120 BRAND NEW ACs SA MRT-3 IKINABIT NA

mrt3

(NI KEVIN COLLANTES)

IPINAGMALAKI ng Department of Transportation-Metro Rail Transit Line 3 (DOTr-MRT-3) na madarama na ng mga pasahero ng kanilang mga tren ang lamig ng panahon na nararamdaman ng mga Pinoy tuwing nalalapit na ang panahon ng Kapaskuhan.

Ito’y matapos na maikabit na ang 93 bagong air-conditioning units (ACU) sa mga bagon nito.

Ipinagmalaki ng DOTr na noong nakaraang taon nila sinimulang ikabit ang mga bagong ACUs at natapos ang pagkakabit ng mga ito sa kanilang mga bagon ng MRT-3 nito lamang Agosto.

Sa kabuuan anila ay ay may 120 brand new ACUs na nagkakahalaga ng halos P167-M ang binili ng Sumitomo-MHI-TESP sa ilalim ng komprehensibong rehabilitasyon ng MRT-3.

Layunin nitong mapahusay pa ang ipinagkakaloob na serbisyo ng MRT-3 sa kanilang mga train commuters.

Ang MRT-3 ay bumabagtas mula sa North Avenue, Quezon City at Taft Avenue, Pasay City via EDSA.

 

248

Related posts

Leave a Comment