UMABOT na sa P14.60 milyon ang nalugi habang 477 magsasaka ang naapektuhan sa ‘volume of production loss’ na 500 metric tons sa 616 ektarya ng agricultural areas sa SOCCSKSARGEN at Caraga Regions.
Kabilang sa mga naapektuhan ang palay at mais na sa kasalukuyan ay isinasailalim pa sa validation kung magkano ang eksaktong halaga ng pinsala.
Napag-alamana na ang Bagyong Dante ay patuloy sa pangkalahatang paggalaw sa northwestward at malapit sa bisinidad ng Oriental Mindoro o ang southwestern portion ng Batangas bago lumiko patungo sa northwestward at muling nag-landfall sa Bataan noong Miyerkoles ng gabi.
Ito ay patungo sa Zambales at Pangasinan area at papunta sa West Philippine Sea bukas ng umaga.
Ang nasabing tropical storm ay may forecast na pananatilihin ang lakas hanggang sa bumagsak sa kalupaan ng mainland Luzon.
Kaugnay pa nito, dahil sa mga dadaanan nitong terrain sa mainland Luzon ay magpapahingan ang bagyo bago tuluyang maging tropical depression.
Mula ngayon hanggang bukas ng umaga, ang Bagyong Dante ay magdadala ng moderate hanggang heavy rain sa Zambales, Bataan, Tarlac, Pampanga, Bulacan, Metro Manila, CALABARZON, Romblon, Marinduque, Occidental Mindoro, Oriental Mindoro, northern portion ng Palawan, Aklan, Antique, Capiz, Iloilo, Guimaras, at Negros Occidental.
Samantala, ang tropical storm ay magdadala rin ng light hanggang moderate rain sa ilang bahagi ng Central Luzon, Benguet, Nueva Vizcaya, Quirino, ilang bahagi ng MIMAROPA, Negros Oriental, at Cebu, kabilang ang Camotes at Bantayan Islands. (JOEL O. AMONGO)
107 
