UNANG KASO KINUMPIRMA NG DOH; PINAS NAPASOK NA NG 2019 N-COV

0

KINUMPIRMA ng Department of Health na positibong may kaso na ng 2019 novel coronavirus sa bansa.

Sa press conference, sinabi ni Health Secretary Francisco Duque III, isang 28- anyos na babaeng Chinese mula sa Wuhan, China ang kumpirmadong may dala ng virus sa bansa na dumating sa Maynila noong Enero 21 mula sa Hong Kong.

Ang pasyente, na nagpa-check up noong Enero 25 matapos makaranas ng pag-ubo, ay nilalapatan ng lunas sa isang pampublikong pagamutan.

Nakumpirma na positibong infected ng N-CoV ang babaeng Chinese matapos maisagawa ang laboratory test sa Australia.

Kasabay nang pagkumpirma na positibo ang nasabing kaso, sinabi naman ni Duque na patuloy ang pagkilos ng DOH upang garantiyahan ang publiko na ang lahat ng “necessary precautionary measures” ay kanilang isinasagawa upang mapigilan ang pagkalat ng virus.

Sinasabing ang nasabing virus ay naunang kumitil ng 170 katao sa bansang pnagnulan nito, at umaabot na sa 8,000 ang apektado mula sa iba’t ibang bansa sa Asian, Europe, North America at Middle East.

Ang mga sintomas ng nasbaing virus ay kinabibilangan ng lagnat, ubo, kakapusan at hirap sa paghinga.  RENE CRISOSTOMO

PATOTOO NG MGA PASAHERO, MAS MAHUSAY ANG SERBISYO SA LRT LINE-1

MALAKI na ang ipinagbago ng serbisyo ng LRT Line 1 sa nakalipas na taon.

Ito ang naging obserbasyon ng mga mananakay ng 20.7 kilometer LRT Line 1, ang kauna-unahang elevated commuter train na may 20 stations na bumabagtas mula Munoz sa Quezon City hanggang Baclaran at may regular daily passenger na 500,000.

Ayon kay Jinkee Evangelista, estudyante ng De La Salle University sa Taft Ave, kung dati ay mas ninanais niyang  magdala ng sasakyan dahil pahirapan ang pagsakay sa LRT, ngayon ay mas ‘manageable’  na kung magte-train siya  kaysa  mag-drive.

“Iiwasan mo lang talaga ‘yung peak hour kasi talagang ang daming pasahero, pero mas marami na ngayong skip train kaya higit na maginhawa na talagang mag-LRT,”pahayag ni Evangelista.

Natutuwa rin si Reynaldo Guevara na araw-araw sumasakay sa LRT patungo sa kanyang trabaho sa UN Ave. Ayon sa kanya, kung dati ay nale-late siya sa trabaho dahil 3 hanggang 4 na tren ang kanyang pinalalagpas bago makasakay, sa ngayon ay sa unang tren pa lamang ay nakakasakay na siya.

“Sa bilis at on time na pagdating ng mga tren ay hindi napupuno ng pasahero sa mga station platforms kaya nakakasakay agad,” aniya.

Partikular na nakita naman ni Aling Remedios Vasquez ang concern ng mga security guard na nagmamando sa mga istasyon.  Aniya, maayos ang sistema sa pagpapasakay sa senior citizens sa LRT kaysa nang minsan siyang sumakay sa MRT.

Hindi naman naiwasan ni Christine Suarez,24 anyos, empleyado sa Pasay City, na ihalimbawa ang karanasan niya sa pagsakay sa LRT at MRT. Aniya, naaaawa siya sa kanyang sarilli tuwing sasakay ng MRT.

“Awang- awa talaga ako sa aking sarili kapag sasakay na ako ng MRT, parang… ano ba ito, ang hopeless naman ng mga Filipino, parang lagi kang sasabak sa giyera, napakahaba ng pila, makikipagbalyahan ka makapasok lang ng tren, sa loob ay halos hindi ka na makagalaw, mababasa ka ng tumutulong aircon, malas mo pa ‘pag naabutan ka ng sira ng tren dahil pabababain ka sa gitna ng tracks o maghihintay ka sa loob na sobrang init.”

