BORDER CONTROL SA MINDANAO HIGPITAN

0

HIGPITAN ng mga awtoridad ang pagpapatupad ng border control sa Tawi-tawi at Gen. Santos City sa Mindanao para hindi makapasok sa bansa ang mga taong posibleng tinamaan ng “Delta ­variant” ng coronavirus disease – 2019 (COVID – 19).

Ang mga lugar na ito ay malapit sa Indonesia at makararating na sa bansang ito, sa pamamagitan lamang ng bangkang de motor.

Batay sa report, ang Indonesia ngayon ang ­matinding tinamaan ng Delta variant.

Sa natanggap ng PUNA na impormasyon, nasa 40,000 kada araw ang nagkakaroon ng COVID – 19 sa nasabing bansa.

Sila ngayon ang nangu-nguna sa pinakamaraming active cases ng COVID – 19 na tinatayang nasa 400,000.

Dati, India ang nangu-nguna sa pinakamaraming kaso ng COVID – 19 dahil dito nagmula ang Delta ­variant.

Pero, ngayon ay Indonesia na ang numero uno makaraang matukoy na humigit kumulang sa 2 milyong katao ang nagkaroon ng COVID – 19 dito at nasa 400,000 na nga ang kanilang aktibong kaso at patuloy pa ito sa pagdami.

Ito’y dahil ­maraming pasaway sa kanilang mamamayan.

Hindi sumusunod sa health protocols na itinakda ng kanilang gobyerno ang mga residente sa bansang ito.

Kaya, nang makapasok sa kanilang bansa ang Delta variant ay mabilis na nakahawa sa kanilang mamamayan.

Kaliwa’t kanan ang mga nagaganap na pagtitipon ng mga residente, beach party at nilalabag ang kanilang health protocols.

Ang nararanasang ito ng Indonesia ay hindi malayong mangyari sa Pilipinas, lalo na katabi natin ang nasabing bansa.

Nabatid nating labas masok ang mga residente ng Mindanao patungong Indonesia.

Kaya, kung hindi hihigpitan ng mga awtoridad sa Mindanao ang border ­control dito ay hindi ­malayong ­matulad tayo sa Indonesia.

Halos iisa lang ang ugali ng mga Filipino at Indonesian na parehas matitigas ang ulo.

Hindi sumusunod sa health protocols at ayaw nilang magpabakuna.

Kaya, nanawagan ang PUNA sa Philippine Coast Guard (PCG), Philippine Navy (PN), Philippine National Police – Maritime Group (PNP – Maritime) na ipatupad nila ang pinakamahigpit na pagbabantay sa border control sa pagitan ng Mindanao at Indonesia para matiyak na walang makapapasok na mga taong may dalang Delta variant.

Kung hindi tayo magtutulungan, maraming Filipino ang malalagas dahil sa COVID – 19 at baka tuluyan nang bumagsak ang ating ekonomiya.

Kahit paano, ngayon ay bumababa na ang bilang ng mga kaso ng COVID – 19 sa bansa natin.

Kaya, kaunting tiis pa para maalpasan natin ang matinding pagsubok na dala ng COVID – 19 pandemic.

Doon naman sa mga nangangasiwa ng bakuna, paspasan n’yo ang pagbabakuna nang magkaroon tayo ng herd immunity sa pinakamabilis na panahon.

‘Yan kasi ang inaasahan nating panlaban sa COVID – 19.

Magdadalawang taon na tayong naghihirap dulot ng COVID – 19.

At ang pinakamahalaga sa lahat ay samahan natin ng dasal sa Panginoon na gabayan Niya tayo at ilayo sa kapahamakan, amen.

oOo

Para sa suhestiyon at reaksyon, mag-email joel2amongo@yahoo.com o kaya magtext sa cel# 0919-259-59-07.

Read More

Hamon kay Eleazar PNP-MARITIME REGION 1 TOP OFFICIALS SIBAKIN

0

MALAKING hamon kay General Guillermo Lorenzo Eleazar bilang pinuno ng Philippine National Police (PNP) ang pagtanggal sa top officials ng PNP – Maritime Region 1.

Ang hamon ay mahigpit na nakatali sa ipinangako at idiniin ni Eleazar na lilinisin niya ang PNP mula sa iba’t ibang porma ng katiwalian at korapsyon nakasisira sa pambansang organisasyon ng mahigit 220,000 puwersa nito.

