CAVITE – Nasa kustodiya na ng City Social Welfare and Development (CSWD) ang dalawang senior high school student, habang dinala sa pulisya ang isa pa nilang kasamahan makaraang madakip sa ikinasang buy-bust operation sa Gen. Trias City sa lalawigan nitong Huwebes ng madaling araw.

Kinilala ang mga suspek na sina alyas “Artek, 16, “Waldi”, 14, at alyas ‘Bugoy’, pawang mga residente ng Brgy. San Francisco, Gen. Trias City.

Ayon sa ulat, dakong alas-2:40 n ng madaling araw, nakipagtransaksiyon ang mga suspek sa poseur buyer sa ikinasang operasyon ng mga operatiba ng Drug Enforcement Unit (DEU) ng Gen. Trias CPS, sa Brgy. San Francisco, Gen. Trias City, Cavite na nagresulta sa pagkakaaresto sa mga ito.

Nakumpiska mula sa mga suspek ang apat na sachet ng hinihinalang pinatuyong dahon ng marijuana na 2.80 gramo ang timbang, may market value na P338, at buy-bust money.

(SIGFRED ADSUARA)