Aniya, mas malapit sa kanilang bahay sa Quezon Ave kung MRT ang kanyang sasakyan patungong Pasay ngunit kalbaryo naman ang kanyang mararanasan kaya mas pinipili niya na gumastos na lang ng dagdag pamasahe para magtungo sa LRT Roosevelt Station at doon na sumakay.

“Nagtataka ako kung bakit umayos na ang serbisyo sa LRT Line 1, saka ko nalaman sa mga katrabaho ko na privatized na pala ito, sana all,”  dagdag pa niya.

Taong 2015 nang i-turnovet ng Light Rail Transit Authority(LRTA) at Department of Trasportation(DoTr) sa Light Rail Manila Corporation(LRMC), ang venture company ng Ayala Corp., Macquarie Infrastructure Holdings at  Metro Pacific Investments Corp. ang operasyon at maintenance  ng LRT Line 1 sa ilalim ng Public-Private Partnership (PPP) program ng Aquino administration.

Mula nang i-takeover ng LRMC ang LRT Line 1 ay nakapagpatupad na ito ng ilang measures para sa ikaaayos ng serbisyo nito, mula 77 na tren ay mayroon nang 112 tren at mula 478 na biyahe kada araw ay naging 554 daily trips at ang headway o waiting time ay umaaabot na lamang sa 3.5 minuto  mula sa dating 6 hanggang 8 minuto, gayundin ay mas pinahaba ang operating hours.

Sinabi ni LRMC President Juan Alfonso na mula 2015 ay nasa P8.7-B na ang nailaan ng kompanya  para sa rehabilitasyon at pagpapaganda ng serbisyo ng LRT Line 1, kasama rito  ang maayos na tren, pagpapaganda ng mga station at pagpalit sa nasirang rail tracks kaya mas ligtas at mas maayos na ang takbo ng mga tren.

Ngayong Nobyembre 2020 ay target ng LRMC na matapos ang kanilang bagong signaling system kung saan makatitiyak ang mga pasahero na on time palagi ang dating ng mga tren at ang waiting time o headway ay aabutin na lamang ng 2.5 minuto.

Sa taong 2021 ay inaasahang 700,000 hanggang 800,000 pasahero na ang maseserbisyuhan ng LRT Line 1 sa oras na matapos ng LRMC ang LRT 1 Extension patungong Cavite kung saan walong bagong stations ang madaragdag, kabilang ang Redemptorist, NAIA Avenue, Asia World, Ninoy Aquino, Dr. Santos, Las Pinas, Zapote at Niog sa Cavite.

Mula isa at kalahating oras ay 30 minuto na lamang ang magiging biyahe patungong Cavite.

FOUNDATION GAMIT SA HUMAN TRAFFICKING, $20-M ‘ILLEGAL FUNDS’; QUIBOLOY CHURCH NI-RAID

KASASAMPA pa lamang ng tatlong kasong kriminal laban kay Pastor Apollo Quiboloy, ngunit kakaharapin ng tinaguriang “appointed son of God” ang mga kasong “human trafficking,” “illegal fund raising” at pekeng kasal ng 82 mag-asawa sa Estados Unidos.

Ilang linggo na ang nakalipas, inilabas ng Saksi Ngayon ang mga kasong “rape,” “human trafficking” at “child abuse” na isinampa laban kay Quiboloy sa National Prosecution Service Office sa Davao City.

Kamakalawa, lumabas sa mga balita na sinalakay ng Federal Bureau of Investigation (FBI) ang Kingdom of Jesus Christ sa Los Angeles, California, USA, at inaresto ang tatlong opisyales na namamahala ng nasabing simbahan.

Nabatid na patuloy pa rin ang isinasagawang imbestigasyon ng FBI upang makapangalap ng malakas at matibay na ebidensiya kaugnay sa reklamong human trafficking laban sa nasabing sekta.

Idineklara ni Quiboloy  na siya ang “appointed son of God” na kanyang idiniin sa kanyang mga opisyal at kasapi sa kanyang Kingdom of Jesus Christ na nakabase sa Davao subalit may tanggapan sa Metro Manila na nangangasiwa ng mga negosyo ni Quiboloy, kabilang na ang Sonshine Media Network International o Swara Sug Media Corporation.

Ibinunyag nga mga biktima sa FBI na hindi raw sila makaalis sa Kingdom of Church sa LA dahil hawak ng mga opisyales nito ang kanilang pasaporte.

