SOTTO: P4.1-T NAT’L BUDGET MATATAPOS SA TAKDANG PANAHON               

titosotto
0

(NI NOEL ABUEL)

TINITIYAK ng liderato ng Mataas na Kapulungan ng Kongreso na maipapasa sa takdang panahon ang panukalang P4.1 trillion national budget.

Sinabi ni Senate President Vicente Sotto III na nasa tamang landas na tinatahak ang mga senador sa gitna ng plenary deliberations sa General Appropriations Bill (GAB) na inaprubahan at ipinadala ng Kamara.

“It was submitted on time. We are right on track of our timetable without sacrificing important issues being raised in the different departments,” sabi ni Sotto  sa pagsasabing mahabang oras ang inilaan sa mga senador para usisain ang mga nilalaman ng budget ng pamahalaan para sa susunod na taon.

Idinagdga pa ni Sotto na ang plenary discussions sa panukalang budget kabilang ang period of interpellation, individual amendments at committee amendments ay inaasahang matatapos sa huling linggo ng kasalukuyang buwan.

Target ng mga senador na maaprubahan sa ikalawa at ikatlong pagbansa ang GAB sa susunod na linggo habang ang bicameral conference committee ay inaasahang maisasaayos sa unang linggo ng Disyembre.

“The bicameral debates will be unpredictable. We expect healthy debates among members of the bicameral panel as they thresh out and reconcile the differences in our respective versions of the measure. We hope they will remain level-headed and open-minded during the discussions,” ayon pa kay Sotto.

Kumpiyansa ang Kongreso na ang 2020 General Appropriations Act ay malalagdaan para maging batas bago mag-holiday break ang mga mambabatas sa Disyembre 20.

 

 

Read More

DEBATE SA BUDGET UMPISA NA 

0

(NI DANG SAMSON-GARCIA)

SISIMULAN na ngayong araw (Lunes) ng Senado ang debate sa panukalang P4.1 trillion national budget para sa susunod na taon.

Ayon kay Senate Committee on Finance Chairman Sonny Angara, “on track” pa rin sila sa timetable sa pagtalakay sa proposed budget na target nilang maisumite kay Pangulong Rodrigo Duterte sa ikalawa o ikatlong linggo ng Disyembre.

Muling binigyang-diin ni Angara ang kahalagahan ng pagpapasa ng 2020 national budget on time upang walang maging delay sa mga proyekto.

“So critical is the GAA in fact hat because we failed to pass it on time during the previous budget cycle, the country paid a price,” saad ni Angara.

“One adverse impact was a slower GDP growth rate in the first half of the year. Another was that construction and repairs of thousands of classrooms were delayed, as were tuition fees of thousands of government scholars across the country,” dagdag ng senador.

Aminado si Angara na bahagyang nahirapan ang bansa na makamit ang growth target ngayong taon dahil sa naging delay sa approval ng 2019 national budget subalit dahil sa paghahabol sa implementasyon ng mga proyekto, lumago ang ekonomiya ng 6.2% at posibleng umabot ang full-year target sa 6% hanggang 7%.

“The experience has only underscored that for us to maintain our country’s momentum and upward trajectory, we can afford no more delays, especially when public spending can account for up to 20 percent of the entire economy,” diin ni Angara.

Sinabi ni Angara na ang edukasyon pa rin ang may pinakamalaking bahagi ng budget kasabay ng paniniyak na mabibigyan ng sapat na suporta ang Department of Education, Commission on Higher Education at Technical Education and Skills Development Authority.

Read More

PAGTAAS NG KASO NG DEPRESYON SA KABATAAN NAKAAALARMA

0

(NI DANG SAMSON-GARCIA)

NAALARMA si Senador Win Gathalian sa tumataas na kaso depresyon at anxiety sa kabataan na iniuugnay din sa social media at internet.

Dahil dito, nanawagan si Gatchalian sa Department of Education (DepEd) na ituro ang responsableng paggamit ng social media bilang bahagi ng pangangalaga sa kalusugan ng isip o mental health.

Una nang sinabi ni Dr. Cornelio Banaag, Jr. ng Medical City na ang kakulangan sa tulog bilang epekto ng lubos na paggamit ng smartphone ang isa sa dahilan ng anxiety at depresyon.

“Babala ng mga eksperto, ang pagbababad sa social media ang isang pangunahing dahilan kung bakit dumarami ang mga kabataang dumaranas ng anxiety at depresyon. Nakakabahala ito lalo na’t nababansagan tayong social media capital of the world, kaya naman mahalagang maituro natin ang wastong paggamit ng internet at social media,” saad ni Gatchalian.

