HIGIT 500K PFIZER VACCINE DOSES PARATING

0

INAASAHAN ng Pilipinas na makatatanggap ito ng 562,770 Pfizer doses ngayong Biyernes ng gabi.

Ang shipment ay bahagi ng 40 million doses ng COVID-19 vaccines na binili ng gobyerno mula sa American pharmaceutical giant, ayon kay Presidential Spokesperson Harry Roque.

Ang delivery ay kinokonsiderang “ahead of schedule” taliwas sa naunang pahayag ni vaccine czar Secretary Carlito Galvez Jr. na ang delivery mula sa Pfizer ay magsisimula sa Agosto.

Ang supply agreement sa Pfizer ay “the biggest and most decisive deal we had for 2021,” ayon kay Galvez.

Sa kabilang dako, inaasahan din ng bansa na makatatanggap ito ng 1.5 million doses mula sa Sinovac, bukas, Hulyo 22 at isa pang 1 million doses mula sa Chinese drug maker sa darating na Hulyo 23, ayon kay Sec. Roque. (CHRISTIAN DALE)

Read More

DOH NAKAPAGTALA NG HIGIT 6K COVID CASES

0

PATULOY na nadaragdagan ang mga tinatamaan ng COVID-19 sa bansa matapos makapagtala ng 6,560 bagong kaso ang Department of Health (DOH) ngayong Biyernes.

Sa ulat ng DOH, hanggang 4:00 ng hapon ng Hulyo 21, umaabot na sa 1,524,449 ang total COVID-19 cases sa bansa.

Sa naturang kaso, 3.1% na lamang o 47,996 pasyente ang itinuturing pang aktibong kaso kabilang ang 92.1% mild cases, 2.6% naman ang severe, 1.84 ang moderate.

May 5,364 namang nadagdag sa mga gumaling kaya umaabot na ngayon sa 1,449,579 ang total recoveries sa bansa.

Ang mga nasawi naman ay nadagdagan ng 32 na naghatid sa kabuuang bilang ng death toll sa 26,874.

Read More

MAS MAHIGPIT NA MEKANISMO LABAN SA COVID-19, IPATUPAD

0

NANANAWAGAN ang ilang senador sa gobyerno na mas higpitan pa ang mga ipinatutupad na hakbangin laban sa COVID-19 upang maiwasang tumaas ang kaso ng Delta Variant sa dangerous levels.

Sinabi ni Senador Nancy Binay na hindi lamang ang mismong virus ang kailangang aksyunan dahil karugtong nito ang mga bagay na hindi na rin kontrolado.

Ipinaliwanag ni Binay na dahil sa patuloy na pagtaas ng COVID cases, napupuno ang mga pagamutan at tiyak na makadaragdag ng stress level healthcare workers ang mga bagong variants.

Umaasa si Binay na makahahanap ng mga paraan ang gobyerno upang protektahan ang mga healthcare workers na mas expose sa bagong variants.

Sinabi naman ni Senador Sonny Angara na dapat nang simulan muli ng gobyerno ang paglilimita ng mga tao sa loob ng mga in private establishments tulad ng mga shops, gyms, mga gusali at iba pang enclosed spaces.

Iginiit naman ni Senador Koko Pimentel na dapat ang taumbayan na mismo ang magdisiplina sa kanilang sarili at tiyaking lalabas lamang ng bahay kung mahalaga ang pakay.

Sa panig ni Senador Risa Hontiveros, iginiit nitong mahalagang palakasin pa rin ng Inter-Agency Task Force (IATF) ang testing at contact tracing program at ang genome sequencing.

Hinikayat naman ni Senador Kiko Pangilinan ang gobyerno na tumanggap na ng payo ng ibang eksperto sa ibayong dagat. (DANG SAMSON-GARCIA)

Read More

PAGTATAYO NG ‘BANGKO SA BARYO’ MAKATUTULONG VS PANDEMYA – SOLON

0

ISANG panukalang batas ang isinusulong ngayon ni Senador Grace Poe upang makapaghatid ng serbisyo ng pagbabangko sa kanayunan dahil parami nang parami ang mamamayan na gumagamit ng digital transaction sanhi ng alalahanin na mahawa ng COVID-19.

Sa pahayag, sinabi ni Poe, chairman ng Senate committee on banks, financial institutions and currencies, na kanyang pangungunahan ang isang virtual hearing sa Huwebes upang talakayin ang isang panukalang naglalayong magtayo ng “Bangko sa Baryo.”

