YUKA SASO, 1st PINOY US OPEN CHAMPION

0

Ni ANN ENCARNACION

SA edad na 19, naging kauna-unahang Filipino golfer si Yuka Saso na nanalo ng US Women’s Open title Lunes (Manila time) sa Olympic Club sa San Francisco.

Humataw ng birdie sa third playoff hole ang ­Filipina-Japanese na si Saso upang manaig laban kay Nasa Hataoka ng Japan.

Sa kabila ng back-to-back double bogeys, hindi nasiraan ng loob ang 2018 Asian Games gold ­medalist sa women’s individual at team golf events at pumalo ng birdies sa 16 at 17 para sa two-over 73 at umusad sa playoff na may four-under total na 280 for 72 holes.

Samantala, habang duma­usdos ang overnight leader na si Lexi Thompson ng U.S. ay nagpakitang gilas naman si Hataoka sa kanyang final-round 68 na nagbigay daan sa tapatan nila ng Fil-Jap.
Nagpalitan ng par sa number 9 at 18 two-hole aggregate sina Hataoka at Saso, hanggang maka-­birdie sa sudden-death third hole ang huli para angkinin ang kanyang unang golf major title at samahan si South Korean Park In-bee bilang “youngest winners” sa edad na 19 years, 11 months and 17 days.

Maliban sa tropeo, si Saso na ang ina ay tubong Bulacan at ang ama ay Japanese ay nag-uwi ng $1 ­million purse prize.

SPORTS ATHLETES NAGBUNYI

NAGING trending topic sa social media ang historic win ng 2021 U.S. Women’s Open champion na si Yuka Saso.

“Saso is the first female from the Philippines to win a major championship,” post mismo sa Twitter ng LPGA.

Ibinahagi naman ng Fil-Jap ang three words of encouragement mula kay four-time major champion Rory McIlroy na naging susi sa kanyang breakthrough performance.
“Rory mentioned me on Instagram and said, ‘Get that trophy!'” ani Saso. “And I did!”

Maging ang mga atleta at personalidad sa ibang sports ay nagbunyi sa panalo ni Saso. Kabilang sa mga nag-post ng congratulatory remarks sina Adelaide 36ers center Kai Sotto ng Adelaide Tigers ng Australian NBL, San-En NeoPhoenix wing Thirdy Ravena ng Japanese B.League, at national ­women’s volleyball team spiker Alyssa Valdez;

PBA’s Ginebra coach Tim Cone at TNT coach Chot Reyes, ex-Rain or Shine guard Chris Tiu, former Ateneo volleyball player at Frontline Pilipinas anchor Gretchen Ho, at Choco ­Mucho middle blocker Bea De Leon.

SASO PASOK SA TOKYO OLYMPICS

MATAPOS makuha ang kanyang unang golf major title, tiyak na ang tiket sa Tokyo Summer Games ni Yuka Saso

Hulyo 23 hanggang Agosto 8, ngayong taon gaganapin ang quadrennial meet, na na-postpone ng isang taon dahil sa COVID-19 pandemic.

Ngunit sa ngayon ay mas prayoridad ng Fil-Jap ang paglahok sa ibang torneo bago ang 32nd Olympics.

“Focus po muna ako sa sunod na tournament. Marami pa po kasing tournament bago ang Olympics,” sabi ni Saso sa 76th US Women’s Open Mickey Wright gold medal at Harton S. Semple trophy awarding.

Base sa huling International Golf Federation ­rankings noong Mayo 31 2021, nasa ika-22 puwesto sa women’s si Saso, habang ika-41 ang kapwa national team member na si Bianca Pagdanganan. Inaasahang tataas pa ang ranking ni Saso dahil sa kanyang LPGA tour win.

Ang isa pang Filipino golfer na si Juvic Pagunsan ay nasa ika-50 puwesto naman sa men’s matapos magwagi sa Mizuno Open sa Japan.

