang kaligtasan dahil sa pagtupad sa tungkulin.

“Ang iba nga sabi mo nga at alam natin nagtitiis sila, talagang sumusunod sa regulation at nagtatrabaho nang maayos, sinusugal ang buhay nila, pagkatapos damay din sila kasi ang tingin nila pulis din sila. Alam mo sa society natin naha-highlight talaga ang kasamaan. Of course that’s normal kasi normal lang naman na dapat tuparin ng pulis ang katungkulan at hindi sila dapat purihin ng purihin. Pero ang napapansin nga, ang iilan na masama ang ginagawa, nadadamay ngayon ang karamihan,” paliwanag pa ni Lacson.

 

Read More

CAYETANO DEDMA KAY PING

0

(NI BERNARD TAGUINOD)

HINDI pinag-aksayahan ni House Speaker Alan Peter Cayetano ang alegasyon ni Sen. Panfilo ‘Ping’ Lacson na puno ng pork barrel ang 2020 national budget na ipinasa ng Kamara.

Sa press conference nitong Lunes, kung saan inilatag ang P9.52 Billion na ‘institutional amendments’ na ipinasok ng Kamara, mariing itinanggi ni Cayetano na may pork barrel ang pambansang pondo na nagkakahalaga ng P4.1 Trillion.

“I’m addressing the Filipino people. There are 105 million Filipinos so anyone can critize. But  I don’t want to respond  to tsismis,” ani Cayetano matapos akusahan ni Lacson ang Kamara na may pork barrel ang ipinasang pondo.

Sinabi ng House leader na sinuman ang magsasabi na may pork barrel ang national budget ay handa umanong humarap ito basta makapagpakita ng ebidensya na may illegal funds dito.

“But if people give us tsismis and say ‘my sources (said), how do you respond to that eh sabi ng Nanay ko huwag akong maging tsismoso. So kung nakipag-tsismisan ka, tsismoso ka na rin di ba?,” ani Cayetano.

Hindi aniya dapat igaya ang 18th Congress noong nakaraang Kongreso kung saan vineto ni Pangulong Rodrigo Duterte ang 2019 national budget dahil sa pork barrel na umaabot sa P95 Billion.

“The senator ang binabanggit mo ay isang kaibigan, we respect his advocacy but hindi niya matanggap na ang House na ito is also anti-pork,” ayon pa kay Cayetano.

Samantala, sa P9.52 na Constitutional amendment na ipinasok ng Kamara, P3.75 Billion ay kinuha sa Department of Public Works and Highway (DPWH) at P5.77 Billion ay mula naman sa Commission on Election (Comelec) na gagamitin sana sa barangay at sangguniang kabataan (SK) election subalit hindi itutuloy ang halalan.

Sa nasabing halaga, P3.5 Billion ay idinagdag sa  P7 Billion na pondo ng National Food Authority (NFA) para ipambili ng palay, P800 Million na dagdag pondo   Department of Education (DepEd); P500 Million sa Department of Environment and Natural Resource (DENR); P200 million sa Department of Health (DOH); P274.95 million sa Department of Transportation (DOTr); P250 Million sa Dangerous Drug Board; P500 Million sa National Electrification Administration (NEA); P500 Million sa Metro Manila Development Authority (MMDA); P500 Million sa Philippine Sport Commission (PSC) at tig-P1 Billion sa Philippine National Police (PNP) at Armed Forces of the Philippines (AFP) para sa pagpapasaayos sa kanilang mga kampo.

“Lahat ng inilagay naming changes walang pork dyan,”  ayon pa kay Cayetano.

 

Read More