Ayon sa mambabatas, layunin ng panukala na palawakin ang pagbabangko sa pamamagitan ng “cash agents” at magsilbi sa malawak na client base partikular sa lugar na may mababang kita at rural areas.

“Marami ang hindi nagbabangko dahil limitado o wala silang access sa serbisyo ng bangko na kailangan nila,” ayon kay Poe.

“Kapag nagbabangko na sila, makatitipid ng oras at salapi ang ating mamamayan habang nagiging aktibong kalahok sa ekonomiya na makatutulong sa kanila upang malampasan ang epekto ng pandemya,” giit pa ng senador.

Sa ilalim ng Senate Bill No. 1682 na inihain ng senador, gustong kalapin ni Poe ang mga “cash agents” tulad ng pinagkakatiwalaang convenience stores, parmasiyutiko at iba pang highly accessible retail outlets upang pagsilbihan ang hindi nagbabangko at hindi napagsisilbihang Filipino.

Aniya, sa pamamagitan ng cash agents, maaari nang makapagsagawa ang mamamayan ng ligtas na online, real time na withdrawal o deposit transactions sa kanyang sariling bank account, fund transfer, check encashment, bills payment at self-service transactions.

Dapat din tumanggap ang cash agents ng bayad para sa government institutions tulad ng kontribusyon sa Social Security System at premiums sa Philippine Health Insurance Corp., Pag-IBIG atbp.

Sinabi pa ni Poe na kapag mayroon nang “Bangko sa Baryo” matutugunan nito ang hamon sa madaliang paghahatid o pagbibigay ng tulong pinansiyal sa mamamayan kabilang ang mga nawalan ng trabaho o hanapbuhay sanhi ng krisis sa kalusugan.

“Cash aid, loans or any form of assistance can get faster to our people without having to travel long distances or wait in lines,” aniya.

Iginiit pa ng mambabatas na pinakamahalagang patakaran ang financial inclusion sa sa pamahalaan upang pangunahan ang empowerment, broad-based development at inclusive growth sa mga Filipino.

Maaring mag-aplay ang mga cash agent sa bangko at dapat magpakita na nakarehistro ang kanilang negosyo sa Pilipinas.

Bibigyan din ng panukala ng insentibo sa pamumuhunan at buwis ang cash agents na magtatayo ng negosyo sa kanayunan. (ESTONG REYES)

Read More

REELECTION BID SA 2022, KINUMPIRMA NI DE LIMA

0

KINUMPIRMA ni Senador Leila de Lima na muli siyang sasabak sa 2022 Senatorial Elections.

Sinabi ni de Lima na ang naranasang political persecution sa kanya ng Duterte administration ang nagtulak sa kanya upang ipagpatuloy ang pakikipaglaban sa kanyang mga adbokasiya.

Dahil anya sa kanyang hindi makatarungang pagkakakulong, mas naniniwala siya na kailangang isulong ang laban sa injustice at ipagtanggol ang human rights.

Sa kanyang open letter para kay Pangulong Rodrigo Duterte, sinabi ni de Lima na bigo ang administrasyon na tuparin ang mga pangako nito noong kampanya partikular ang kampanya laban sa droga, katiwalian at maging sa West Philippine Sea at sa ekonomiya.

Iginiit ng senadora na ang kampanya ni Duterte sa droga ay nakapokus lamang sa small time drug dealers at bigong sugpuin ang big time drug lords.

Habang sa kampanya anya kontra katiwalian ay kabaligtaran ang nangyari dahil pinagpiyestahan pa ang kaban ng bayan sa halip na gamitin ito sa mga prayoridad na programa.

Ejercito atubili

Samantala, aminado si dating Senador JV Ejercito na hindi pa siya desidido kung muling sasabak sa Senatorial race sa 2022.

Ito ay dahil sa posibilidad na muli silang magkakasabay na kumandidato ng kapatid na si dating Senador Jinggoy Estrada.

“I still have to make a decision because of the complicated circumstance I am in again, I am very thankful nonetheless,” saad ni Ejercito.

Sinabi ni JV na napatunayan na sa nakaraang eleksyon na mahirap ang laban kung magkasabay silang magkapatid.

Sa kabilang dako, nagpasalamat si Ejercito sa pag-eendorso sa kanya ni Senate President Tito Sotto at pagbilang sa posibleng line up ng Nationalist People’s Coalition.

