KASO VS FAELDON KINATIGAN NG SENADO

KINATIGAN ng Senado ang rekomendasyon ni Senador Richard J. Gordon na sampahan ng kaso ang ilang opisyales ng Bureau of Corrections (BuCor) at New Bilibid Prison (NBP) kaugnay ng maanomalyang implementasyon ng Republic Act 10592 o ang Good Conduct Time Allowance Law.

Kabilang sa mga sinampahan ng kasong paglabag sa Section 3(e) ng Anti-Graft and Corrupt Practices Act o ng Republic Act No. 3019 si dating BuCor chief Nicanor Faeldon dahil sa hindi pagsunod sa itinatakda ng Department Order No. 953.

Gayundin sina Ramoncito “Chito” Roque, hepe ng Documents and Record Section ng BuCor; Ma. Benilda “Mabel” Bansil, BuCor Senior Inspector); at Veronica “Boday” Buno, na tumanggap ng pera kapalit ng pagpapalaya sa ilang inmates at Dr. Ernesto Tamayo, director ng Directorate for Health Services ng NBP; Dr. Ursicio D. Cenas (Medical Officer); at Ms. Meryl Benitez (Nursing Attendant) na tumanggap umano ng pera kapalit ng pag-confine sa ilang PDLs sa New Bilibid Prison Hospital.

“The BuCor, alas, is manned by rotten apples, and corrupt officials. It is rotten to the core–and, from top to bottom. If we are to improve its functions, if we are to have the Bureau regain the trust of our people, no less than a massive change in personnel and in character is required,” giit ni Gordon.

Sa imbestigasyon ng Senate Committee on Justice and Human Rights at Senate Committee on Accountability of Public Officers and Investigations (Blue Ribbon), natuklasan na maliban sa ibinebentang GCTA, may iba pang anomalya sa NBP tulad ng prostitusyon, bentahan ng hospital confinement passes, pagpasok ng kontrabando at ilegal na pagtatayo ng mga kubol para sa drug convicts. NOEL ABUEL

 

Read More

MAS MABIGAT NA PARUSA SA GRAB, IGINIIT 

(NI DANG SAMSON-GARCIA)

HINIMOK ni Senador Win Gatchalian ang Philippine Competition Commission (PCC) na patawan ng mas mabigat na parusa ang ride-hailing giant na Grab Philippines (Grab PH) dahil sa paulit-ulit na paglabag sa competition rules simula noong 2018.

Ginawa ni Gatchalian ang panawagan makaraang mabatid na apat na beses nang pinagmulta ng PCC ang Transport Network Company (TNC) dahil sa isyu ng mataas na singil at service quality  sa loob lamang ng mahigit isang taon na para sa senador ay hindi katanggap-tanggap.

Sa rekord, simula nang itake-over ng Grab ang Southeast Asia operations ng Uber, paulit-ulit itong lumabag sa mga probisyon ng Interim Measures Order (IMO).

Kabilang dito ang multang P6.5 million noong January 2018 dahil sa “deficient, inconsistent, and incorrect data” sa monitoring ng kanilang pagtalima sa mga kasunduan.

Noong November 14, inatasan din ang Grab na isauli sa mga customer ang ₱5.05 million na pasahe dahil sa “overcharging”  mula February hanggang May 2019.

Noon namang December 19, pinatawan ng multang P14.15 million ang Grab dahil sa hindi pagsunod sa pricing commitment, at P2 million sa sobra-srobang driver cancellations.

“Ilang beses nang nakitaan ng violation at sinita ng PCC ang pang-aabuso ng Grab sa ating mga commuter kaya naman sila ay madalas na pinagmumulta. Ang nakapagtataka, apat na beses na silang pinagmulta ng paulit-ulit sa loob ng isang taon”, saad ni Gatchalian.

“Parang lumalabas tuloy na dahil hawak nila ang 93% ng share sa industry ay pwede na nilang kontrolin ang merkado at ayos lang kahit na magmulta sila at lumabag sa itinakdang standards ng PCC,” dagdag nito.

