KINILALA ng Villar Foundation ang 12 natatanging kooperatiba mula sa iba’t ibang rehiyon ng Pilipinas dahil sa kanilang mahahalagang kontribusyon sa pagbabawas ng kahirapan at pagpapaunlad ng komunidad. Ang seremonya ay ginanap sa Lungsod ng Las Piñas nitong ika -12 ng Disyembre.

Bawat isa sa 12 ginawaran ay tumanggap ng tropeo ng pagkilala sa kanilang mga tagumpay at cash prize na P250,000.00 upang suportahan ang mga susunod pang inisyatiba na makikinabang ang kanilang mga komunidad.

Ito na ang ika-12 taon ng Villar Foundation sa pagbibigay ng gantimpala sa mga natatanging kooperatiba para sa kanilang mga kontribusyon sa pagpapaunlad ng komunidad at pagbabawas ng kahirapan. (DANNY BACOLOD)