P850,000 HALAGA NG SEAG GOLD IBIBIGAY NI PDU30

0

(NI LOUIS AQUINO)

TIYAK na masaya ang Pasko ng lahat ng Filipino medalists sa 30th Southeast Asian Games.

Ito’y matapos ianunsyo ni Pangulong Rodrigo Duterte na magbibigay siya ng karagdagang cash incentives sa lahat ng miyembro ng Team Philippines na nanalo ng medalya sa naturang kada dalawang taong regional meet.

Ayon kay Duterte, magbibigay siya ng extra P250,000 sa lahat ng nanalo ng gold, P150,000 para sa silver, at P100,000 para sa bronze medallists.

Magaganap ang ‘awarding of incentives’ sa Disyembre 18, bilang pasasalamat na rin ng Pangulo sa mga atletang Pinoy na tumulong parang maging overall champion muli ang bansa sa SEAG.

Huling nakuha ng Pilipinas ang pangkalahatang kampeonato noong i-host nito ang 2005 edition ng biennial meet.

Ang financial reward mula sa Pangulo ay bukod pa sa cash incentives sa ilalim ng Republic Act 10699 o mas kilala bilang National Athletes and Coaches Benefit and Incentives Act.

Sa Ilalim ng batas, ang mga nakakuha ng  gold medal sa SEAG ay makatatanggap ng P300,000,  P150,000 sa silver, habang P60,000 sa bronze winners.

Maliban sa mga nabanggit, nangako rin si Philippine Olympic Committee (POC) president Abraham ‘Bambol’ Tolentino na tatapan niya ang P300,000 financial reward na ibibigay ng gobyerno sa gold winners at lahat ng nakapagambag ng medalya sa kampanya ng bansa upang maging overall champ muli ng SEA Games.

Read More

GINTO ITINAKAS NG PINOY BATTERS

0

(NI VT ROMANO)

SA nakalipas na tatlong edisyon ng SEA Games (2013, 2015 at 2017), walang baseball event na isinama sa kalendaryo nito.

Kaya naman nang isama ito sa listahan ng mga event para sa 30th edition, siniguro ng Philippine men’s team na mabigyan ng magandang regalo ang mga Pinoy.

Inangkin ng mga Pinoy batters ang gold medal matapos pulbusin ang Thailand, 15-2 kamakalawa sa The Villages sa Clark, Pampanga.

Umiskor ang national players ng nine runs sa unang tatlong innings, tungo sa ikatlong ginto sa apat na pagsalang sa palaro, kasama na ang 2005 dominasyon nito sa larong ginanap sa Rizal Memorial Baseball Stadium.

Humulagpos ang ginto sa kamay ng mga Pinoy noong 2007 SEAG sa Nakhon Ratchasima, nang matalo sa Thailand, pero, binawi ng Pilipinas ang korona noong 2011 sa Palembang, Indonesia.

Umiskor agad ang national baseball team ng 3-0 sa first inning na sinundan ng apat pa at mula doon ay itinakas na ang panalo.

Ayon kay Philippine Amateur Baseball Association (PABA) president Chito Loyzaga, susunod na paghahandaan ng koponan ang 2020 East Asia Cup na magsisilbing qualifying tournament para sa BFA Asian Baseball Championship 2021, gayundin ang maagang paghahanda sa Asian Games sa 2022.

“The whole team is deserving of this gold medal,” lahad ni Loyzaga. “They sacrificed, prepared and trained hard for this tournament.”

Read More

 NEW SEAG RECORD ITINALA NI OBIENA

0

HINDI binigo ni pole-vaulter EJ Obiena ang mga kapwa Pinoy na sumusuporta sa kanya nang talunin ang ginto sa nasabing event na ginanap sa Athletics Stadium sa Capas, Tarlac nitong Sabado.

Gumawa rin ng bagong SEA Games record ang Olympic qualifier sa kanyang tinalon na 5.45 meters.

Ang dating SEAG record ay 5.35 na naitala ni 2017 champion Porranot Purahong ng Thailand.