“More than three times or four times na itong nangyayari kaya dapat maimbestigahan ito sa Senado dahil maliwanag na pang-aabuso ito. Iyong mga pangyayari noong 2018 and 2019 paulit-ulit na lang, kaya dapat tignan na rin ng PCC ang buong sitwasyon at patawan sila ng mas matinding karampatang aksyon,” giit pa ng mambabatas.

 

Read More

MAS MARAMING BENEPISYO SA OFWs ISUSULONG SA SENADO

(NI NOEL ABUEL)

NAPAPANAHON nang amiyendahan ang Migrant Workers Act para masiguro na mapapakinabangan ito ng lahat ng overseas Filipino workers (OFWs).

Ito ang pahayag ni Senador Joel Villanueva, chairman ng Senate Committee on Labor, Employment, and Human Resources Development kung saan umapela ito sa mga kapwa mambabatas na suportahan ang panukala nito.

Sa inihain nitong Senate Bill No. 1233, layon nito na palawigin ang paggamit sa Legal Assistance Fund (LAF) na itinatag ng gobyerno upang matulungan ang sinumang OFW na may kinakaharap na kaso sa bansang pinagtatrabahuhan ng mga ito.

“Full protection of labor more significantly implies a continuing positive duty on the part of the State to ensure that the rights of its workers are at all times protected and their welfare promoted and improved at every chance possible,” sabi ni Villanueva.

Nakapaloob dito na madagdagan ang pondong ginagamit sa piyansa para pansamantalang makalaya ang isang OFW at magamit din sa pagkuha ng serbisyo ng isang paralegal.

“It further clarifies that such assistance shall be given from the moment the case is initiated, or the proceeding is commenced, until its termination, promulgation, and execution. This assistance extends further to all appeals taken on these cases, thereby guaranteeing full and complete support to distressed Filipinos overseas,” sabi pa nito.

Base umano sa datos mula sa Department of Foreign Affairs (DFA) noong nakalipas na taon ay nasa 3,735 na OFWs ang natulungan ng ahensya sa pamamagitan ng legal assistance  fund.

At noong Agosto 31, 2019 ay nasa 4,116 ang nagbenepisyo sa legal assistance fund.

Read More

SOTTO: CHACHA PAG-UUSAPAN SA SENADO

chacha33

(NI NOEL ABUEL)

“WALANG mangyayaring bastusan.”

Ito ang siniguro ni Senate President Vicente Sotto III kaugnay ng isinusulong na Charter Change resolution sa pamamagitan ng Constitutional Assembly ng mga kongresista.

Ayon kay Sotto, hindi mapipigilan ng Senado ang mga kongresista sa nais ng mga itong ConAss sa oras na ibigay ito ng Kamara.

“Dadalhin nila sa amin eh, di pag-uusapan namin kung ano ‘yung dadalhin nila sa amin, dadalhin namin sa committee, pag-uusapan du’n. Ganu’n lang. Ibig sabihin hindi namin siguro naman babastusin ‘yun or sasabihin ‘pag dinala dito ‘ayaw namin”. Gagawin naman namin ‘yung procedure na tama,” paliwanag nito.

Una nang sinabi ni Sotto na wala sa prayoridad ng 18th Congress ang Cha-Cha kung kaya’t malabo itong maipasa.

“Ngayong 18th Congress madaming nakasalang sa aming priorities eh. Wala ‘yan. Hindi napapag-usapan. Narinig lang namin na gusto raw ng House mag-Constituent Assembly,” sabi pa nito.

Pero, sinabi ni Sotto na maaaring pansinin ng mga senador ang Cha-cha kung ang economic provision lamang ang babaguhin.

Isa sa idinadahilan ng mga kongresista na nagsusulong sa pagbabago ng Konstitusyon at dahil sa nagpag-iiwanan na ang bansa ng mga kapitbahay natin sa Asya at sa buong mundo.