Sa ngayon ay 10 atletang Pinoy na ang nag-qualify sa Tokyo Olympics: EJ ­Obiena (pole vault), Carlos Yulo (gymnastics), Eumir Marcial, Nesthy Petecio, Irish Magno, at Carlo Paalam (boxing), Hidilyn Diaz (weightlifting), Cris Nievares (rowing), Kurt Barbosa (taekwondo), at Margielyn Didal (skateboarding).

Read More

Paalala sa A4 workers WORK ID LANG PARA MABAKUNAHAN

0

PUWEDENG office identification card o work ID lang ang bitbit at ipiprisinta ng A4 workers kapag sila’y magpapabakuna laban sa COVID-19.

Pruweba ito na ang isang A4 worker ay frontliner o mga nagtatabaho sa labas ng kanilang bahay.

“I think office ID—Work ID would suffice ‘no kasi ngayon ang definition ng A4 is broad enough to include anyone who works outside of his home and a work ID would be sufficient,” ayon kay Presidential spokesperson Harry Roque.

Nauna rito, inilarga kahapon ang “symbolic rollout” ng COVID-19 vaccine para sa essential workers o mga kabilang sa A4 priority group.

Sa pangunguna ni Joey Concepcion, presidential adviser on entrepreneurship, isinagawa ang ceremony sa Mall of Asia Arena.

Ayon kay Concepcion, idinaos ang pledging ceremony para magkaroon ng simbolo ang pagtutulungan ng mga lokal na pamahalaan at pribadong sektor para mabilis na maisagawa ang pagbabakuna kontra COVID-19 ng publiko.

Ani Concepcion, handa na sila sa programang ito ngunit dahil sa kakulangan sa bakuna ay hindi naiiwasan ang pagkaantala.

Una nang nakabili ang pribadong sektor ng 1.17 million na AstraZeneca vaccines na nakatakdang dumating sa Hulyo. (CHRISTIAN DALE)

Read More

PALASYO NAGPAABOT NG PAGBATI KAY SASO

0

“TODAY is a great day in Philippine sports.”

Binati ng Malakanyang si Yuka Saso na nag-uwi ng karangalan sa Pilipinas nang manalo sa 2021 US Women’s Open.

Matatandaang nauna nang nakaharap ni Pangulong Rodrigo Roa Duterte si Saso sa Malakanyang nang pagkalooban ito ng Presidential citation matapos manalo ng gold medal sa 18th Asian Games in Indonesia.

“She is indeed the pride and glory of our country. We are all proud of you. Congratulations,” ayon kay Presidential spokesperson Harry Roque.

Naghatid ng pag-asa at inspirasyon ang tinamong tagumpay ng Pinay na si Yuka Saso sa US Womens’ Open.

Ayon kay Senate President Protempore Ralph Recto, sa panahong ito na mataas pa rin ang naitatalang kaso ng Covid kada araw, hatid anya ng pag-asa ang pagkapanalo ni Saso.

Nagbigay rin anya ito sa atin ng inspirasyon na sa kabila ng handicap at ng peligro na ating kinakaharap, nakaya ni Saso na lumaban at manalo. (CHRISTIAN DALE)

Read More

Bwelta ng Malakanyang sa pagsasabing sila ang tagapagsalita ng taumbayan 1SAMBAYAN BOSES LANG NG BARANGAY

0

PINAYUHAN ng Malakanyang ang political opposition na hintayin na muna ang eleksyon sa susunod na taon para makita kung talagang itatakwil o ire-reject ng taumbayan ang mga kandidato ng administrasyon.

Kumpiyansang sinabi kasi ng opposition coalition 1Sambayan na itatakwil ng mga Filipino ang Duterte-Duterte tandem sa Eleksyon 2022.

“See you on election day. Taumbayan po ang magdedesisyon diyan,” ayon kay Presidential Spokesman Harry Roque.