 

Read More

2 PANG GINTO SA PHL OCR TEAM

0

(NI VT ROMANO)

NAGDAGDAG pa ng dalawang gintong medalya ang Philippine obstacle course racing team kahapon para walisin ang inaugural event sa pagpapatuloy ng 30th SEA Games sa Filinvest City sa Alabang, Muntinlupa.
Nanguna sina Mervin Guarte, dating miyembro ng athletics team, at Sandi Abahan sa men’s at women’s ng five-kilometer x 20 obstacle at ipagkaloob sa Pilipinas ang kabuuang anim na gold medals.
Nauna nang kumolekta ng apat na gold ang Philippine team sa OCR event kamakalawa, nang manguna sa 400-meter mixed team assist at mixed team relay races sa men at women’s division.
Bukod ditto, tumapos ding 1-2 sa women’s individual 100-m race si Rochelle Suarez (46.70) at si Milky Mae Tejares (47.88).
Kinopo naman ni Kevin Jeffrey Pascua ang men’s 100-m event sa oras na 29.29 seconds. Habang si Mark Julis Rodelas ang nag-uwi ng bronze.
Sina Kyle Antolin, Kaizen dela Serna, Monolito Divina at Deanna Moncada ang humablot ng gold sa 12-obstacle mixed assist race sa tiyempong 3:48.35.
At ibinulsa nina Diana Buhler, Jeffrey Reginio, Klymille Kim Rodriguez at Nathaniel Sanchez naman ang nanguna sa  team relay (1:59.56).

Read More

PH BOXERS SUSUNTOK PARA SA OVERALL TITLE      

0

(NI EDDIE G. ALINEA)

MAGSISIMULA ngayon ang pakikibaka ng Philippine boxing team, na kinabibilangan ng reigning world champion, para sa inaasam na overall title sa boksing sa ginaganap na 30th Southeast Asian Games sa bansa.

Handang-handa na ang mga pambato ng bansa na sina 2019 International Boxing Association women’s featherweight belt-owner Nesthy Petecio at ex-titleholders Eumir Marcial at Josie Gabuco at iba pang teammates na gawin ang kanilang misyon simula ngayong araw sa PICC  Forum.

Si Gabuco ay light-flyweight titlist noong 2012, habang si Marcial ay dating world junior middleweight titleholder at naging silver medallist sa 2019 AIBA championships sa Russia.

Sinabi ni Association of Boxing Alliances of the Philippines secretary general Ed Picson, target nilang mabawi ang overall title sa boksing na huling nahawakan ng bansa apat na taon na ang nakararaan sa Singapore, kung saan nakapaguwi tayo ng limang gintong medalya.

“It won’t be easy, but we’ll try,” ani Picson. “Our boys and girls have already proven their worth in several international competitions they took part in so, busog sa karanasan ang mga ‘yan.”

“Besides, they’ll be fighting in their homeland and before their countrymen, kaya we in ABAP are sure inspired at properly motivated ang ating koponan,” dagdag niya.

Sinang-ayunan naman ni head coach Ronaldo Cjavez at kanyang assistant na si Barcelona Olympics bronze medalist Roel Velasco ang pahayag ng ABAP secretary general.

“Yeah, we can make it as overall champion,”  ani Chavez at Velasco. “Ensayado ang mga bata at hindi lamang yan. Siyempre mas ganado sila ngayon na dito ginagawa ang SEA Games at ngayon lang sila makikita ng ating mga kababayan na lumaban.”

Kasama rin sa men’s boxing team sina light-flyweight Carlo Paalam, flyweight Rogen Ladon, bantamweight Ian Clark Bautista, light-featherweight James Palicte, lightweight Charly Suarez, welterweight Marjon Pianar at light- heavyweight John Noble Marvin.

Professional boxer na si Suarez ngunit dahil sa apat na beses pa lamang siyang lumaban, binigyan siya ng special dispensation ng AIBA para makapag-compete sa biennial meet.

Sa women’s side ay kabilang naman sina flyweight Irish Magno, bantamweight Aira Villegas, at lightweight Riza Pasuit.

Sina Marcial at Marvin ang tanging Filipino gold medalists sa nakaraang 29th SEA Games sa  Kuala Lumpur.

 

Read More

HOSTING SA SEA GAMES, ISALANG SA POST AUDIT  — SOLONS

SENATE
0

(NI DANG SAMSON-GARCIA)

PABOR ang dalawang senador na magsagawa ng post-audit o analysis sa pamamahala ng Pilipinas sa 30th Southeast Asian Games.

