P2.5-M RELIEF GOODS DONASYON NG PRO3 SA MGA PULIS

PRO3
0

PAMPANGA – Namahagi ng P2.5 milyong halaga ng relief goods ang Police Regional Office 3 (PRO3) sa mga pulis ng mga lalawigan ng Batangas at Cavite na apektado rin ng pag-aalburoto ng Taal Volcano.

Pinangunahan ni PRO3 Director P/BGen. Rhodel Sermonia ang relief operation sa Batangas Police Provincial Office sa Batangas City. Kabilang sa ipinamahagi ang sako-sakong bigas,  toiletries, bottled water at mga delata na umaabot sa P2.5 milyon ang halaga.

Sinabi ni Sermonia, ang nasabing donasyon ay isinagawa sa pakikipagtulungan ng Association of Chiefs of Police in the Philippines para sa inisyatibong “Lingap para sa kapwa Pulis na biktima ng Bulkang Taal”, naglalayong kilalanin ang sakripisyo ng kapwa nila pulis na protektahan at paglingkuran ang publiko bagama’t sila ay biktima rin ng nasabing sakuna.

“We want them to feel that they are important and that as their comrades, we care and also provide our relentless outstanding service for them,” ani Sermonia.

Personal na tinanggap nina PRO4A Regional Director P/BGen. Vicente Danao Jr. at  Batangas PPO Provincial Director P/Col. Edwin Quilates ang relief goods na lubos namang pinasalamatan ang PRO3 personnel. (ELOISA SILVERIO)

Read More

BOC NAMAHAGI NG BIYAYA

relief goods-7
0

NAGSANIB puwersa ang dalawang tanggapan ng Bureau of Customs (BoC) sa pagbibigay ng relief goods sa mga pamilyang naapektuhan ng lindol sa Barangay Maraga-a, Kiblawan, Davao Del Sur bago ang Kapaskuhan.

Nangalap ng ‘Noche Buena’ packages ang mga opisyales at tauhan ng Port of Manila at Port of Davao para may magamit sa araw ng Pasko ang biktima ng lindol na pansamantalang tumitigil sa ilang evacuation centers.

Nais ng POM at POD na sa pamamagitan ng kanilang tulong ay pansamantalang maibsan ang dinadalang bigat sa dibdib ng mga residenteng nawalan ng tirahan dahil sa lindol.

Samantala, ang Port of Clark ay namigay ng pagkain at mga regalo sa mga batang Aeta sa Sitio Target Integrated School sa Barangay Sapangbato, Ange­les City bilang bahagi ng kanilang anniversary celebration at annual Christmas Charity Activity.

Pinangunahan ni Port of Clark District Collector Atty. Ruby Alameda ang kanyang mga tauhan sa pamimigay ng regalo sa mga batang Aeta.

Maging ang Port of Cebu ay nagkaroon ng ‘Annual Thanksgiving Party’ na dinaluhan naman ng mga empleyado nito na pinangunahan ni Acting District Collector Atty. Charlito Martin Mendoza.

Ipinaabot ni Mendoza sa mga empleyado at lahat ng stakeholders ang kanyang taos pusong pasasalamat sa kanilang malaking kontribusyon na naging dahilan kaya naabot nila ang kanilang  target collection. (Boy Anacta)

Read More

RELIEF GOODS, DONASYON SA KALAMIDAD TATANGGALAN NG TAX

0

(NI BERNARD TAGUINOD)

ILILIBRE na sa buwis ang mga donasyon ng ibang bansa, pera man o relief goods sa mga biktima ng kalamidad sa ilalim ng Department of Disaster Resilience.

Ito ay matapos aprubahan ng House committee on ways and means ang mga panukalang batas na ilibre sa buwis ang mga donasyon mula sa ibang bansa at bigyan ng insentibo ang Filipino na tutulong sa mga mga biktima ng kalamidad tulad ng bagyo at lindol.

Walang tumutol nang isalang sa nasabing komite na pinamumunuan ni Albay Rep. Joey Salceda ang nasabing panukala na iniakda ni Tingog  party-list Rep. Yedda Romualdez.

“The declaration of a state of calamity shall allow the immediate implementation of any or all of the following remedial measures: [c] grant of tax credits or exemptions by the BIR, upon the recommendation of the President or the Department,” ayon sa inaprubahang panukala.