“Malalaman lang natin ang desisyon ng taumbayan pagkatapos ng eleksyon, kaya dapat magka-eleksyon tayo,” dagdag na pahayag nito.

Nagtataka naman si Sec. Roque kung bakit pilit na inaangkin ng oposisyon na maging tagapagsalita ng taumbayan.

“Kung titignan niyo ang surveys, wala pa pong limang porsyento ang hindi sumusuporta sa ating presidente. So mag-ingat po tayo,” aniya pa rin.

“Bagama’t sinasabi nating kayo ay boses ng taumbayan, baka boses lang kayo ng isang barangay,” dagdag na pahayag nito.

Sa ulat, sinabi ni Atty. Howard Calleja, isa sa mga convenors ng 1Sambayan na “We feel that this is an insult to the Filipino people and we feel that whatever happens, we trust the Filipino people will see this as a selfish move. Nothing to the benefit of the people, but only to perpetuate power to one family.”

Sinabi ri ni Calleja na labag sa Konstitusyon ang posibleng pagtakbo ni Pangulong Duterte bilang bise-presidente.

“It goes against the letter, intent, and the spirit of the Constitution. And not only that, (but) it also violates, especially if Mayor Sara will run as well, then it violates as well the basic constitutional prohibition against political dynasty to the very hill because it is a dynasty to the national level,” paliwanag nito.

Tinawag din ni Calleja ang tambalang Duterte-Duterte bilang “Davao formula.”

“Wala na bang iba? Ang ibig sabihin lang nito ‘yung PDP-Laban wala na sila ibang maihaharap sa Pilipino,” pahayag nito laban sa PDP-Laban. (CHRISTIAN DALE)

Read More

‘DI PAGSUSUOT NG FACE SHIELD SINANG-AYUNAN

0

PABOR si dating Health Secretary at ngayon ay Iloilo Rep. Janet Garin na maaari nang alisin ang mandatory na pagsusuot ng face shield bilang proteksyon kontra COVID-19.

Ayon kay Garin, maaari pa ngang makasama ang pagsusuot ng face shield lalo na kung hindi nagpapalit at paulit-ulit itong ginagamit.

Sa halip aniya, ang dapat ugaliin ay ang pagsusuot ng face mask.

“Ang pinakamahalaga ay ang testing, isolation at vaccination na siyang ating sundalo sa giyera ng COVID-19,” pahayag ni Garin.

Samantala, inihayag ng UP-National Institute of Health na hindi kailangan ang pagsasagawa ng neutralizing antibody test ng mga indibidwal na nakatanggap na ng bakuna para masuri ang efficacy ng COVID-19 vaccines.

Sa naganap na pagdinig ng House committee on health ay tinanong ni Garin ang mga eksperto hinggil sa ginagawa ng ilang indibidwal na antibody testing na nagbibigay lamang ng dagdag na alinlangan sa pagbabakuna.

Ani Garin, may mga resulta kasi na zero o negative ang level ng antibodies kahit pa nabakunahan na laban sa COVID-19. (ABBY MENDOZA)

Read More

TOGA MUNA BAGO TRAJE DE BODA

0

MAY magulang na naringgan ko na sinabihan ang kanyang dalagitang anak ng “uy, toga muna ha, bago ­trahe de boda” dahil nakatutok ang bata sa social media, hindi para mag-aral, kundi nakikipag-chat lang naman.

Alam ni nanay na ang ka-chat ng kanyang anak ay ang kanyang manliligaw, kaya panay ang paalala nito sa dalagitan n’ya na magtapos muna ng pag-aaral bago mag-asawa, o magsuot muna ng toga bago trahe de boda.

Hindi ko masisisi si nanay dahil sa panahon ngayon, ­parami nang parami ang mga batang nag-aasawa nang wala sa oras.

Imbes na mag-aral muna, nag-aalaga na ng kaniyang anak.