Sinabi pa ng mga biktima, , inuutusan sila ng pamunuan ng nasabing simbahan na magtungo sa iba’t ibang bahagi ng Amerika upang manghingi o mamalimos upang makakuha ng maraming pera na ilalaan sa The Children’s Joy Foundation, non-governmental-organization ng simbahan ni Quiboloy.

Ayon pa sa mga biktima, kapag hindi nila nabubuo ang perang dapat makolekta ay pinapaparusahan sila kabilang na ang pang-aabuso sa kanilang katawan.

Ang isa pang matinding nadiskubre ng FBI ay ang  “fundraising” ng simbahan ni Quiboloy na umabot na sa 20 million US dollar mula 2014 hanggang sa kalagitnaan ng 2019 gamit ang “street level solicitation” ng mga kasapi nito.

Labag sa batas ng Amerika na mangulekta ng pera sa ilegal na paraan o gumagamit ng pekeng layunin.

Nabatid pa ng FBI na umabot sa 82 pekeng kasal ang naisagawa ng kontrobersyal na simbahan sa loob ng 20 taon kung saan kabilang ang aktibidad sa pinagkukunan nila ng salapi. NELSON BADILLA

MALAKANYANG BINALAAN NG SOLON SA WATER CONCESSION; TAUMBAYAN MAMUMULUBI SA VILLAR TAKEOVER

NAGBABALA ang grupong Gabriela sa Malacanang na huwag tangkaing ibigay sa kumpanya ni dating Senate President Manny Villar ang pangangasiwa sa water distribution service sa Metro Manila kung nais ng mga ito na hindi magmahal ang presyo ng tubig at umayos ang serbisyo.

Ginawa ni Rep. Arlene Brosas ang nasabing babala dahil hindi pa rin maaalis sa mga  pangamba ng mga ito na ipasa ni Pangulong Rodrigo Duterte kay Villar ang water concession agreement dahil pumasok na ito sa water industry.

Si Villar ang may-ari sa Prime Water at hawak na ang water distribution service  sa iba’t ibang panig ng bansa tulad sa Marilao, Bulacan; Tayabas, Quezon;  Bacolod City, Negros Occidental at Zamboanga City.
“We warn Malacanang against using the public’s dissatisfaction under the privatized water services courtesy of Maynilad and Manila Water to comfortably sneak in Villar’s PrimeWater as the new water concessionaire,”  ayon kay  Brosas.
“Instead, the government should restore the water services across the country to full public control.”
Hanggang ngayon ay hindi pa inilalabas ng Palasyo ang bagong water concession agreement na nais ni Pangulong Rodrigo Duterte na tanggapin sa ayaw at sa gusto ng Manila Water nap ag-aari ni Manny V. Pangilinan at Maynilad, nap ag-aari naman ng mga Ayala, dahil kung hindi ay babawiin na sa mga ito ang kontrata.

Dahil dito, hindi inaalis ni Brosas ang posibilidad na kapag tuluyang umatras ang Maynilad at Manila Water ay ipapasalo kay Villar ang water service distribution dahil kabilang ito sa mga malalapit kay Duterte.
Idinagdag ni Brosas, dapat matuto ang gobyerno sa karanasan ng mga taga-Bulacan, Quezon province, Balocod City at sa Zamboanga at iba pang lugar na hawak ng Prime Water na lalong lumala  ang pangit na serbisyo at tumaas pa ang singil sa tubig. BERNARD TAGUINOD

10-B US EXPORT MADIDISKARIL

POSIBLENG madiskaril ang  $10 bilyong halaga ng export ng Pilipinas sa Amerika kung magpapatuloy ang pagbanat ni Pangulong Rodrigo Duterte sa US government, ayon kay Senador Panfilo Lacson.

Sinabi ni Lacson na magkakaroon ng “adverse consequences” sa ekonomiya ng bansa ang ipinataw na indefinite travel ban sa lahat ng miyembro ng Gabinete ni Duterte.

“An indefinite travel ban to the United States imposed on all members of the Cabinet could have adverse consequences on our country’s economy and security, not to mention the many employed Filipino immigrants there, especially if the US retaliates to the recent tirades of President Duterte,” paliwanag ni Lacson.