Ayon pa kay Eleazar, hindi isyu ang pagiging maliit, o malaki, ng nagawang pagkakamali dahil ang isyu rito ay patuloy na pagdungis at pagwasak sa kredibilidad at imahe ng PNP.

Nakarating sa SAKSI Ngayon ang usapin tungkol sa pamunuan ng PNP – Maritime Region 1 nang makitang walang dudang makabuluhan ang kanilang hinaing laban sa nasabing yunit ng PNP.

Ayon sa impormasyon na inilabas sa BADILLA Ngayon kolum nitong Biyernes (Hulyo 16), mayroong natatanggap na buwanang tara ang ilang pulis ng PNP-Maritime Region 1 mula sa mga mangingisda sa rehiyon.

Bukod sa buwanang tara, o padulas, nagbibigay rin ang mga mangingisda ng mga mamahalin at magagandang isda upang hindi sila hulihin at istorbohin.

Ngunit, sabi ng mga mangingisda ay nahuhuli pa rin sila kahit may ipinararating na pera at isda sa mga pulis ng PNP – Maritime Region 1.

Mayroong itinuturong partikular na batas ang mga pulis na nilabag umano ng mga mangingisda.

Ngunit, kung pag-aaralan at susuriing maigi ay hindi matumbok at madiretso kung nakasisira ba sa karagatan, corals at iba pang yamang – dagat ang mga mangingisda.

Kaya, ang malabong usaping ito na paglabag umano sa batas at alituntunin ng pangingisda ay siyang ginagamit ng mga oportunistang pulis upang magkapera kada buwan at magkaisda bawat buwan.

Kaya, idinaing ng mga mangingisda na kahit saang anggulo sipatin ay kawawa sila.

Takot namang maghain ng pormal na reklamo ang mga mangingisda laban sa mga pulis at sinomang opisyal ng pamahalaan, partikular sa Bureau of Fisheries and Aquatic Resources (BFAR) dahil siguradong gagantihan sila tulad ng mga naganap sa mga nakalipas na taon.

Ang pangako ni General Eleazar na linisin ang PNP habang siya ang nakaupo ay magandang pagkakataon upang ‘makahinga’ ang mga mangingisda mula sa buwanang tara at pamimigay ng mga isda sa mga pulis ng PNP – Maritime Region 1.

Ang nakikita nilang ‘kagyat’ na kasagutan ay matanggal at ilipat sa Camp Rafael Crame sa Quezon City ang top officials ng PNP – Maritime Region 1 habang pinag-aaralan ni Eleazar na tuluyan nang matuldukan ang katiwalian at korapsyon mula sa mga notoryus na pulis.

Umaasa ang mga mangingisda na ang itatalaga ni Eleazar ay paiiralin ang “no take policy” ng PNP mula sa nasabing sektor ng batayang masa. (NELSON S. BADILLA)

Read More

ANTI-DYNASTY LAW MALABO

0

HINDI na ako umaasa na magkakaroon ng batas na nagbabawal sa dinastiya sa larangan ng pulitika sa ating bansa kung ipapaubaya ang paggawa nito sa mga mambabatas.

Pero, sinisisi ko ang Constitutional framers, o ang mga gumawa ng 1987 Constitution, kung bakit hindi pa kasi nila siniguro nang isulat nila ang konstitusyon na bawal ang pami-pamilya na nagpapalitan lang ng puwesto.

Nakasaad sa Article II Section 26: “The State shall guarantee equal access to opportunities for public service, and prohibit political dynasties as may be defined by law”.

Nangangahulugang kailangang gumawa pa rin ang Kongreso ng batas tulad ng ginawa nila sa ­Sangguniang Kabataan Reform Act of 2016 na nagbabawal sa kabataang tumakbo sa SK kung mayroon silang mga kaanak na halal na opisyal.

Pero, hindi ako umaasa na gagawa ng batas na para liwanagin ang anti-dynasty law at pagbawalan ang pami-pamilya na tumakbo sa iba’t ibang posisyon tulad ng nangyayari ngayon.

Mabibilang mo lang sa daliri mo sa kamay ang mga mambabatas na hindi ­galing sa political family, o may mga kapatid, tatay, nanay, tiyuhin, pamangkin at in-laws na nahalal sa iba’t ibang posisyon, lalo na sa mga local position.