Ayon sa Department of Health, nasa 3.3. milyong Filipino ang may depressive disorders.

Sa isang pag-aaral naman ng World Health Organization, sa mahigit 8,000 mag-aaral sa Pilipinas, halos 17 porsiyento ng mga mag-aaral na may edad 13-17 ang nagtangkang magpakamatay.

Read More

EX-SEN PIMENTEL PINARANGALAN SA SENADO

0

(NI NOEL ABUEL/PHOTO BY DANNY BACOLOD)

BINIGYAN ng parangal at pagkilala sa Senado si dating senador Aqulino ‘Nene’ Pimentel Jr. dahil sa malaking naiambag nito sa politika sa bansa.

Sa gitna ng necrological service sa dating Senate President, ipinasa ng mga senador, sa pangunguna ni Senate President Vicente Sotto III, ang Senate Resolution No. 168 na nagsasaad ng pagkilala kay Pimentel, kinilalang ama ng Local Government Code.

“Whereas, the Honorable Aquino ‘Nene’ Quilinging Pimentel Jr., a distinguished public servant, a fearless human rights lawyer, parliamentarian, and legislator, a staunch defender of democracy, a family-oriented and religious man, and the father of Local Government Code, passed away on  20 October 2019 at the age of 85,” ayon sa resolusyon.

“In his almost five decades of illustrious and unblemished career as a public servant, he served the government in various capacities; delegate to the 1971 Constitutional Convention representing Misamis Oriental; mayor of Cagayan de Oro City (1980-1984); Batasang Pambansa Assemblyman (1984-1986); Minister/Secretary of Local Government Presidential Adviser and Chief Negotiator with the Muslim rebels (1986-1987); Senator (1987-1992; 1998-2004; 2004-2010), Senate Majority Leader (June 3, 2002-July 23, 2002; Senate President, (November 13, 2000-June 30, 2001); Senate Minority Leader (2004-2010 and July 23, 2001-June 3, 2002); and member of the Consultative Committee to review the 1987 Constitution (2018),” base pa sa SR no. 169.

Malaki rin umano ang nagawa ni Pimentel noong 1980 na sa kabila ng walang campaign fund ay nahalal ito bilang alkalde ng Cagayan de Oro City subalit naalis ito noong 1981 nang magdesisyon ang Commission on Elections (Comelec) dahil sa ‘political turncoatism’.

Sinabi naman ni Sotto na tanging si Pimentel ang politikong pumasok at umalis sa politika na  walang bahid ng anumang kontrobersya.

“Senate President Nene Pimentel, Jr.,  salamat po sa pamanang kaisipan na ngayon ko lang nabatid –  “Puede naman palang pumasok sa politika, at mamaalam ng marangal pa rin.” Paalam po,” sa pahayag ni Sotto.

Miyerkoles nang dumating sa Senado ang labi ni Pimentel sa Senado para sa necrological service kung saan dumating ang mga dati at kasalukuyang mga senador kabilang sina dating Manila Mayor Joseph Estrada, dating Senador Kit Tatad at iba pa.

 

Read More

VILLAR  PINAKAMAYAMAN PA RIN SA MGA SENADOR

0

(NI DANG SAMSON-GARCIA)

KAHIT sa pagpasok ng mga bagong senador, nananatili pa rin si Senador Cynthia Villar bilang pinakamayaman na miyembro ng Mataas na Kapulungan ng Kongreso.

Sa updated Statement of Asset of Liabilities and Networth (SALN), as of June 2019, naitala ang networth ni Villar sa P3.534 bilyon.

Mababa ito kumpara sa kanyang networth hanggang noong Disyembre 2018 na P3.719 bilyon.

Nasa ikalawang pwesto ng pinakamayaman na senador si Senador Manny Pacquiao  na may P3.005 bilyon na networth.

Bukod kina Villar at Pacquiao, wala nang ibang senador na umabot sa bilyon ang networth.

Ikatlo sa pinakamayaman na senador si Sen. Ralph Recto, P555.32 milyon; sumunod si Sen. Juan Miguel Zubiri, P182.85 milyon at pang-lima si Sen. Bong Revilla P164.20 milyon.

Sinundan sila nina Sen. Sonny Angara, P139.026 milyon; Sen. Franklin Drilon,  P97.726 milyon; Sen. Sherwin Gatchalian, P96.210 milyon; Sen.Grace Poe, P95.693 milyon; Sen. Pia Cayetano, P82.308 milyon; Sen.Richard Gordon, P71.285 milyon; Senate President Tito Sotto, P70.120 milyon;  Sen. Manuel Lapid, P69.910 milyon; Sen. Francis Tolentino, P62.482 milyon; Sen. Nancy Binay, P59.911 milyon; Sen. Panfilo Lacson, P42.442 milyon; Sen. Imee Marcos P29.970 milyon;  Sen. Koko Pimentel, P29.934 milyon; Sen Ronald Dela Rosa, P28.258 milyon; Sen. Joel Villanueva P26.921 milyon;  Sen. Francis Pangilinan, P16. 695 milyon; Sen. Risa Hontiveros, P15.627 milyon;  Sen. Christopher Lawrence “Bong” Go, P15.508 milyon.