“Kung economic provisions lang ang tatargetin nila, may pag-asang mapag-usapan sa amin ‘yun. Pero pagka pinag-usapan mo kaagad ‘yung term limits, with due respect to them, baka naman mag-aksaya tayo ng panahon kasi sa plebisito iboboto ng tao ng “no” ‘yan. Garantisado, magpa-survey ka. Tingnan mo, tanong mo sa taumbayan kung sino may gusto na baguhin ang term limits ng mga senador, congressmen. Self serving eh. Kung pag-uusapan ‘yung mga term limits, form of government, mas maganda ‘yung Constitutional Convention para hindi self-serving sa amin,” ayon pa sa lider ng Senado.

“Kung economic provisions lang ang pag-uusapan, marami sa mga senador na sasang-ayon. I’m sure. Kung ‘yan ang mga pag-uusapan kasi marami na talagang pangangailangan tungkol diyan. For example, gumawa ka ng high-speed train or modern railroad from Pagudpod to Matnog, Sorsogon,” paliwanag pa nito.

 

 

Read More

DAGDAG NGIPIN SA LGUs IBIBIGAY VS KRISIS SA TRAPIKO

traffic

(NI NOEL ABUEL)

NAIS bigyan ng dagdag na kapangyarihan ng Senado ang mga local government units (LGUs) upang makatulong sa national government sa paghahanap ng solusyon sa masalimuot na daloy ng trapiko sa bansa.

Sa pamamagitan ng panukalang inihain ni Senador Francis ‘Tol’ Tolentino, iminungkahi nito na bumuo ang mga LGU ng kanilang sariling mga sistema ng transportasyon.

“Dapat nating tulungan ang mga LGU upang malutas ang mga problema sa loob ng kanilang sariling nasasakupan.”

“LGUs do not only possess a mastery of their own mobility demands, but also institutional memory of local policies addressing local transport problems as well as local transport needs within their jurisdiction,” dagdag nito.

Si Tolentino, na dating nagsilbi rin bilang alkalde ng Tagaytay City at chair ng Metropolitan Manila Development Authority, ay nagpahiwatig na ang mga LGU ay pinagkalooban ng kapangyarihan na magsagawa ng pagpaplano sa lungsod, magpatupad ng paggamit ng lupa at pag-zone ng mga batas at hanapin  ang kinakailangang pondo, sa ilalim ng batas.

“No other government body is more empowered and equipped to tackle the traffic crisis than the LGU, which is endowed with all of the powers under the Local Government Code,” giit ni Tolentino.

 

Read More

KONTRATA NG WATER CONCESSIONAIRES, BUBUSISIIN NA

(NI DANG SAMSON-GARCIA)

SISIMULAN na ng Senado ang pagbusisi sa kontrata ng mga water concessionaire sa gobyerno.
Aarangkada rin sa pagdinig ang pagbusisi sa panukala sa pagtatayo ng hiwalay na ahensya na mangangasiwa sa mga usapin hinggil sa suplay ng tubig.

Sisimulan ng Senate Committee on Public Services, sa pamumuno ni Senador Grace Poe, ang pagdinig bukas, (December 11).

Ayon kay Poe, pokus ng kanilang hearing ang pagbuo ng central water agency na nakatutok lamang sa suplay ng tubig, sewerage at sanitation.

Katuwang ng Public Services sa hearing ang Senate committees on civil service, government reorganization and professional regulation, ways and means at finance.

“We need a lead agency whose ultimate responsibility would be the provision of adequate and safe water supply, not just for household and commercial needs, but for our farms,” saa ni Poe.

“What we currently have is a fragmented regulatory framework for water that has limited powers, which has a significant impact on the delivery of water and sanitation services in the country,” dagdag pa nito.

Walong panukala hinggil sa pagbuo ng water agency ang nakahain sa Senado nina Senators Poe, Ralph Recto, Franklin Drilon, Lito Lapid at Ramon Revilla Jr.

