EX-MAYOR SA CEBU GUILTY SA MALVERSATION

sandigan12

(NI ABBY MENDOZA)

HINATULANG guilty sa kasong malversation ng Sandiganbayan ang dating alkalde ng Daanbantayan Cebu matapos magbigay ito ng financial assistance sa isang organisasyon na hindi dumaan sa Sangguniang Bayan noong 2007.

Sa 30-pahinang desisyon ng Sandiganbayan 7th Divisiom, ipinataw ang anim hanggang walong taon kay Daanbantayan Cebu Mayor Maria Luisa Loot.

Pinatawan din ng dalawa hanggang apat  taong pagkakakulong ang negosyante at dating Councilor na si  Samuel Moralde.

Bukod sa parusang pagkakakulong ay ipinababalik din sa dalawa ang pera  na may interes na 6% kada buwan at diskuwalipikado na ang mga ito na makapagtrabaho sa gobyerno.

Ang kaso ay nag-ugat nang paboran at bigyan ng financial assistance na P500,000 ni Loot ang RBA Quail Raisers Association kung saan chair si Moralde nang walang pag-apruba sa Sangguniang Bayan.

Lumilitaw na loan ang perang ibinigay sa RBA ngunit nabigong magbayad si Moralde dahil nasira din umano ng bagyong Frank ang itinayong negosyo.

Si Loot ay maybahay ng dating police general na si Vicente Loot na matatandaan pinangalanan ni Pangulong Rodrigo Duterte na sangkot sa illegal drugs operation.

 

 

 

Please follow and like us:
Read More

MAMASAPANO MASSACRE: KASO VS NOYNOY BINAWI

noynoy22

(NI JEDI PIA REYES)

BINAWI  ng Office of the Ombudsman sa Sandiganbayan ang mga kasong isinampa nito laban kay dating pangulong Benigno Simeon Aquino III kaugnay ng Mamasapano incident.

Sa dalawang pahinang Motion to Withdraw Information, hiniling ng Ombudsman sa Sandiganbayan na ikonsidera ang pagbawi nito ng impormasyon patungkol sa kaso sa dating punong ehekutibo.

“Wherefore, premises considered, it is most respectfully prayed of this Honorable Court that the People of the Philippines be allowed to withdraw the Information against accused Benigno Simeon C. Aquino III and thereafter the same be considered dismissed,” ayon sa mosyon.

Ikinatwiran ng Ombudsman na batay sa kanilang pag-aaral ay natukoy na walang sapat na batayan ang pagsasampa ng kasong graft at Usurpation of Official Functions sa ilalim ng Revised Penal Code.

Gayunman, nilinaw ng Ombudsman na ang pagbawi ay hindi umano dapat maging pagbabawal sa pagsasampa ng iba pang kaso.

Nauna nang kinasuhan si Aquino kaugnay ng pagkamatay ng 44 miyembro ng Special Action Force (SAF) ng Philippine National Police sa Mamasapano, Maguindanao.

 

Please follow and like us:
Read More

EX-TOURISM SEC DURANO PINAYAGANG MAG-ABROAD

ace12

(NI JEDI PIA REYES)

PINAGBIGYAN ng Sandiganbayan 7th division ang mosyon ni dating Department of Tourism secretary Ace Durano na maka-biyahe patungong Australia sa susunod na buwan.

Sa isang resolusyon, kasabay ng pagpayag ng korte na makalabas ng bansa si Durano ay kailangan nitong maglagak ng travel bond na nagkahalaga ng P60,000.

Batay sa motion to travel ni Durano, ang kanyang biyahe sa Australia ay mula sa Hunyo 2 hanggang 15, 2019.

Kung mabigo naman si Durano na makabalik ng Pilipinas matapos ang biyahe nito sa Australia, tuluy-tuloy pa rin ang pagdinig sa kaso nito.

Si Durano ay nahaharap sa kasong graft kaugnay sa maanomalyang pagbili ng mga DOT wall calendar na nagkakahalaga ng P2.7 million noong 2008.

Ayon sa prosekusyon, hindi dumaan sa public bidding ang pagbili ng mga kalendaryo.

Please follow and like us:
Read More

EX-BOC OFFICIAL PINAGMULTA SA ITINAGONG SALN

sandigan12

(NI ABBY MENDOZA)

MATAPOS mag-plead ng guilty at pag amin sa kanyang  kasalanan,pinatawan ng P15,000 na multa ng Sandiganbayan ang dating deputy commissioner ng Bureau of Customs dahil sa hindi pagdedeklara ng lahat ng yaman sa kanyang Statement of Assets, Liabilities and Networth.