Aniya, umaabot  sa halagang $10 bilyon ang inaangkat ng Amerika sa Pilipinas bukod pa sa naibibigay ng tulong ng Washington  bilang suporta sa militar at ayuda sa buong Asia-Pacific region.

Kamakailan, nagbanta si Pangulong Duterte na kanyang kakanselahin ang Visiting Forces Agreement (VFA) sa pagitan ng US at Pilipinas kapag hindi binigyan ng US visa si Senador Ronald “Bato” Dela Rosa.

Nakatakdang magpulong naman ang Senado sa pangunguna ni Senate President Vicente Sotto III upang pag-usapan ang magiging posisyon ng mataas ng kapulungan hinggil sa pagbawi sa VFA at iba pang isyu sa US. ESTONG REYES

 

Read More

MONOPOLYO NA NI VILLAR

Leody de Guzman-2
0

BMP: Kapag nakuha ng Prime Water ang NCR water distribution

NAPAKALAKAS ng paniniwala ng Bukluran ng Manggagawang Pilipino (BMP) na posibleng makuha ng Prime Water Infrastructure Corporation na pag-aari ng pamilya nina dating Senate President Manny Villar at Senadora Cynthia Villar ang negosyong distribyusyon ng tubig sa National Capital Region (NCR) kapag tuluyang pinutol ng administrasyong Duterte ang kontrata ng Manila Water Company Inc. at Maynilad Water Services Inc. sa pamahalaan.

Sa eksklusibong panayam kay Leody de Guzman, tagapangulo ng BMP, kumbinsido ang kanyang organisasyon na posibleng mapunta sa mga Villar ang distribyusyon ng tubig maging sa NCR, sapagkat “agresibo“ang Prime Water sa negosyong nabanggit.

Ani De Guzman, sa kasalukuyan ay pasok na ang Prime Water sa maraming lalawigan.

Iniulat ng Saksi Ngayon kamakailan na nakuha ng Prime Water ang 63 water distribution districts mula sa 76 distribution water districts na nasa listahan ng Local Water Utilities Administration (LWUA).

Naganap ito sa pamamagitan ng tinatawag ni LWUA administrator Jeci Aquino na “public-private partnership.”

Idiniin ni De Guzman na ang mag-asawang Manny at Cynthia Villar ay mga negosyanteng “best friend” o “cronies” ni Pangulong Rodrigo Duterte.

Kumalat sa publiko na malaki umano ang ibinigay ng mga Villar sa campaign funds ni Duterte noong tumakbo ito sa pagkapangulo ng bansa noong 2016.

Nang manalong pangulo, agad itinalaga ni Duterte si Las Piñas Rep. Mark Villar bilang kalihim ng Department of Public Works and Highways (DPWH).

Hindi nagtagal, naging Department of Justice (DOJ) undersecretary ang asawa ni Sec. Villar na si Emmeline Aglipay – Villar.

Bukod sa kanila, ang isa pang anak nina Manny at Cynthia na si Camille ay kinatawan ng distrito ng Las Piñas  sa mababang kapulungan ng Kongreso.

Kumbinsidung-kumbinsido si De Guzman na kapag nakuha ng Prime Water ang distribyusyon ng tubig sa NCR ay “bampirang monopolyo” ng pamilya Villar ang negosyong distribyusyon ng tubig sa Pilipinas.

Nang hinging liwanagin ang kahulugan ng kanyang pahayag, sinabi ni De Guzman na ito ay mistulang bambira sa tubo ang Prime Water.

Ang posibilidad na mapunta sa Prime Water ang negosyo ng distribyusyon ng tubig sa NCR ay sakaling hindi tanggapin at pirmahan ng pamunuan ng Wanila Water at Maynilad ang “bagong kontrata” ng tubig na ipinagawa ni Duterte sa DOJ at Office of Solicitor General (OSG). (NELSON S. BADILLA)

Read More

VILLAR, HAHARANGIN SA WATER SERVICE

Rep Arlene Brosas-5
0

IPINASASARA ng isang mambabatas ng mababang kapulungan ng Kongreso ang “pintuan” para kay dating Senate President Manny Villar kaugnay sa water distribution service  sa Metro Manila sakali man at bawiin ang kontrata mula sa Manila Water at Maynilad.