Pumalit naman kay dating Senador Sonny Trillanes bilang pinakamahirap na senador si Sen. Leila de Lima na may networth na P7.706 milyon.

Wala namang naitalang liabilities o pagkakautang sina Villar at Gatchalian.

 

Read More

2020 NAT’L BUDGET, MAAGANG MAIPAPASA SA SENADO

0

(NI DANG SAMSON-GARCIA)

TINIYAK ni Senate President Vicente ‘Tito’ Sotto III na hindi na mauulit ang delay sa pag-apruba ng 2019 national budget.

Sinabi ni Sotto na tiyak na bago matapos ang Disyembre ay aprubado na ang panukalang P4.1 trillion proposed 2020 national budget.

“I think pinakamatagal na siguro, first week of December nagba-bicam na, pinakamatagal na yun kung ready na nga sila i-submit sa amin by Monday, baka by November ready na kami for 3rd and final reading,” pahayag ni Sotto.

Ito ay makaraang maaprubahan na sa Kamara sa 3rd and final reading ang panukalang budget noong Huwebes ng gabi.

“Kung maipapasa nila sa amin bago matapos ang September that would be the record time. Usually natatandaan ko, mga October pa dumarating sa amin,” saad ni Sotto.

Sa pagtaya ni Sotto, kung maisusumite sa kanila ang General Appropriations Bill bago matapos ang buwan, posibleng sa pagbabalik sesyon nila sa Nobyembre ay maisalang na nila sa plenaryo ang panukala.

Nilinaw naman ni Sotto na bubusisiin pa rin  nilang mabuti ang bawat detalye ng budget na mabilis na naipasa sa Kamara at hindi ito magsisilbing pressure sa kanila upang madaliin din ang pagpapasa nito.

“Not at all (pressured ba ang Senado na ipasa agad ang budget). It will give us better timetable,” diin ni Sotto.

Read More

BUDGET SA TAAS-SAHOD NG MGA GURO HANDA NA

teachers12
0

(NI NOEL ABUEL)

MAGANDANG balita para sa mga guro.

Ito ay matapos na ilapit na ang pagkakaloob ng dagdag-sahod ng mga ito na inaasahang makatutulong nang malaki sa lahat ng mga guro sa buong bansa.

Ayon kay Senador Win Gatchalian, mayroon nang pagkukunan ang P54 milyong pondo na kailangan sa pagtataas ng dalawang salary grades (SG) ng sahod ng mga guro.

“Hindi po ba may na-vetosi Pangulong Rodrigo Duterte na P95 billion na pork barrel funds sa 2019 budget? Bakit hindi natin kunin ‘yong P54 billion doon para pondohan ang salary increase ng teachers natin,?” sa suhestyon ni Gatchalian.

Tinutukoy ng mambabatas ang 2,071 proyekto sa ilalim ng Department of Public Works and Highways (DPWH) na nagkakahalaga ng P95.37 bilyon na nai-veto ng Pangulo mula sa 2019 General Appropriations Act (GAA).

“Sa katunayan, kailangan nating magpasa ng supplemental budget ngayong taon para magamit ‘yong P95 billion na ‘yon. Maaari nating gamitin ang halagang ito upang itaas ang kita ng ating mga guro,” sabi pa ng senador.

Sa inihain nitong Senate Bill No. 178, layo nitong itaas ang sahod ng mga public school teachers na may ranggong Teacher I, Teacher II, at Teacher III, mula Salary Grade (SG) 11, 12, at 13 sa Salary Grade 13, 14 at 15.

Base sa pang-apat na bahagi ng Salary Standardization Law, mula P20,754 ay magiging P25,232 ang sahod ng mga Teacher I kada buwan, katumbas ng P4,478 na pagtaas habang ang mga Teacher II naman ay makatatanggap ng P27,755 mula sa dating P22,938, o halagang P4,817 na pagtaas ng kanilang kinikita.

Nasa P5,299 naman ang itataas sa sweldo ng mga Teacher III, kung saan mula P25,232 ay magiging P30,531 na ito.

“Kung itataas natin ang sweldo ng mga Teachers I hanggang III, ibig sabihin nito ay 889,700 personnel o 83% ng ating mga guro ang makikinabang nito,” diin ni Gatchalian.