“Would like to thank SP Tito Sotto for the trust and confidence for including me in the NPC line up. It’s probably because we had a very good working relationship during the 17th Congress and probably my performance and unblemished track record was the main factor why I am being considered by SP Sotto and by President Duterte himself in his initial list,” diin ni Ejercito.

Bukod kay Ejercito, nagpasalamat din sina Senate Majority Leader Migz Zubiri at Senador Joel Villanueva sa endorsement ni Sotto.

“I’m honored and humbled by the Senate President’s endorsement of my reelection bid. Nakita naman po nang ating Mahal na SP kung gaano po kami magtrabaho sa Senado na nagingibabaw sa aming grupo ang kapakanan nang taong bayan bago partido o sarili. Malaking karangalan po sa akin na maka kuha nang endorsement mula sa Nationalist Peoples Coalition bilang senator sa kanilang line-up,” diin ni Zubiri.

“Am so humbled and honored by the endorsement of SP Sotto and Sen Ping. Am sure it is not just because we have this special bonding kaming 3 as Andres Bonifacio club but because they have seen first hand our commitment and dedication when it comes to the work expected of a legislator,” pahayag naman ni Villanueva. (DANG SAMSON-GARCIA)

Read More

OFW REMITTANCES, PROTEKSYUNAN – POE

0

NANAWAGAN si Senadora Grace Poe sa financial institutions tulad ng mga bangko at money transfer company gayundin ng mga regulator na paigtingin ang pagbibigay proteksiyon sa mga remittance at money transfer ng overseas Filipino workers (OFW).

Batay sa Consumer Expectations Survey ng Bangko Sentral ng Pilipinas (BSP), lumabas na 96 porsiyento ng mga tahanang nakatatanggap ng mga remittance o padalang pera ay ginagastos ito sa pagkain at iba pang pangangailangan ng pamilya.

“Krusyal ang perang padala ng ating mga OFW para maitawid ang kani-kanilang pamilya at ang ating ekonomiya sa gitna ng pandemya. Ang patuloy na pagdaloy nito ay makapagpapagaan sa epekto ng pagkaunti ng foreign investment at paglabas ng salaping pambayad sa foreign debt,” saad ni Poe.

Sa datos ng BSP noong 2019, umabot sa $30.1 bilyon ang kabuuang remittance ng mga OFW.

Dahil naman sa epekto ng COVID-19 sa pandaigdigang ekonomiya, bahagyang bumaba ang remittance noong 2020 na umabot sa $29.9 bilyon.

“Mahalagang maprotektahan natin ang pera ng ating mga kababayan—hindi lamang ang padala nila mula sa ibang bansa kundi maging mga lokal na money transfer,” sabi ni Poe.

Mula nang tumama ang pandemya, marami pang mga Pilipino ang umasa sa remittance at money transfer mula sa kani-kanilang pamilya at kamag-anak para malagpasan ang kahirapan ng buhay.

Kaugnay nito, magsasagawa ng pagdinig ang Senate committee on banks, financial institutions and currencies na pinamumunuan ni Poe, kasama ang committee on labor, employment and human resources development, sa Huwebes, sa mga panukalang batas na magbibigay ng dagdag na proteksiyon sa mga remittance at money transfer ng mga OFW. (DANG SAMSON-GARCIA)

Read More

SAP FUND SA CALOOCAN IBIBIGAY NA

0

BIGLANG nag-anunsyo sa kanyang social media account si Caloocan City Oscar “Oca” Malapitan na mayroong Social Amelioration Program (SAP) pay-out sa lungsod.

Hulyo 16 nang ilabas ng ­alkalde na may manual pay-out mula sa lumabas na listahan ng mga pangalan na ­makatatanggap ng SAP second-month at waitlisted beneficiaries ng lungsod.

Ayon pa kay Malapitan, ang listahan ay ibinaba sa kanila ng Department of Social Welfare and Development (DSWD).

Ito ay mula sa mga nakaraang pay-out na unsuccessful at unclaimed ng GCash at Starpay.

Nakapaloob pa sa anunsyo ni Malapitan na ‘wag muna pumunta sa ­nabanggit na schedule ang mga residenteng wala sa listahan upang maiwasan ang pagdami ng tao sa venue para makaiwas na rin sa ­posibleng hawaan ng COVID-19.

Sa halip, antayin na lang nila ang susunod na anunsyo.