Si Prudencio Reyes Jr. ay hinatulang guilty  sa tatlong kaso ng paglabag sa Code of Conduct and Ethical Standards for Public Officials and Employees.

Sa datos ng kaso nabatid na pumasok sa plea bargaining agreement si Reyes kaya iniurong ng prosekusyon ang kasong falsification laban dito.

Lumilitaw na hindi idineklara ni Reyes sa kanyang SALN noong 2010 at 2011 ang kanyang business interest sa All in One Entertainment Corp., Prudence Group of Companies, at 005 Honda TMX123 motorcycle.

Sa arraignment nito Mayo 10 ay naghain si Reyes ng guilty plea.

Sa walong-pahinang desisyon ng Sandiganbayan sinabi nito na dahil nag- plead ng guilty si Reyes ay inaako nito ang kasalanan at ang consequence nito kabilang na ang hindi na siya maaaring mamasukan sa anumang sangay ng gobyerno.

 

Please follow and like us:
Read More

EX-PAGCOR CHIEF GENUINO LUSOT SA PERJURY

sandigan12

(NI JEDI PIA REYES)

PINAWALANG-SALA ng Sandiganbayan 3rd Division si dating Philippine Amusement and Gaming Corporation (PAGCOR) chair Efraim Genuino sa kasong perjury na may kinalaman sa paghahain ng kanyang Statement of Assets, Liabilities and Networth (SALN).

Batay sa desisyon ng anti-graft court, hindi napatunayan ng prosekusyon na may sapat na batayan upang maidiin ang akusado sa kaso.

May kaugnayan ang asunto nang hindi umano isinama ni Genuino ang kanyang mga ari-arian sa Bangkal, Makati City; Tunasan, Muntinlupa; Los Baños at Sta Rosa, Laguna, mula noong 2002 hanggang 2005.

Apat na bilang ng kasong perjury ang inihain ng Office of the Ombudsman kay Genuino dahil dito.

Nakasaad din sa desisyon ng Sandiganbayan na inaalis na ang hold departure order (HDO) laban sa dating PAGCOR official habang deemed released na ang inihain nitong piyansa na nagkakahalaga ng P24,000.

Please follow and like us:
Read More

CAGAYAN MAYOR, VICE MAYOR, SABIT SA P4.9-M GRAFT

sandigan12

(NI ABBY MENDOZA)

DAHIL sa pagbili ng mga P4.9 milyon abono na hindi idinaan sa public bidding noong 2004, kinasuhan ng Sandiganbayan ang alkalde, bise alkalde  at 9 na iba pang opisyal ng Tuao, Cagayan.

Ayon sa Sandiganbayan nagkaroon ng sabwatan sina Tuao Mayor Francisco Mamba Jr. Vice Mayor William Mamba, administrator Frederick Baligod, municipal treasurer Rodolfo Cardenas, administrative assistants Merlinda Dayag at Jose Palacpac, accounting clerk Anabel Turingan, agricultural officer Teresita Espinosa, clerk Juliana Filipina Padilla, at agricultural technologists Leticia Acob at Petra delos Santos, para sa pagbili ng abono.

Sinampahan din ng isang bilang ng graft si Ramon Aytona, kinatawan ng Feshan Philippines.

Sa data ng graft court, nagsabwatan ang mga akusado sa pagbili ng 3,333 bote ng Bio-Nature Liquid Organic Fertilizers sa halagang P1,500 kada bote mula sa Feshan Philippines mula Abril-Hulyo 2004

Direct contracting umano ang ginamit na proseso ng mga opisyal na malinaw na paglabag sa procurement law at nang hingan ng paliwanag kung bakit ay wala namang masabi na dahilan.

Please follow and like us:
Read More

10-TAON KULONG SA EX-QC OFFICIALS SA 2001 MANOR HOTEL FIRE

sandigan

(NI JEDI PIA REYES)

HINATULAN ng Sandiganbayan 7th Division na guilty sa tatlong bilang ng kasong katiwalian ang ilang mga dating opisyal ng Quezon City gayundin ng Manor Hotel kaugnay sa naganap na sunog nuong 2001.

Sinintensyahan ng pagkakapiit ng anim hanggang 10 taon bawat kaso sina dating City Engineer Alfredo Macapugay at electrical division chief Romeo Montallana ng Quezon City Engineering Office.