Wala kang makikitang probinsya na walang kaanak si governor, si vice – governor, si mayor, si vice – ­mayor, o kahit si congressman na nakaupo sa mga lokal na posisyon sa kanilang lugar.

Ang uso nga ngayon, ipinapamana na sa asawa ang posisyon kapag wala pa sa tamang edad ang kanilang mga anak na bata pa lamang ang ihinahanda na nila sa pulitika.

Sa mga nagdaan, mayroong nakalusot, pero hanggang isang termino lang sila dahil hindi sila makakuha ng suporta sa kanilang konseho lalo na kung ang mga nakaupo at kaalyado ng tinalo nilang kandidato.

Kung susuwertehin naman ang isang kandidato, siya naman ang magtatayo ng dynasty dahil kapag muli siyang tumakbo, patatakbuhin na ang kanyang mga kaanak sa iba’t ibang posisyon para masiguro ang kanyang katatagan dahil nakatikim na siya ng kapangyarihan.

Ilang beses ding tinangkang, kahit papaano, na ­maghain ang iilang malalakas ang loob ng panukala para maipatupad na ang probisyon sa Saligang – Batas, pero hindi umaabot sa committee level pa lamang.

Noong 2011, tinangka ni yumaong Sen. Miriam Defensor Santiago na buwagin ang political dynasty, pero hindi siya nagtagumpay at may ilang congressmen naman ang sumubok noong 2013, pero walang nangyari dahil sino ba naman ang gagawa ng batas na magpapahina sa iyong kapangyarihan.

Kahit sa mga party-list congressmen, marami sa kanila ang galing sa political dynasty, kaya sino sa kanila ang papayag na isa sa bawat pamilya na lamang ang puwedeng tumakbo?

Kahit sa Senado, marami riyan ang mula sa political dynasty, kaya huwag na tayong umasa na gagawa ang mga iyan ng batas na sila ang masasagasaan, o sila ang madedehado.

Kahit ang pangulo natin may dinastiya rin dahil ­sila-silang mag-aama na lamang ang namumuno sa Davao City mula noong 1986, kaya huwag na tayong umasa na gagawa ang Kongreso ng batas laban sa dinastiya.

Kung ginawa lang ng mga gumawa ng 1987 ­Constitution ang trabaho nila at nilinaw agad ang anti-political dynasty, baka walang political dynasty sa ating bansa ngayon, kaso parang nag-playing safe pa sila eh, kaya ayan namamayagpag ang pamilya ng mga pulitiko.

Read More

POSO OFFICER NG CALAMBA INAMBUSH, 3 SUGATAN

0

LAGUNA – Mga nasagasaan sa trabaho ang naiisip ni Calamba City Public Order and Safety Office (POSO) Chief Jeffrey Rodriguez bilang nasa likod ng pananambang sa kanyang sasakyan ng riding in tandem habang pauwi sa kanilang bahay noong Huwebes ng hapon.

Pasado alas-5:00 ng hapon nang pagbabarilin ng riding in tandem na nakatambay sa isang tindahan ang sasakyang Toyota Hilux (conduction sticker P8 H191) ni Rodriguez habang patungo sa Tierra Subdivision sa Brgy. Bucal.

Tinamaan ng bala sa kaliwang balikat ang police bodyguard ni Rodriguez na si P/Cpl. Ronnel Santos Balimbing at nasugatan din ang driver ng sasakyan na hindi na pinangalanan.

Minalas namang tinamaan ng stray bullet ang bystander na si Angie Ganzaga.

Gayunman, hindi tinamaan ng bala si Rodriguez na nakaupo sa likurang bahagi ng sasakyan.

Agad dinala sa pinakamalapit na pagamutan ang mga biktima na nasa mabuti nang kalagayan habang nagsasagawa ng manhunt operation ang Calamba City Police Station sa mga suspek. (CYRILL QUILO)

Read More

RAPE SUSPECT NA PASTOR, HULI SA PNP-ZAMBALES

0

“EVIL acts cannot be shielded through forms of worship.”

Ito ang pahayag ni Zambales Provincial Director P/Col. Romano V. Cardiño matapos na madakip ng kanyang mga tauhan ang isang “lobo na nag-anyong tupa” na suspek sa paulit-ulit na panggagahasa sa menor de edad na tagasunod, pitong taon na ang nakalilipas, Ayon kay Col. Cardiño, dinakip ng Botolan Municipal Police Station, ang suspek na si Richard Gutierrez Elmin, pastor at church leader ng Jesus is the Christ Church Congregation, at residente ng Purok 1, Brgy. Palis (Loob Bunga), Botolan, Zambales.