Tatlong panukala naman ang inihain nina Senators Manny Pacquiao, Francis Tolentino at Ronald dela Rosa para naman sa pagbuo ng Department of Water Resources Management.

Inihayag ni Poe na oportunidad ang hearing upang matalakay ang bawat kuwestiyon hinggil sa kontrata ng mga water concessionaires.

Tiwala naman si Poe na maipapasa nila ang panukala para sa water agency dahil kasama ito sa prayoridad ni Pangulong Rodrigo Duterte.

“We want assurance of the people’s right to clean and steady supply of water,” diin pa ni Poe.

Read More

SENADO KIKILOS VS MANILA WATER, MAYNILAD

MAYNILAD-MANILA WATER CO2

(NI DANG SAMSON-GARCIA)

SUPORTADO ng mga senador ang pahayag ni Pangulong Rodrigo Duterte na dapat busisiin ang kontrata ng mga water concessionaire na Maynilad at Manila Water Co.

Ayon kay Senador Francis Tolentino, may oversight function ang Kongreso dahil sila ang nagbigay ng prangkisa kaya’t may kapangyarihan din silang busisiin ang pagtupad ng mga kumpanya sa kontrata.

“As the one who gave the franchise, that’s part of the oversighy of Congress. Probably it will lead to that investigation,” saad ni Tolentino.

“The President is always on the side of the people. ‘Yung wag maagrabyado and that’s part of his constitutional duty, so hindi ito knee-jerk reaction na natalo,” diin pa ng senador.

Ipinaalala naman ni Senador Imee Marcos na kinikilalang human rights ang pagkakaroon ng access sa malinis na tubig at hindi lamang ito basta pangangailangan.

Iginiit ni Marcos na hindi lamang imbestigasyon ang dapat gawin kundi tiyaking mapapanagot ang mga kumpanya kung mapatutunayang bigo sila sa pagtupad sa tungkulin.

“Water is universally recognized as a human right, not merely a commodity. I support PRRD’s desire to assail these onerous contract that deprive Filipinos of both their right to water as well as impose liabilities upon Philippine govt even when service and supply fails,” saad ni Marcos.

“After hearing his explanation last night on how we are being taken for a ride by these concessionaires, I told him (President Duterte) I’m supporting him 100% on the issue,” saad naman ni Senate President Tito Sotto.

MGA SENADOR, DI KASAMA SA PAGBUO NG AGREEEMENT

Itinanggi naman ng dalawang senador na may kinalaman ang mga mambabatas sa pagbalangkas ng concession agreement sa dalawang kumpanya.

Ito ay makaraang kwestyunin ni Duterte ang posibleng kinalaman ni Senate Minority Leader Franklin Drilon sa pagbuo ng kasunduan.

“I did not in any manner participate in the drafting of the concession agreement,” tahasang pahayag ni Drilon.

Sinegundahan naman ito ni Senador Ralph Recto na naggiit na kahit kailan ay hindi nakikialam ang mga senador sa pagbuo ng mga concession agreement.

“Senators were not part of crafting any agreement then and now,” diin ni Recto.

Read More

BUY AND SELL NG MGA SANGGOL, PINABUBUSISI 

(NI DANG SAMSON-GARCIA)

PINABUBUSISI ni Senador Leila de Lima sa Senado ang impormasyon hinggil sa malawakang bentahan ng mga bagong panganak na sanggol sa tinatawag na ‘underground black markets’ sa bansa.

Sinabi ni de Lima na nakababahala ang mga ganitong ulat dahil inilalagay nito sa panganib ang mga sanggol at posible silang maabuso.

Sa kanyang Senate Resolution (SR) No. 224, iginiit ng senador na dapat magsagawa ng imbestigasyon ang kaukulang Senate committee upang matukoy ang tinatawag na underground “babies-for-sale” trade sa online at offline transactions.

Inamin ni de Lima na bagama’t marami nang paraang ginagawa ang gobyerno at non-governmental organizations upang solusyunan ang illegal baby-for-sale trade, nananatili itong hindi nareresolba.