Bumilis ang takbo ng buhay dahil sa internet.

Dahil sa facebook at iba pang social media platform ay madaling makita ang mga taong hinahanap mo.

Ngayon, ang ligawan ay kasing bilis ng kidlat.

Hindi tulad noong panahon namin na penpal lang ang ­tanging komunikasyon ng mga nagliligawan.

Lingguhan kung sumagot ang sinulatan, o ka-penpal, mo.

Pero, dahil sa internet, ­segundo lang ang aantayin mo bago ka ireply.

Kapag nagreply sa ‘yo, may pag-asa at d’yan na magsisimula ang ligawan.

Segundo lang ang kailangan.

Hindi tulad noong panahon ng penpal.

Lalong nagkaroon ang kabataan ng panahon sa internet sa napakahabang lockdown dahil sa pandemya sa COVID-19.

Naparami nilang nakilalalang virtual friends na karamihan ay bad influence sa kanila.

Dahil d’yan, hindi na ako nagtaka na ­maraming kabataan ngayon ang ­nag-aasawa nang wala sa oras.

Nanganganak na hindi pa handa ang katawan, isip at pinansyal na aspeto.

Base sa census ng ­Philippine Statistics ­Authority (PSA), sa 108 milyong populasyon ng Pilipinas, 21 milyon ang kabataan.

Lumabas naman sa isang committee hearing sa Kamara de Representantes na kada araw ay mayroong 576 kabataan ang nanganganak.

Nangangahulugang 24 babies ang ipinapanganak kada oras sa Pilipinas ng mga batang ina, o isang baby bawat 2.4 minuto.

Isang seryosong problema ito na hindi dapat ipagsawalang bahala.

Isa ‘yan sa mga negatibong epekto ng social media sa buhay ng kabataan ngayon.

Maganda ang social ­media dahil bumilis at napagaan ang trabaho ng lahat, pero maraming masamang epekto, lalo na sa kabataan.

Anong mangyayari sa buhay ng mga bata kapag nag-asawa at nanganak sila nang wala sa oras?

Masisira lang ang buhay nila dahil hindi sila nakapagtapos ng pag-aaral, kaya lalo silang mababaon sa hirap.

Okey lang sana kung ­seryosohin at pakasalan sila ng tatay ng kanilang anak, pero ­kahit mangyari ‘yan, anong buhay naman ang naghihintay sa kanila kung pareho silang hindi handa?

 

Read More

Sa bakunadong turista, lokal o dayuhan TRAVEL RESTRICTIONS PINALULUWAGAN

0

IMINUNGKAHI ni Senador Win Gatchalian sa mga kinauukulan na ikonsidera ang pagluluwag ng mga panuntunan sa COVID-19 testing at quarantine protocols sa mga turistang nabakunahan na, banyaga man o lokal, upang matulungang makabangon ang turismo ng bansa tungo sa unti-unting pagbubukas ng ekonomiya.

“Kung nagluwag sa health protocols para sa mga bakunadong Pilipinong bumiyahe galing ng ibang bansa, wala akong nakikitang dahilan para hindi rin ito ipatupad ito sa mga nabakunahang dayuhan at lokal na turista dahil pareho lang naman ang sitwasyon nila. Bukod dito, mas may pakinabang din ito sa ating ekonomiya dahil maibabalik natin sa trabaho ang mga empleyadong nawalan ng trabaho sa sektor ng turismo,” ayon sa vice chairperson ng Senate economic affairs committee.