Ayon pa kay Gatchalian, Chairman ng Senate Committee on Basic Education, Arts and Culture, ang pagtataas ng sahod ng Teachers I hanggang III ay daan upang mapaliit ang pagitan ng Teacher III at Master Teacher I.

“Sa taong 2018, ang agwat ng sahod ng Master Teacher I at Teacher III ay nagkakahalagang P13,861, higit apat na beses ang laki kung ikukumpara ito sa P3,224 na agwat noong 2007,” ayon pa dito.

 

Read More

3 BUCOR OFFICIALS KULONG SA SENADO 

0

(NI DANG SAMSON-GARCIA/PHOTO BY DANNY BACOLOD)

TILA naubusan na ng pasensya ang mga senador sa ilang opisyal ng Bureau of Corrections (BuCor) na patuloy sa pagtanggi sa mga sinasabing katiwalian sa loob ng New Bilibid Prison (NBP) sa Muntinlupa City.

Sa motion ni Senador Ronald ‘Bato’ dela Rosa na sinegundahan ni Senador Panfilo ‘Ping’ Lacson at hindi tinutulan ng iba pang miyembro, isinailalim sa contempt order sina Bucor Legal Chief, Atty. Frederick Santos; Documents Division chief Ramoncito Roque at Medical Officer Ursicio Cenas.

Ito ay makaraang sabihin ni Lacson na patuloy ang pagsisinungaling sa kanilang harapan ng tatlong BuCor officials.

Sa gitna naman ng deliberasyon sa mosyon, iginiit ni Cenas na bigyan naman sila ng respeto ng Senado.

“Respeto rin po kasi masakit po sa damdamin na dahil lang po sa perang nakabalot sa papel na hindi ko naman alam kung magkano mako-contempt ako,” saad ni Cenas na patuloy na naninindigan na hindi siya sangkot sa anumang katiwalian.

Patuloy naman ang paninindigan ni Roque na wala siyang alam sa GCTA for sale kasabay ng pagtuturo kina CO3 Veronica Buno at Insp. Maria Benilda Bansil na sangkot sa iregularidad.

Nilinaw naman ni Gordon na hindi pa naisama sa contempt sina Buno at Bansil sa contempt order dahil hinihintay pa nila ang findings ng NBI sa kanilang mga cellphone.

Read More

HIRIT SA SENADO: CUSTOMER NA HIHINGI NG PLASTIC STRAW MAGBABAYAD

angara12
0

(NI DANG SAMSON-GARCIA)

HINIMOK  ni Senador Sonny Angara ang mga manufacturers ng pre-packed beverages na bumalangkas ng environment-friendly designs para sa kanilang mga produkto upang matigil na ang paggamit ng mga plastic drinking straws.

Sa halip anya na i-ban ang plastic straws, sinabi ni Angara na maaaring pagbayarin ng mga establisiyimento ang mga customer na gagamit pa rin ng plastic straws.

Sa kanyang Senate Bill 954 o proposed straw regulation act, nais ni Angara na mabago ang kaugalian ng mga consumer gayundin ng mga manufacturers at commercial establishments para sa proteksyon sa kalikasan.

Alinsunod sa panukala, lahat ng commercial establishments na nagbebenta ng mga inumin kasama na ang mga sari-sari stores at supermarkets ay oobligahin na maningil ng P2 sa bawat plastic straw.

Wala namang bayad ang mga straw na gagamitin para sa medical purposes, para sa mga senior citizens at persons with disabilities at mga indibidwal na limitado ang paggalaw dahil sa stroke, arthritis at iba pang medical conditions.

“Plastic straws will only be provided upon request by the customers. We should consciously put a stop to the practice of automatically providing straws to customers upon buying their beverages,” saad ni Angara.

“We also want the manufacturers of these pre-packed beverages to start coming out with new designs for their products so that consumers would be able to drink these without the use of straws,” dagdag pa nito.

Nakasaad din sa panukala ang pagtatayo ng  straw disposal at collection facilities sa lahat ng commercial establishments upang matiyak na mare-recycle nang maayos ang mga straw.

Ang mga establishment na lalabag ay pagmumultahin ng hanggang P10,000 sa first offense;  P20,000 sa second offense at P50,000 kasama ang kanselasyon ng business permits sa mga susunod na offense.

Ang mga makakalap na pondo mula sa mga multa ay gagamitin sa environmental programs na nakapokus sa proteksyon at paglilinis ng Philippine waters, rivers, seas at oceans, kabilang ang information at awareness campaign sa epekto ng plastic drinking straws sa aquatic animals at marine ecosystems.

Read More