Sinabi ni Gabriela party-list Rep. Arlene Brosas, bagama’t suportado ng kanilang grupo ang pagbawi sa kontrata mula sa dalawang water concessionaires, hindi maiwasang mangamba sila na ililipat lamang ito sa ibang negosyante tulad ni Villar, may-ari ng Prime Water.

Kaya naman, hinamon ni Brosas si Pangulong Rodrigo Durete na rebyuhin, rebisahin at amyendahan ang Executive Order (EO) 311 na inisyu ni dating Pangulong Fidel Ramos na naging basehan sa pagsasa-pribado sa water distribution service ng Metropolitan Waterworks ang Sewerage System (MWSS).

“Duterte should complement his order to review the concession agreement with a decisive move to junk EO 311 which provides the basis for the privatization of the MWSS. Otherwise, he may just be positioning his favored oligarch, the Villars, to take control and profit further from the water supply needs of Filipinos,” ayon kay Brosas.

Si Villar ay kilalang kaalyado ni Duterte at umano’y kabilang sa mga nag-ambag sa pondo para sa pagtakbo ni Duterte noong 2016 presidential election.

Pumasok na rin ito sa water distribution service  sa iba’t ibang panig ng bansa tulad ng Marilao, Bulacan, Tayabas, Quezon, Bacolod City, Negros Occidental at Zamboanga City.

Sinabi ni Brosas, kailangan ang pagbabagong inaasam ng mga water consumer sa Metro Manila at hindi ang pagpapasa lang sa isa pang negosyante.

“We warn Malacanang against using the public’s dissatisfaction under the privatized water services courtesy of Maynilad and Manila Water to comfortably sneak in Villar’s PrimeWater as the new water concessionaire,”  dagdag pa ni Brosas. (Bernard Taguinod)

Read More

WATER SERVICE KAY VILLAR MAS LALALA

Ariel Casilao
0

(BERNARD TAGUINOD)

HINDI lang mas mahal, lalong lalala ang serbisyo kapag ibinigay ni Pangulong Rodrigo Duterte sa kanyang kaalyadong si dating Senate President Manny Villar ang water distribution service sa Metro Manila.

Ito ang babala ni dating Anakpawis party-list Rep. Ariel Casilao na tutol na ipasa sa pribadong kumpanya ang water service distribution kapag hindi kinagat ng Manila Water at Maynilad ang bagong water contract na binuo ng mga economic manager ni Duterte.

Hindi isinasantabi ng dating mambabatas ang posibilidad na ibibigay ni Duterte sa Prime Water Infrastructure Corp., na pag-aari ni Villar, ang water service distribution kapag umatras ang Manila Water at Maynilad sa bagong kontrata.

Sinabi ng mambabatas na kung naging ‘gahaman’ ang Manila Water at Maynilad at pinagkakitaan lamang ang water service distribution, mas malala umano ang mangyayari kapag isa pang oligarch ang hahawak dito.

“It is like replacing profit-hungry monsters with another profit-hungry monster. Prime Water this period is bullish, taking over water districts all over the country, obviously because it is allied with Duterte,” ani Casilao.

Hanggang sa kasalukuyan ay hindi pa isinasapubliko ng Malacañang ang bagong water contract na nais ni Duterte na tanggapin ng Manila Water at Maynilad dahil kung hindi ay babawiin na ang concession agreement.

Ayon kay Casilao, mas magandang ang gobyerno na mismo ang hahawak sa water distribution dahil kung ibibigay ito sa Prime Water ay malamang na mas lalala pa ang serbisyo at magmamahal ang singil.

Inihalimbawa nito ang kaso ng mga water district na nakuha ng Prime Water na imbes na gumanda ang serbisyo at magmura ang singil ay naging kabaliktaran ang nangyari.

“Water subscribers of Prime Water from Marilao, Bulacan, Tayabas, Quezon, Bacolod City, Negros Occidental and Zamboanga City are complaining about high water rates and service interruption,” ayon pa kay Casilao.

Read More

VILLAR: KUNG MAHAL ANG GALUNGGONG, ‘WAG KUMAIN!

0

(NI DANG SAMSON-GARCIA)

“KUNG mahal ang galunggong, eh ‘di wag kumain ng galunggong, di ba?”

Ito ang iginiit ni Senador Cynthia Villar kasunod ng pagtaas ng presyo ng iba’t ibang mga produkto, kabilang na ang galunggong.