Dahil dito, lahat ng donasyon mula sa ibang bansa lalo na ang mga relief goods ay hindi na sisingilin ng mga buwis bago ilabas sa mga pantalan.

Samantala, tiniyak din ni Salceda na walang buwis na babayaran ang mga consumers sa paggamit ng tubig sa ilalim naman ng Department of Water Resource (DWR).

Sinabi ni Salceda na ang tanging buwis na sisingilin  sa mga concessionaires sa raw water kung saan ang malilikom na buwis ay  ilalagak sa National Water Trust Fund na itutulong naman sa may 800 munisipalidad na wala pang water district.

Read More

PAGPAPADALA NG RELIEF GOODS DAPAT LIBRE SA FREIGHT SERVICES – LAPID

relief goods-4
0

(Ni NOEL ABUEL)

NAIS na gawing libre ng isang senador ang pagbabayad sa ipinapadalang relief goods at donasyon sa mga lugar na tinamaan ng kalamidad.

Sa inihaing Senate Bill No. 1151 ni Senador Lito Lapid, nais nitong wala nang babayarang freight services sa pagpapadala ng relief goods at in-kind donations sa mga dumadanas ng under state of calamity.

“Layunin nating siguraduhin na mas mapapabilis ang pagpapaabot ng tulong sa mga kababayan nating nasalanta ng bagyo o naging biktima ng iba pang sakuna tulad ng lindol o landslide. Kadalasan kasi, ang mga relief agencies pa ang gumagastos para sa paghatid ng mga relief goods sa mga apektado ng kalamidad,” sabi ni Lapid.

Sa ilalim ng nasabing panukala na tinawag na “Free Relief Goods Transportation Act,” bibigyan ng ayuda ang mga lehitimong relief organizations para mapabilis at walang maging sagabal sa pagpapadala ng mga relief goods sa mga tinamaan ng kalamidad.

Giit ni Lapid, dahil sa maraming magkakalayong isla ang bansa ay nahihirapang mabigyan ang mga pamilyang tinamaan ng kalamidad kung kaya’t dapat nang walang bayaran pang anuman sa mga freight services .

Read More

‘TRANSPORTASYON NG RELIEF GOODS, GAWING LIBRE’

0

(NI DANG SAMSON-GARCIA)

ISINUSULONG ni Senador Lito Lapid ang panukala na naglalayong gawing libre ang transportasyon ng mga relief goods sa mga lugar na nangangailangan ng tulong sa gitna ng mga kalamidad.

Sa Senate Bill 1151, sinabi ni Lapid na halos 20 bagyo ang nananalasa sa Pilipinas taun-taon at sa panahon ng kalamidad marami sa mga mamamayang mula sa hindi tinamaang lugar ay nagpapadala ng tulong sa mga biktima lalo pa’t hindi lahat nang pangangailangan ay natutugunan ng gobyerno.

“An example of this is the logistical hurdles in mobilizing relief packages and material aid across the different calamity-stricken areas,” saad ni Lapid.

Binigyang-diin pa ni Lapid ang ‘archipelagic set up’ ng bansa kaya nagiging mahal ang transportasyon ng mga relief good.

“With the archipelagic set up of our country, transporting relief goods normally entail huge costs in freight, arrastre services, pilotage and other port charges especially if it will require inter-island crossing or travelling across long distances over land,” dagdag ni Lapid.

Naniniwala ang senador na kung magiging libre ang transportasyon ng mga relief goods, ang pera para sa padala ay maaari pang gamitin sa pagbili ng mas maraming relief goods katulad ng pagkain.

“This bill seeks to institutionalize a system of providing free freight services in the transportation of relief goods to calamity-stricken areas in favor of duly recognized relief organizations,” sabi ni Lapid.

Sa ilalim ng panukala, ang Office of Civil Defense (OCD), Philippine Postal Corporation at lahat ng freight companies, common carriers, private carriers, freight forwarders, at iba pang uri ng logistics service companies ay aatasan na magbigay ng libreng serbisyo sa paghahatid ng mga relief goods sa mga lugar na isasailalim sa state of calamity.

Ang Department of Transportation (DOTr), sa pamamagitan ng Civil Aeronautics Board (CAB), Maritime Industry Authority (MARINA), at Land Transportation Franchising and Regulatory Board (LTFRB) ang magpapatupad ng panukala kapag naging batas.

 

Read More