Ito ay upang matukoy ang mga kamalian at kung may iregularidad na nangyari sa mga aktibidad na isiganawa gayundin sa pagtatayo ng mga pasilidad para sa kompetisyon.

Ayon kay Senate Majority leader Migz Zubiri, kailangan ding matukoy ang mga pagkakamali sa hosting upang matiyak na masasaayos ito para sa susunod na kaganapan ng bansa.

“Automatic naman yan, magkakaroon ng post analysis, ano pa pwedenggawing maayos for next hosting, ano naging mali, so yan ang mangyayari for sure. I don’t want to say investigation but post assessment on how we could done it better,” saad ni Zubiri.

Sinabi naman ni Senador Win Gatchalian na lahat dapat pag-aralan kasama na kung tama o mali ang paggatos ng pondo.

“Sang-ayon ako sa post event analysis. Sa lahat ng event dapat pag-aralan natin ano ba ang pagkakamali natin, san ba tayo nagkamali, san ba tayo nagkulang. Kasama na ang paggastos. Titignan din natin kung kulang ba paggastos o sobra sobra ba? Kasi darating ang araw maghohost uli tayo kaya pagaralan natin ang mga pagkukulang natin para pag dumating ang panahon na tayo ay maghost alam natin ano ang gagawin,” giit ni Gatchalian.

Subalit sa ngayon, ayon sa dalawang senador mas magandang magkaisa para sa pagsuporta sa mga atleta upang lumakas ang loob ng mga ito sa kompetisyon.

 

Read More

ATLETANG PINOY SUPORTAHAN; FAKE NEWS DEADMAHIN — BONG

seagames12
0

(NI NOEL ABUEL)

UMAPELA ang isang senador na magkaisa at suportahan ang lahat ng Filipino athletes na lalaban sa Southeast Asian Games.

Ayon kay Senador Bong Revilla ngayong araw gaganapin ang pinakamalaking opening ceremony sa kasaysayan ng SouthEast Asian Games sa Philippine Arena kung saan inaasahang mahigit sa 50,000 mga atleta, opisyal, mga fans, at mga manonood ang makikibahagi.

“Malaki ang ginawa nating paghahanda bilang host country. Kaya sa kabila ng ilang pagkukulang, unahin natin ang ating mga atleta na magbibigay karangalan sa bansa,” aniya pa.

“Target ng ating mga manlalaro ang mahigit 220 gold medals. Let us cheer them on so that they surpass this target! Iparamdam natin ang Home Court Advantage nating mga Pinoy! Ibandila, ipagmalaki, at isigaw natin #WeWinAsOne!,” sigaw ng senador.

Umapela rin ito sa publiko na huwag basta maniwala sa nagkalat  ng fake news para siraan ang reputasyon ng SEA Games.

“Sana iwaksi muna natin ang pulitika at pagpapakalat ng mga fake news para lamang guluhin ang napakalaking event na ito sa ating bansa at sa halip ay suportahan natin ang ating mga atleta,” sabi nito.

“Isantabi muna natin ang alingasngas at unahin ang paghohost ng SEAG. May panahon para panagutin ang mga nagkulang, pero ang mahalaga ngayon ay ang suporta natin sa mga atleta natin,” dagdag pa nito.

 

Read More

TEAM PILIPINAS AGAD SASABAK SA GAMES

seagames6
0

(NI ANN ENCARNACION)

AGAD mapapalaban ang Team Pilipinas sa iba’t-ibang sports sa unang araw ng kompetisyon, isang araw matapos ang mala-Olympics na opening ceremonies ng 30th Southeast Asian Games sa Philippine Arena sa Bocause, Bulacan.

Ganap na ala-7 ng gabi magsisimula ang SEA Games opening ceremonies kung saan inaasahan ang pasabog na performance ng international award-winner na si Apl de Ap at iba pang de-kalibreng entertainers, bukod sa parada ng mga delegado mula sa kasaling 11 bansa kabilang ang host Pilipinas.

Dadalo rin ang Filipino Sports Heroes na sina Lydia De Vega-Mercado, Elma Muros-Posadas, Mansueto ‘Onyok’ Velasco, Leopoldo Serrantes, Olivia ‘Bong’ Coo at Rafael ‘Paeng’ Nepomuceno sa tradisyunal na pagparada sa bandila ng Southeast Asian Games Federation (SEAGF).