Sinabi ni Villar na marami namang alternatibong pwedeng gawin kaya’t hindi kailangang magtiis ang taumbayan sa mga produktong mataas ang presyo.

“There are other alternatives na pwedeng gawin, bakit ba gustong-gusto ninyo ang galunggong kung mahal ang galunggong,” giit nito.

Iginiit ng senador na ang pagbili ng mga produkto kahit mataas ang presyo ay lalo lamang magiging dahilan ng pagtataas ng presyo nito.

“Eh lalong nae-encourage yung price increase, bakit hindi kayo kumain ng gulay? Mas healthy ‘yun. In fact, di ba bumaba ang ating rating, ating mga students one of the theory doon ay malnutrition,” dagdag pa ng senador.

Aminado si Villar na ang mga negosyante kapag nakakita ng oportunidad na magtaas ng presyo ay magdaragdag sila ng presyo kahit walang batayan.

Dahil dito, iginiit ng mambabatas na dapat lamang na maghigpit ang regulatory body partikular ang Department of Trade and Industry upang tiyakin na walang negosyanteng aabuso.

Read More

TAKE-OVER NG VILLAR SA WATER SERVICE SA METRO TINUTULAN SA KAMARA

0

(NI BERNARD TAGUINOD)

TINUTULAN sa Mababang Kapulungan ng Kongreso na ipasa sa kumpanya ng mga Villar ang water service sa Metro Manila na hawak ngayon ng Manila Water at Maynilad dahil tiyak na lalong mapipiga umano ang mga consumers.

“Nationalization of water services ang solusyon dito, hindi transfer of control to his crony, not Villarization,” ani Bayan Muna party-list Rep. Ferdinand Gaite dahil sa pahayag ni Pangulong Rodrigo Duterte na dapat itake-over ng mga Villar ang water service sa Metro Manila.

Ang PrimeWater Infrastructure Corp., ay pag-aari ng kumpanya ng mag-asawang sina dating Senate President Manny Villar at Sen Cynthia Villar kung saan 63% na umano sa local water district ay hawak  ng mga ito.

“Nagrereklamo ang Pangulo sa palpak pero mahal na serbisyo, pero ang solusyon niya ay ibigay din sa isa pang pipiga ng sobra-sobrang tubo at, ayon sa mga ulat, palpak din,” ani Gaite.

“In San Pablo, the Water District Employees Association president reported that consumers now pay almost P1,200 per month, up from P400 before PrimeWater came in, but recently they have been experiencing extreme water shortage. Even the Commission on Audit flagged PrimeWater’s inefficiency,” dagdag pa ng mambabatas.

Dahil dito, lalaban umano ang mga ito kapag ipinasa lang ni Duterte sa mga Villar  ang water service sa Metro Manila at iginiit na ibalik sa gobyerno ang pagpapatakbo sa nasabing serbisyo.

Noong 1997 ay ibinigay sa Manila Water at Maynila ang water service bilang bahagi ng privatization program ng gobyerno subalit pinagkakitaan lang umano ng mga nabanggit na kumpanya ang mga consumers, ayon kay Duterte.

“Talaga namang pinagkakitaan nila ng husto ang serbisyong ito. In just a matter of 22 years, Maynilad Water Services Inc. hiked the cost of water by 596 percent, and Manila Water Company by 970 percent, accumulating incomes reaching billions year in, year out,” ani Gaite.

Subalit kung ipapasa rin sa isa pang oligarch ang water service ay hindi aniya magkakaroon ng pagbabago.

Read More

VILLAR KINASTIGO NG ALYANSA NG MGA GURO

0

(NI NOEL ABUEL)

BINATIKOS ng ilang guro si Senador Cynthia Villar sa pahayag nitong dapat na ipasara ang mga eskuwelahang palpak sa pagtuturo sa mga estudyante nito.

Giit ng Alliance of Concerned Teachers (ACT) Philippines, malaking insulto umano ang pahayag ng senadora at hindi katanggap-tanggap lalo na at isa itong mataas na opisyal ng pamahalaan.

“It is unbelievable for such irresponsible and anti-student comment to come from one of the top officials in the land who is expected to uphold the Constitution, which out rightly mandates the State’s responsibility to provide free, quality education to all Filipinos,” ayon kay Joselyn Martinez, ACT chairperson.