Ang biglang pag-anunsyo ni Malapitan sa SAP ay ­nagbigay ng kuro-kuro sa mga tao na resulta ito ng ­exposé ni Senador Emmanuel Pacquiao na may ­korapsyon sa SAP fund mula sa DSWD.

Matatandaang bago lumipad si Pacquiao patungo sa Amerika dahil sa laban niya kay Errol Spence Jr. ay bumanat siya laban sa ­administrasyong Duterte na tatlong beses na mas korap ito sa administrasyong Aquino.

Isa sa tinukoy ni Pacquiao ay ang distribusyon ng DSWD sa SAP fund.

Sinabi ni Pacquiao na P10.4 bilyon ang nawawalang pondo mula sa SAP.

Nasa 1.3 milyong benepisyaryo pa ang hindi ­nakatatanggap ng kanilang ayuda.

Iginiit ng boksingerong senador na may ebidensiya siya sa nawawalang pondo ng SAP.

Kaya, ngayon nagkukumahog ang DSWD na ipamahagi ang natitirang pondo na binanggit ni Pacquiao.

Dati nang maraming natatanggap na reklamo ang PUNA tungkol sa ‘di natanggap na 2nd tranche ng ayuda mula sa DSWD.

Matatandaang may lumabas ding mga balita na may natitira pang pera na bahagi ng SAP ng DSWD na kanila raw natipid.

Kaya, tama lang na hagupitin kayo ni Pacquiao dahil ang pondo na ‘yan ay nakalaan ­talaga sa mga ­pamilyang naghihikahos dahil sa ­pandemya.

Kaya, gusto ng mga tagasubaybay ng PUNA na ituloy ang exposé laban sa korapsyon ng mga ahensiya ng gobyerno.

Kung walang magbubulgar ng katiwalian at korapsyon ay hindi kikilos ang mga namumuno sa pamahalaan.

Dahil sa matinding korapsyon, maraming Filipino ang naghihirap.

oOo

Para sa suhestiyon at reaksyon, mag-email joel2amo-ngo@yahoo.com, o magtext sa 0977-7511840.

Read More

‘DI BA TALAGA KAYA ANG OIL COMPANIES?

0

ISA sa mga negosyo na hindi apektado sa panahon ng pandemya ay ang mga kumpanya ng langis dahil kahit lugmok ang mga tao dahil nawalan, kundi man mababawasan ang kanilang income, tuluy-tuloy ang kanilang lingguhang oil price increase.

Laging sinasabi ng mga oil company na nalulugi sila, pero ‘yung sinasabi nilang lugi ay ‘yung target na income na hindi nila nakuha dahil nalimitahan ang paggamit ng mga tao ng krudo dahil sa pagtigil ng ilang negosyo.

Katunayan, ang Petron ay nagdeklara ng P1.73 ­bilyong profit sa unang tatlong buwan ng taong kasalukuyan habang P1 bilyon naman sa Shell at tuluy-tuloy naman ang ekspansyon ng Caltex na indikasyon na kumikita sila kahit sa panahon ng pandemya.

Ang natamaan nang husto rito ay ang mga consumer sa kabuuan, hindi lang ang mga gumagamit ng krudo dahil mula Enero ay tumaas ng P11.85 kada litro ng gasoline, P10.20 naman sa diesel at P8.71 sa gaas, o kerosene.

Kung regular kang gumagamit ng diesel na nakakokonsumo ka ng 50 litro kada linggo, ang dagdag na gastos mo ay P510 kada linggo, o P2,040 kada buwan.
Masakit sa bulsa!

Kapag ikaw naman ay tsuper na ang hanapbuhay mo ay mamasada, malaking kabawasan ang halaga sa inyong kita imbes na iuwi mo sa pamilya mo, napunta sa gobyerno at mga oil company.

Pagdating naman sa palengke, mararamdam mo ang epekto ng oil price hike dahil tumaas ang presyo ng mga bilihin, lalo na ang pangkain at kapag tinanong mo ang tindera bakit tumaas bigla ang kanyang paninda, sasabihin sa ‘yo na nagtaas kasi ang presyo ng mga supplier dahil ipinatong nila sa kanilang paninda ang dagdag na gastos nila sa transportasyon dahil sa pagtaas ng presyo ng langis.

Ang ipinagtataka ko lang ay tahimik ang gobyerno kapag tumataas ang presyo ng langis at sila pa ang nagbibigay katuwiran kapag may nagaganap na oil price increase na tila spokesman ng oil companies.