Natukoy din na guilty beyond reasonable doubt sina Engineer Romualdo Santos, inspector Gerardo Villasenor, inspector Rodel Mesa; ang mga may-ari at incorporator ng Manor Hotel na sina William Genato, Rebecca Genato, Marion Fernandez at Dionisio Agengino; at ang hotel manager Candelara Arañador.

Binigyang-diin ng anti-graft court na itinuloy ang operasyon ng hotel sa kabila ng mga natukoy na structural at safety violations nuong 1999 hanggang sa mangyari ang sunog noong gabi ng Agosto 18, 2001.

Aabot sa 74 na tao ang namatay habang marami ang nasugatan sa nasabing sunog.

Maliban sa pagkakapiit, pinatawan din ng perpetual disqualification sa paghawak ng ano mang posisyon sa gobyerno at hindi pagbibigay ng retirement benefits ng mga dating opisyal ng gobyerno.

Patuloy pa ring pinaghahanap ang co-owner ng hotel na si Antonio Beltran habang pumanaw na si Porfirio Germina bago pa maibaba ng korte ang hatol nito.

Kabilang sa mga binigyang-diin ng Sandiganbayan sa desisyon nito ang limitadong electrical supply sa hotel, walang smoke detection at water sprinkling system, kakulangan sa fire alarm system na gumising sana nuon sa mga natutulog na kustomer, kakulangan ng fire drill sa mga empleyado, hindi mapasok na fire exits at ang paglalagay ng mga bakal na grill kaya’t hindi agad nakalabas ang mga bisita na gustong tumakas mula sa nasusunog na gusali.

Please follow and like us:
Read More

EX- MAGUINDANAO GOV AMPATUAN GUILTY SA GRAFT

sandigan

(NI ABBY MENDOZA)

NAPATUNAYANG guilty ng Sandiganbayan si dating Maguindanao governor Datu Sajid Islam Ampatuan sa kasong graft, malversation of public funds at falsification of public documents kaugnay sa maanomalyang pagbili ng mga construction materials para sa paggawa ng mga eskuwelahan na hindi naman naitayo noong 2008 at 2009.

Sa desisyon ng Sandiganbayan Fourth Division ay hinatulan ng  walo hanggang 12 taon pagkakakulong si Ampatuan sa kasong graft, 6 na buwan hanggang 8 taon sa bawat isa sa 63 kaso ng falsification of public documents habambuhay na pagkakakulong sa kasong malversation of public funds.

Bukod dito ay diskuwalipikado na din si Ampatuan na mamasukan sa anumang posisyon sa gobyerno at pinagmumulta ng P37.74 milyon.

Samantala pinayagan naman ng graft court na makapagpiyansa si Ampatuan  na itinakda sa  P1.58  milyon habang iaapela ang nasabing desisyon.

Ang kaso nito ay ay kaugnay sa pagbibigay umano ni Ampatuan ng pabor sa Abo Lumberyard and Construction Supply kung saan binili ang mga construction materials para sa pagsasaayos ng mga paaralan sa Maguindanao.

Ayon sa prosekusyon walang naging aktwal na delivery ng mga materyales dahil hindi naman totoo ang naturang kompanya.

Sa 36 pahinang desisyon sinabi ng  Sandiganbayan na nagkaroon ng paggasta sa pondo ng gobyerno nang wala namang nagawang proyekto,may mga disbursement vouchers umano ngunit wala namang delivery.

Please follow and like us:
Read More

ILOILO MAYOR IPINASUSUSPINDE NG SANDIGAN SA GRAFT

sandigan

SUSPENSIYON ng 90-araw ang ibinigay ng Sandiganbayan sa alkalde at mga opisyal ng Calinog, Iloilo dahil sa umano’y pagkakasangkot ng mga ito sa million-peso fertilizer fund scam kung saan nilabag umano ng mga ito ang Section 13 ng Republic Act 3019 o ang Anti-Graft and Corrupt Practices Act.

Ang kaso ay nag-ugat sa P728-milyong inilabas ng Department of Agriculture (DA) para sa farm inputs noong 2004 sa ilalim pa ng dating pangulong Gloria Macapagal-Arroyo.

Sa kanyang panig, sinabi  ni Mayor Alex Centena na nagkaroon na umano ng desisyon noon ang Court of Appeals na misconduct ang nagawa nilang kasalanan at hindi korupsiyon kung saan anim na buwang suspensiyon ang iginawad sa kanila. Sinabi nito na sinunod lamang nila ang ipinagawa ng DA at wala rin umano silang ginawang anomaly o pagnanakaw sa pondo.

Please follow and like us:
Read More