Una rito nakipag-ugnayan, ang mga operatiba ng Bongabong Municipal Police Station, Oriental Mindoro Provincial Police Office-PRO4B, 305th RMFB3 at 1st PMFC-Zambales  PPO, para magsagawa ng law enforcement operation laban sa suspek na may nakabinbing kaso ng 5 counts of rape in Relation to RA 7610 (child abuse).

Si Elmin ay pakay ng arrest warrant na inisyu ni Hon. Harry D. Jamisola, presiding judge ng RTC Branch 41, 4th Judicial Region, Pinamalayan, Oriental Mindoro  at walang piyansang nirekomenda.

Base sa police record, noong taong 2015 ay ginahasa umano ng pastor ang isang alyas “Connie,” menor de edad na estudyanteng mula sa bayan ng Bongabon, Oriental Mindoro, isang parishioner  ng Jesus is the Christ Church Congregation kung saan pastor ang suspek.

Nang nasabi ring taon ay naisampa ng mga magulang ng biktima ang kaso hinggil sa umano’y paulit-ulit na panghahalay ng suspek sa biktima.

At nasundan pa ito ng ilang sexual advancements complaint laban sa suspek.

Upang makaiwas sa reklamong kinahaharap ay nagtago ang suspek hanggang sa matunton ng mga mga tauhan ni Col. Cardiño sa Purok 3, Brgy. Bancal, Botolan, Zambales sa tulong ng komunidad.

Ani Cardiño, “The intelligence logistics of PNP Zambales has always worked for us. We only execute based on the information we gather.

That’s where the cooperation of the community plays a very vital role in our mission to eradicate crimes.”

Dinala muna sa Dr. Florentino C. Doble Memorial Hospital ang suspek para sa medical examination bago dinala sa Botolan MPS at ikinulong sa kanilang lock-up jail. (JESSE KABEL)

Read More

SCHOOL OPENING ITINAKDA SA SEPTEMBER

0

INANUNSYO ng Department of Education na magbubukas ang klase para sa School Year 2021-2022 sa Setyembre 13, 2021.

Ito’y matapos aprubahan ni Pangulong Rodrigo Roa Duterte ang nasabing petsa mula sa tatlong petsa na inirekomenda ni Education Secretary Leonor Briones.

Una nang ipinanukala ng DepEd na magbukas ang klase sa Agosto 23 ngunit umani ito ng pagtutol sa hanay ng mga guro at mga estudyante habang ang pangalawa naman ay Setyembre 6, 2021.

“We thank the President for his full support to the delivery of quality basic education for the incoming school year,” ayon sa DepEd.

Kaugnay pa rin nito, ang school calendar para sa nalalapit na school year ay ipalalabas ng DepEd sa lalong madaling panahon.

Samantala, gaya ng nagdaang school year, ipatutupad ang blended learning para sa SY 2021-2022 dahil sa COVID-19 pandemic. (CHRISTIAN DALE)

Read More

P7.8-M MARIJUANA NASABAT SA KALINGA

0

TINATAYANG nasa P7.8-milyong halaga ng mga bloke ng marijuana ang nasabat ng mga awtoridad sa tulong ng impormasyon mula sa concerned informant na may ilegal na droga ang nakatakdang ibiyahe mula Kalinga patungong Cagayan.

Bunsod ng tip na nakalap, naglagay ng checkpoint ang iba’t ibang yunit ng pulisya sa Rizal, Kalinga base sa natanggap na impormasyon mula sa isang concerned citizen dahil sa umano’y planong pagbiyahe sa marijuana bricks.

Ipinabatid din ng tipster sa mga pulis na may tatlong sako ng marijuana ang nakatago sa kongkretong kanal sa Sitio Anonang, Barangay Road, Liwan West.

Sa kanilang pagbeberipika, natuklasan ng mga alagad ng batas ang mga abandonadong sako na naglalaman ng 53 piraso ng mga pinatuyong dahon ng marijuana at mga tangkay na ginawang bloke gayundin ang nasa 24 piraso ng mga dahon ng marijuana at tangkay na nakahugis tubo na tumitimbang ng 65.3 kilo at nagkakahalaga ng P7,836,000.

