ISANG Philippine Air Force fighter plane ang bumagsak kahapon ng umaga sa Pilar, Bataan at iniulat na may dalawang casualties na sakay, ayon sa hukbong panghimpapawid at Bataan PNP.
Ayon kay Air Force spokesperson, Col. Ma Consuelo Castillo, isang SF 260TP Marchetti aircraft ang bumagsak bandang alas-10:34 ng umaga habang nagsasagawa ng recurrency/training flight sa area ng Pilar mula Sangley Point.
May dalawang tauhan ng PAF ang sakay ng nasabing attack aircraft na nasa ilalim ng PAF 15th Strike Wing subalit tumanggi munang kilalanin ni Col. Castillo ang dalawang piloto at kung ano ang kanilang kondisyon
“The sf260 aircraft from sangley, it was on a recurrency training and that there were two pilots involved. Unfortunately we cannot give details more than that, the investigation is ongoing,” ani Col. Castillo.
Ayon sa ulat ng Pilar Municipal Police Station, bumagsak sa palayan ang nasabing fighter plane sa Sitio Tabon, Brgy. Del Rosario, sa bayan ng Pilar, at sakay nito sina Captain Ian Gerru C. Paulo at John Paulo O. Aviso.
Nabatid na nakatanggap ng tawag ang Pilar MPS hinggil sa nangyaring plane crash.
Agad nagresponde ang mga pulis sa crash site. “Immediately personnel of this station responded to the crashed site and found out an air force plane with number 29 crashed in the middle of the field with two (2) pilots both servicemen of Philippine Airforce still inside the cockpit,” ayon sa police report.
Sinasabing nasaksihan ng ilang residente ang mabilis na pagbulusok ng eroplano sa palayan hanggang sa bumagsak ito.
Kaugnay nito, bilang standard precautionary measure at habang nagsasagawa ng pagsisiyasat sa sanhi ng plane crash, ay pansamantalang grounded muna ang lahat ang kanilang PAF SF 260 aircraft. (JESSE KABEL RUIZ)
142 