“Poverty remains to be one of the main drivers in the prevalence of such atrocious illegal activity, and the continued proliferation of appalling activities relating to the exploitation, trafficking and abuse of babies,” diin ni de Lima.

Sa impormasyon, nasa P300 lamang ang bentahan ng mga sanggol sa Southeast Asia, kabilang na ang Pilipinas.

Binigyang-diin ng senador na sa bansa ay madali lamang ang access ng publiko sa social media kaya’t nagiging mabilis ang transakyon.

Nagaganap naman anya ang offline transactions sa labas ng mga pampublikong ospital at sa slum communities kung saan 6 sa bawat 10 babae anya ang nagbebenta ng sanggol.

Matatandaang noong September 4 nasakote sa Ninoy Aquino International Airport  ang American citizen na si Jennifer Talbot nang tangkaing ipuslit ang six day old na sanggol.

“Assessments from experts point out that one of the problem areas that exacerbate the baby-for-sale trade is the adoption system in the Philippines. The current system is described to be tedious, multilayered, and highly bureaucratic, and even takes years to process,” diin ni de Lima.

Iginiit ni de Lima na dapat agad aksyunan ng gobyerno ang isyung ito upang hindi na kumalat pa.

“The State must ensure that in mobilizing government agencies in the creation of a peaceful environment that is free from crime and drugs, equal effort is exerted in protecting children and generations yet to come from predators that are operating in circumvention of and in violation of existing domestic and international laws,” giit nito.

 

Read More

2020 NATIONAL BUDGET, LUSOT NA SA SENADO 

(NI DANG SAMSON-GARCIA)

LUSOT na sa Senado ang panukalang P4.1 trillion 2020 national budget matapos ang dalawang linggong deliberasyon.

Sa botong 22-0, inaprubahan na sa 2nd, 3rd and final reading ang panukalang Pambansang Budget kung saan bukod sa nakakulong na si Senador Leila de Lima ay hindi nakadalo sa sesyon si Senador Manny Pacquiao.

Sa inaprubahang budget ng Senado, itinaas ang pondo para sa Department of Education partikular para sa scholarhip programs lalo na ang voucher program para sa Private Senior High School.

Nagkaisa rin ang mga senador sa pagdaragdag ng pondo para sa Department of Health (DOH) upang palakasin ang vaccination program gayundin para sa dagdag na sahod ng mga nurse at alokasyon sa Philhealth para sa implementasyon ng Universal Health Care Law.

Nagdagdag din ng pondo sa Department of Social Welfare and Development (DSWD) para sa karagdagang alokasyon sa Disaster Response and Rehabilitation Program at Rice Assistance Program para sa mga biktima ng kalamidad.

Sa isyu ng seguridad, naglaan din ang Senado ng dagdag na pondo para sa mga programa ng Department of National Defense (DND), partikular sa laban sa terorismo at rebelyon, habang may karagdagang budget din ang Department of Interior and Local Government (DILG) upang palakasin ang programa laban sa kriminalidad.

Para naman sa usapin sa imprastraktura, nagdagdag din ang Senado ng pondo para sa ilang infrastructure projects,  kabilang na ang konstruksyon ng mga tulay, kalsada, water supply at iba pang proyekto.

Inaasahan naman na masisimulan na ang Bicameral Conference Committee Meeting upang maresolba ang mga pagkakaiba sa mga panukalang inaprubahan ng Kamara at Senado.

Sa panig ng Senado, pinuno ng kanilang bicam panel si Senate Committee on Finance Chairperson Sonny Angara, habang miyembro nito sina Senators Ping Lacson, Cynthia Villar, Pia Cayetano, Win Gatchalian, Bong Go, Richard Gordon,  Imee Marcos, Joel  Villanueva, Ralph Recto, Nancy Binay, Grace Poe,  Franklin Drilon,  Kiko Pangilinan at Risa Hontiveros.

Read More