Una rito, binanggit ni Villar na panahon nang isara ang mga paaralang palpak bunsod ng pagbagsak ng Pilipinas sa 2018 Programme for International Student Assessment (PISA).

“It is a big insult to our teachers who sacrifice daily to teach despite wanting state support, not because of what they will get in exchange, but out of their real love for Filipino children and genuine sense of public service,” giit pa ni Martinez.

Hinamon din ng nasabing grupo si Villar na sumama sa pagtuturo ng mga guro sa malalayong lugar upang malaman at makita nito ang sakripisyong dinaranas ng mga guro at estudyante.

“We challege Sen. Villar to spend a month teaching in a far-flung barrio for her to see the sacrifices of teachers and how eager our students are to learn. While at it, she can also join the communities in planting crops so that she may correct her many misconceptions on farmers,” hamon pa ni Martinez.

 

Read More

PAARALANG MAHINA ANG KALIDAD NG EDUKASYON PINABUBUWAG

deped
0

(NI DANG SAMSON-GARCIA)

KUNG si Senador Cynthia Villar ang tatanungin, mas nanaisin nitong buwagin ng Department of Education (DepEd) ang mga ‘underperforming’ na paaralan at bigyan naman ng reward ang mga eskwelahan na mataas ang kalidad ng edukasyon.

“‘Yung magagaling na estudyante, ang school nila dapat may mga national exams tapos na-me-measure mo, and then yung magagaling na estudyante, bigyan natin ng reward,” saad ni Villar.

“‘Yung mga maliliit (na schools) baka idisband natin yun,” dagdag pa ng senador.

Ang pahayag ni Villar ay kasunod ng report na nangungulelat ang Pilipinas sa Mathematics, English at Science.

“Okay lang na hindi naman natin ine-expect that we are the best but hindi naman kulelat. 2nd to the last, magaling lang tayo sa Dominican Republic, medyo nakakahiya naman ‘yun,” giit pa ni Villar.

Iginiit ni Villar na kung bibigyan ng insentibo ang mga magagaling na paaralan ay tiyak na macha-challenge ang mga ito na pag-igihin pa ang kanilang serbisyo.

“Bigyan ng incentive [yung magagaling na schools] at bigyan ng disincentive yung mahihina para namang magkaroon ng wish to excel or challenged to be better,” dagdag ng senador.

Samantala, iginiit naman ni Senador Joel Villanueva na nangangailangan ang mga estudyante ng tamang nutrisyon at magandang learning environment.

“While this is a great concern in our basic education system, it will certainly have an effect on the ability of our students to cope with higher [education] environment and complete higher education,” saad ni Villanueva.

Ito anya ang layunin ng kanyang Senate Bill 858 upang mapalakas ang barangay daycare system.

“This is to give them proper care while their parents go to work. This will ensure proper nutrition and development support,” diin ni Villanueva.

 

Read More

CLEARANCE SA RICE IMPORTATION PINAHIHIGPITAN

0

(NI DANG SAMSON-GARCIA)

MATAPOS pangunahan ang pagpapasa ng panukala para sa liberalization ng pag-aangkat ng bigas, pinahihigpitan ngayon ni Senador Cynthia Villar sa Department of Agriculture ang rice importation.

Ito ay kasunod ng report ng United States Department of Agriculture Foreign Agricultural Services na umabot na sa 3 million metric tons ng bigas ang inangkat ng Pilipinas simula nang aprubahan ang Rice Tariffication Law.

Lumitaw sa ulat na ang Pilipinas ang itinuturing na world biggest rice importer at naungusan na ang China.

Sinabi ni Villar, chairperson ng Senate Committee on Agriculture, na may ugnayan na sila ng DA para higpitan ang pagpapalabas ng phytosanitary clearance upang matiyak na mga karapat-dapat na importers lang ang makakapag-import.

Dapat din anyang may masusing monitoring ang DA dahil dapat umabot lang sa 1.2 million metric tons ang aangkating bigas para hindi masyadong maapektuhan ang local farmers.

“Kausap ko na ang DA at pinahihigpitan natin ang pagpapalabas ng phytosanitary clearance para hindi marami ang makakapag-import,” saad ni Villar.

Read More