Dahil dito, inatasan ni Philippine National Police (PNP) Chief, Police General Guillermo Lorenzo T. Eleazar ang mga yunit ng pulisya na magsagawa ng checkpoint partikular na sa Cordillera region para maharang ang pagbibiyahe ng mga ilegal na droga at masakote ang mga drug courier.

Sinabi pa ni P/Gen Eleazar, nagpapatuloy pa ang imbestigasyon hinggil dito, “Inaalam natin kung saan galing at kung kanino dadalhin ang marijuana.”

Dagdag pa niya, “Hinihikayat natin ang publiko na patuloy na makipagtulungan sa pulisya para tuluyang masawata ang ilegal na droga,”. (JESSE KABEL)

Read More

4 ASG PATAY, 1 TIMBOG SA SAGUPAAN SA LAMITAN

0

APAT na kasapi ng teroristang Abu Sayyaf Group (ASG) ang napatay habang nadakip naman ang isa pa nilang kasamahan nang magsagupa ang mga kagawad ng PNP Special Action Force sa Barangay Balobo, Lamitan City, Basilan nitong Biyernes.

Sa report na natanggap ni PNP chief, Police General Guillermo T. Eleazar mula kay Special Action Force (SAF) Director MGen. Felipe Natividad, kinilala ang napatay na mga teroristang sina Baradi at Remie Ganie, Mando Morales at isang Jack Akalul habang arestado naman si Dawam Morales.

Ayon sa ulat, magsasagawa sana ng law enforcement operation sa bisa ng warrant of arrest ang mga tauhan ng PNP-SAF laban sa mga suspek para sa kasong murder, kidnapping at carnapping nang makipagbarilan ang mga ito sa mga pulis.

Ang nasabing Abu Sayyaf fighters ay pinaniniwalaang nasa ilalim ng pamumuno ni ASG sub-leader Radzmil Jannatul na pagsisilbihan sana ng arrest warrant.

Nakuha sa pinangyarihan ng engkwentro ang isang KG9 cal. 9mm submachine pistol, isang cal. 45 pistol, isang shotgun, isang cal. 30 at mga basyo ng bala mula sa iba’t ibang kalibre ng baril.

Pinapurihan naman ni P/Gen. Eleazar ang mga pulis na kasama sa operasyon subalit pinaalalahanan sila na manatiling nakaalerto sa posibilidad na paghihiganti ng mga lokal na terrorista. (JESSE KABEL)

Read More

Sa mga biyaherong mula sa ‘green countries’ QUARANTINE PERIOD IIKLIAN

0

INAPRUBAHAN ng Inter-Agency Task Force (IATF) ang listahan ng mga bansa/jurisdictions/territories na kinokonsidera bilang “Green” para sa layunin ng testing at quarantine protocols sa fully vaccinated individuals.

Sinabi ni Presidential spokesperson Harry Roque na kabilang dito ang mga bansang Albania, American Samoa, Anguilla, Antigua at Barbuda, Australia, Azerbaijan, Barbados, Benin, Bermuda, The British Virgin Islands, Brunei, Burkina Faso, Cayman Islands, Chad, China, Comoros, Cote d’ Ivoire (Ivory Coast), Curacao, Dominica, Eswatini, Falkland Islands, French Polynesia, Gabon, Gambia, Ghana, Greenland, Grenada, Hong Kong (Special Administrative Region of China), Iceland, Isle of Man, Israel, Laos, Liechtenstein, Mali, Malta, Marshall Islands, Mauritius, Federated States of Micronesia, Montserrat, New Caledonia, New Zealand, Niger, Nigeria, North Macedonia, Northern Mariana Islands, Palau, Romania, Saba (Special Municipality of the Kingdom of Netherlands), Saint Barthelemy, Saint Pierre and Miquelon, Singapore, Sint Eustatius, South Korea, Taiwan, Togo, Turks at Caicos Islands (UK) at Vietnam.

Simula Hulyo 1, mas maikling quarantine period na ang ipatutupad para sa mga uuwing Pilipinong nabakunahan abroad na galing sa maituturing na “green countries” o mga bansang sinasabing low risk sa COVID-19.

Pitong araw na lamang mula sa dating 10 ang ilalagi sa quarantine facility ng mga nakakumpleto na sa doses ng bakuna kontra COVID-19 sa mga tinaguriang green countries. (CHRISTIAN DALE)

Read More