Anim na premyadong atletang Pinoy sa kasalukuyan ang bibitbit naman sa bandila ng Pilipinas bilang host country–Ernest John “EJ” Obiena, Margielyn Didal, Kiyomi Watanabe, Margaret Ochoa, Eumir Felix Marcial at 2016 Rio De Janeiro silver medalist Hidilyn Diaz.

Magsisilbing torch runner ang World women’s boxing champion na si Nesthy Petecio bago nito ibigay ang sulo kay eight-division world boxing champion Manny Pacquiao, na siyang magsisindi sa simbolikong cauldron na mag-iilaw sa loob ng 11-araw na SEA Games.

Naunang pinili para rito ang pinakaunang World Gymnastics gold medalist na si Carlos “Edriel” Yulo subalit hindi ito natuloy dahil kasama siya sa mga national athletes na agad sasabak sa kompetisyon sa unang araw ng torneo.

Kabilang sa mga unang makikipagsalpukan sa Disyembre 1 ang mga pambato natin sa arnis, basketball 3×3, chess, cycling, dance sports, gymnastics, ice hockey, kurash, lawn bowls, sepak takraw, shooting, squash, lawn tennis, triathlon, weightlifting at wushu. Buena-manong magsisimula ang women’s triathlon Linggo ng alas-6 ng umaga na susundan ng men’s division.

Walong gintong medalya ang paglalabanan sa arnis, lima ang nakataya sa kurash, habang 10 naman sa dancesports.

Read More

ESTUDYANTENG MANONOOD NANG LIVE, ILIBRE — PANELO

0

(NI CHRISTIAN DALE)

ILIBRE o huwag nang pagbayarin ang mga estudyante na manood ng iba’t ibang games sa 2019 Southeast Asian Games.

Ito ang suhestiyon ni Presidential spokesperson Salvador Panelo upang maraming estudyante ang makapanood ng kada dalawang taong biennial meet.

Kung hindi papayag ang 30th SEA Games organizers, bigyan man lamang ang mga estudyante na gustong manood nang live sa iba’t ibang venues ng kahit 50% discount.

“Baka pwedeng yung mga estudyante  huwag na lang pagbayarin siguro, pero yung mga may sweldo naman, eh, magbayad,” ani Panelo.

Ayon pa sa Presidential spokesman, kailangan ng organizers ng SEAG ng panggastos para sa maintenance kaya okey lang na magbayad ang mga may trabaho, ngunit sana ay libre o kahit bawasan naman ng kalahati ang tiket para sa mga estudyante

Nauna nang hiniling ni Samahang Weightlifting ng Pilipinas president Monico Puentevella kay Pangulong Rodrigo Roa Duterte na kung pupwedeng wala nang bayad ang karamihan sa events sa SEA Games.

Katwiran ni Puentevella, maraming Pinoy ang gustong manood ng mga laro ngunit walang perang pambili ng ticket.

“After watching the exciting football match between our team drawing Cambodia with only half the stadium filled with cheering football Pinoy fanatics, I’m sure there were many more waiting outside who wanted to just experience the games but couldn’t come in because they couldn’t afford the tickets,” sabi ng mambabatas.

Saad pa ng dating Philippine Olympic Committee chairman, sapat naman ang bilyon-bilyong pisong nakuha ng Philippine South East Asian Games Organizing Committee (PHISGOC)  para ma-subsidize ang mga ticket at ibigay na lang sa bawat Pilipinong gustong sumuporta sa aing mga pambansang atleta.

“And since we are using billions of government funds anyway, why are we still commercializing the games? Aren’t these billions enough? How can we avail of the home court advantage in this manner?”

Sinabi pa ni Puentevella, “outside the opening and closing ceremonies and probably our national sport, basketball, it’s about time we free all the games before the official opening. I’m sure the President will approve this for the sake of the sport-loving masses.”

Isang libong piso hanggang P12,000 ang presyo ng tiket sa SEA Games opening ceremony bukas (Nobyembre 30) sa Philippine Arena, habang sa Disyembre 11 naman ang closing ceremony sa New Clark City.

 

Read More