Sa kautusang inanunsyo ng Department of Health (DOH) at Inter-Agency Task Force on Emerging Infectious Diseases (IATF) noong Hunyo 4, ang mga Pilipinong dito nagpabakuna at nangibang bansa ay kailangang sumailalim sa pitong araw na lamang na quarantine pag-uwi nila. Ang RT-PCR o swab test ay kailangan lamang gawin sakaling may makitang sintomas ng COVID-19 sa loob ng nasabing quarantine period. Ang mga mag-uuwiang biyahero ay kinakailangang magpakita ng kanilang vaccination card sa kanilang pag-alis at pagbalik sa bansa para patunayan na bakunado na sila. Samantala, hindi kasama sa inanunsyo ng IATF kung sakop ng tinatawag na “green lane” policy ang mga uuwing overseas Filipino workers (OFWs) at mga biyahero na nagpabakuna sa ibang bansa.

Sinabi ni Gatchalian na ang pagluluwag sa travel restrictions ay ipinatutupad na sa ibang bansa katulad sa Amerika, batay sa panuntunan ng Centers for Disease Control and Prevention (CDC). Sa kasalukuyan, hindi na kailangang mag self-quarantine ang lahat ng international travelers papasok ng Amerika, kabilang na ang U.S. citizens, at kailangan na lang magpa-COVID-19 test tatlo hanggang limang araw pagdating galing biyahe. (ESTONG REYES)

Read More

COVID-19 TUMATAAS SA MGA PROBINSIYA, BUMABABA SA NCR PLUS

0

HINDI nakapagtataka kung bakit tumataas ang mga kaso ng COVID-19 sa mga probinsiya dahil kahit naka-lockdown na ay may nakalulusot pa rin at nakapapasok na mga tao sa kanilang mga lugar.

Isa d’yan ang mga taong galing sa National Capital Regon (NCR).

Kaya, hindi nakakapagtaka kung bakit patuloy ang pagtaas ng mga kaso ng COVID-19 sa mga lalawigan.

Lalo na nitong dumami ang bagong COVID variant na nakapasok sa Pilipinas.

Pangalawang dahilan ay nakapokus sa NCR plus bubble ang bulto ng bakuna.

Kakaunti lang ang nakararating sa Visayas at Mindanao.

Ilan din sa mga taga-pro-binsiya ay hindi maingat at hindi sumusunod sa health protocols na ipinatutupad ng gobyerno.

Hindi rin masyadong mahigpit ang local government units (LGUs) sa mga probinsiya sa pagpapatupad ng minimum health standards.

Ilan sa kanila ay balewala ang face masks, face shields at physical distancing.

Sa NCR plus lang mahigpit na ipinatupad ang minimum health standards.

Sa mga lalawigan ay balewala ‘yan.

Kinakailangang gumawa ng paraan ang Inter-Agency Task Force (IATF) kung paano nila ngayon matutulungan ang mga lalawigan na pigilan ang patuloy na pagtaas ng bilang ng ga kaso ng COVID-19.

Kailangang higpitan ang pagpapatupad ng health protocols tulad ng pagsusuot ng face masks at face shields.

Puspusang isagawa ang swab test at contact tracing para matukoy kung nasaan ang mabilis na hawaan ng virus.

At bigyan ng maraming bakuna ang mga probinsiya.

Ito na marahil ang solusyon tulad nang naganap sa NCR plus na unti-unting ­bumagal ang hawaan dahil marami nang mga residente ang ang nabakunahan.

Kailangan ding paigtingin ang information dissemination sa buong bansa para mahikayat na magpabakuna ang marami pang tao na ­nagdadalawang isip na magpabakuna.

Hanggang ngayon kasi ay marami pa ring mga Filipino ang ayaw magkabakuna.

Ang Israel ay agad nagkaroon ng herd immunity ang kanyang mamamayan dahil nabakunahan na sila.

Ayaw ba natin na makabalik sa normal na pamumuhay tulad nang dati?

Hindi delikado ang bakuna dahil kung  nakakasama ito ay may mga bansang tumanggi ang kanilang mamamayan sa bakuna.

Hanggang ngayon ay wala pa namang nagsasabing presidente ng alinmang bansa na hindi nila kailangan ang bakuna laban sa COVID-19.

Sa halip, nag-aagawan pa sila.

