BUMUO na ang Department of Environment and Natural Resources (DENR) ng Task Force Naujan Oil Spill kasunod ng emergency meeting nito sa Philippine Coast Guard (PCG), at kina Oriental Mindoro Governor Bonz Dolor, at Naujan Mayor Henry Joel Teves. Itinalaga naman ni DENR Secretary Maria Antonia Yulo Loyzaga si Undersecretary at Chief of Staff Marilou Erni bilang Task Force Commander. Si Undersecretary Erni ay naging corporate ground response coordinator sa nangyaring Guimaras Oil Spill noong 2006. Ang Philippine Coast Guard (PCG), partikular ang Marine Environmental Protection Command, ang lead agency…

NAIBABA na ang tatlo sa apat na mga namatay sa pagbagsak ng Cessna plane sa Camalig, Albay. Ayon kay Incident Commander at Camalig, Albay Mayor Mayor Carlos Baldo Jr., dakong alas-7:30 noong Miyerkoles ng gabi nang maibaba ang unang labi sa sentro ng Camalig, Albay. Pasado ala-una naman nitong Huwebes ng madaling araw naibaba ang pangalawa at bandang alas-tres ng madaling araw naman ang ikatlong labi. Sa kabila nang pahirapang pagbaba sa mga labi ng mga biktima, maituturing umano ni Mayor Baldo na maayos na naipatupad ang naturang operasyon. Ayon pa kay Baldo, ang…

CAVITE – Makaraang masuspendi, luminya umano sa pagtutulak ang isang pulis subalit minalas na naaresto at nakumpiskahan ng P40,000 halaga ng shabu sa buy-bust operation sa Imus City noong Miyerkoles ng gabi. Kinilala ang suspek na si Patrolman Albert Lorenz Parnala Reyes, 34, dating nakatalaga sa Philippine Drug Enforcement Unit (PDEU)-Cavite. Ayon sa ulat, dakong alas-9:50 ng gabi nang makipagtransaksyon ang suspendidong pulis sa isang poseur buyer sa Brgy. Malagasang 1-F, Imus City, Cavite na nagresulta sa pagkakaaresto sa suspek. Nakumpiska sa suspek ang 20 gramo ng hinihinalang shabu na may…

QUEZON – Tatlo ang patay kabilang ang dalawang babae, sa magkasunod na insidente ng pamamaril sa bayan ng Sariaya at sa Lucena City sa lalawigang ito, noong Miyerkules ng gabi. Ayon sa report ng Quezon Police Provincial Office, unang napatay ang biktimang si Eva Magtibay Quirante, 56, residente ng Barangay San Isidro, Candelaria, matapos na pagbabarilin ng hindi kilalang suspek sa Sitio Hacienda Marquez, Brgy. Manggalang, Bantilan, Sariaya dakong alas-7:00 ng gabi. Ayon sa asawa ng biktima, nakarinig siya ng ilang mga putok ng baril hindi kalayuan sa kanilang bahay at nang…

NASA kamay na ng pulisya ang anim sa umano’y 18 sangkot sa hazing na ikinamatay ng Adamson University student na si John Matthew Salilig. Ikinustodiya ng Biñan City Police ang anim matapos  na positibong ituro ang mga ito at ireklamo ng isa ring biktima ng hazing na si Roi Osmond Dela Cruz, 22, 1st year Political Science student ng Adamson University at residente ng Tondo, Manila. Batay sa report ng Biñan City Police, si Dela Cruz ay isa sa apat na sumailalim sa hazing noong Pebrero 17 sa isang bahay Barangay Casile, Biñan City, kasama…