Mismong si Pangulong Rodrigo Duterte ang nagsabi na galit ito sa oligarkiya, pero nagtataka ako bakit hindi magamit ang kanyang tapang sa mga oil company na nabibilang din sa oligarkiya.

Inutusan ng gobyerno ang oil companies na i-unbundle ang gastos nila para malaman kung overprice ba, o hindi, ang kanilang mga produkto, pero tinutulan ng mga oil company dahil malalaman ang business secret daw nila, pero hindi ginamit ng ­gobyerno ang kanilang power dahil tumahimik na sila, kaya ang tanong: Hindi ba talaga kaya ang oil companies?

Read More

‘COSA’ KOLEKTOR SA IMMIGRATION

0

NAPAKAPALAD naman ng isang nilalang na matatagpuan sa Bureau of Immigration (BI) dahil kundi papel ang hawak nito, pera.

Akala mo tuloy kubrador sa jueteng ang taong ito na tawagin nating “Cosa”.

Pero, hindi siya kubrador ng jueteng, o anumang ilegal na sugal dahil bawal ito sa BI.

Ayon sa tao na masasabi nating kabisado ang BI, si alyas Cosa ay kolektor daw sa BI.

Pokaragat na ‘yan!

Ang kinokolekta ng nasabing Cosa ay pera mula sa ilang nagtatrabaho sa BI.

At ipinapadala raw ang kanyang nakukolekta sa kanyang ‘amo’ na opisyal sa BI.

Pokaragat na ‘yan!

May pautang ba ang amo ni alyas Cosa?

O, mayroong pahulugan ang amo ni Cosa?

Ayaw sabihin ng source kung ano ang eksaktong trabaho ng naturang Cosa sa BI.

Ito’y dahil kahit siya ay nahihiwagaan sa taong ito.

Basta, ang malinaw sa source ay “kolektor” si alyas Cosa.

Siyempre, kolektor ng pera!

Tiniyak ng source na hindi beterano si Cosa sa BI.

Ngunit, marami nang nakapapansin sa kanya dahil natumbok ang padron ng kilos ni Cosa.

Pokaragat na ‘yan!

Madalas daw makita si Cosa sa opisina ng isang opisyal pagkatapos na puntahan ang maraming opisina sa loob ng BI.

Ang inilahad ko ay siyang impormasyong ipinarating ng source sa BADILLA Ngayon makaraang mapansin niyang ilang ulit na ring naisisiwalat at nababatikos dito ang iba’t ibang katiwalian at korapsyon sa BI mula nang maupo si Jaime Morente bilang komisyoner ng ahensiya.

Si Morente ay retiradong heneral mula sa Philippine National Police (PNP) na itinalaga ni Pangulong Rodrigo Duterte sa BI, palagay ko dahil sa ­sobrang tiwala ng pangulo kay Morente.

Matagal ding nagsilbi si Morente sa Davao noong aktibong pulis pa ito.

Palagay ko, tapat at masipag si Morente nang maging opisyal ng PNP sa teritoryo ni Duterte.

Kaya, kahit retirado na, pinalad si Morente dahil binigyan siya ng posisyon na kinaiinggitan ng ibang naging opisyal ng PNP.

Kaparehas din si Morente nina Royina Garma ng Philippine Charity Sweepstakes Office (PCSO) at Isidro Lapeña na nagtagal sa Bureau of Customs (BOC) bago naging hepe sa Technical Education and Skills Development Authority (TESDA).

Sabi ng source, napansin nila si alyas Cosa sa BI ngayong panahon ni Morente.

Ngunit, hindi niya alam kung naging parte ng BI si alyas Cosa nang dahil kay Morente.

Maliban diyan, mayroon daw ‘abogado’ sa tanggapan ni Morente.

Ang problema, hindi alam ng source kung ano ang eksaktong trabaho ng sinasabing abogado sa tanggapan ni Morente.

Ang pakiramdam ng source, hindi ‘lehitimong’ ­empleyado ng BI ang nasabing abogado.

Marahil, ‘bisita’ ni Morente – bisita ang sabi at hindi ‘buwisita’!

Pokaragat na ‘yan!

Ang totoo, tanging si Commissioner Jaime Morente ang makapagpapaliwanag nang maayos hinggil sa katotohanan ng sinasabing abogado.

oOo

CP: 09985650271 / Viber #: 09457016911

Read More