Ganun pa man, matatapos din ang COVID-19 sa tulong ni Lord.

oOo

 

Para sa suhestiyon at reaksyon, mag-email ­joel2amongo@yahoo.com at ­operarioj45@gmail.com, o kaya magtext sa 0956-951-00-57.

Read More

PANGAKO NI PACQUIAO SUNTOK SA BUWAN

0

NAG-IMBITA si Senador Emmanuel “Manny” Pacquiao ng ilang tao at mga mamamahayag sa kanyang bahay sa Forbes Park nitong Sabado.

Hindi nagdeklara si Pacquiao na tatakbo siyang pangulo sa halalang Mayo 2022.

Hindi rin niya sinabing wala talaga siyang kabalak-balak na tumakbo sa mas mataas na posisyon sa eleksyong 2022.

Si Pacquiao ay napabalitang tatakbo sa pagkapangulo ng bansa.

Ngunit, hindi siguradong Partido Demokratiko Pilipino – Lakas ng Bayan (PDP – Laban) ang partido niya dahil benabalewala siya ng mga bataan ni Pangulong Rodrigo Duterte tulad nina Energy Secretary Alfonso Cusi at Cagayan Economic Zone Authority (CEZA) Secretary Raul Lambino.

Pokaragat na ‘yan!

Itong sina Cusi at Lambino na dating mga tauhan ni dating Pangulong Gloria Macapagal – Arroyo ay tanging si Pangulong Duterte ang pinakamamahal nilang politiko sa kasalukuyan.

Kahit ganyan, pumapalag pa rin at bumibira na ang ­boksingerong si Pacquiao.

Ang sabi ni Pacquiao nitong Sabado: “Gusto kong makita ang lahat ng kawatan sa ­gobyerno sa kulungan, lahat ng nagnanakaw”.

Pokaragat na ‘yan!

Sinabi na ‘yan ng mga tumakbong pangulo mula kay Corazon Aquino hanggang Duterte, pero ipaaalala ko kay Pacquiao na hindi naganap ang kanilang mga pangako.

Pangako rin nilang lahat na ipakulong ang mga tiwali at korap na mga opisyal at kawani ng pamahalaan, ngunit hindi nangyari.

Kung mayroon man, pahirapang makulong.

Tapos, ngayon nag-dedeklara si Pacquiao laban sa mga magnanakaw sa pamahalaan.

Idiniin pa ni Senador Pacquiao: “Gusto kong pumalakpak ang mga mahihirap na tao” kung  maraming makukulong na mga korap sa pamahalaan.

Magandang pakinggan.

Nakatutuwang basahin.

Ngunit, suntok ito sa buwan.

Ibig sabihin, hindi ito magaganap.

Minsang sinabi ko na sa ­aking kolum na mula nang ­maging kongresista hanggang maging senador si Pacquiao ay hindi ito bumira laban sa korapsyon.

Wala siyang inilantad na korapsyon kahit anong ahensiya ng pamahalaan.

Napakatahimik ni Pacquiao.

Kahit nga ang napakasahol na korapsyon sa mga pamahalaang lokal, pagamutan at mga proyekto ng Department of Public Works and Highways (DPWH) sa Mindanao ay walang binira si

Pacquaio kahit isa, samantalang taga-Mindanao siya.

Sa mga ahensiya ng isports ay wala rin siyang banat, samantalang hindi naman nakawala ang mga ito sa korapsyon.

Simula nang maging politiko si Pacquiao habang nananatiling bongsingero ay hindi ito kumilos at nagbunyag ng korapsyon.

Ngayong tinatalakay niya ang korapsyon, mungkahi ko simulan niyang kumilos laban sa DOE at CEZA.

Hamunin ni Pacquiao  ang Presidential Anti – Corruption Commission (PACC) na alamin at siyasatin ang pinanggalingan ng mga kayamanan nina Cusi at Lambino.

Read More